قهوة المخربشين (5)

[omarr]

ميسم .. /مى بالهنا والشفا ..

جناب العمده .. بالهنا والشفا .. اى خدعه

ابتسامه ..ننتظرك ..هاتى معاكى كيس سكر

نسرين ... نورتى المكان كله ..

[duha]

السلام عليكم
مش عاوزة بيتزا ومش عاوزة شاي
ولا اي حاجة
ولا اقولك القهوة المظبوطة ياعمو صبحي

[امرأة العزيز]

المشاركة الأصلية بواسطة The Knight

السلااااااااام عليكم رواد القهوة جميعًا .

وحشتــــــــــــــــــوني كتيــــــــــــــــر..

بتتكلموا في إيه بالضبط ؟؟

بقالي 5 أيام تقريبًا غايب .. كنت مسافر .. قرأت 55 صفحة و 1034 رد !!

وللأسف الشديد فاتتني العزومة .. خساااارة ...

وبعدين إللى يعمل عزومة مش يعزم الناس قبلها بيوم أو يومين مثلاً .. ما علينا ..

حكاية المجتمع الذكوري ...

هوا للأسف مجتمعتنا كلها ذكورية ولا أحد يستطيع إنكار هذا ..

وللأسف برضه إحنا مفكرين إن دا من تعاليم ديننا !! وده غلط شائع وخلط للأمور بطريقة غريبة ..

مع العلم إننا بتكلم على الفئة الأكبر في المجتمع مش عن المجتمع كله ... وبيتهيألي إننا كلنا في الفئة دي !!

يعني لما نقول الرجال قوامون على النساء ...

الرجال مش الذكور ... لكن بقى نادر جدا نلاقي رجال بكل معاني الكلمة ... لكن الأغلبية ذكور مجرد ذكور ....

ويعيش كل واحد مجرد ذكر ،، وما يعمل حاله رجل غير لما يلاقي غلطة على أنثى ...

ودي مشكلتنا الحقيقية ومأساتنا الحالية ...

لأن هو لو كان رجل من البداية في كل تصرفاته ،، مش هنلاقي أنثى تخطيء خطأ قاتل ،، لأن أغلب الأخطاء موضوع المشكلة مشتركة ما بين رجل وامرأة ...

يعني أقول لكم واحدة من مشاكل كتيرة رأيتها بأم عيني ..

إنسان عايش كأنه في مجتمع أوروبي له "جيرل فريند" ،، لو سألته على سبيل العبث إيه إللى إنت بتعمله ده يقول عادي ،، طيب والبنت دي ( إللى بتحبك بجد والمضحوك عليها بالوعود والعهود ) رأيك فيها إيه وممكن تتزوجها في يوم من الأيام زي ما بتوعدها ،، يقول دي مجرد ............... ولو كانت آخر واحدة في الدنيا مش ممكن أبدًا أتزوجها ،، وطيب وأهلها وأخواتها إللى مفكرنها ملاك يقول دول مجرد .............

وللعلم الأخ خاطب واحدة تانية ،، بنت ناس ومحترمة جدًا ،، ولكن مصير البنت التانية مجهول ،، وحاجة توجع القلب والله ....

نظرته لنفسه ونظرة المجتمع له مجرد شاب طايش بكرة يعقل ،، ولها .. طبعًا إنتم عارفين !!

من كام يوم شفت فيديو مش يوجع القلب ،، يقتل القلب ..

واحدة بنت شكلها صغيرة ،، والناس موتوها في الشارع بالطوب والحجارة الكبيرة جدًا ،، على أساس إنها زانية ،، والله لو شوفتوا الفيديو دا ما تناموا شهر كامل إلا تشوفوا المنظر البشع كل يوم ..... وتتساءلوا لماذا كل هذا الظلم ؟؟

وبعدين هو بالعقل في زانية تقتل من غير زاني ؟؟ طيب فين الحيوان إللى ضبطوه معاها ؟؟

حاجة تقرف ،، وتجيب المرض ،، والناس إللى عاملين نفسهم شرفاء ،، ويضربوها ببشاعة ،، والله كل ما أفتكر المنظر ما أدري إيش أسوي وأقول الله على الظالم والمفتري ....

