قهوة المخربشين (5)

[عتاب]

سؤال متأخر اوي يا عمر ههههههه
اشتغلنا واللي كان كان
زمان وانا صغيرة كنت بقعد العب مع نفسي
واعمل مدرسة وافضل اشرح دروسي للكراسي
وكان عندنا سبورة وطباشير فالموضوع كان ممتع بجد
بعد ما كبرت شوية بدأت اتمنى اكون مهندسة زي بابا
وفضل الحلم معايا بس شاء القدر اني ادخل كلية علوم مش هندسة
ولقيت نفسي فيها جدا واتخرجت منها بتفوق وكنت الاولى على دفعتي و ده كان المفروض يؤهلني اكون معيدة فيها (بس كنت حاسة اني مش هانفع في التدريس )
بس شاء القدر اني ماتعينش معيدة وبالصدفة قدمت في مسابقة الازهر ولقيت نفسي رجعت لحلم الطفولة وبقيت مدرسة
وشايفه اني الحمد لله نجحت في مهنتي وهي دي المهنة المناسبة لطبيعتي

[محمد كمال على]

المشاركة الأصلية بواسطة زهره مصر

يعني انا في اخر سنه حقوق عمري مسمعت عن ماده الفتله ديه
ديه جت من فين

ماده الفتله دى فى الباب الانى من الفصل الخامس من قانون العقوبات وجرائم النفس
وماده الفتله نفسها خيوطها طويله
(بكره)تاخديها فى الكليه

[omarr]

عتاب ..

تسلمى لى يارب على ردك ..


لكن سؤالى يشمل اللى بيشتغلوا واللى لسه ها ...

يعنى السؤال ..اى مهنه تشعر انها مناسبه لك اكثر ؟؟

بغض النظر عن كوتك تعمل اولا ..

اكرر شكرى لك ..حول ..

[زهره مصر]

المشاركة الأصلية بواسطة omarr

قول وبصراحه نفسك تشتغل ايه .. تحب تكون وظيفتك ايه .. ايه الوظيفه اللى انت حاسس

انك مخلوق لها وتقدر تعملها بكل سعاده ...

الاول ازيك يا عمر
انا من اولي ثانوي قررت ادخل حقوق
كان عجبني دراسه القانون جدا
وحاليا ورغم كل الكلام اللي بيتقال علي المحامين
بس برضه عاجبني وحسه اني ممكن اجيب
حقوق الناس اللي ضيعه يعني ممكن اعمل حاجه
ونفسي اوي اكون محاميه تبع منظمه حقوق الانسان
يارب

[عتاب]

هههههههههههه
التدريس مناسب لي جدا برأيي ورأي الاغلبية .. حول
وفيه مهنة كمان فيه ناس كتير قالولي انها تناسبني وهي (وكيل نيابة ) ههههههه

[نيهال]

المشاركة الأصلية بواسطة omarr

قول وبصراحه نفسك تشتغل ايه .. تحب تكون وظيفتك ايه .. ايه الوظيفه اللى انت حاسس

انك مخلوق لها وتقدر تعملها بكل سعاده ...

انتظركم

هلا بيكم جميعا........
عم صبحى عايزه عصير فروله منغير لبن

تغيير بقى

احكيلكم......وانا صغنونه كا نفسى اطلع مهندسه فى القوات المسلحه........
بحد ما وصلت لخامسه ابتدائى فى يوم قررت انى اكون مهندسه معماريه زى جدو
وده كان هدفى
وركزت عليه كل طاقتى لحد ما بالفعل قربت احققه
واخدت اعدادى هندسه....وجيت احول اسكندريه .......
و علشان بختى جميل...طبيعى يعنى مش انا اللى اخلص ورقى.....جه معايا واحد من حرس الجامعه علشان ينجزه وقالى اكتبى الاقسام بالترتيب...
فكان السنين اللى فات مش مسموح للمحولين انهم يدخلوا قسم عماره
فطبيعى كتبت مدنى الاول
وعندى كان نفسهم ادخل اى قسم بناتى كهربا او كيمياء
بس بجد حسيت ان زيهم زى العلوم والميكانيكا باور
ولان تقديرى كويس فدخلته بسهوله
بعد التقديم .....اكتشفت انى لو كنت سالت كنت عرفت انهم فتحوا باب القبول للمحولين للاتحاق بقسم عماره
الله يسامحه البتاع اللى جه معايا ده


