قهوة المخربشين (5)

[جناب العمدة]

عمرو باشا .. من عنية الدبايح تجهز فى خلال شهرين مش اكتر
والطيور انت عارف الانفلونزا بقه .. بلاش منها .

مساء الخير عتاب .. منورة .

[عتاب]

مساء الخير يا جناب العمدة
سمعت ان فيه دبايح بس ماشوفتش حاجة
انا مستنية هههههه

[فراق84]

المشاركة الأصلية بواسطة amr_miza1

المخربشين الحلوين .. نهاركم سعيد

ضحى .. ربنا يعدى الامور على خير ان شاء الله

جناب العمدة .. عليك تأخير يومين ولازم تعزمنا .. دى الغرامة بتاعة الغياب

اهلا بابن البلد

فراق .. انتى فعلا معاكى حق الحياه دلوقتى بقت اسرع بكتير جدا والواحد لو مشى براحته مش هيحصل الباقى ..



بصراحة الشباب دلوقتى ممكن يكون طوح اكتر لكن مش مثقف زى زمان ولا متعلم زى شباب زمان
اذكر ان خالى وهو فى الثانوية هو واصدقائة كانوا بيخرجوا فى المظاهرات ويدخلوا المعتقلات ..
مين دلوقتى بيعمل كدا ويهتم بالشكل دا ..

لكن على كل حال فأنا موافقك بالنسبة لرأيك بالموضوع واعزمينى على كوباية حلبة

عتاب ..نقطة مهمة جدجا موضوع عدم الاستعجال دا .. بس هل افهم من كلامك ان فيه فرق بين الطموح والاستعجال ؟؟
وهعزمك على حلبة فراق ..

باقى المخربشييييييييين انتو فين !!..!!

هما صحيح اهل زمان كانو كدة
بس الشباب عندهم دلوقتي وعي اكثر
دينيا
واجتماعيا
وثقافيا
مش عارفة انا حاسة كدة
يمكن في شباب خربانين
بس الاغلبية احسن من زمان بكتير
لانو زمان كان العلم صعب
وقلة جامعات
واللي يخلص ثانوية عامة
يمسك الوزارة

على العموم دا مجرد راي
اما على الحلبة
اطلب واتمنى
انتا وكل اللي بالقهوة
هو حسابي بقى كم؟

[عتاب]

ده انتي كده حسابك هايتقل اوي يا فراق
عازمة كل اللي في القهوة . ههههههه
طيب انا عايزة ايس كريم وشاي خفيف سكر خفيف و .......
هافكر وارجع اطلب تاني .. ماهو كله على حسابك
وابو بلاش كتر منه

[عتاب]

عمرو
اكيد طبعا فيه فرق بين الطموح والاستعجال
الطموح بيدفعني للامام غالبا اما الاستعجال بيدفعني للخلف
الطموح بيخليني اخطط لكل خطوة من بلها وادرسها كويس لاني عايزة اوصل وابقى مهمة
اما الاستعجال بيخليني اعمل الخطوات بدون دراستها جيدا
بيكون في بالي اني اوصل بسرعه وبس

على فكرة مش بشرب الحلبة بس عشان خاطرك هاشربها عشان تدفع تمنها هههههه

[فراق84]

المشاركة الأصلية بواسطة عتاب

ده انتي كده حسابك هايتقل اوي يا فراق
عازمة كل اللي في القهوة . ههههههه
طيب انا عايزة ايس كريم وشاي خفيف سكر خفيف و .......
هافكر وارجع اطلب تاني .. ماهو كله على حسابك
وابو بلاش كتر منه

اجيب فلوس لكل دا منين
بس ولا يهمك
احنا كم عتب عنا
اطلبي واتمني
فراق

[عتاب]

ربنا مايحرمنيش منك يا جميل
عايزين نتكلم في موضوع لحد الناس ماييجوا
قوليلي
عرفتي المنتدى ازاي؟؟ ومين اول شخصية اتعرفتي عليها هنا؟؟

[فراق84]

المشاركة الأصلية بواسطة عتاب

ربنا مايحرمنيش منك يا جميل

المشاركة الأصلية بواسطة عتاب

عايزين نتكلم في موضوع لحد الناس ماييجوا
قوليلي
عرفتي المنتدى ازاي؟؟ ومين اول شخصية اتعرفتي عليها هنا؟؟

انا كنت عاوزة اتعلم اكتب خواطر
وانا كتبت بجوجل
اكبر منتدى مصري
لاني بحب المصريين اوي
وطلع المنتدى اول حاجة


واول ما سجلت استغربت من الاسلوب الترحيبي الجميل
مع اني سجلت بمنتدى تاني بنفس الوقت
بس المنتدى التاني كان سيء جدا
الترحيب هو اللي شجعني


