|
ايوة احنا عايشين في مجتمع ذكوري
وزاد الطينة بلة (زي مابيقولوا ) الرجالة بقوا قليلين اوي
ورغم ان المفروض ان الكثرة تغلب الشجاعه
الا اني شايفة الرجالة بيتدلعوا لانهم قليلين
الراجل بيغلط وبيلاقي اللي يسامحوه
اما الست لما تغلط لازم عقابها يكون شنيع
مع ان الغلطة واحدة !!
فيه واحدة صاحبتي لقيتها بتقولي ايه بقا
قالتلي البنات زمان كانوا بيتدلعوا في فترة الخطوبة والراجل ياخد على دماغه ويستحمل
وكانت فترة الخطوبة معروف عنها انها فترة الدلع للبنت
دلوقت الخطوبة بقت فترة دلع للراجل ومعدش فيه بنت بتتدلع في الخطوبة زي زمان ههههه
وطبعا بعد الجواز برده مفيش دلع ... ياعيني علينا !!
__________________
اذا كانت دموعك هي صديقك الوفي .... فاجعلها دائما الصديق الخفي
|
)