أنا مش ضد إقامة الحد أبدًا أستغفر الله ،، لكن الحد مش يقام بالطريقة دي أبدًا ؟؟

ولازم يكون على أساس قوي جدًا ،، مش بالشكل الخايب ده ...

وبعدين أي حد إللى بيطبقوه ؟؟ هي الحدود بتقام على مزاج الناس ؟؟ ومين أساسًا إللى بيطبقه ؟؟

ظلم واضح وصريح ...

ما علينا ..

المهم إحنا مش نقدر بأي حال من الأحوال نعيش في مجتمع أنثوي ،، على حسب معتقداتنا وتربيتنا وديننا..

لكن أتمنى إننا نعيش في مجتمع رجولي وليس ذكوري ...

- لا تجيب حاجة يا عم صبحي .. ماشي على طول .. ولي عودة آخر الليل إن شاء الله ..

معليش رغيت كتير رغم إني مش بحب الكلام الكتير ..

مفيش حد بيتمني يخطئ خطأ يكون فادح .. لا يغفر .. لكني اعتقد ان فيه فجوة عامة في المجتمع والا لو نظرنا للخلفيات حنعرف ان معظم الشباب بيتجه اتجاه الحرية المطلقة وليس العكس وهو التقييد بالدين والعادات والتقاليد .. الكل بيحاول يهرب منها وكانها سجن كان محبوس فيه ...

اكيد طريقة تعاطينا لبعض التعاليم سواء الشرعية او الاجتماعية كان فيها فجوة عن محتوي الزمن الي احنا عايشين فيها عشان كده نتج جيل بيحب الاستقامة من جواه وبيتجه لعكسها.. كنوع من انواع مسايرة العصر...

نري هل هذا نتاج العولمة ... امتزاج الثقافات والافكار بحيث فقدنا في المنتصف هويتنا ومن نحن ...

عارف اخي الفارس

لا يوجد امرأة سوية في هذا العالم تتمني ان تسود رجل وتتحكم به ... ان تعيش في مجتمع انثوي .. لان فطرتها لا تدعوها الا ان تكون انثي في مجتمع رجولي لا ذكوري كما اوضحت فهذا جل ما تريد ولكن بعد ان فقد الرجل بعض من مقومات رجولته انحرفت فطرة بعض النساء وتوجهت ان تسود هي ويكون لها نفس المؤهلاات الذكورية التي حباه المجتمع للرجل وحرمها من الانثي كــ نوع من التعصب النوعي ...

قد يكون لذلك اسباب انا اتفهمها ... لكنه الازدواجية والتناقض فلو كان مقيسنا واحد مع الجميع لما وجدت السقطات .. لان المراة لا تخطئ الا مع رجل ولو علم الرجل انهمعاقب ايضا كما هي لما دعاها ودعته ..

شكرا لردك الثري

[جناب العمدة]

ضحى

نسرين

صباح الفل ..نورتو القهوة .

عمر ... انا غبت شوية وقلت ارجع على بال ما البيتزا تيجى
قوم أيه ...... اتمسحت ومبقلهاش أثر .

[امرأة العزيز]

المشاركة الأصلية بواسطة omarr

اوعى البيتزا ...

الى محبى البيستا .. تعالوا ..ادخل برجلك اليمين ..

الله يسامحك

عمر جناب العمدة عايزك بره القهوة.. روح شوفه شكل الموضوع خطير ..

سيب البيتزا متقلقش خالص عليها في الحفظ والصون

مساء الخير عليك

[امرأة العزيز]

المشاركة الأصلية بواسطة جناب العمدة

ضحى

نسرين

صباح الفل ..نورتو القهوة .

عمر ... انا غبت شوية وقلت ارجع على بال ما البيتزا تيجى
قوم أيه ...... اتمسحت ومبقلهاش أثر .

