قهوة المخربشين (5)

[نيهال]

روزى...........خدى اجازه.....بلاشى تضغطى على نفسك
ايه يعنى يومين ....المهم تصفى ذهنك
وتعرفى انها مش نهايه الكون

وزى ما قال عمر.............ضرورى جدا انك تنامى كويس علشان تشتوعبى اى معلومه جديده وانصحك بالفتره بعد صلاه الفجر........بتكون جميله جدا


اياكى وعمليه التطبيق لانها مرهقه لاى فكر وبتدخلى اللجنه الله ينور بصراحه
ابسط شئ بعد الشر حتفقدى تركيزك مع انك عارفه تجاوبى كل الاسئله


بالتوفيق ان شاء الله

[omarr]

المشاركة الأصلية بواسطة عتاب

ربنا يبسطك كمان وكمان

عارفه عتاب ..سبب ضحكى ان

هنا برضه ماحدش عنده ادنى خبر باللى هايحصل بكره ...

ربنا يستر

[rosi_smile]

ربنا يخليكوا ليا يارب

وانا هقوم الوقتي اتوضا واصلي
بس
انا هشوف حبكم ليا بأه وانا بزاكر
لو عرفت ازاكر
هعرف انكم دعيتولي لو معرفتش
اكيد هتدعولي برده
بس ان شاء الله هعرف
متعرفوش والله برتاح أد ايه لما بكلمكم
مش مجامله والله بجد حقيقه
واكيد انتوا مصدقين لانه شعور متبادل

ارد علي نهوله بس
نيهال يا حبيبتي ده امل كل عربي مش كل مصري
العرب لو وقفوا ايد واحده
هيقدروا علي امريكا وعشر دول زيها كمان
بس هتعملي ايه
حكومه غلط
نظام غلط
كل شئ غلط
كل السلطات همها مصالحها الذاتيه واذاي اخلي الشعب كله مجرد قلم اكتب بيه كل طموحاتي
مش اكتب بس اعملها كمان
وللاسف العرب غلابه
مش عارفين يعملوا ايه
مابين سني وشيعي ومسلم ومسيحي
تخيلوا العرب نفسهم كده
عاوزين ايه بأه؟؟؟؟؟؟؟؟؟؟
ربنا يجمع شملنا يارب
ونقدر نواجه الظلم كله
ووالله يا جماعه قريب اوي لان انا حاسه ان مصر فيها كتلة غضب اكبر من اخطر قنبله نوويه في العالم كله
فاطمئنوا قريب اوي هنخلص.........

[عتاب]

المشاركة الأصلية بواسطة omarr

عارفه عتاب ..سبب ضحكى ان

هنا برضه ماحدش عنده ادنى خبر باللى هايحصل بكره ...

ربنا يستر

انا كنت فاكرة عندي انا بس

مش هو المفروض اللي شغالين اعمال خاصة برده مايروحوش
يعني السوبرماركت مايفتحش
واللي شغال في شركة خاصة مايروحش
والميكانيكي يقفل وهكذا
صح والا انا فاهمة غلط؟؟

[فراق84]

المشاركة الأصلية بواسطة نيهال

مرسيه يا فراق.........معلشى تعبتك معايا

بس كنت حابه اعرف

طبعا الكروت دى بتكون خاصه عندكم بس.......زى الخطوط تبعنا
مفيش عندكم كروت تلاقيها فى مصر وتستخدم عندكم؟

من مصر وتستخدم عندنا ...لا اظن
اما عندنا ..لو عملنا نظام يسمى نظام تجوال
يمكن استعمال الشريحة في اي بلد

والشريحة عندنا خاصة للشركة
واكيد عندكم كل شركة لها شريحتها..


لا تعب ولا حاجة
اسألي زي ما انتي عاوزة
انا بالخدمة
اختك فراق

[omarr]

المشاركة الأصلية بواسطة عتاب

انا كنت فاكرة عندي انا بس

مش هو المفروض اللي شغالين اعمال خاصة برده مايروحوش
يعني السوبرماركت مايفتحش
واللي شغال في شركة خاصة مايروحش
والميكانيكي يقفل وهكذا
صح والا انا فاهمة غلط؟؟

عتاب

ادعوك للذهاب عند " سها " فى تخاريف .. اخر مشاركه على الناحيه الشمال

كتبت اقصى ما يمكن ان يتحقق للمصرين غدا ...

