قهوة المخربشين (5)

[ابتسامة الحياة]

ازيك يا سها
كل سنة وانتى طيبة يا قمر
وكل رواد القهوة بخير وسعادة

[/quote]

[Dr-Ayat]

المشاركة الأصلية بواسطة ابتسامة الحياة

ازيك يا ايات عاملة ايه
منورة القهوة
هاتيلى معاكى كابتشينو

[/quote]

الحمد لله يا ابتسامة ان كويسة بس نفسي المطر يوقف بقى :(
اتنين كابتشينو يا واد يا سنقر بسرعة

تفتكري هايفهم يعني ايه كابتشينو ده كبيره القرفة والزنجبيل

[سها soha]

المشاركة الأصلية بواسطة ابتسامة الحياة

ازيك يا سها
كل سنة وانتى طيبة يا قمر
وكل رواد القهوة بخير وسعادة

[/quote]

وانتى طيبة ياحبيبة قلبى

دائما منورنا على طول

[wael.galal]

السلام عليكم
أزيكم كلكم رواد القهوة الكرام

أيه أنا شايف نور منور القهوة ممكن تعرفنا بنفسك ولا أيه

القهوة المظبوط يا سنقر

[Dr-Ayat]

وعليكم السلام يا وائل

سها ازيك عاملة ايه

سنقر هات حاجة سخنة لوائل وكرسي ليا عشان اخبطك فيه على دماغك
يمكن تتعدل

[قلب الكنارى]

السلام والتحية لكل الموجودين فى القهوة معانا
وكل سنة وانتو بالف خير

وكل سنة وانت طيب يا سنقر
وتقلقش شايلك العيدية بتاعتك بس اتوصى بيا

انا فرحانة اووى عشان الحمد لله رابطة كلية الاداب بتزيد
ويلا عشان عايزين نعمل منافسة جامدة بالرابطة بتاعتنا والكليات التانية
عايزين نبدا
وربنا معانا
ولو ان حاسة اننا هنحارب
يلا ربنا معانا

اقابلكوا فى فضفضة
سلام

[amr_miza1]

مساء الخير

كل سنة وانتم كلكم طيبين

حسين واسلام ووائل وضحى وسها وايات وبرديس وابتسامة وبحور ومستكة وقلب الكنارى والحاضر يعلن الغايب ..

ازيك يا عم صبحى .. ازيك يا سنقر كل سنة وانتم طيبين .. مع انكم مطلعين عنينا فى الطلبات بس يالا مش مهم


ابناء كوزموس .. قصدى يعنى ابناء الرابطة . ماتقلقوش هانت ان شاء الله .. دونت وورى

اعتقد ان فيه حد كان اتكلم عن التدخين تقريبا صديق جديد يدعى ابن النيل .. اهلا بيك ومنور المنتدى وكل سنة وانت طيب

بصراحة يا جماعة موضوع التدخين .. اقول ايه بس .. هقول ايه اكتر من الاذاعة والتلفيزيون وماما سامية .. وبعدين اصلا فاقد الشيء لا يعطيه .. هتكلم ازاى وانا .. وانا .. يعنى على خفيف كدا ههههههههه

على اى حال هو التدخين نقمة .. وفقنا الله واياكم لاننا نبتعد عن التدخين .. وايات بالذات علشان كل ما تدخل تطلب شيشة .. وطبعا مش هقولك على اضرارها يا دكتورة

[مستكة]

السلام عليكم ورحمة الله وبركاته


حسين واسلام ووائل وضحى وسها وايات وبرديس وابتسامة وبحور وقلب الكنارى وamr_miza1

ازيكم جميعا

بصراحه انا كنت راحه انام بس مقدرتش اشوف كلام عن التدخين واسكت

طبعا المدخن عموما ميحبش كلام النظريات والتوجيهات اللي بيحصل غالبا انا رايي انه انسان حر هو مدرك تماما انه بيدمر صحته بايده بس عنده متعة الساعه ابدي من التفكير فيما بعد

خلاص هو حر صحته وهو اللي هيتسال عليها مش احنا

بس اللي هو مش حر فيه بئه انه يئذي غيره بالدخان ده

وللاسف لو حد جه يعترض ولا قال لوسمحت دخان السيجاره بيتعبني يبصلك باستغراب جدا كانك بتطلب شيء مش من حقك

هو مطلوب منا ايه يعني نشم الدخان ونتحرق احنا في سبيل راحة المدخن

يعني مش كفايه هيتحاسب علي النعمه اللي ربنا ادهاله لا كمان عايز يتحاسب علي اذية البشر

صحة بتضيع وفلوس بتتحرق واذية ناس

هي السجاير دي تستاهل التضحيه دي !!

