قهوة المخربشين (5)

[omarr]

عتاب ..ازيك ..

مش عارف اجيب البيتزا هنا فى القهوه .. مش عارف حصل ايه ..النت بتيىء بتيىء بتيىء

نقضيها باميه بالعضم وخلاص ...

[The Knight]

السلااااااااام عليكم رواد القهوة جميعًا .

وحشتــــــــــــــــــوني كتيــــــــــــــــر..

بتتكلموا في إيه بالضبط ؟؟

بقالي 5 أيام تقريبًا غايب .. كنت مسافر .. قرأت 55 صفحة و 1034 رد !!

وللأسف الشديد فاتتني العزومة .. خساااارة ...

وبعدين إللى يعمل عزومة مش يعزم الناس قبلها بيوم أو يومين مثلاً .. ما علينا ..

حكاية المجتمع الذكوري ...

هوا للأسف مجتمعتنا كلها ذكورية ولا أحد يستطيع إنكار هذا ..

وللأسف برضه إحنا مفكرين إن دا من تعاليم ديننا !! وده غلط شائع وخلط للأمور بطريقة غريبة ..

مع العلم إننا بتكلم على الفئة الأكبر في المجتمع مش عن المجتمع كله ... وبيتهيألي إننا كلنا في الفئة دي !!

يعني لما نقول الرجال قوامون على النساء ...

الرجال مش الذكور ... لكن بقى نادر جدا نلاقي رجال بكل معاني الكلمة ... لكن الأغلبية ذكور مجرد ذكور ....

ويعيش كل واحد مجرد ذكر ،، وما يعمل حاله رجل غير لما يلاقي غلطة على أنثى ...

ودي مشكلتنا الحقيقية ومأساتنا الحالية ...

لأن هو لو كان رجل من البداية في كل تصرفاته ،، مش هنلاقي أنثى تخطيء خطأ قاتل ،، لأن أغلب الأخطاء موضوع المشكلة مشتركة ما بين رجل وامرأة ...

يعني أقول لكم واحدة من مشاكل كتيرة رأيتها بأم عيني ..

إنسان عايش كأنه في مجتمع أوروبي له "جيرل فريند" ،، لو سألته على سبيل العبث إيه إللى إنت بتعمله ده يقول عادي ،، طيب والبنت دي ( إللى بتحبك بجد والمضحوك عليها بالوعود والعهود ) رأيك فيها إيه وممكن تتزوجها في يوم من الأيام زي ما بتوعدها ،، يقول دي مجرد ............... ولو كانت آخر واحدة في الدنيا مش ممكن أبدًا أتزوجها ،، وطيب وأهلها وأخواتها إللى مفكرنها ملاك يقول دول مجرد .............

وللعلم الأخ خاطب واحدة تانية ،، بنت ناس ومحترمة جدًا ،، ولكن مصير البنت التانية مجهول ،، وحاجة توجع القلب والله ....

نظرته لنفسه ونظرة المجتمع له مجرد شاب طايش بكرة يعقل ،، ولها .. طبعًا إنتم عارفين !!

من كام يوم شفت فيديو مش يوجع القلب ،، يقتل القلب ..

واحدة بنت شكلها صغيرة ،، والناس موتوها في الشارع بالطوب والحجارة الكبيرة جدًا ،، على أساس إنها زانية ،، والله لو شوفتوا الفيديو دا ما تناموا شهر كامل إلا تشوفوا المنظر البشع كل يوم ..... وتتساءلوا لماذا كل هذا الظلم ؟؟

وبعدين هو بالعقل في زانية تقتل من غير زاني ؟؟ طيب فين الحيوان إللى ضبطوه معاها ؟؟

حاجة تقرف ،، وتجيب المرض ،، والناس إللى عاملين نفسهم شرفاء ،، ويضربوها ببشاعة ،، والله كل ما أفتكر المنظر ما أدري إيش أسوي وأقول الله على الظالم والمفتري ....

أنا مش ضد إقامة الحد أبدًا أستغفر الله ،، لكن الحد مش يقام بالطريقة دي أبدًا ؟؟

ولازم يكون على أساس قوي جدًا ،، مش بالشكل الخايب ده ...

وبعدين أي حد إللى بيطبقوه ؟؟ هي الحدود بتقام على مزاج الناس ؟؟ ومين أساسًا إللى بيطبقه ؟؟

ظلم واضح وصريح ...

ما علينا ..

