قهوة المخربشين (5)

[tact]

ايه ده ليه ماردتش عليه مش عاوزنى اتكلم معاكم

[عتاب]

السلام عليكم
اهلا بكل الموجودين القدام
واهلا بالجدد وخصوصا تاكت
منورين القهوة
بتتكلموا في اي موضوع النهاردة ؟؟
يلا بسرعة حد يجاوب عشان محدش يقول اني بسلم وامشي ههههههه

[tact]

دمك زى العسل يا عتاب بجد
أنا كمان مش عارفة بيتكلموا عن ايه

[tact]

سلام يا عتاب أصل عندى مذاكره

[عتاب]

ربنا يخليكي يا تاكت
ربنا معاكي يا جميل وفي انتظارك دائما

[amr_miza1]

السلام عليكم ورحمة الله وبركاته

مساء الخير ..

عتاب منورة القهوة .. وكل الموجودين ... والغايبين

سلامى للجمييييييييييع !!

[عتاب]

وعليكم السلام ورحمة الله وبركاته
ازيك يا عمرو
القهوة منورة بيكم
الناس راحت فين
حال القهوة مش عاجبني
بقت مهجورة اوي

[amr_miza1]

جــداااااا ...

فعلا يا عتاب ..

حتى سنقر ... شكله عنده امتحانات .. وعم صبحى عيان ومراته بتفطس

سيبك .. تشربى شاى ؟

[عتاب]

اشرب شاي طبعا
بس تفتكر نعمل ايه عشان نرجع القهوة زي الاول

[فراق84]

ازيكم يا مخربشين
اختكم فراق

[عتاب]

اهلا فراق
وحشتينا
وحشتوني كلكم
ووحشتني لمتنا ومناقشاتنا!!

[amr_miza1]

عتاب

فراق ..


علشان نرجع زى الاول ..

ومن غير ما حد يزعل منى ...

فيه مشاركات فى القهوة مش فى مكانها .. مشاركات ( شات ) متنفع تكون فى القهوة ... واعتقد ان الصفحة الاولى فى قهوة المخربشين " قهوة ضحى " فيها توضيح لكلامى دا

انا بصراحة فى التفرة الاخيرة .. بدخل .. وبخرج على طول

مش بلقى موضوعات ولا بلاقى حاجة

ومش لاقى حاجة تشجعنى على المشاركة - مع العلم ان قهوة المخربشين وبعلم الجميع ( أحب الموضوعات لقلبى فى منتدى ابن مصر ) لكن مع الاسف !!

__

محدش يزعل من كلامى .. كلكم اخواتى

[عتاب]

ونبدأ نتكلم في موضوع جديد
في التربية
امتى نلجأ للنصيحة وامتى نلجأ للامر والنهي؟؟

[عتاب]

فعلا ياعمرو معاك حق
انا بادخل اسلم واستنى اي موضوع اتناقش فيه مش بالاقي باخرج تاني
ده في الغالب اللي بيحصل
مع اني لما دخلت القهوة وانتظمت فيها كنت لما اغيب كام ساعة ارجع الاقي كم من النقاشات والاراء لازم اقراهم عشان استفيد
دلوقت لو غبت يومين برجع الاقي الحال كما هو
مجرد سلامات وبس

[نيهال]

هلا من جديد..........



منورين يا جماعه الخير اكيد

عمرو ابو رقيه
سها
ترو
عتاب

كل الناس كل الناس

عم صبحى .........سيب اللى فى ايديك دلوقتى وتعالى شوف عمرو وعتاب ياخدوا ايه

عمرو افندى..........اتمنى انك تكون معانا من جديد

لان قلمك من افضل ما قرات انت وعمر وجناب العمده وشاعر......بجد روحكم مفتقداها جدا جدا جدا

نيحى بقى لنقطه اثارت اهتمامى اول ما دخلت القهوه


حال القهوه ......زى العاده
انما حال روادها صعب يكون دائما نفس النظام
بمعنى شخصياتنا ليها امور حياتيه كتير لا تقتصر على نقطه معينه وبالتالى بنقدر نوفق مع بعض اوقاتنا على حسب عملنا نفسه


معاكم ان قبل جه فتره من الفترات واتقلب الحال لشات صريح وده بمساعدتنا ......ومش حد يقدر ينكر ده
فاحنا اللى بايدنا نحول القهوه لشات او لموضوع هادف ومناقشه مثمره
لكن اللى انا شايفاه ولانى متابعه للحال بقالى فتره لا باس لها ان القهوه انشغل روادها بامور عملهم.....وده وضع طبيعى او على الاقل كل انسان وظروفه وده كمان وضع طبيعى



فمش ينفع ادخل فى اليوم مره واقول ازيكم واخرج او انشغل ولما ارجع اقول مثلا ان الحال متغير


مهو اكيد حيتغير لانى انا وانت وانت مش موجودين
كل واحد مننا ليه بصمته واكيد الاخر بيفتقدها

اتمنى للجميع الخير دائما
ويا رب تكنوا موفقين فى كل امر سواء بالقهوه او باى مكان اخر



عمرو.........فكرتنى....هوه لسه شيتوس الحجم الكبير بينزل؟؟
لان عندنا نزل فتره وانا فى الكليه وبعد كده اتسال ونزل الحجم الصغير بس
عندكم زى عندنا والا ايه