[شاعــ الليل ــر]

السلام عليكم

مساء الخير علي كل رواد القهوة

بداية من المعلمة ضحي صحبة القهوة وأستاذ حسين وعمرو ووائل وجناب العمده
وآيات وسهي وأبتسامة وبحووور ومستكة وقلب الكناري
ويا رب مكنش نسيت حد عشان فيه ناس بتزعل وغرمتني كتيييير "فاكرة يا بحووور "

طبعاً يا عم صبحي أنت وابنك سنقر مش عيزيين سلام
الواحد رايح جاي يصطبح بيكم

واحد شاي بسرعة يا سنقر

[ابتسامة الحياة]

السلام عليكم ورحمة الله وبركاته
سلامى لجميع رواد القهوة
ضحى
ايات
بحور
سها
مستكة
قلب الكنارى
اسلام
عمرو
ا/حسين
وائل
جناب العمدة
وطبعا عم صبحى وسنقر
كل سنة وانتم طيبين
وبخير وسعادة ان شاء الله
لى عودة مع موضوع التدخين

[/quote]

[مستكة]

سبحان الله الانسان هو المخلوق الوحيد الذي يصنع مالا يجب ان يصنعه ياكل ما لا يجب ان ياكله ويشرب ما لا يجب ان يشربه


حقائق واحصائيات عن السيجاره :



- السيجاره تحتوي علي مالايقل عن 4000 ماده كيماويه منها 40 ماده سرطانيه و40 ماده مسببه للسرطان !! ( بس ولا يهمك دخن ياعم محدش واخد منها حاجه )

- من اهم المواد السامه بالسيجاره هي النيكوتين والقطران واول اكسيد الكربون , ومدخن سيجاره كامله بياخد 80% من سمومها ( بس اوعي تتاثر بالكلام ده مزاجك اهم )

- مدخن علبه كامله في اليوم لمدة سنه يحصل علي 28الف و160 سم من هذه السموم ( وايه يعني وماله محدش بيموت ناقص عمر )

- تاثير السيجاره بيكون في دائره محيطها 40 م ويظل تاثير الرائحه لمدة 4 ساعات ( اعمل نفسك ولا كانك واخد بالك )

- تغييرات تحدث في الجسم نتيجة التدخين :

1- يتغير اللعاب من قلوي لحمضي ( مما ينتج عنه عدم القدره علي هضم النشويات وبالتالي افراز المعده للسائل بزياده مما يؤدي في النهايه لقرحة المعده )

2- تزيد نبضات القلب من 20:30 نبضه ( فنبضة القلب كانها مجهود شخص لرفع اكجم لمسافة نصف متر مع حساب عدد النبضات في اليوم للانسان الطبيعي كانه حمل 100 طن لكن في حالة المدخن بتكون 130 طن )

3- يرتفع ضغط الدم من 10 : 20

4- تنقص درجة حرارة الجسم من 2:3 درجه

5- تحدث بالجسم رعشه غير مرئيه



امراض تصيب المدخن :

سقوط الشعر , بياض العين , سرطان الشفه , سرطان الرقبه , سرطان الرئتين ، امراض القلب وتصلب الشرايين , مرض بيرجرد ( وهو مرض ياتي في الاطراف نتيجه لتصلب شرايين وأورده رفيعه مما يؤدي الي موت الاطراف وقد يحدث غرغرينا وقطع الاطراف )


نصوص الصحه طبقا لتقرير منظمة الصحه :

( الاكثر تاثيرا علي صحة الانسان بالترتيب )

1- التدخين

2- السكر

3- السمنه

4- ضغط الدم

5- الكسل

ونلاحظ ان التدخين علي راس القائمه لانه يسرق الصحه ويصيب الانسان بالامراض الفتاكه والمزمنه



طبقا تصريح اصدرته فرنسا ذكرت فيه :

ان التدخين اخطر من الايدز

ففي سنة 81 اكتشفو الايدز وحتي عام 91 اصيب به مليون ونصف

لكن بسبب التدخين مات حوالي 25مليون فرد في نفس المده

والي الان الناس تخاف الايدز ولكنهم مازالو يدخنون



* اجرت شركة تامين امريكيه احصائيه علي المأمنين لديها من 1973:1987 حيث قسمت المأمنين عليهم الي مدخنين وغير مدخنين وفرضت علي المدخنين اقساط التامين ضعف الافراد غير المدخنين وتوصلت الي ان :

( الاحصائيه من ألف )

1- المصابين بسرطان الجهاز التنفسي 344مدخن , في حين المصابين من غير المدخنين 23

2- امراض ارتفاع ضغط الدم 145 مدخن الي 78من 100 في غير المدخنين

3- امراض الاعصاب 120 الي 51

4- سرطان الجهاز التنفسي 695 ال 73

5- الجهاز الهضمي 164الي 11

6- حوادث السيارات 134الي 52

7- الانتحار 169 الي 22





هل تعلم :

- ان هناك 30 مليون مدخن في مصر يستهلكو 85مليون سيجاره سنويا

- 74 الف طفل دون العاشره يدخنون

- 539 الف اقل من 15 سنه يدخنون , 20 %من المراهقين و 30% من طلاب المعاهد الخاصه تدخين ومخدرات

- المعلمين اعلي نسبة مهنيه للتدخين وان 7% من المعلمات مدخنات

- 27% انخفاض مستوي العامل المدخن

- 800 مليون جنيه ارباح شركة سجاير اجنبيه من السوق المصري

- اعلنت منظمة الصحه العالميه ان 454 مليون دولا انفقتها الحكومه المصريه لعلاج امراض ناتجه عن التدخين



التدخين يتعارض مع بعض الادويه في بعض الحالات مما ينقص من مفعول الدواء بنسبة 70% علي الجسم , مما يجعل الدواء غير مفيد للشفاء .

