انا مش عندى ما يسمى بالبوم صور
لانى بصراحه مبحبش صورى خااالص
معرفش ليه مع ان ممكن حد يشوفها يقول حلوة بس انا مبفضلش الموضوع ده
مبحبش غير صورة واحده متصوراها من كام اسبوع كداا لسبب واحد ان انا مش انا
بس بحب جدااااااا التصوييير
لدرجة موقف حصل امبارح ..
كنت انا وصديقتى داخلين المدرج .. كان فى ولد ""وحييييييد" فى المدرج كله
كان قاعد و عامل position تحفة جداااا بجسمه
كان مضغوط جدااا نفسيا ووضعه عبر عن ده جداااااا
و المنظر من وراه المدرجات فاضية ..
كنت هتجنن ازاى مش معايا كاميرا دلوقتى ولا حتى موبيل ..
كان ممكن اقوله هات موبيلك اصورك
بس للأسف أنكسف
و هحاول جاهدة فى الاجازة اتعلم تصوير فى الساقيه
و و و اييه تانى
اااه ليه صورة بالمايوو الفوشيا وانا عندى سنتين و مطلعة لسانى
منتهى الهبل
بحبها جداااااااا
بس كداااا
اولا اهلا بيكى يا بحور.....منوره يا بنتى شطوره لانى بعتت رد..لما الموقه وقع كام دقيقه وطبعا مش عملت سيف ولا حاجه بصراحه مش اديت خوانه ههههه وبدات فيه من تانى
إقتباس:
المشاركة الأصلية بواسطة bo7or
لدرجة موقف حصل امبارح .. كنت انا وصديقتى داخلين المدرج .. كان فى ولد ""وحييييييد" فى المدرج كله كان قاعد و عامل position تحفة جداااا بجسمه كان مضغوط جدااا نفسيا ووضعه عبر عن ده جداااااا و المنظر من وراه المدرجات فاضية ..
قوليلى يا بنتى وانا بعطيكى كاميرتى اللى موجوده بالحقيبله لا تغادرها لدرجه ان اصحابى بدؤا يفكروا فى انهم يسحبوها منى ههههه
إقتباس:
المشاركة الأصلية بواسطة bo7or
اااه ليه صورة بالمايوو الفوشيا وانا عندى سنتين و مطلعة لسانى منتهى الهبل
موضوع نيهال - والعصابة -
الصور ... عندي صور كتيــر وأنا صغير وبحبها جدا وساعات مش باصدق إن ده أنا !!
الصورة وأنا عندي أقل من 4 سنين لابس جاكيت فرو وشعري طويل ومنكوش وحافي ورجلي مليانة طين ، كنا في الشتاء ولسه طالع من الشارع ، دخلت من الباب قالوا لي على الحمام بسرعة اغسل رجلك ،، وطبعا ازاي حد يكلمني بالطريقة دي!! وكنت عنيد إلى درجة الغباء،، بهدوء شديد طلعت قعدت فوق الكنبة ومش كده وبس علشان اغيظهم كنت ماسك " أستيك " مطاط قعدت ألعب بيه في رجليه ، وصوروني وانا بالمنظر ده!!
متشرد..
الصورة التانية .. في حديقة الحيوانات ، كان يوم طلعنا فيه كلنا _ العائلة كلها - رحلة إلى الأهرامات وحديقة الحيوانات ، كنت أصغر واحد في العيلة
كان عندي يمكن 3 سنين ونص ، الصورة بقي قدام قفص النسور ، واقف انا زي البلية وعندي " كرش" قال!!
وماسك جزرة باكل فيها، والناس كلها بتجري من قدام القفص،ونسر ضخم في الخلفية فارد جناحاته وهاجم على سور القفص، وده طبعًا إللي خوف الناس، وأنا ولا في دماغي.. العجيب إني مش كنت شايف النسر خالص ويمكن كمان مش عارف بالظبط دا قفص ايه!! ولا حتى شايف الكاميرا.. أنا كنت مشغول بالزرافة .! لأن الجزر إللي عمال آكل فيه من الصبح كنا جايبينوا للزرافة، وطبعا إستحالة حد يأكل الزرافة غيري!! وعشان أضمن أخدت الجزر معي!! واكيد لي صورة تانية مع الزرافة ...
-ازيك يا عم صبحي؟
قهوة زيادة لو سمحت ،، وطول الفتلة !!
آخر تعديل بواسطة The Knight ، 19-04-2008 الساعة 06:51 PM.
السبب: ضبط ...
السلام عليكم
ازيكم جميعا
انا بصراحه مش عارفه اي موضوع انتو بتناقشوه حاليا
بس ممكن طبعا استنى حد يعرفني
" منتهى التواكل "
ها بقى بين هيتبرع و يقولي
و مين هيتبرع و يعزمني على عصير مانجه متلج
الورد الجوري هنا اتاري القهوة منورة الف حمدا لله على سلامتك نورتي المنتدى كله المواضيع كانت عن البوم صورك وابن البلد كان حاب نتكلم عن خطبه الجمعه لو حضرناها والعصير على حسابي طبعا اهلا فارس خشبي منور
السلام عليكم
ازيكم جميعا
انا بصراحه مش عارفه اي موضوع انتو بتناقشوه حاليا
بس ممكن طبعا استنى حد يعرفني
" منتهى التواكل "
ها بقى بين هيتبرع و يقولي
و مين هيتبرع و يعزمني على عصير مانجه متلج
بس ممكن طبعا استنى حد يعرفني " منتهى التواكل " ها بقى بين هيتبرع و يقولي و مين هيتبرع و يعزمني على عصير مانجه متلج
نورتى يا ورد القهوه انا طبعا اتفزعت لما لقيت فيه رائحه عطره عمت المكان اصل دائما القهوه رائحتها فل وياسمين انما ورد جورى...كان الموقف ملفت للنظر مين يتبرع يا جماعه انا ممكن اتبرع واقولك ان الموضوع عن الصور بتاعتك وانت صغيره وانتى كبيره اختارى صور واوصفيها واحكى لنا على الموقف الخاص بيها انما موضوع المانجه ده........متعوده ان اصدقائى همه اللى بيعزمونى عليه ههههههههههههه مش اعزم ابدا
