السلاااااام عليكم رواد القهوة جميعًا ......
والله وحشتوني كتير كتير ،، لدرجة إني بقيت أحلم بالقهوة وعم صبحي
عارف إن النهاردة فيه مشاكل وناس محبطة وناس متفائلة بس في الغالب الناس حزينة ...
انا عن نفسي ... مش عارف ... بس حاسس إني عاوز أتكلم و أتكلم في موضوع الإضراب ...
بس على شرط ،، مهما قولت وعملت مش عاوز حد يتهمني أي إتهامات من غير أساس حقيقي !!
إقتباس:
المشاركة الأصلية بواسطة نيهال
طيب لو تختاروا صفه واحده بس مش ممكن تسامحا فيها والباقى حتعدوه
يا ترى حتكون ايه؟؟؟
|
أقولك الحق يا نيهال ....
الكذب الخيانه النفاق التكبر الكسل
بالنسبة للكسل ... أسامح فيه لأني أساسا بعاني منه إلى حد ما وطبعًا لازم أتحمل صاحبي الكسلان .. بس على أساس إنها الصفة الوحيدة إللى بيتمتع بيها من الصفات دي ....
الكذب ... اسامح فيه برضه ،، أنا فعلا لي صديق كذاب ،، مش عارف هوا بيكذب ليه أساساً ... وبيتهيألي هو كمان مش عارف !!! يعني لو سألته النهاردة عمل إيه في الإضراب ؟؟ هيقول حاجات تخليني أفتكره أبو زيد الهلالي ،،، ويمكن مش سمع عن الحكاية غير النهاردة بالصدفة !!!
لكني بحبه وصديق عزيز ،، رغم عيبه القاتل ده !!!
بعد كده يجي النفاق ... ثم التكبر ... وأخيرًا الخيانة ...
صعب يكون لي صاحب منافق ،، ومستحيل يكون لي صاحب متكبر ،، وطبعًا الخاين مستحيل مستحيل يكون ليه أصحاب أساساً ...
أقول ،، أنا لكاك جدًا جدًا ،، بطريقة غير معقولة ،، ياترى ممكن يكون لكم صديق لكاااااااك ؟؟!!!
- عم صبحي ،، عاوز " موكا بيانكا " لو سمحت ..
- موكا إيه ؟؟
- هاتله أي حاجة يا عم صبحي ،، خليه يسكت شويه !!
- وعندك واحد قرفة لفارس الخشب إللى جاي يقرفنا على المسا ...
مكن أرجع بعد شويه !!!
وإن طال الحزن علي ..هضغط على جرحي وأعدي