المهم إحنا مش نقدر بأي حال من الأحوال نعيش في مجتمع أنثوي ،، على حسب معتقداتنا وتربيتنا وديننا..

لكن أتمنى إننا نعيش في مجتمع رجولي وليس ذكوري ...

- لا تجيب حاجة يا عم صبحي .. ماشي على طول .. ولي عودة آخر الليل إن شاء الله ..

معليش رغيت كتير رغم إني مش بحب الكلام الكتير ..

[عتاب]

المشاركة الأصلية بواسطة عتاب

احم احم
احب افتح موضوع جديد جدا
وصعب جدا جدا
عندما يصبح القدوة متهما
عندما يخطيء الاب
عندما ينهار المثل الاعلى
ماذا يفعل الابناء
قصة احزنتني جدا اني اسمعها
قصة واقعية مش خيال
اب اخذته الغفلة الى ابعد الحدود
اصبح يشاهد افلاما ومواقع اباحية
في البداية كان يشاهدها سرا
وبمرور الوقت اكتشف الابناء سر ابيهم
بدأ الاب يراها وهو يعرف ان الجميع يعرف عنه ذلك
حتى ان المواجهة قد حدثت يوما وقال له احد ابنائه ( حرام ما تفعل . اتق الله)
فما كان من الاب الا انه غضب يوما يومين ثم عاد لما يفعله
ماذا يفعل الابناء وهم في سن المراهقة ؟؟
يقلدون .. ام ماذا ؟؟
كيف تصبح حياتهم مع ذلك الاب ؟
هل يسمعون كلامه ؟ هل يحترمونه ؟

هو محدش شاف المشاركة دي والا ايه

[omarr]

عتاب ..

انا شوفتها ..شوفت المشاركه والموضوع بتاعك

بس انا امى وابى ماتوا .. وبجد انا لا اتصور " اب " من هذا النوع موجود بجد فى الحقيقه

شىء فعلا مرعب .. عتاب مش عارف اقول ايه ... ولا حتى عارف اجيب لك البيتزا ..

انا فى نص هدومى منك .. انا نظرتى لأمى وابى مثاليه جدا .. ولا اعرف

رجل مثل هذا الأب فى الحقيقه .. اسمع فقط ..لكن لم اتقرب من مشكله مشابهه

فى حياتى ..

[omarr]

الفارس ..

اهلا بك نووووووووووووورت واشرقت كهوه الموخربشون ..

ننتظرك ..

[عتاب]

المشاركة الأصلية بواسطة omarr

عتاب ..

انا شوفتها ..شوفت المشاركه والموضوع بتاعك

بس انا امى وابى ماتوا .. وبجد انا لا اتصور " اب " من هذا النوع موجود بجد فى الحقيقه

شىء فعلا مرعب .. عتاب مش عارف اقول ايه ... ولا حتى عارف اجيب لك البيتزا ..

انا فى نص هدومى منك .. انا نظرتى لأمى وابى مثاليه جدا .. ولا اعرف

رجل مثل هذا الأب فى الحقيقه .. اسمع فقط ..لكن لم اتقرب من مشكله مشابهه

فى حياتى ..

مع الاسف ياعمر
الحياة فيها حاجات كتير منقدرش نتخيل وجودها
ونصبح في قمة الذهول عندما نسمع عنها
رغم ان غيرنا يعيشونها وهي جزء من حياتهم
انا نفسي مكونتش متخيلة ان فيه اب كده
لكن كلام صاحبة المشكلة لا يقبل الشك
ومعتقدش انها هاتدعي على والدها او تحاول تشويه صورته قدام الناس
طيب سؤال ابسط من كل اللي فوق
ياترى هي غلطت لما اتكلمت عن الموضوع ده
ياترى كان الافضل انها تحتفظ بالسر لنفسها دون اشراك الغير فيه
وخصوصا انه شيء يسيء لها ولاقرب الناس اليها؟؟
هل ثقتها في شخصى المتواضع يغفر لها انها افشت سر من اسرار حياتهم؟؟

[omarr]

المشاركة الأصلية بواسطة عتاب

مع الاسف ياعمر
الحياة فيها حاجات كتير منقدرش نتخيل وجودها
ونصبح في قمة الذهول عندما نسمع عنها
رغم ان غيرنا يعيشونها وهي جزء من حياتهم
انا نفسي مكونتش متخيلة ان فيه اب كده
لكن كلام صاحبة المشكلة لا يقبل الشك
ومعتقدش انها هاتدعي على والدها او تحاول تشويه صورته قدام الناس
طيب سؤال ابسط من كل اللي فوق
ياترى هي غلطت لما اتكلمت عن الموضوع ده
ياترى كان الافضل انها تحتفظ بالسر لنفسها دون اشراك الغير فيه
وخصوصا انه شيء يسيء لها ولاقرب الناس اليها؟؟
هل ثقتها في شخصى المتواضع يغفر لها انها افشت سر من اسرار حياتهم؟؟

عتاب ..

