قهوة المخربشين (5)

[نيهال]

يا هلا بيكى يا ضحى


وعيد عليكى سعيد وعلى كل اهل العراق

ويارب يكون رمضان مستجاب لنا جميعا فيه
ونكون ممن ادركوا ليله القدر وومن فازوا بكونهم من عتقاء النار
امين يا رب العالمين



ايه ده؟
هوه فين الراجل الطيب ...........عم صبحى؟
هوه لسه ما جه من مارينا؟
ده باعتلى ايميل من مارينا بيقولى فيها انه جاى النهارده............
عقبالكم كده فاتح كشك بومبونى هناك معتبر


المهم دلوقتى
اعمل ايه انا دلوقتى
انا عايزه شاى اخضر ومش عارفه مكانه حتى...............

[duha]

اهلا نيهال
عيد سعيد عليكي وعلينا وعلى كل الامة الاسلاميه
يارب تكون ايامنا القادمة ايام خير ومحبه وسلام وامن واستقرار
الظاهر ان عم صبحي حليت له اجازة رمضان ومكسل يرجع
المهم
مرت بينا ايام العيد وكلنا اكيد عمل حاجات كثيرة في العيد زيارات وخروجات وغيرها
واكيد كلنا صادفتنا مواقف عديدة منها السلبيه ومنها الايجابيه
ايه رايكم نتكلم عن المواقف اللي لفتت نظرنا في ايام العيد

[duha]

السلام عليكم
ازايك عمو صبحي كل سنه وانت طيب
عيد سعيد عليكم كلكم ويارب تكونو استمتعتم بايام العيد
طبعا في العيد خرجت مثل معظم الناس ولفتت نظري ظاهرة يمكن هي المفروض تكون طبيعيه لكن بصراحه هي كانت غريبه لاننا متعودنا على كدة
المهم انتو تعرفو اني من العراق وحاليا لظرف ما اقيم في كردستان العراق وهي منطقه يعيش فيها اكراد عراقييين
اللي لفت نظري اني كلما خرجت الاحظ ان الشباب مش بيبصبص
طبعا هتستغربو وتقولو طيب دا كويس
هو فعلا شئ جميل جدا ان البنات بتمشي براحتها من غير ما ينغص عليها شاب بكلمة او حركة
لكن الظاهرة هذه خلتني افكر كثيرا لماذا الشباب هنا يستخدم الطريق او المنتزه بادب ويسلك السلوك الحسن
الانهم مسلمين ملتزمين ؟ بالحقيقه وجدتهم مسلمين عادين والتزامهم يختلف من شخص لاخر فيهم الملتزم وفيهم غير الملتزم اذن القضيه ليست قضيه التزام
وهذا الموضوع فعلا ارقني هم شباب عراقيين مثلهم مثل اللي في بغداد ليه الكردي مايبصبص ويتحرش بالبنات وليه العربي ياويلها البنت اللي تعدي من جانبه
وصلت لحاجة غريبه هي ان البصبصه اختصاص وحكر على العرب فقط
ماهي الاسباب برايكم لسلوك الشباب العربي في كل مكان هم فيه مثل هذا السلوك؟
انا طبعا كونت راي عن الموضوع
وبعد تفكير رايت ان الشباب العربي فقط من يفعل هذا واكيد هناك اسباب والذي اعتقده ان الاسباب ضاربه في عمق تكوين الفرد العربي
كيف؟
طبعا بعد الفتوحات الاسلاميه انتشر العرب الي هم اصلا من الجزيرة العربيه في الاقطار وكان تاثيرهم على تلك الاقطار تاثير كبير باعتبارهم ناقلين لدين الاسلام فنقلو مع الدين مفاهيم وقيم البداوة الى تلك البلدان وقيم البداوة تلك تغلبت على قيم الحضارة الموجودة اصلا هناك كما في حضارة العراق او مصر او بلاد الشام والسبب في تفوق البداوة على الحضارة هو انهم كانو في موقع قوة وسطوة باعتبارهم ناقلين الرساله الاسلاميه الى تلك البلدان وهكذا تشبعت الشخصيه العربيه بتلك المفاهيم والقيم التي من ضمنها اعتبار المراة مصدر متعه ومعاملتها معامله دونيه
لاحظ اني اتكلم عن قيم البداوة التي حاول الاسلام القضاء عليها بتعاليمه السمحه لكن بالتاكيد ورغم ان الرسول عليه افضل الصلاة والسلام اتم رسالته بصورة كامله وصحيحه الا ان التطبيق لم يكن على المستوى المطلوب من قبل الاعراب والذين قال عنهم سبحانه وتعالى( الاعراب اشد كفرا ونفاقا )
فكان ان انتقلت قيم البداوة بكل محاسنها ومساوءها الى تلك الاقطار واصبحت سمه للفرد العربي سواء كان من الباديه اصلا او من مدن متحضرة جدا
احب اشوف اراءكم بليز