لاء متقلش كده صدمتني

انا لسه كنت بقله يكلمك بره .. عقبال اما اشوف ايه موضوع البيتزا ده هههه

الاقيها راحت مش ممكن

يلا بقي خلاص جبلنا انت بيتزا يا جناب العمدة

مساء الخير عليك

----------------------

ضحي

القهوة نورت يا قمر

[duha]

النور نورك نسرين
جناب العمدة البيتزا مادام بقت بين ايدين نسرين
اقرا عليها السلام احسن

[عتاب]

جناب العمدة ... شكرا على هذه النصائح والحلول
لا اعرف مدى قدرة البنت على فعل ذلك
ربما تخجل من الكلام في هذا الموضوع فهي بنت
ولكني مما عرفت انها ووالدتها تعبوا من كثرة المحاولات
فوالدتها تحاول دائما ان تنصحه احيانا بالشدة واحيانا باللين
والبنت لجأت للكثير فاحيانا تكسر الريموت كنترول واحيانا تلجأ لتعطيل النت
تقرأ امامه القرآن وتحاول ان تجلس معه اطول فترة ممكنة حتى لا يختلي بنفسه
واخيرا بدأت تجد بعض الصور على الموبايل فقامت بمسحها ولا تعرف نتيجة هذه الفعلة ماذا ستكون !!
طلبت المشورة ولا اعرف ماذا اقول لها
لا استطيع ان اقدم لها سوى الدعاء واطلب منها كثرة الدعاء


نسرين ........ احنا قريبين من بعض اوي
انا مش بالومها على اد مانا خايفة ان يكون عليها وزر انها طلعت اسرار بيتها
انا عارفة انها متحملة كتير بس خايفة عليها
اما عن عمرها فهي في سن المراهقة

[عتاب]

السلام عليكم
ازيكم يا مخربشين

اخيرا البيتزا وصلت
ياقهلا ياقهلا


بس قولي يا عمر
ايه الاحمر اللي على البيتزا ده
اصلنا انا وضحى عاملين مباحثات عشان نتأكد منه

[امرأة العزيز]

نسرين ........ احنا قريبين من بعض اوي
انا مش بالومها على اد مانا خايفة ان يكون عليها وزر انها طلعت اسرار بيتها
انا عارفة انها متحملة كتير بس خايفة عليها
اما عن عمرها فهي في سن المراهقة

غاليتي عتاب.. هنالك اسراراً لا تقال .. خاصة اذا كانت تخص احد الابوين ... فهنالك اناس لا يجوز لنا كشف اسرارهم ايا كانت هي ونوعيتها ...

فقط علميها ده لانها لجئتلك انتي لانها بتستامنك علي الرغم من انها عارفة ان مش في ايدك الحل ... بس حبت تطلع الي جواها.. استوعبيه .. بس حذريها انها تخرج سر زي ده بره البيت .. ولغيرك ..

انا واثقة انها فترة مرحلية في عمر الاب .. وحتنتهي طالت ام قصرت.. سيغفرها له اطفاله وزوجته ... وسيظل الاخرين يحاكمونه عليها ان علموا بها ..

اتمني ان ربنا يهديه ويرده لرشده وصوابه فانا اعتقد انه مريض نفسي .. يحتاج علااج وواقفة من الام والاولاد علي حدا سواء ...

اسفة عتاب لو تدخلت ..

[امرأة العزيز]

[quote=maysam;616666]

اهلا جناب العمدة..منورة بوجودك

جيت متأخر يا للأسف ،، معاي شاي اخضر لو تحب

المشاركة الأصلية بواسطة omarr

اولا شكرا يا عمر عشان انت دايما بتدير المواضيع

بالنسبة لموضوع الاسرار ، انا بطبيعتي انسانة كتومة جدا ، يمكن لأني حذرة كتير في تعاملاتي مع الآخرين ، ولا اقتنع بفكرة ان اقول اسراري لحد او حتى مشاكلي ، كوني مقتنعة برضو ان كل انسان هو الاقدر على حل مشكلاته بنفسه .