ودخلت عالم حبر وورقة
وبديت اكتب ..خرابيش
انا اعتبرها الان ...كلمات بسيطة جدا
يمكن لسة ما اوصلتش اللي عاوزاه
بس اول كتاباتي كانت بالفعل رديئة
والحمد لله هنا اتعلمت كتير

اول ناس اتعرفت عليهم
رواد حبر وورقة بالاخص
وكتير ناس تانية
وانا غالب الناس هنا بديت اعرفهم من ردودهم اكتر من الاحتكاك معهم
وبصراحة انتي اولهم
لم يسبق لي التعرف عليك
وانا سعيدة اني دلوقتي بتكلم معاكي

بس برنامج اجمل خمسة الساعة خمسة
عرفني بكل الموجودين
وكانو علية وحدة
وحبتهم اوي

انتي بقى قوليلي
اتعرفتي عليه ازاي
ومين اول ناس عرفتيهم!!

فراق

[عتاب]

انا اتعرفت عليه عن طريق (مستكة )
هي صديقة من النت اتعرفت عليها وبعد فترة من معرفتنا حاولت تعرفني على المنتدى
في البداية مكونتش مرحبة بالموضوع لاني مكونتش اعرف يعني ايه منتدى الا من خلال روضة الاخوات في عمرو خالد
وطبعا روضة الاخوات كلها بنات فكنت باشارك براحتى
وكان صعب عليا اشارك في منتدى مشترك
بس هي فضلت تلح عليا لحد ما دخلت واشتركت
كنت باشارك على استحياء لحد ما لقيت فعلا ناس كتير بيشجعوني
بدايتي كانت اغلبها مواضيع منقولة في ضحك ولعب
وقليل لما كنت اكتب بنفسي .. بس لما كتبت لقيت تشجيع كبير واستمريت
اتعرفت على ناس كتير لفتوا انتباهي اول ما دخلت اولهم ميسم ومحمد حسين ودكتور لونلي وناس كتار اوي اغلبهم غايبين دلوقت

[فراق84]

بس بجد انا حسيت انو منتدى جميل
لانو الكل بيسأل عن التاني فيه
وجتى قسم حبر وورقة
فيه متميزين جدا
شكرا لك علم ابن مصر
واهلا وسهلا فيكي عتاب
اسعدني الحديث معكي
فراق

[عتاب]

انا اسعد يا حبيبتي

نفتح موضوع تاني
كل واحد فينا درس حاجة معينة وفينا اللي اشتغل وفينا اللي لسه
ياترى دراستك او شغلك أثروا على حياتك ازاي
بمعنى تاني.. ايه اللي اتعلمته من دراستك او من وظيفتك ؟؟ (بعيدا عن العلم اللي في الكتب طبعا )

[فراق84]

ياااه اتعلمت كتير
ايام الدراسة ..
كانت كانها مجتمع مصغر
عرفت البشر بجميع انواعها
وانجرحت كتير
واتاذيت
بس اتعلمت
ومن اللي اتعلمتو
رضى الناس غاية لا تدرك
ومن راقب الناس مات هما
واتعلمت الصبر ..بعد طول الدراسة
تعلمت البحث دوما
تعلمت انو الساكت عن الحق شيطان اخرس

معلش هي نظرة سوداوية للناس
بس التجارب خلتني كدة
انتي رايك ايه
وايه اللي اتعلمتيه

[duha]

مساء الخير
مساء الامن والسلام عليكم جميعا
اهلا عتاب
اهلا فراق
يارب تكونو بخير

[فراق84]

اهلا وسهلا يا ضحى
اخبارك ايه؟
طمنينا عنك
فراق

[عتاب]

انا برده اتعلمت حاجات كتير من الدراسة
وان كان على الاذى اللي الواحد اتعرضله ماتعديش
وخصوصا ان التفوق اوقات بيعود بالسلب على علاقتك بالناس
اتعلمت اني اعمل لوجه الله لاني لو هاعمل للبشر يبقى ماحدش يستاهل حاجة
بس من خلال دراستى في كلية علوم
اتعلمت الدقة في كل شيء
انتي عارفة بقا المعامل وشغلها هههههههه
اتعلمت ارتب افكاري باسلوب علمي
اتعلمت افكر كتير ماخدش اي حاجة زي ماهي كده وخلاص
يمكن ده شيء بيضايقني اوقات لاني بحس اني بفكر في حاجات واحللها مع اني ممكن اعديها
اما الشغل اتعلمت منه انك لا تستطيع ارضاء كل الناس كل الوقت
اتعلمت ان المطالبه بالعدل صعب وتحقيقه اصعب
اتعلمت العصبية والنرفزة بسبب كثرة التعامل مع الطلبة
اتعلمت الرغي بسبب غرفة المدرسات هههههههه