انه لا يعطي نتائج دقيقه للتحاليل المعمليه .

انه سبب من اسباب تبول الاطفال لا اراديا في الليل بسبب تدخين الام والاب .





ايها المدخن بعد عرض كل هذه الحقائق اووووووعي تزعل نفسك .

ارميها ورا ضهرك وروح ولعلك سيجاره .

وانت بتولعها اوعي تفكر انك بتولع في صحتك .

اوعي تفكر او اولادك او الناس اللي معاك في نفس المكان .

ومدي الاذي اللي هيحصلهم من التدخين السلبي اللي تاثيره قريب جدا من التدخين الايجابي .

المهم انك تعيش اللحظه .

بس ياتري اما تتسال عن صحتك فيما افنتها هتقول ايه !!!

[ابتسامة الحياة]

طبعا لقد اصبحنا فى عصر التجارب
او هوس التجارب
وقد تكون هذه التجارب مجرد واجهه أو مدخل شرعي لممارسة كافة الرغبات والأهواء على اختلاف أنواعها وشذوذها حتى تتحول تلك التجارب أخيرا إلى عادة مستحكمة ظالمة تقود الإنسان حسب هواها ورغباتها. وأكثر ما ينطبق ذلك على عادة التدخين التي تحكمت بعقول الناس على اختلاف مللهم وعلمهم ومشاربهم.


عادة التدخين آفة حضارية كريهة أنزلت بالإنسان العلل والأمراض كتأثيرها السيئ على الغدد الليمفاوية والنخامية والمراكز العصبية وتأثيرها الضار على القلب وضغط الدم والمجاري التنفسية والمعدة والعضلات والعين الخ ...


إنها تجارة العالم الرابحة ولكنه ربح حرام قائم على إتلاف الحياة وتدمير الإنسان عقلا وقلبا وإرادة وروحا. والغريب أن الإنسان يقبل على شراء هذه السموم الفتاكة بلهفة وشوق لما تحدثه في كيانهم من تفاعل غريب تجعله يلح في طلبها إلى أن تقضي عليه.


لا شك أن إغراءات الأصدقاء الواقعين تحت تأثير هذه العادة هي التي تعمل على إدخال البسطاء إلى عالمها الزائف الخادع حيث لا يتمكن أي منهم من التخلص منها إلا بعد شق النفس هذا إذا قدر له الخروج. وكأن الإنسان يظن انه يجد في هذه السموم ملاذا من همومه الكثيرة يهرب إليها في الشدائد والملمات. وهو لا يدري أن من يهرب إلى سم التبغ هو كمن يستجير من الرمضاء بالنار، لأنه بذلك يستنزف قواه ويقضي على البقية الباقية من عافيته.

[/quote]

[amr_miza1]

مستكة .. انت طبعا عندك حق وأنا ليا رأي كمان فى الموضوع دا

اذا حد مدخن بيقول ان التدخين حرية شخصية يبقى مايخدش من الناس حريتهم .. بمعنى

لو انا قلت ان من حقى انى ادخن .. فالشخص الغير مدخن ليه الحق فى انه يستنشق هواء نقى

فأنا مش اخد حقى واضر نفسى واضر غيرى .. واخد منه حريته هو كمان . .

غير كدا هو ليه الاولويه فى انه يقولى ارمى السيجارة لأنة أول المتضررين ودى أبسط حقوق الانسان ..

وشكرا للمعلومات دى .. ربنا يبعد عننا الامراض المستعيصة

شاى يا سنقر ..

[ابتسامة الحياة]

كأنك أيها الإنسان لا تعلم انك بذلك تسير إلى طريق التهلكة والخراب وأن السعادة لا تكون في الركض وراء أوهام خادعة، إنها لا تكون بتغييب العقل وحجبه عن أن يكون قوة فاعلة يهديك سواء السبيل، إن السعادة هي في تحاشي الأخطار ومجابهة التحديات وتنبيه القوى الخيرة في الإنسان. إنها في الإرادة الصلبة والتنزه عن المطالب الخسيسة والانتصار على الضعف والوهم، إنها في الحفاظ على الصحة وعلى القوة العقلية والبدنية لإبقائها صالحة لمواجهة الملمات عوضا عن هدرها سدا وتبديدها فيما لا طائل ورائه.


إن العاقل يسهر على إصلاح نفسه وليس من يتبع سبيل الخطأ بحجة أن الأكثرية تسير في هذا الاتجاه.
ولا تهون عليه نفسه فيدمرها ويبيح لنفسه اتلافها

[/quote]

[مستكة]

اذا حد مدخن بيقول ان التدخين حرية شخصية يبقى مايخدش من الناس حريتهم

جميل جدا

كام واحد بئه بيؤمن بالمبدء ده ؟!



- ابتسامه علي فكره اسلوبك جميل اوي في الكتابه .