[نيهال]

يا هلا بيكى يا ضحى


منورانا ى جميل دايما
وعيد مبارك ان شاء الله

الاول بس قبل ما ياخدنى الكلام

عم صبحى...ازيك يا راجل يا طيب
ان شاء الله تكون مارينا احلوت اكتر على حسك
بص بقى
خد المج ده .بتاعى اعمللى فيه اللى بشربه ف القهوه
وعايزه شاى اخضر منغير سكر .......مش تتاخر لانى بفكر انام


فى العيد عندنا...
.لاحظت ان العيد السنه دى مختلف كتير كتير .....ليه بقى
انا كنت فى مكانين مختلفين كل الاختلاف
الاول المدينه وكانت نايمه بكل معنى الكلمه
كان عربيتنا عامله ازعاج من الهدوء السائد على الطريق
والتانى القريه بكل مظاهر الاحتفال
بحب قوى اروح اتفرج والاطفال صاحيين من بدرى وبيلفوا على اهلهم (علشان العديه)
ويروحوا يتمرجحوا او يشتروا بنادق
المهم
مظاهر فرحه غير المدينه اطلاقا
اللى طبعا سهرانه لبعد صلاه العيد


بالنسبه لموضوع المعاكسه.بتعرفى والله كنت بكون سعيده برمضان لان الشباب بيرحموا اللى بيمشى فى الشارع من المعاكسه
فلا يفرقوا بين منقبه او ملتزمه واخرى صارخه


زعلت قوى لما لاحظت اكتر من مره تعرض بعض الشباب لفتيات ومعاكستهم

زعلت ان الرهبه بتاعه رمضان ضاعت من قلوبهم فلم يحترموا اى شئ حولهم

[wael.galal]

إن الله لا يغير ما بقومٍ حتي يغيروا ما بأنفسهم

[amr_miza1]

في النهاية احنا كلنا في مركب وحدة نصلح من نفسنا اولا

فى حاجة انت مش واخد بالك منها
هنصلح من نفسنا اه بس فى ظل الوضع الاقتصادى عمرك ما هتعرف تصلح من نفسك
خلى الحكومة تديلك مرتب 2000 جنيه مثلا يعنى هتلاقيك بتعمل كل حاجة صح

[omarr]

وانا ماشى لاقيت القهوه بتاعتكم فاتحه
ممكن اقعد شويه اتسلطن معاكم
سؤال واحد بس .. فى شوكك هنا ولا الدفع يا الحبس ؟!

[amr_miza1]

حسيييين ايه الصدفة الجميلة دى .. طيب كنت كلمنى كنا جينا سوا

سؤال واحد بس .. فى شوكك هنا ولا الدفع يا الحبس ؟!

انت بتهرج ...؟ طبعا فيه شكك اما انا باجى هنا ليه

[نيهال]

يا الله
هيه وصلت للحاله دى والا ايه؟

[amr_miza1]

المشاركة الأصلية بواسطة نيهال

يا الله
هيه وصلت للحاله دى والا ايه؟

وأكتر من كدا

[duha]

السلام عليكم
سلام للاميرة الصغيرة نيهال اللي دايما منورة القهوة
وسلام لعمر وعمرو
ازايك عمو صبحي القهوة المظبوطة لو سمحت
يا عمر ويا عمرو احنا اهل الكرم
يعني مشاريبكم على حسابنا بشرط تجيبو موضوع دسم للنقاش

[amr_miza1]

ايه دا ببلاااش .. بتهرجى يا ضحى .. مش مصدق نفسى
عم صبحى والنبى تلاته ينسون والقهوة ع الريحة وخلى صندوق البيبسى للخر واحنا قايمين
واعمل حساب حسين زمانه جاى

وحيث القعدة هتطول بقى والمفروض نتكلم فى موضوع دسم زى ماضحى عاوزة ( وخصوصا ان هى اللى عازمة طبعا فطلباتها اوامر ) عندى موضوع كدا

البنات اللى بتقعد على القهوة .. وتشرب شيشة ( معسل يعنى )
انا مش بعترض على ان البنت تشرب شيشة .. اه والله
انا اعتراضى على حياء البنت .. راااااااح فين ,, لما الاقى البنت قاعدة كدا وبطريقة ملتوية وبتشرب شيشة على الملأ قدام الناس
ياترى لما حد يقول عليها مجرمة وقليلة الادب دا مش بيهمها
للدرجادى بقى فيه برود ولا مبالاه
للدرجادى عنصر الحياء اختفى
انا بالنسبة ليا بفكر بشكل تحررى شوية .. بس مش لدرجة اننا ننسى شرقيتنا واحترامنا لنفسنا !

