قهوة المخربشين (5)

[عتاب]

المشاركة الأصلية بواسطة duha

مساء الخير
مساء الامن والسلام عليكم جميعا
اهلا عتاب
اهلا فراق
يارب تكونو بخير

مساءك سكر
ازيك يا حبيبتي
يلا اعترفي وقوليلنا اتعلمتي ايه من دراستك ؟؟
والدراسة أثرت عليكي في ايه ؟؟

[نيهال]

السلام عليكم ورحمه الله وبركاته


ازيكم يا شباب وبنوتات المنتدى


حقعد شويه على جنب لغايه ما اشرب زبادو االخوخ بتاعى على رواقه


راجعه تانى علشان اقعد مع اصدقائى لانكم وحشتونى جدا جدا جدا

[عتاب]

وعليكم السلام ورحمة الله وبركاته
اهلا يا نيهال
منورة القهوة
مستنيين رجوعك ولو اني شكلي كده هامشي قريب

[amr_miza1]

ازيكم يا مخربشين .. عاملين ايه .. ان شاء الله تكونوا بخير

ضحى
عتاب
فراق
نيهال

وباقى المخربشين .. علساكم بخير

بخصوص بداية دخولى المنتدى كان عن طرق الاستاذ ( جووجل ) ودخلت تقريبا للقسم الرياضى فى البداية ..
وحصل سوء تفاهم أو خطأ بينى وبين احدى العضوات بالمنتدى وعلى خلفيته اتعملى بان لمدة اسبوع رغم انى شايف ان الموضوع مكنش يستحق البان ..
سجلت بنفس الاسم لانى محبش ابدا انى اتخفى بأسماء اخرى ..
المهم انى دلوقتى بين اخواتى واصحابى وتجمعنى بيهم صلة قوية جدا وكلها احترام .


بخصوص دراستى فكانت برغبتى انى ادخل اداب .. لكن كان نفى ادخل لغات انجليزى او فرنسى ومجموعهم مساعدنيش على كدا ففضلت اللغة العربية عن باقى الاقسام لانى فعلا بحبها .
اتعلمت من دراستى حاجة حلوة اوى هى انى اتكلم بشكل منطقى ومختصر بدون اسهاب مالوش داعى
الى جانب تعلم اللغة فى حد ذاته يعتبر كنز , رغم انى لازلت اعترف انى لا امتلك سوى القشور .

العمل بقى فى المؤسسات المدنية واسع جدا وشامل حاجات كتيرة اهمها المواطنة والمشاركة المجتمعية ومصر من اولى الدول اللى بطبقها ولكن هى فى خطر الايام دى وكلها محاولات للمحافظة على هيئة مجتمعنا والمشاركات المدنية او المواطنة بصفة خاصة


ليمووووون يا سنقر وحياة والدك .. وابقى سلململمملى على عم صبحى واحشنى

[Ebn elbalad]

السلام عليكم ورحمة الله وبركاته

افتح حاجة ساقعة يا صبحى .. بس تكون شويبس عشان أنا مقاطع

أنا عندى فكرة موضوع هى مقتبسة وممكت تكونوا عارفينها لكن أنا طورت فيها شوية .. الفكرة إنى هعمل موضوع اسمه يوم فى المنتدى وهسرد فيه مجموعة من القصص الخيالية من تأليفى وهيكون أبطالها هم .. أعضــاء المنتدى .. بس مش أى قصص بقى

يارب الفكرة تعجبكم وإن شاء الله هأضيف الموضوع فى القاعة العامة

سك ع الشويبس يا صبحى لحد ما ارجع
ابن البلد

[H.E.R.O]

السلااااااااااااام عليكم
ازيككككككم يا كل المخربشين
آسف علي بعدي عنكم
بس ماكنش مععايا فلوس ادفع المشاريب ههههههههههه
كنت علي الحديدة
فسمعت ان اسعار الحديد غليت رحت بعتها والحمد لله معايا دلوقتي هههههههههههه

ولا يا سنقر كبااااااية ماية

منورين القهوة
ويا ريت تقوليلي موضوع النقاش علشان انا مش هينفع خااالص اقلب الصفحات اللي ورا

[فراق84]

اهلا وسهلا ابن البلد
فكرة جميلة
انتظر تطبيق الفكرة
فراق

[فراق84]

اخي هيرو بالبداية كنا بنقول اتعرفت على المنتدى ازاي؟
واتعلمت من دراستك ايه من الناحية الحياتية مش العلمية؟
واخر حاجة فكرة ابن البلد
واهلا وسهلا فيك
فراق

[Ebn elbalad]

تم إضافة الموضوع

أهلا بيك يا هيرو منور القهوة والله

اتعرفت على المنتدى من خلال محرك البحث (جوجل) وسبحان الله أنا كتبت كلمة (ابن مصر) فى محرك البحث مش عارف ليه ساعتها بس طلع المنتدى فى نتائج البحث قلت أدخل مش هخسر حاجة .. لقيته فعلا منتدى متميز قلت أنا لازم أكون من أعضاء المنتدى ده والحمد لله فى فترة قليلة جدا عرفت أعضاء كتير وكمان فى أعضاء عرفتنى خصوصا فى القهوة هنا ..