هو في نقطة ، ان حاجات كتير ممكن يقولها الواحد ويكون بيعتبرها معلومات عادية بنظره ،، ممكن تكون بالنسبة لغيره جزء يفترض ان يكون مختفي، فتعريف كلمة اسرار شوي صعب لان الكلمة مطاطة.

من وانا صغيرة ، كان يجي ببالي دايما فكرة واحدة وهي، ان على فرض انا قلت شيء معين لصديقة لي ، هي اليوم صديقتي ، وباثق فيها وعارفة شخصيتها والخ لكن انا ايه يضمن لي ان هذه الصديقة ستبقى صديقة بعد 10 سنوات ؟؟ من يضمن لي انها مش حتتغير ، زي ما كل شيء حوالينا بيتغير مع الوقت،، مين يضمن لي انها في يوم من الأيام بعد ما الوقت بيفوت ما تقولش لحد الحاجات اللي انا قلتها ، لأنها بالمستقبل ممكن تعتقد ان الموضوع انتهى او صلاحيته خلصت او انه مش ذات اهمية عشان نخبيه ،، وممكن فعلا يكون مش ذات اهمية ، والسر مش بالضرورة بيحمل معنى ان في شيء خطأ نحن بنخبيه!! لكن كل واحد منا عنده مساحة معينة لنفسه ، بيحب يخليها لنفسه ، ولو خلى حد يشترك فيها ،، لازم يفكر الف مرة قبل ما يشركه فيها

دي رؤيتي ،، ومن زمان ،، ولم تتغير ،، ولا اعتقد انها حتتغير

انا موفقاكي في كل كلمة قلتيها.. لان انا مثلك تماماً..

هنالك اشياء قد لا تكون سراً وتبيحي بها لغيرك من باب المؤنسة وتجدي نفسك تحاسبي عليها بعد سنوات فما بالك بسر قد يدين صاحبه .. وان مر عليه السنين .. وانتهي
فسيظل في ذاكرة الاخر يلجأ اليه ان احتاج الزمن ليدين الاخر به وكانه حدث امس..
في مجتمعنا الشرقي نحاسب علي نويانا.. فكيف باسرارنا

كوني بخير يا ميسم

وشكرا لردك

[امرأة العزيز]

جناب العمدة ... شكرا على هذه النصائح والحلول
لا اعرف مدى قدرة البنت على فعل ذلك
ربما تخجل من الكلام في هذا الموضوع فهي بنت
ولكني مما عرفت انها ووالدتها تعبوا من كثرة المحاولات
فوالدتها تحاول دائما ان تنصحه احيانا بالشدة واحيانا باللين
والبنت لجأت للكثير فاحيانا تكسر الريموت كنترول واحيانا تلجأ لتعطيل النت
تقرأ امامه القرآن وتحاول ان تجلس معه اطول فترة ممكنة حتى لا يختلي بنفسه
واخيرا بدأت تجد بعض الصور على الموبايل فقامت بمسحها ولا تعرف نتيجة هذه الفعلة ماذا ستكون !!
طلبت المشورة ولا اعرف ماذا اقول لها
لا استطيع ان اقدم لها سوى الدعاء واطلب منها كثرة الدعاء

علي فكرة يا عتاب

محدش بيتوقف عن شئ غلط بيعمله الا لو هو عايز يتوقف..

نصيحتي

يتركوه ... فهي دائرة مرحلية ولازم يتمها... ولو وجد من يقف في طريقه سيزيد اصراره..

فقط يقفوا له ليعلموه انهم مستائين مما يفعل وان لا يفعل ذلك في حضرتهم .. ان اراد ففي الخفاء ويقطعون تواصلهم به حتي ينتهي من نفسه..

اعتقد ان البنت لو جابت القران تقرء امامه سيزيد سخطه... الامر لا يتم معالجته بمحاولة استفزاز الاخر والدخول به الي انه يفعل حراما لانه سيصر .. النفس البشرية تخاف هالكلمة لكنها تتعاند معها.. خاصة انه يعلم جيدا ان ما يفعله حراما وليس فقط حراما .. بل مستهجن ان يفعله علانية فان اباح لنفسه ذلك امام اولاده ولم يمنعه خوفه عليهم من ان يفعل ذلك فليس هنالك شئ سيجعله يتوقف الا نفسه ..!