انا حاسس من خلال سردك للمشكله ان بوح البنت لك بهذه الأسرار العائليه هو نوع من طلب

المساعده .. وليس فضح اسرتها .. هى تتألم ولاتعرف كيف تتصرف او تواجه موقف مماثل ..

ولذلك طلبت المساعده والمشوره و فى رائى الشخصى اعتقد انها لم تخطىء ..

[عتاب]

ماذا استطيع ان اقدم لها في مثل هذا الموقف
اطلب منها ان تواجهه!! حدثت المواجهة من قبل ولم يتغير شيء
اطلب منها ان ترضخ للامر الواقع
اطلب منها ان تظل تحبه ؟؟ احسست انها باتت تكرهه
لا استطيع الا ان اطلب منها الصبر والدعاء له بالهداية
المشكلة انها تجد اخوتها وقد صاروا مثله
عندما ترى الاخت اخيها وهو يفعل معصية كتلك تشتكي لوالدها كي يقومه
اما في مثل هذه الحالة تشتكي لمن ؟؟
اذا كان الاب نفسه يفعل ذلك فماذا تنتظر من الابناء ؟؟

[omarr]

المشاركة الأصلية بواسطة عتاب

ماذا استطيع ان اقدم لها في مثل هذا الموقف
اطلب منها ان تواجهه!! حدثت المواجهة من قبل ولم يتغير شيء
اطلب منها ان ترضخ للامر الواقع
اطلب منها ان تظل تحبه ؟؟ احسست انها باتت تكرهه
لا استطيع الا ان اطلب منها الصبر والدعاء له بالهداية
المشكلة انها تجد اخوتها وقد صاروا مثله
عندما ترى الاخت اخيها وهو يفعل معصية كتلك تشتكي لوالدها كي يقومه
اما في مثل هذه الحالة تشتكي لمن ؟؟
اذا كان الاب نفسه يفعل ذلك فماذا تنتظر من الابناء ؟؟

عتاب ..

هذه مآساه عائليه .. تحتاج لشخص قريب من الأب وله تأثير عليه ..
تحتاج لعلاج طويل طويل ..

[نيهال]

السلام عليكم ورحمه الله وبركاته
معلشى خرجت فجاه امبارح بدون اى مقدمات

المهم
صباح الخير
صباح الورد الاحمر الجورى

صباحكم زى العسل ان شاء الله


اهلا بكل الاصدقاء.......بخاف انسى اسم حدا


بالنسبه لاول موضوع والخاص بمن استطيع ان اقلول له اسرارى
عاده مش عندى اسرار تذكر
لانى بحب اتناقش مع الاخر فى كل ما يخص حياتى بحيث اوصل بنتيجه مرضيه
لان اكيد مش عندى الخبره الكفايه للتعامل مع كل الامور
ولكن فيه حدود للى بقوله
بمعنى ان الشخص الوحيد اللى بيعرف عنى كل شئ هيه والدتى............ربنا يصبرها عليا

اينعم بيتزعق لى لكن مهم قوى اقولها دائما
فيه نقط بتعلمها بمرور الوقت

انما الاصدقاء اللى بمصثل سنى بتكلم عادى ....ولا اختص احد بشئ معين سوى احد الاصدقاء
بستريح معه بالكلام.......
مش لازم الكلام يكون سر علشان نتكلم
لكن ده اللى بيحصل


راجعه تانى ان شاء الله........علشان ارد على موضوع عمرو.........

[maysam]

صباح الخير

كيفكم؟؟

انا جاية وجايبة القهوة معي

شكل في مواضيع كتير مش عارفة ابدأ من فين

[جناب العمدة]

السلام عليكم ورحمة الله وبركاته
حبايبى المخربشين والمخربشات
صباح الفل والياسمين عليكم جميعا

زى ما قالت نيهال بدون أسماء تجنبا للخطأ والنسيان .