والحمد لله راضيه عن شغلى الان
لان كل يوم بكتشف معلومه جديده وبطبقها بالفعل

[Ebn elbalad]

منذ صغرى وأنا أذهب مع أبى إلى مصنعه وأرى العمال والماكينات وانبهر بهذا .. ولن بيجيلى صداع من الصوت .. عندما بدأت رحلتى فى عالم الانترنت اصطدمت بمجال الهندسة المعمارية بصورة مباشرة .. حتى عشقت هذا القسم .. وأردت بشدة أن التحق بكلية الهندسة .. والحمد لله أنا الآن فى السنة الإعدادية وفى انتظار تحديد القسم المناسب لى الذى يبدو أنه سيكون قسم العمــارة إن شاء الله ..

[omarr]

عتاب

نيهال

ابن البلد


ربنا يارب يسعدكم فى مهنتكم اللى بتحبوها ..

[i.naggar]

السلام عليكم

ازيكم كلكم كده علشان مانساش حد ...

الاول قبل ما اتكلم ......

يا عم صبحى
قهوة مظبوطه الله يخليك ...

آآه متنساش .. آآآآآآآآآآآصر الفتلة
اصل فى ناس زعلانه من طولها

انا بقى كان نفسى من صغرى ابقى ظابط
ظابط حربيه , ظابط شرطه , انشاله حتى
ظابط ايقاع ........ ههههههههه

وفضل معايا الحلم ده فتره كبيره

وانا فى الابتدائى كده تالته او رابعه
بدأت لفكر ى الهندسه
وحبيت قوى الهندسه

وفضل معايا الحلم ده لحد اولى ثانوى
لحد ما للاسف قابلت فى المدرسه
اتنين مدرسين رياضه كرهونى فى
الرياضة وخلونى ادخل ادبى ..

حسبى الله ونعم الوكيل

وفعلا كانوا مثال سيئ جدا
للمدرسين .....

والحمد لله دخلت تجارة
وانا محاسب ...
وكان ممكن ادخل تربيه او غيره
لكنى فضلت التجارة

انا بحب فعلا المجال ده ...

وميرسى يا عموره على الموضوع ده ...


وتحياتى ....

[True_Face]

احم احم
انا جيت
بس ولا كلمه حجولها لغايت منعرف مين من المخربشين هنا

[نيهال]

اهلا بيك يا نجار.........جميل انك تحب ما تعمل..ده لوحده بيكون حافز انك تبدع فيه
ربنا يوفقك


يا هلا بيك ترو فيس.........



عم صبحى.........عايزه ينسون واكيد بفتله
....

[i.naggar]

اشكرك مولاتى " الاميره الصغيرة الرقيقة "

لازم الانسان يحب ما يعمل والا عمره ما
حيتقدم ولا ينجح .....

عم صبحى , طلبات الاميرة عندى النهارده ...

[نيهال]

مرسيه......ربنا يخليك......


خلى بالك......مش تنسى اننا اخر الشهر
انا سعيده قوى........لان الشهر قرب يخلص

[i.naggar]

يا ستى على النوتة

عم صبحى راجل طيب

وبطوووووووووويل الفتلة

قصدى بطويل باله على الفلوس

[i.naggar]

تصبحوا على خير بقى علشان عندى

شغل بدرى الساعه خمسه ...

ولازم اروح انام ....

حتوحشونى لحد بكره والله ....


سلام بقى ..