قهوة المخربشين (5)

[برديس]

الله ايه ده الافراح بتيجى كلها مره واحده
الف الف مليون مبروك يا دكتوره
بس كده انا اخر من يعلم ماشى مردودلك
بس والله فرحتلك جدا
وعقبالى انا كمان وكل بنات المنتدى والى بره المنتدى

[برديس]

معلش يا جماعه قولت ابارك للدكتوره الاول
اسلام وحشتنا يا راجل لو كنت اعرف انك جاى امس
كنت برده رحت فرح صحبتى ههههههههه
ابدا حمدلله على سلامتك شويه كده وهرد على موضوعك
عمرو بحور ابتسامه حسين جناب العمده توتى
ازيكوا كلوكو وحشتونى اليله دى
انا قرات مناقشتكم فى الموضوع مكنتش هقول اكتر من الى قولتوه
بس على فكره يا حسين انت نسيت نوع جبنه ( النستو يا شيخ) ههههههه

[برديس]

بص بقا يا سلوم
موضوع القطاع الخاص ده ليه مميزاته وليه عيوبه
مميزاته على قد ما بتشتغل بتلاقى
مش زى القطاع العام الى بيشتغل زى الى ما بيشتغلش
لكن عيوبه بقا
ان صاحب العمل بيتحكم فيك وان مش مهم تشتغل بالشهاده بتعتك وعدد سعات العمل
كتير
انا مثلا اشتغلت سنه فى مدرسه خاصه
صحيح كنت باخذ مرتب كبير وكان الشهر بشهره
بس كنت بخرج من البيت الساعه 6 صباحا ارجع 5 مساءا
غير بقا صاحب المدرسه لما كان يجى كان لازم نستنى الاجتماع وحجات كتيره
عملين زى ما يكونوا اسعبدونا
واذا اعترضنا نفس الكلمه كانت بتقال مش عاجبك سيبى المدرسه
كانت الميزه الوحيده انهم كانوا بيقدروا شغلى والتزامى
بس تعبت فى السنه دى جدا فقررت انى مشتغلش فى المدارس الخاصه تانى
رحت اشتغلت فى الحكومه بالعقد السنوى
شفت حجات غريبه
مفيش التزام خالص المدرس بيجى على حصته ويمشى
عادى بقا تشتغل زى ما تعملش حاجه رقيبك الوحيد ضميرك
تيجى من الاول زى ما تيجى من الاخر كله واحد وكله متساوى
فضلت فتره واخده على شغل والتزام المدارس الخاصه بس بدات اخذ على شغل
الحكومه خلاص زى زيهم
ده فى المدارس بصراحه معرفش الشركات اخبارها ايه
دى تجربتى فى القطاع الخاص والعام
بس انت عارف يا اسلام انا بفضل شغل القطاع الخاص
بس فى البيت مش موافقين
للاسف لسه بابا عندنا مومن بمثل ان فاتك الميرى 000000
فى المدارس الخاصه على قد التعب الى الواحد كان فيه بس كنت حاسه بقيمة نفسى
وخصوصا انى بدى مادة تربيه فنيه فى القطاع العام دى ملهاش اى اهميه
رغم ان وضح شغلى فى المدرسه والفرق بان بس مفيش حاجه خالص
غير القطاع الخاص عرفين كويس اهمية كل ماده وكل الى بنطلبه علشان نطور الماده بنلاقيه
حجات كتير زى كده
ايه يا جماعه فينكوا هو انا اجى انتو تمشوا
معلش يا سنقر ريحوك من الشغل اه طبعا ما بتصدق

[شاعــ الليل ــر]

صباح الخير يا برديس

ألف مبروك لصحبتك

وعقبالك كده يارب
لما تحصليها هي و آيات
ونرتاح منك

ءءءء أصدي نفرح بيك


عجبني أوي تعليقك علي القطاع العام والخاص
وتجربتك
لأنها من زاوية خاصة وهي التعليم

وده حيخليني أسأل سؤال جديد ونجيب في سيرة وزير التعليم
بس حنخليها دلوقتي لحين الانتهاء من مناقشة القطاع العام والخاص

وأرجع أسألك
شوفتي الإعلان بتاع الشباب الّي فاته القطر ؟

أنت يا واد يا سنقر
شوف أستاذتنا تشرب إية ؟
وهاتلي نسكافيه بلاك
عرفته ولا أقوم أعرفهولك

[duha]

الف مبروك دكتورة ايات
ربنا يباركلك ويتمم لك على خير
ربنا يسعدك دايما

[omarr]

د.آيات .....

الف مبرووووووووووووووووووووك على الخبر الجميل .....
ضحى .برديس .عممممور .بحور .شاعر الليل . ائل جلال .إبتسامه .جانب العمده .
وجميع رواد "قهوه المخربشين "

صباحكم زى الفل .......

[omarr]

القطاع الخاص :

توجد شركات فى القطاع الخاص تتعامل وفقا للقانون المصرى . فتقوم بالتأمين عليهم
من واقع المرتب الفعلى , 40 % من الراتب الأصلى تقوم الشركه او المؤسسه بدفع
الجزء الأكبر ويخصم من العامل جزء من راتبه حوالى 11% .

