قهوة المخربشين (5)

[duha]

عمر
ربنا يخليك
اكتر حاجة بتفرحني اصطباحتك الجميله
ربنا يخليك
ربنا يسعدك يارب

[ابتسامة الحياة]

صباح الخير يا ضحى يا قمر
نورتى القهوة

[جناب العمدة]

المشاركة الأصلية بواسطة duha

السلام عليكم
جناب العمدة
البقاء لله
مفتقدينك جدا جدا
عمر صباح الورد
برديس صباح الفل
ابتسامه صباح الابتسام والاشراق
كيفكم جميعا

وعليكم السلام ورحمة الله وبركاته
لله ما اعطى وله ما اخذ . متشكر

والله انا اللى كنت مفتقدكم جدا ووحشنى جدا جدا

[ابتسامة الحياة]

هستأذنكم دلوقتى
وارجع بالليل
سلام مؤقت

[duha]

ابتسامه تروحي وترجعي بالسلامه
جناب العمدة
انت اللي ليك وحشه بجد
ياريت تتواصل معانا

[برديس]

صباح الخير يا ضحى
معلش هفكر فى الموضوع الجديد واكتب الرد بعدين
جناب العمده الحمد لله ان الشاى عجبك
معلش يا جماعه هستاذن دلوقتى وهرجع تانى باليل

[duha]

برديس
تروحي وترجعي بالسلامة

[omarr]

يا موخربشين ...

كيف الحال ؟؟؟؟؟؟؟؟!

الموضوع الحالى .... طرحته نيهال ..

ماهى عيوبك الشخصيه التى تتمنى ان تغيرها ..؟؟؟!

[omarr]

المشاركة الأصلية بواسطة duha

عمر
ربنا يخليك
اكتر حاجة بتفرحني اصطباحتك الجميله
ربنا يخليك
ربنا يسعدك يارب

وانا احلى شىء بحبه انى اشوفك رايقه يا ضحى ..


برديس .. ابتسامه .. ننتظر عودتكم

[جناب العمدة]

المشاركة الأصلية بواسطة omarr

الموضوع الحالى عن .... طرحته نيهال ..

ماهى عيوبك الشخصيه التى تتمنى ان تغيرها ..؟؟؟!

طبعا يوجد الخافى عن ادراكى لبعض العيوب ولكنى ساتكلم عن الظاهر لى منها
اولا : العصبية :
عصبى جدا (مجنون) وسريع الاستفزاز احاول جاهدا التخلص من تلك الصفة اللعينة
ولكنى اعلم انهاصعبة جدا ان لم تكن مستحيلة .
ثانياً :الحساسية المفرطة :
مجرد أن اشعر أننى السبب فى إيذاء شخص ولو عن طريق الخطأ يجعلنى أهتم كثيراً
وأحزن واتعصب .. وقد يكون الأمر ليس على هذا القدر من السوء .
الكارثة هو أن ارى لى صورة سيئة فى عيون الآخرين فتلعب الحساسية دروها .
اهتمامى بمشاكل المحيطين حولى بشكل مبالغ فيه . زيادة عن الحد .
ثالثا : الرومانسية الشديدة والمفرطة . بس دى بدأت تخف حدتها والحمد لله وبدأت أزداد
قرباً من الواقع والعقل .

دى عيوبى الشخصية اللى انا شايفها .
طبعا أكيد فى غيرها بس انا معرفهاش .

[Ebn elbalad]

السلام عليكم

سريعا قبل ما أروح الامتحان ...

بالنسبة لعيوبى هقولها يمكن ألحق أغيرها قبل الامتحان هههههههههههه

1- القلق والتوتر : عااااااااادة غريبة فيا .. بجد القلق والتوتر ده فى حياتى كلها .. بفكر كتير جدا وببقى قلقان بصورة كبيرة وأحيانا القلق ده بيأثر عليا بالسلب .. وده مثلا بالنسبة للامتحانات .. أكون عارف حل الكويتشن .. بس مع القلق والتوتر أنسى اسم المادة

2- العصـــبية : دى بقى المشكلة الكبيرة .. انا ساعات ببقى عصبى جدا لدرجة انى ممكن اضرب اللى قدامى مثلا

ولسا فيه كتير لولا الامتحان والله

نيهــــــــال : متشكر جدا وربنا يقبل دعائك وعلى فكرة انا عندى الجمعة برده امتحان !! .. الرسم الهندسى وكيمياء كماااااااااااان !!!!!!

صوبحى هات أى حاجة

[duha]

هلا بالمخربشين
يووووووووووووووووووه انا مليانه عيوب
اقول ايه ولا ايه
بصو
اولا انا جبانه جدا تصورو اخاف امشي في الشارع لوحدي
لو اموت مش اخرج من البيت لوحدي
اخاف يبقى عندي اصدقاء
اخاف من الناس ومن الشارع ومن الحيوانات
جبانه
ثانيا انا مطيعه لدرجة الغباء
الحمد لله ان مجتمعي ضيق جدا لا يتعدى حدود العائله حتى ما عندي اصدقاء
تصورو بقى لو حد غريب يجي يقولي اعملي كدة وانا مطيعه تبقى النتيجه ايه
ثالثا انا اسفه
كلمه لا تفارق لساني
غلطت مش غلطت حتى لو حد غلط فيا
حتى ماما زهقت من كلمه اسفه من كتر ما اقولهالها
ودايما قبل ما تبتدي الكلام معايا تقولي مش عاوزة اسمع كلمة اسفه خالص
رابعا عندي هوس بالنظافه
يعني مجنونة تنظيف
البيت لازم يبرق 24 ساعه
باتعب والله
مليانه عيوب اعد ايه ولا ايه

[omarr]

جناب العمده

ابن البلد

ضحى





اتابع ... بشغف ..


ياترى مين تانى هايقول ايه ؟؟!!!!!

[amr_miza1]

أصدقائى المخربشين الحلوين .. والمخربشات .. نهاركم سعيد

جناب العمدة .. رحمة الله على صديقك ..

ووحشتنا جدا

عمر .. عسل وسكر وعسلية وكراملة ..

ضحى .. نهارك سعيد

ابن البلــد .. ربنا يوفقك فى الامتحان ان شاء الله

برديس .. هلا وغلا .. الله يعطيك العافية .. كوباية شاى بقى

هاخد لفة بالبسكلتة وراجعلكم

[duha]

ابن البلد
ربنا يوفقك في الامتحانات
عمرو
نهارك سعيد
عمر
ربنا يخليك ويسعدك دائما وابدا