فقط يحاولوا ان يروا سبب المشكلة الاساسي وهذا دور الام... وهي الوحيدة القادرة علي معالجة الامور دون استفزاز او ابتزاز

الله يهديه انا فعلا حزينة

[عتاب]

المشاركة الأصلية بواسطة امرأة العزيز

غاليتي عتاب.. هنالك اسراراً لا تقال .. خاصة اذا كانت تخص احد الابوين ... فهنالك اناس لا يجوز لنا كشف اسرارهم ايا كانت هي ونوعيتها ...

فقط علميها ده لانها لجئتلك انتي لانها بتستامنك علي الرغم من انها عارفة ان مش في ايدك الحل ... بس حبت تطلع الي جواها.. استوعبيه .. بس حذريها انها تخرج سر زي ده بره البيت .. ولغيرك ..

انا واثقة انها فترة مرحلية في عمر الاب .. وحتنتهي طالت ام قصرت.. سيغفرها له اطفاله وزوجته ... وسيظل الاخرين يحاكمونه عليها ان علموا بها ..

اتمني ان ربنا يهديه ويرده لرشده وصوابه فانا اعتقد انه مريض نفسي .. يحتاج علااج وواقفة من الام والاولاد علي حدا سواء ...

اسفة عتاب لو تدخلت ..

ابدا حبيبتي
انا كنت عايزة اعرف رأيك
وشكرا على تدخلك الجميل
واتمنى ان الموضوع ينتهي بعد فترة فعلا
وانا معاكي طبعا ان الابناء هاينسوا لابوهم غلطاته بس الناس عمرها ما هاتنسى

[عتاب]

بالنسبة لموضوع الاسرار
هي بتختلف على حسب نوعها
زمان كنت كتومة جدا لاقصى درجة و ده كان بيتعبني جدا
حاليا باحاول اقسم الاسرار فئات
فئة احتفظ بيها لنفسي
وفئة ممكن تخرج لاقرب الناس زي اختي واقرب صديقاتي
وفئة اخرى اختبر بيها الناس
بمعنى اني في تعرفي على اشخاص جدد باحاول دايما اختبر درجة احتفاظهم بالسر
فباحاول اقولهم سر مايضرنيش لو حد عرفه
وباشوف مدى احتفاظهم بيه
فيه ناس طبعا ( مايتبلش في بؤها فولة ههههههه)
الخبر يتقال هنا بعد ثواني ينتشر ويتوغل ههههههه
وفيه ناس مهما حصل تظل محتفظة بالسر
والحمد لله في حياتي ماصادفتش حد وثقت فيه وخان الامانة
حتى صديقاتي اللي باعوا الصداقة مفيش واحدة منهم كانت غير امينةعلى اسراري ولكنهم غير امناء على صداقتي !!

[amr_miza1]

مساء الخير

عمر
جناب العمدة
ضحى
عتاب
نسرين

البيتزا حلوة تسلم اديكم .. شاى يا سنقر وحجرين فى نافوخى

عتاب .. بخصوص الاب المريض دا فاعتقد ان هو شخصيا مش مهم انه يبطل اللى بيعمله
المهم فى الموضوع ان اولاده يحموا نفسهم من تصرفات ابوهم ... ياااااه احساس صعب جدا لما ابويا يبقى منبع الرذيلة فى الاسرة
البنت المفروض تحافظ على نفسها بصرف النظر عن ابوها
وبجد انا اعرف اسرة زى دى ولكن الاكتشاف كان ان الاب له علاقات نسائية مخلة بالشرف
المهم البنت فعلا تعى ان مش كل تصرفاتها تبقى مأخوذة عن ابيها
وميبقاش ابوها هو كل قدوتها فى كل التصرفات .. مع الاسف


يابنى فين الشاااااى