[نيهال]

بالتوفيق يا وزى وان شاء الله نسمع عنك كل خير


عتاب ...وعمر.........


بالرغم من اننا بلد صغنتوته واهلها عارفين بعض....لكن الموضوع منتشر عندنا بصوره كبيره لدرجه ان فيه اعلانات فى بعض الاماكن
لكن الخوف مسيطر وبلا فخر
لان عندنا كتله التيار الاسلامى متمثله فى د جمال حشمت
اتمنى بجد ان اليوم ده يعدى على خير .....بس اهم شئ يكون فى اى نوع من الايجابيات بالفعل

عندى فى البيت خايفين انى اخرج بكره......وبالرغم من ان شغلى خاص....الا انى عايزه اروح مش علشان الشغل بصراحه
لكن علشان عايزه اتفرج على اللى حيحصل بجد
وخصوصا انى فى وسط البلد


طبعا مش اقدر اقولهم انى عايزه حروح اتفرج واشوف اللى حيحصل بجد...
لكن من مكانى حقدر اعرف اللى حاصل

ربنا ييسر الحال
ونكون ايجابيين ولو لمره مش كلام وخلاص

[عتاب]

نيهال ...
المفروض كمان اللي شغالين قطاع خاص يشاركوا في الاضراب
لان الاضراب لكل فئات الشعب مش للعاملين بالحكومة بس
انتي عايزة تضحكي علينا والا ايه
عايزانا ناخد موقف وانتي تتفرجي
وبعد كده تقولي الشعب ماعملش حاجة ههههههه

[برديس]

السلام عليكم ورحمه الله وبركاته
كيفكم يا مخربشين
عمر
نيهال
روزى ربنا معاكى ويوفقك
عتاب
فراق
وحشتونى جدا
المخربشين الحاضرين والغائبين
بصراحه يا جماعه
انهارده كل ما اقول لحد عن الاضراب
يقولى جبتى الكلام ده منين لحد ما شككونى فى نفسى
زى عتاب وعمر بالظبط
الا ان جاء شخص عارف عن الاضراب ولكن معلومته انه يوم 7 مش 6
فتاكدوا ان فى اضراب بس اصبح فى تضارب فى الايام
بصراحه ما بقتش عارفه اعمل ايه
اغيب لوحدى بكره ولا اروح الشغل واشوف ايه الى هيحصل
مش عارفه

[عتاب]

اهلا برديس .. ازيك

عندك انتي كمان!!
واضح ان فيه ناس مش عايشة في الدنيا معانا هههههه

[برديس]

ازيك انتى يا عتاب
شفتى ازاى
الناس بسيطه جدا كل الى يهمهم ازاى يجيبوا
العيش من الطبونه
سبحان الله رغم انى بشتغل فى ريف مش مدينه
عايشين على الفطره زى كتير من الشعب المصرى
يلا معلش هو حال الدنيا كده
بس بصراحه مشتاقه جدا اعرف ايه الى هيحصل بكره
يلا بكره نشوف

[عتاب]

فعلا يا برديس
انا كمان بشتغل في قرية
وكل اللي معايا من قرى
ومش في دماغهم الحاجات دي
يمكن يسمعوا ان فيه اضراب ده لو سمعوا اصلا
لكن مش هايشغلهم هايعملوا ايه يومها
هما ابسط من كل اللي بيحصل ده
عايزين ياكلوا ويشربوا ويناموا
ومادام محدش من اللي بيبحبوه اتضر يبقى مش مهم اي حاجة في الدنيا

[نيهال]

المشاركة الأصلية بواسطة عتاب

نيهال ...
المفروض كمان اللي شغالين قطاع خاص يشاركوا في الاضراب
لان الاضراب لكل فئات الشعب مش للعاملين بالحكومة بس
انتي عايزة تضحكي علينا والا ايه
عايزانا ناخد موقف وانتي تتفرجي
وبعد كده تقولي الشعب ماعملش حاجة ههههههه

لا مش كده يا عتاب.........
اولا الاضراب بيكون اسبابه ايه

علشان اخد حقوقى من الحكومه واقولهم اننا نقدر نتجمع على كلمه واحده

انما ولانى قطاع خاص....فبالفعل حقوقى محفوظه والحمد لله......
وبالرغم من ذلك.......حروح مش علشان الشغل
الا انى عايزه انزل علشان اكون مع الناس وسط البلد

