قهوة المخربشين (5)

[omarr]

حبايبى رواد " قهوه المخربشين "

ضحى ..


عتاب ..


ترو فيس ..

ابن البلد ..

الأسطى حسن ...

ورده مصريه

حنين الشوق

تحياتى لكم ..

[نيهال]

السلام عليكم
بشويش يا عم صبحى......شكل القهوه هادى خالص
بليز مش تصحى حد

حقعد على جنب شويه
محتاجه اغير جو واقعد مع نفسى شويه


مالك يا بنتى.....طمنينى عليكى

• زعلانه من الدنيا قوى

يوم بتفرحنا ويوم تبكينا

• لا حول ولا قوه الا بالله

فضفضى لى يا بنتى...انا زى والدك رحمه الله عليه

• مش عايزه اشتكى بجد......اتمنى انه وقت يعدى والناس تفوق وتعرف ان ربنا مش بيرضى ولا يبارك لحد الا لو كان ده حقه فعلا

• شكل الموضوع كبير........
• كبير والا صغير....متاكده ان ربنا معايا ومش حيسيبنى لوحدى

ربنا يخليك انا جايه علشان اغير المود

• خلاص ولا يهمك

انا حضحكك
الواد سنقر جايلى النهارده الصبح واخر دماغ.......

• دماغ؟؟

• اصله كان سهران فى فرح امبارح والمغنى الله يجازيه ساب الخلق كلتها وجاى عليه وقال ايه

عايز يرقصه

• بتهزر!!

• ده اللى حكهولى النهارده اول ما جه وكان مش فايق خالص

لان الفرح كان دوشه

• والله ضحكتنى يا عم صبحى.....وماله بس لما يرقص
• خليه يعيش شبابه شويه قبل ما واحده تيجى تكتم على نفسه

• مش سنقر يا بنتى اللى يعمل كده

بالرغم من انه مش دخل مدارس يا دوبك بيفك الخط بالعافيه
لكن هوه صارم فى تعامله والضحكه مش بتطلع ولا بالطبل البلدى

• يااااااااااه

كانى اول مره اعرفه
تصور؟؟

امال انتى حاسباه ايه
انا مبشغلشى حد معايا فى القهوه كده والا كده

• ربنا يخليك يا عم صبحى.......متاكده من كده طبعا

• قوليلى بقى..تحبى اجيبلك شندوتش الجبنه بالجرجير اللى انتى بتحبيه؟؟

• عندك عيش سخن؟؟

• امال ايه؟؟ده انا اروح الفرن حالا واخليهم يعملوا احلى شندوتش

ربنا ما رزقنيش بالبنات...فمن اول ما شفتك حسيت انك بنتى بجد

• ربنا يخليك يا عم صبحى

والله كده حتخلينى اعيط

• اسكتى بقى واتفرجى على الفيلم ده عقبال ما احضر لك الشندوتش

[فراق84]

واحسبي حسابي انا كمان
هو ايه اللي مدايقك صحيح
نسينا مع سيرة سنقر
اختك فراق

[Ebn elbalad]

السلام عليكم

تــحياتى للجميع
وجمعــة مباركة إن شاء الله

[وردة مصرية]

صباح الخير على كل رواد القهوة وجمعه مباركة عالجميع

[نيهال]

صباح الخير
وجمعه مباركه عليكم جميعا اصدقائى بكل مكان

امبارح داخله بجد وانا فايقه وعندى استع
داد اقعد للفجر.....بس مش لقيت حد خالص
حتى اصحابى همه كمان روحاوا يناموا
وبينى وبينكم اول ما بدا الفيلم الكوميدى.......جاءنا البيان التالى

لقيت اللى بينادينى ويقولى تعالى نامى على سريرك احسن بدل ما تنامى قدام الجهاز

حاولت اقاوم
بس كنت لوحدى خالص
وبالفعل نمت وسبت شندوتش البنه

ليشى دعوه بقى انا عايزه شندوتش الجبنه بتاعى


المهم اتمنى انكم تكونوا بافضل حال......

فراق....مش تقلقى عليا.....ان شاء الله خير.....بجد مرسيه على احساسك الجميل

[True_Face]

اهلا نيهال حمدلله على سلامتك

بقى بتتريقى عاليا فى موضوع انت وحظك ياريت تروح هناك وتقرى ردى من فضلك

[حنين الشوق]

اهلا ازيكووووووو وحشني والله

[True_Face]

اهلا حنين

[حنين الشوق]

ازيك اخبارك ايه

[True_Face]

الحمد لله بخير

رغم الشتا الجامد كل شئ على ميرام
وان شاء الله اخبار حضرتك بخير

[حنين الشوق]

انا الحمد لله
بس سؤال ازاي مثلك الاعلى الحمار

[True_Face]

عشان تعرفى ليه
اقرى موضوع فى القسم السياسى تحت هذا الاسم

[Ebn elbalad]

الســلام عليكم ورحمة الله وبركاته

تقبــل الله منا ومنكم صالح الأعمال

تحيــاتى لكل رواد القهوة الآن وعلى المقيمين خارجها مراعاة فروق التوقيت الجديد

[True_Face]

شرفت ونورت