موضوع عتاب الاخير والأب الساقط فى نظر اولاده لافعاله المخجلة :
الموضوع شائك وحلوله صعبة وحساسة جدا .. جلست أفكر فى هذا الرجل
حاولت أن أتخيل والدى (بارك الله فيه) فى مثل هذا الموقف ... صدقينى لم
استطع مجرد التخيل خاصة وأن والدى ابن بلد ومن البيت للجامع .. تصور مؤلم

استغرق تفكيرى كثير من الوقت وأنا أحاول البحث عن طريقة لاصلاح حال هذا الرجل
وطرق حل هذه المشكلة .. فى وجهة نظرى المتواضعة ارى الحل فى الآتى :
- محاولة إفهام الاب خطأ ما يفعل من خلال ذكر الآيات التى تحث على الفضيلة
ومكارم الاخلاق وعقوبة الزانى وزنى النظر وما الى ذلك ( بطريق غير مباشر ) يعنى
قراءة تلك الآيات بصوت مسموع للاب بدون توجيه ذلك له مباشرة .
وايضا الاحاديث النبوية التى تتحدث عن هذا الموضوع
كل ذلك أمامه واسماعه اياه ويا حبذا لو أتى أحد اولاده (ليكن تلك البنت) بحديث ينهى عن هذا الفعل ويطلب من الوالد شرحه له ويناقشه فيه عله يرجع ويتوب .

- تأتى ابنته وتنصح أخيها أمام والدها وتقول له يا اخى خاف من الله فلربما يأخذ عينك
التى تعصيه بها أو يسلب منك نعمه من النعم التى أنعم عليك بها . وكلام من هذا القبيل
وطبعاً الكلام موجه للوالد بالاساس عن طريق الابن .

- إن لم يرتدع الاب ويترك فلم يبقى الا الفتور فى المعاملة معه والنظر اليه
كثيراً نظرات معاتبة .. لعله يفهم ويخجل ويراجع نفسه .
لا ننسى الدعاء له بصلاح حاله وسبحان مقلب القلوب فلربما يستجيب الله لدعاء
هذه الابنة فى لحظة وينقلب الاب فجأة وينصلح حاله .
أسأل الله له ولكل عاصى بصلاح الحال وحسن الخاتمة ... آمين .. آمين .. آمين ..

[جناب العمدة]

صباح الخيرات يا نيهال .. اطلبيلى انتى الشاى النهاردة
انا مبقولش كده علشان جبتلك زبادو خوخ امبارح لا سمح الله .

الفارس باشا .. حمد الله عالسلامة وحشتنا
اللقطة اللى بتتكلم عنها دى فى رجم الزانية واللى ملت الدنيا
دى مش زانية دى بنت من الطائفة الزيدية وتزوجت مسلم وأهلها انتقموا
منها .. بعض اعداء الاسلام استغلوها لتشويه سمعة المسلمين ودى لقطة مشهورة .

اهلا ميسم نورتينا وشرفتينا ... اشرقت الانوار
ياريت لو شوية قهوة من اللى معاكى الله يكرمك .

[omarr]

حبايبى " رواد قهوه الخربشين "

السلام عليكم ... صباحكم سكر وعسل

نيهال ..ننتظر عودتك

جناب العمده .. قراءت الحل .. يارب يكون راجل عنده ذره حياء


ميسم .. عندك حق المواضع المطروحه كتيره ..ممكن الخص المواضيع

نسرين ..طرحت موضوع .. ألأسرار .. هل تبوح باسرارك ..هل تحتفظ بها لنفسك ..
الناس بتختلف فى التعامل مع الأسرار ..

موضوع خرج لوحده .. وهو " هل نحن نعيش فى مجتمع ذكورى ؟؟!!!!!! "

اخر موضوع طرحته عتاب ..
بيتكلم عن قصه رب اسره بيشاهد افلام البورنو علنا فى البيت امام اولاده ..ومن اودلاه مراهقين
ومراهقات .. واحداهن تكلمت مع عتاب فى محاوله منها لمعرفه كيفيه اسباب علاج هذه المشكله

[نيهال]

ميسم ......زصباح الفل يا جميل
جناب العمده....انت تؤمو يا عمنا
وادى احلى شاى مش رد لجميل الزابدو خااااااااااااااااااااااااالص

هههههههههههههههه

عمر.........صباح النور......بنضم ليكم بعد رجوعى من العمل ان شاء الله