وهذه الشركات إيضا توفر للعامل لديها رعايه طبيبه محترمه وفعاله من خلال التعاقد مع
عدد من المؤسسات الصحيه المحترمه وذات السمعه العاليه ..

ولكن معظم هذه الشركات شركات دوليه , وتظل الأغلبيه العظمى من شركات القطاع الخاص
تتهرب من سداد الشريحه الحقيقيه لصالح التأمينات , ولا توفر لهم رعايه طبيبه مناسبه
" التأمين الصحى " .


المشكله ان الرواتب زادت زياده كبيره , ولكن قوانين التأمينات مازال على حاله و يعتبر ان
العامل الذى راتبه يتعدى ال 800 جنيه يتم معاملته معامله خاصه و يجب على الشركه ان
تقوم بدفع مبالغ إضافيه و ويتم تحميلها على الشركه والعامل .....


الغريب فى الأمر ان كثيرا من العاملين او الموظفين الذين يتعدى راتبهم ال 1000 جنيه , لا يرغبون
فى دفع التأمينات . ويفضلون الحصول على المبلغ كامل .

من واقع خبرتى القطاع الخاص يعطيك كافه مستحقاتك فى يدك و ذلك بالتلاعب فى قيمه الراتب
يعنى مثلا موظف راتبه الأساسى 1000 جنيه .يتم صرفها كالآتى : راتب 150 جنيه . بدل إداره 300
بدل سفر 300 , بدل معيشه 250 جنيه . وبهذا يحصل الموظف على مستحقاته كامله ..ولكن
حين وصوله لسن ال 60 و إحالته على المعاش .تقوم التأمينات بأعطاء الموظف مبلغ صغير , لأن راتبه كان صغيرا على الورق . وتقوم بأعطائه مبلغ شهرى صغير .

لكن فى القطاع العام و الشركات الكبيره المحترمه يعطون بيانات وافيه عن رواتب العامل لديهم
ويتم استقطاع قيمه التأمينات من المؤسسه ومن العامل , وفى النهايه يجد العامل مبلغ كبير
ومجزى عند وصوله لسن المعاش , ويحصل إيضا على معاش شهرى عالى وكافى .

اى ان العامل فى القطاع الخاص يحصل على مستحقاته" اول بأول " . و لايهمه ان ينتظر لسن
ال60 .لأن العامل نفسه يعرف تماما انه لن يعمل فى تلك المؤسسه حتى سن ال 60.

فى القطاع العام , يتم اعطاء مرتبات اقل و لكن هناك ضمنات اكبر على المدى البعيد
وكثيرا من الأباء العاملين فى القطاع العام ينتظرون المعاش الكبير حتى يستطيعون
ان يزوجوا ابنائهم . ومنهم من يسوى معاشه مبكرا ...


انا بقيت رغااااااااااااى موووووووووووت ....

[amr_miza1]

مساء الخير عليكمممممممممم

حسين واسلام ووائل وضحى وبرديس ايات وسها وابتسامة وبحور وكل الناس


والله يا اسلام اعتقد ان القطاع الخاص مش سيء للدرجة .. او بمعنى ادق .. المنظومة كل ما كانت محترمة وادارة محترمة اكيد هتكون ناجحة وبتضمن للعاملين الأكفاء الاستمرارية
حفاظا منهم على كيانها ووجودها ..

واعتقد ان موضوع الواسطة عمره مش طويل .. بمعنى ان صاحب المنشأة طالما شايف ان مصلحتة بتتعارض مع وجود عنصر غير كفء فأكيد هيستغنى عنه بصرف النظر عن الواسطة ..

اكيد طبعا فيه مساويء للقطاع الخاص وكلنا عارفينها انها زى ما بنقول ( على كف عفريت ) لكن دا امر طبيعى وشيء وارد ودى بتعتبر فرصة اكبر لاثبات الذات ..

والدول الغربية نسبة القطاع الخاص فيها اكبر بكتير جدا من القطاعات الحكومية .. ودائما ما تكلل بالنجاح .. ولكن الشعب الغربى شعب عامل ويمكن بيقدس العمل اكتر مننا ..

يعنى الموضوع باختصار نسبى كلما كانت المنشأة على وعى جيد وادارة جيدة فمن الطبيعى أن تحافظ على الكوادر الأكفاء لضمان الاستمرارية ..

[amr_miza1]

المشاركة الأصلية بواسطة سها soha

ازيكم ياجماعة

عاملين اية كلكم

انا سامعة ان عمرو وشاعر وضحى وعم صبحى

بيوزعوا شربات وفى لمة والدعوة عامة

الف الف الف مليون مبروك ياايات

ربنا يتمملك بخير يارب

فرحنالك بجد ياايات

عقبال بنات المنتدى كلة

ازيييك يا سها فينك كدا مش باينة ... متقوليش بتزاكرى مش عليا انا .. اداب زى بعض وعارف ان المزاكرة مش مقطعة بعضها يعنى ..