أما بالنسبة للدراسة ولإنى لسا فى أول طريق الدراسة العملية لكن أنا اتعلمت حاجة مهمة .. اتعلمت إن القدرة العقلية للإنسان غير عادية .. فعلا لو الإنسان استغل قدراته العقلية ومهاراته فى التعامل يسود العالم بلا شك .. لما دخلت الكلية فى أول أيامها مكنتش فاهم حاجة خالص .. لكن لما بدأت اندمج مع جو الكلية بقيت فعلا استمتع بكل كلمة يقولها الدكتور .. لو استفدنا فى حياتنا بفكرة استغلال الفرص والاستمتاع بكل ما نفعله من صواب فعلا هتكون حياتنا فى منتهى السعادة
ابن البلد

[نيهال]

صباح الخيرات


النسكافيه المظبوط يا عم صبحى الله يخليك


بالنسبه
لسؤال عتابكل واحد فينا درس حاجة معينة وفينا اللي اشتغل وفينا اللي لسه
ياترى دراستك او شغلك أثروا على حياتك ازاي
بمعنى تاني.. ايه اللي اتعلمته من دراستك او من وظيفتك ؟؟

اتعلمت كتير من شغلى واحتكاكى ببشر تانيين غير اهلى واصحابى
لانى حتى فى الكليه كان الجروب بتاعى بنات هاديه جدا واطيب ناس قابلتهم فى حياتى
فلما اشتغلت كان اول احتكاك ليا بالبشر فعلا
اتعلمت ان الناس مش كلها طيبه

فيه ناس بتحب نفسها قوى وتكره الخير للى معاها
اتعلمت ارد على اللى قدامى منغير ما اخاف من رده فعله......بدل انا على حق ومش حاجرحه
اتعلمت كمان انى اشغل موقع باكمله بيتكون باكثر من 30 عامل على الاقل.....منغير صوت عالى ولا انى اكون زى الولاد

لدرجه انهم كانوا بيعملوا اللى انا عايزاه مع انهم بياخدوا مرتبعهم من المقاول وانا استشارى فقط


شويه حرجع تانى ان شاء الله

[omarr]

كل واحد فينا درس حاجة معينة وفينا اللي اشتغل وفينا اللي لسه
ياترى دراستك او شغلك أثروا على حياتك ازاي ؟؟!!

بمعنى تاني.. ايه اللي اتعلمته من دراستك او من وظيفتك ؟؟

عتاب ..

الدراسه :

انا درست لغه ايطاليه فى كليه الألسن .. طبعا كانت خبره الجامعه من الخبرات الأساسيه

اللى كان لها تأثير مباشر وعميق على كيانى كله .. كانت 4 اعوام طاروا طيران ولم اشعر بهم

كانت ايام حلوه وجميله .. تعلمت لأول مره الأختلاط بالبنات .. والتقرب الى هذه العالم

تعلمت مبادىء اللغه الإيطاليه .. كانت فتره انتقاليه بين الثانويه العامه والمراهقه و بين

اول مرحله الشباب .. وفى اخر سنه التزمت واصبحت متدينا جدا ..كانت خبره علمتنى

اشياء كثيره ..



العمل :

بكل بساطه العمل هو الذى اعطانى جميع المهارات التى اعرفها .. إتقان للغه .. العمل فى مجال

السياحه .. السباحه .. الغطس ..قياده السيارات .الكمبيوتر . النت .. زياره معظم الأماكن الهامه

فى مصر .. الأحتكاك الثقافى مع اروبا من خلال صدقاتى وعلاقاتى بالوافدين الينا .. العاملين

معنا او السائحين .. إداره الشركه ومعرفه كيفيه التصرف مع انواع عديده من البشر

تفريغ الطاقات .. تكوين صداقات طويله المدى مع بعض الأشخاص .. تعلم الأبتكار

الرقى الأجتماعى ..


العمل حياتى ...احب مجال عملى وكأنى خلقت لها ..

[Ebn elbalad]

السلام عليكم ورحمة الله وبركاته

تحية لكل رواد قهوة الخربشة .. يارب تكونوا سعداء دايما

النهاردة أضفت الحلقة الأولى من سلسلة " من سيربح المليون " فى موضوع ( يوم فى المنتدى )

أبطال الحلقة دى : omarr (البطل الأساسى ... مكنش يومه النهاردة هههههههههه ) .. تحية خاصة منى له .. جناب العمدة (بطل مستمر ) .. باتيستا .. أبطال الحلقات القادمة

يارب الحلقة الأولى تعجبكم .. وخاصة عمر باشا ههههههههههه وده رابط الموضوع فى القاعة العامة

يـــــــوم ... فى المنتـــدى ...!

تحياتى
ابن البلد

[عتاب]

السلام عليكم
انا جاية امسي عليكم بس
لان مزاجي مش حلو والاحسن اني ماشاركش

[Ebn elbalad]

ليه يا عتاب خير إن شاء الله

ده أنتى حتى ناقصلك 9 مشاركات وتكملى 10000 مشاركة

هخلى صبحى يجيبلك حاجة يروق مزاجك ... صوووووووووووبحييييييى

[عتاب]

مع الاسف الواحد بيشوف كل يوم حاجات تفور الدم
الناس بقت غريبة بجد
لا فيه اعتبار لصداقة ولا زمالة ولا حتى معرفة

شكرا يا ابن البلد على اهتمامك
هاقفل شوية وارجع تاني يمكن اكون احسن