ها ايه رأيكم بقى .... فين القهوة يا عم صبحى !!!!

[duha]

السلام عليكم
ازايك يا عمو صبحي
القهوة المظبوطه كالعاده
اهلا عمرو كل الطلبات دي ماشي ياعم ولا يهمك اهلا بيك انت وضيوفك
ومادام احنا قاعدين على القهوة وبنتكلم عن البنات اللي تقعد على القهوة
بصراحه انا لم ار هذه الحاله عندنا في العراق ابدا لكني سمعت من اقاربي بعض الدول العربيه ان هذا المنظر اصبح مالوف وعادي جدا
تجد البنت تجلس في المقهى وبدخن الشيشه او الاركيله وحتى اوقات متاخرة من الليل
بصراحه ورغم صعب عليا اني اتخيل هذا المنظر اعتقد انه منظر غير لائق ابدا
انا بصراحه اعتقد ان لكل انسان طريقه بالحياه وما علي الا ان احترمها وبالمقابل انتظر احترام الاخرين لي
لكن ما دمت ضمن مجتمع له تقاليده وعاداته يجب ان احترم هذه التقاليد والعادات
اتصور ان المشكله بقت ليست في ان البنت تشرب شيشه على القهوة
المشكله هي دخول مفاهيم جديدة على مجتمعاتنا العربيه شوشت الصورة امام الشاب العربي بحيث اصبح يصعب عليه ان يفرق بين الصالح والطالح
هتقول اكيد هي باينه ان التصرف دا غلط وهاقولك لو هي باين انه غلط ماكان انتشر هذا الانتشار الواسع
معنى انتشاره انه اصبح امر عادي وواقع حال مفروغ منه
ومعنى هذا ان التقاليد والعادات عندنا بدات تنكسر وتنهار وتتغير
لاباس من التغير لان التغير بالنتيجه هيدفعك للامام وهيطور المجتمع ويحركه من السكون والجماد الى مجتمع متحرك مبدع
لكن اي تغير
هل ان شرب الشيشه والقعده على القهوة للبنت هو التغير الذي نطمح اليه
لا اعتقد ذلك
المشكله اكبر من ذلك بكثير اكبر من قعده البنت على القهوة وشرب الشيشه
المشكله في ثقافه المجتمع باكمله
شكرا عمرو

[The Caesar]

قهوه مظبوطه ...با صبحي
بس بسرعه ...عندي شغل كتير

المنظر بقي فعلا بشع
و الابشع
انك تلاقي البنت قاعده مع خاطبها او مامتها كمان
و الشيشه ايه نار..و سحب خارجه من انفاس الهانم المعطره
لا بقي فيه حياء ولا تربيه
انا مش عارف ازاي بنت تقعد تشرب شيشه علي قهوه
اها البنت مخلوق وكائن زيه زي الراجل ككائن ليه حقوق وواجبات
بس مش يالشكل ده..نسيبنا بالاضرار الصحيه او الاضرار الجماليه
او تاثيرات الشيشه علي الاسنان ورائحه الفم...
بس لدرجه" غير الفحم يا صبحي...الشيشه دي مشدوده |
الله يرحمك يا سي سيد...امينه لما خرجت من وراه تزور اولياء الله الصالحين
" علي امك يا امينه"...وكان هايطلقها
الله يرحمك يا سي سيد...
الف نور ورحمه..
وربنا يرحمنا جميعا و يهدي العاص

[amr_miza1]

والله يا ضحى موضوع التغيير فى المجتع او مسألة التحرر هى مسألة مطلوبة

علشان مانبقاش تحت عباءة الماضى وخايفين نطلع من تحتها لا ناخد برد

الفكرة فى هى تطبيق التحرر دا بشكل يسيء لشرقيتنا ومجتمعنا

لان مهما يكن لازم نكون عندنا انتماء لمجتمعنا مهما كانت درجة التحرر

وعلى فكرة انا زعلان من عم صبحى شايفنا عمالين نتكلم ومش معبرنا بكوباية ميه