عموما نورتى القهوة من جديد ..

وبعدين انتى دعيتى لبنات المنتدى ولا كأن فيه شباب فى المنتدى ,, اه اكيد طبعا خايفين على نفسكم

اتنين شاى يا عم صبحى فى السريع لو سمحت ..

[rosi_smile]

دكتورتنا الجميله
علي أد مانا فرحانه بيكي
علي أد مهتوحشيني اليومين دول بس اوعي خالد يخدك مننا
ويابنتي كلنا لها انتي كنتي رافضه بس هي دي اخترنا كلنا هههههههههههههه
يلا الحمد لله والف الف الف مبروك وعقبالنا كلنا كده عقبالي ياااااااااااااااااااارب لما اتجوز واخلص بأه وعلي فكره يا ايات لو عندك عريس انا موجوده يعني ابقي اديني مسد كول هههههههه
الف مبروك يا قمر وعقبال كل اعضاء المنتدي يارب
والحاجه الساقعه علي حسابي

[omarr]

عمممممممور صباح الخير ...

فى مهن كثيره لا توجد فيها واسطه , محتاجه لمهارات اكثر من اى شىء اخر ...

فى مجال عملى فى السياحه مافيش وسايط .. الواسطه هى لسانك القادر على التحدث
بلغه اجنبيه , ومظهرك العام .. وخبراتك السابقه ......

وفى مجال الغوص إيضا .. لاتوجد وسايط ابدا .. لابد من اجتياز الأختبارات .. وإلا سوف
تعرض المنشأه كلها للخطر وربما للغلق ....

واعتقد ان هناك شريحه معتبره من الشاب ادركت ذلك و تعلموا لغه بعد التخرج و التحقوا بعمل
على الفور ... وصدقنى يا عمرو اذا اخبرتك ان مجال السياحه فى حاجه الى شباب و يوجد
عجز كبير فى السوق وخاصه فى المتكلمين باللغه اليابانيه و الروسيه و الهولنديه
و اللغات الأسكندنافيه , والبولندبه ... الخ ... توجد اعداد هائله من الشباب تعانى من البطاله
ولكن يوجد عدد قليل منهم يملك المهارات اللازمه للعمل .لدرجه انك لو ذهبت فى اى يوم الى
معبد الأقصر او المتحف المصرى ..سوف تكتشف عدد كبير من الأجانب يقومون بالشرح للمجموعات
السياحيه وذلك بسبب النقص فى اعداد المصريين المؤهلين والقادرين على التكلم بتلك اللغات

[omarr]

روزى سمايل .. سها .. منورين "قهوه المخربشين "

[Dr-Ayat]

السلام عليكم

سهى جناب العمدة استاذ حسين ابتسامة روزي عمرو اسلام ضحى بحور ربنا يخليكم ويبارك فيكم يا رب وعقبالكم يا بناااااااااااااااات وعقبالك يا عمرو انت واسلام
وعقبال ولادكم استاذ حسين وجناب العمدة
ان شاء الله اعزمكم على فرحي كمان سنة ونص

دكتورتنا الجميله
علي أد مانا فرحانه بيكي
علي أد مهتوحشيني اليومين دول بس اوعي خالد يخدك مننا

والله انتو هاتوحشوني كمان يا روزي

ويابنتي كلنا لها انتي كنتي رافضه بس هي دي اخترنا كلنا هههههههههههههه

على قولتك كلنا لها

يلا الحمد لله والف الف الف مبروك وعقبالنا كلنا كده عقبالي ياااااااااااااااااااارب لما اتجوز واخلص بأه وعلي فكره يا ايات لو عندك عريس انا موجوده يعني ابقي اديني مسد كول هههههههه


€بس كده من عينيا هههههههه فيه زمايله على وش جواز بس مش تقولي بخاف من الدكاترة

الف مبروك يا قمر وعقبال كل اعضاء المنتدي يارب
والحاجه الساقعه علي حسابي

الله يبارك فيكي يا روزي وعقبالكم كلكم

الف شكر يا احسن ناس في احلى منتدى

بت يا بحور عايزة تخنقيني ههههههههه ايه الغزل اللي سيباهولي في الماسنجر ( انا ابتديت اكرهك عايزة اخنقك) ده كلام يتقال يا بنت هههههههه مانتي عارفة بنام وانا سايبة النت شغال
حراااام عليكي. مش طنااااااش

[ابتسامة الحياة]

المشاركة الأصلية بواسطة سها soha

ازيكم ياجماعة

عاملين اية كلكم

انا سامعة ان عمرو وشاعر وضحى وعم صبحى

بيوزعوا شربات وفى لمة والدعوة عامة

الف الف الف مليون مبروك ياايات

ربنا يتمملك بخير يارب

فرحنالك بجد ياايات

عقبال بنات المنتدى كلة

ازيك يا سها فينك بقالك فترة

[ابتسامة الحياة]

ازيك يا ايات