اتمنى بجد انى اقدر اكون معاهم بكره
ومش يكون كلام وخلاص زى ما ذكرتى


تانى نقطه ...........
لو كنتى ركزتى بكلامى السابق كنتى عرفتى ان امنيا الوضع صعب بالفعل
لدرجه ان احتمال مش اعرف انزل بكره من البيت

على فكره.....الاعتصام والاضراب بيكون عن طريق مجالين
الاول انك حتمتنعى عن الذهب للعمل فى هذا اليوم وحتى ما تشترى اى شئ من المحلات
والاخر انك تنزلى وبيكون فيه مظاهره سلميه

وده اللى حشوفه فعليا....بالرغم من اعتراض اهلى على كده
بس بحكم عملى انا فى وسط البلد بالفعل
فححضر اللى بيحصل ان شاء الله





اتمنى تكونى فهمتى يعنى ايه اضراب واسبابه

[عتاب]

المشاركة الأصلية بواسطة نيهال

لا مش كده يا عتاب.........
اولا الاضراب بيكون اسبابه ايه

علشان اخد حقوقى من الحكومه واقولهم اننا نقدر نتجمع على كلمه واحده

انما ولانى قطاع خاص....فبالفعل حقوقى محفوظه والحمد لله......
وبالرغم من ذلك.......حروح مش علشان الشغل
الا انى عايزه انزل علشان اكون مع الناس وسط البلد

اتمنى بجد انى اقدر اكون معاهم بكره
ومش يكون كلام وخلاص زى ما ذكرتى

تانى نقطه ...........
لو كنتى ركزتى بكلامى السابق كنتى عرفتى ان امنيا الوضع صعب بالفعل
لدرجه ان احتمال مش اعرف انزل بكره من البيت

على فكره.....الاعتصام والاضراب بيكون عن طريق مجالين
الاول انك حتمتنعى عن الذهب للعمل فى هذا اليوم وحتى ما تشترى اى شئ من المحلات
والاخر انك تنزلى وبيكون فيه مظاهره سلميه

وده اللى حشوفه فعليا....بالرغم من اعتراض اهلى على كده
بس بحكم عملى انا فى وسط البلد بالفعل
فححضر اللى بيحصل ان شاء الله

اتمنى تكونى فهمتى يعنى ايه اضراب واسبابه

انا فاهمة معنى الاضراب كويس جدا
وفاهمه اسبابه بس الواضح انك انتي مش عارفة اسبابه
اللي انتي مش واخدة بالك منه ومش فاهماه
ان المطلوب في الاضراب ان حتى المهن الخاصة تعمل اضراب
لدرجة ان الناس تضرب عن الذهاب للاسواق
والخروج الوحيد يكون عشان المظاهرات السلمية
اما اني اقول انا بشتغل شغل خاص وانا واخدة حقي !!
هو الاضراب عملناه فقط عشان المرتبات ؟؟
والا عشان الاوضاع كلها من ارتفاع في الاسعار ومعتقلات و ....
لو الاضراب عشان المرتبات بس يبقى كلامك صح
بس واضح انك ماخدتيش بالك ان الاضراب عشان الاوضاع كلها

[amr_miza1]

ازيكم يا مخربشين يا حلوين

عمر
عتاب
برديس
نيهال
رووزى .. احذرى انك تضغطى على نفسك وخدى راحة وان شاء الله ترجعى للكتاب والاستيعاب لكن نصيحة يعنى .. امسكى الكتاب وانتى مبتسمة كدا ومبسوطة

فيه فئات كتير جدا مش هتشارك فى الاعتصام وفى الريف خاصة .. وعرفت النهاردة من مصادر مسؤولة فى مدرسة ما بالمنوفية بأن مدير المدرسة حذر المدرسين والمدرسات من الاعتصام وقالهم " محدش يغيب بكرة علشان ممكن يتحول للتحقيق وأمن الدولة .. الاعتصام دا بتاع الناس الواصلين ودكاترة الجامعة مش بتاعنا احنا "

واخدين بالكم من حتة أمن الدولة دى
تقريبا زى ما يكون بيخوف العيال الصغيرة من الغياب ..


وااا حسرتاه ..