السلام عليكم ورحمه الله وبركاته
انا جيت من تانى.....تصوروا
المهم
احكى لكم اللى حصل معايا......
لبست النظاره الشمس
وقلت حتمشى.........شكل الناس غريب
مفيش عربيات كتير
مواصلات بطيئه.......البلد هاديه كان فيه ماتش كاس العالم واحنا فى النهائى
مشفتش اى تجمع يذكر......ايه اللى حاصل مش عارفه
البلد كئيبه بكل معنى الكلمه.......اللى وصلنى ان طالبات مدرسه باكملها لم يحضر منهم سوى عشره بالكتير
تجمهر او مظاهره سلميه لم تحدث..
المصالح الحكوميه شغاله.....بقرف وزهق موظفينها
اللى حيغيب بكره.حيتحول للتحقيق ويا ريته تحقيق عادى
لا ده تحقيق امن دوله
يعنى وبلا فخر يبقى ليك ملف منور عندهم
اوووووووووووووووووووووووه
خافوا
يا ترى حقهم انهم يخافوا
يا ترى حقى انى اشوف كل ده واسكت
يا ترى حشوف اليوم اللى نجتمع كلنا فيه على راى واحد
احنا شعب مش بييجى بالقوه......وبرودوا مش بييجى بالخوف
على رايك يا عمر........محدش عرف يحلل شخصيه الشعب المصرى
اللى فى لحظه تلاقيه اسد ويثور ويحارب ويوحد العرب على كلمه واحده
مش اقدر اقولكم....الاعتصام نجح والا لا
لان الناس شكلها غريب
لاول مره اشوف وجوه غريبه عنى بالشكل ده
خوف وقلق
وانا فى طريقى...... ماشيه على الرصيف اللى بين حارتى المرور
فلفت نظرى وجود سيده جالسه على الرصيف الاخر....وبستجدى الحسنه من الطريق
ولكن اين هو الطريق
فين البشر
فين الضمير اللى يخلينا وصللنا سيده كبيره بالسن للدرجه دى
زهقانه وقرفانه من البلد والخوف اللى ملى قلوبنا
يا ترى حنعرف نضحك بعد كده
اتمنى اننا نحاول
بس خلى بالك.......بلاش تضحك بصوت عالى......لان فيه غيرك بيبكى وتعبان
مواضيع مشابهة
النمط الخطي
