قهوة المخربشين (5) - Page 491

نيهال · 23-04-2008, 10:17 AM

إقتباس:

المشاركة الأصلية بواسطة True_Face

ورده عملت حفلة شاى بس افرضى الشاى طلع نشارة خشب

هيه الحفله امتى؟؟

اهم حاجه مش تجيبوا شاى ماركه...........لانى عارفه انها مخلوطه بحاجات كتيرومن الاخر بواقى شاى....ودى الل بتنزل للسوق المصرى
لا والخبر الاحلى
انها شغاله تصدير الله ينور....وبيعتبر غالى جدا كمان بره

شوفوا الناس بتشرب ومستحمله

مره صاحب المصنع كان عندنا فى المكتب
المهم اتقدمله شاى ليبتون....وقال دخه مش الشاى تبعنا.......فبالشمهندس قاله عرفت ازاى
قاله من الطعم واللون

وردة مصرية · 23-04-2008, 10:18 AM

أنا مستعده اعمل أحلى حفلة لنيهال عشان الألفية

هو إحنا عندنا كام نيهال

True_Face · 23-04-2008, 10:24 AM

كده يا ورده

ابتدينا نجامل
عشان نهرب من العزومه

تعرفى نيهال لما انزل مصر
باخد قهوتى والشاى بتاعى من هنا

ومبشربش اى حاجه فى اى مكان مهما كان المكان

الميه المعدنيه الوحيده اللى ممكن اشربها

والاكل والسلطات مش ممكن وحاجات كتير

واحيانا با احس دمى دمى بايخ عشان بارفض عوزمات وانتى عارفه بقى

بس الصحه اهم

نيهال · 23-04-2008, 10:30 AM

مرسيه يا ورده.....بس بليز بيكفى لحفله فى البيت بيتك

المهم ان هنا فيه حفله وحنتجمع

ترو... عارفه احساس لما ترفض عزومه حد........وخصوصا انهم بيزعلوا ومش حد مقدر ان ممكن تحصل مشكله لو الاكل مش نظيف

هوه مش بايدهم

ربنا يحمينا جميعا

وردة مصرية · 23-04-2008, 10:36 AM

ههههههههههههههههههههههههههههههه

أيوة أيوة

يعني لو عملت بج بارتي مش هتيجي ولا تاكل

طب أما نشوف

ياجماعه أنا عمللكوا شوية كشري إنما إيه هتكلوا صوابعكم وراها

وفسيخ ولازانيا وباشميل وورق عنب وكرنب ومحشي كوسا وبطاطس في الفرن

ومومبار وفتة كوارع ومشاوي وفتوش وبابا غنوش وتبولة

وبيبسي وسفن اب وميرندا وديو وشاني وريد بول

نيجي بقى للحلويات

أم علي وكنافة بالجبنة وفطيرة تفاح

تشيز كيك وسنافر وكاسترد ومهلبية وكريم كراميل وعمله طلبية جاتو من عند مستر بيكر

نيجي بقى للحاجات السخنة مفيش شاي

فيه كابتشينو ونسكافيه وسحلب وحلبة مطحونة وكركديه

وانتو جيين مشيين مرحين

كل واحدهياخد من كل اللي موجود في البارتي طبعا ترو فيس مش بياكل

الحاجات دي

True_Face · 23-04-2008, 10:39 AM

الله يسامحك

عوزه تغظينى كل الحجات اللى الواحد محروم منها هنا طبخاها مفيش حاجه من اللى ذكرتيها اسمها مبحباش

دلوقتى بس عرفت انك ساديست

ياه دا انتى قاسيه بشكل

والله ححدفكوم بالطوب وابوظ الحفله

ودلوقت بجد

لو سمحتيلى ورده اقولك حكمه بالنسبه للتوقيع بتاعك

ليس هناك من يستحق دموعى
لان اللذين يستحقونها
لن يجعلوننى ابكى

نيهال · 23-04-2008, 10:50 AM

حفله جميله ي ورده

ترو...اكيد ورده مش حتعمل الحفله الا وانت معانا وبتدوق كل ما لذ وطاب
بس قوليلى تعرفى بجد تطبخى الحاجات اللى ذكرتيها؟؟

اتمنى انى اقدر اشارككم مره تانيه ..........ومعذره لانى حخرج شويه

اشوفكم على خير

True_Face · 23-04-2008, 10:52 AM

فى امان الله

وردة مصرية · 23-04-2008, 10:57 AM

اه بجد والله في حاجات كتير أوي من اللي قلتها بعرف أطبخها

وأكيد الحفله مش هتبقى حلوة من غير ترو فيس طبعا

أنا كنت بهزر بس

أما بالنسبة للتوبيك

فأنا معاك جدا فاللي قلته

وردة مصرية · 23-04-2008, 10:58 AM

ربنا معاكي يانيهال

خلي بالك من نفسك ياقمر

True_Face · 23-04-2008, 10:58 AM

ورده قريتى الحكمه اللى كتبتهالك؟

وردة مصرية · 23-04-2008, 11:03 AM

اه قريته ومعاك في كل كلمة قلتها

المشكلة إن الناس بتحاول بأي طريقة تخلي دموعك تنزل اذا مكنش بمزاجك يبقى غصبا عنك

وعموما مرسي ليك أوي أوي عالتوبيك اللي أنت كتبتهولي ياترو

True_Face · 23-04-2008, 11:10 AM

ورده انا اسف كان هناك اخطاء املائيه غير مقصوده وربما فهمت خطاء

اسف جدا
دا من السرعه
ومهنديش كى بورد عربى

اكرر اسفى

وردة مصرية · 23-04-2008, 11:25 AM

ولا غلط ولا حاجة أنا فهمت الحكمة

ومفيش داعي للأعتذار

True_Face · 23-04-2008, 11:39 AM

الحمد لله انه لم يحدص سوء فهم

نورتينا فى القهوه يا ست ورده

خيارات الموضوع
عرض نسخة للطّباعة ارسل هذه الصفحة لصديق
طريقة العرض	قيّم هذا الموضوع
النمط الخطي التحويل إلى النمط الشجري التحويل إلى النمط المتطوّر	قيّم هذا الموضوع:

مواضيع مشابهة
المواضيع	كاتب الموضوع	المنتدى	الردود	آخر مشاركة
هل أنت جزرة أم بيضة أم حبة قهوة مطحونة .. قووول بصراحة ؟!	Half-Magic	قاعة ابن مصر العامة	36	13-08-2008 08:15 PM
ماذا يحدث عندما تسقط حشرة في فنجان قهوة ؟؟!!	الورد الجوري	قاعة ابن مصر العامة	38