قهوة المخربشين (5)

[عتاب]

مع السلامة ياعمر
بالهنا والشفا

[duha]

الشاي
نفسي في شاي بجد
عتاب معلش
كومبيوترك دة مابيجيش الا بعلقه
عمر
مساءك سكر مكرر

[عتاب]

هههههههههههههه
والله ده انا بحاول اجيبه باللين مش نافع
بالعافية مش نافع
مش عارفة اعمله ايه تاني
كل يوم في حال
مابقاش يقفل لوحده بس بينططلي الشاشة ههههههه

[فراق84]

السلام عليكم
ازيكم يا مخربشين
اهلا وسهلا اخي عمر ...من زمان ما دخلت القهوة..يعطيك الف عافية
اختي ضحى ..ربنا يسهلها ان شاء الله ويعملو نت بدون حاجة ...نطلب منو يشبك على طول
عتاب ...ازيك؟..معلش جهازك النهاردة عندو عمى الوان ..الظاهر ما بتاكلهوش
اختكم فراق

[نيهال]

هلا بيك يا عمر.......بجد مفتقدينك جدا جدا جدا

ضحى.....سعيده انك معانا
اينعم النت بيفصل وكده.......بس ولا يهمك
عتاب.....مرسيه على الشاى
ايه الكرم ده؟؟

اكيد الناس بتفتكر الجمايل دى

حد شاف موضوع النهارده والا لسه؟؟

المشاركة الأصلية بواسطة نيهال

ايه رايكم نتكلم عن صله الرحم.......

يا ترى اختلف زمان عن دلوقتى
ويا ترى كانت زمان شكلها ايه
يعنى مثلا الاب والام كانو بيعملوا ايه او كانوا بيحكوا لكم على ايه

[عتاب]

اهلا فراق
الجهاز ده بقا جميل !!
ربنا يجعل كلامنا خفيف عليه
المشكلة لو راح يتصلح ده معناه اني هاغيب عنكم كتير
وانا بصراحة مقدرش

نيهال
شوفتي الكرم الحاتمي ده
لا تقوليلي شيتوس ولا كاجو
انا نفسي في كباية شاي بقالي ساعتين مش لاقيه حد يعبرني هههههه

[فراق84]

اهلا اختي نيهال
ازيك؟
انا ماشفتش الموضوع
بس رأيي
انو صلة الارحام كانت موضة زمان
دلوقتي كويس لو الاخ سلم على اخوه
الدنيا بقت تلهينا
والنفوس ما بقتش هي النفوس
وكانو زمان بجد مع بعض
بكل حاجة
والعرب كلهم بلا استثناء
طبعا دا زمان اوي
لما كانت العيلة وحدة
الكبيرة
في بيت واحد
يعني الكل بيساند بعضو
الله يرحم ايام زمان
مع اني ما عشتها
بس اسمع عن ناس زمان
والمسلسلات السورية القديمة
بيظهر التكاتف اللي بين الناس عموما
وبين العيلة الوحدة
مجرد رأي
اختكم فراق

[عتاب]

زمان اكيد الوضع كان مختلف كتير
في كل ما بداخل الاسرة مش بس صلة الرحم
طبعا زمان مكنش فيه وسائل التكنولوجيا الحديثة
اللي في الظاهر بتقرب الناس ولكن في الحقيقة بتبعدهم
زمان لما كان حد يوحشك كنتي تروحيله لان مفيش حل تاني وده كان بيقرب بينكم
دلوقت لما حد يوحشك تكلميه في التليفون او حتى تبعتيله مسج او ميسد كول
الحياة بقت صعبة كتير والناس بقت مشغولة في البحث عن حياة كريمة
معدش فيه زي زمان مفهوم العيلة اللي الكل بيسأل عن بعضه
ابن عمة جوز بنت خالي لو مات كنتي هاتلاقي الكل بيسأل ويواسي بجد
يمكن متعرفيش تقولي صلة القرابة بس تحسيها
دلوقت ولاد العم بل في بعض الاحيان الاخوات مش بيعبروا بعض
الصلة بينهم تليفون كل كام شهر ده لو معاهم رصيد!!

[نيهال]

المشاركة الأصلية بواسطة فراق84

اهلا اختي نيهال

ازيك؟

يا الله
انا اللى مش شفتك فراق
حقك عليا


بالنسبه لصله الرحم...بتفتكرى كيف كانوا بيحكوا عنها وازاى بتكون لمه العائله فى المناسبات وكده
اتمنى انك تشاركينا ذكرياتك...........

ودى احلى ايس كريم ليكى ....

[نيهال]

المشاركة الأصلية بواسطة عتاب

دلوقت لما حد يوحشك تكلميه في التليفون او حتى تبعتيله مسج او ميسد كول
الحياة بقت صعبة كتير والناس بقت مشغولة في البحث عن حياة كريمه

يا هلا يا هلا بيكى عتاب.......

بدايه ادى الشاى اللى بتحبيه....... تعالى يا سنقر صبه هنا




بالفعل التليفون اصبح اسهل بكتير...

وبجد زعلانه جدا لما قلتى ان الاخ مش بيسال على اخوه علشان الحياه صعبه ولو معاه رصيد ممكن يبعتله رنه
يا الله.........للدرجه دى الانسان بقى همه الماده والاكل والسرب وخلاص

دى صله الرحم بتزود الرزق.....

[فراق84]

المشاركة الأصلية بواسطة نيهال

يا الله
انا اللى مش شفتك فراق
حقك عليا


بالنسبه لصله الرحم...بتفتكرى كيف كانوا بيحكوا عنها وازاى بتكون لمه العائله فى المناسبات وكده
اتمنى انك تشاركينا ذكرياتك...........

ودى احلى ايس كريم ليكى ....


[/center]

تسلم ايدك على الايس كريم
جا في وقتو
اما بالنسبة للي بسمعو
زمان اصلا كانت العيلة في بيت واحد
يعني هم واحد منهم يبقى هم الكل
وفرحو فرحهم
يعني الجد الكبير وحواليه اولاده واحفاده
يمكن بتمنى اعيش الايام دي
ولما كان حد من العيلة نفسها يفرح الكل يقوم بالواجب
ولو ست جوزها مات
الكل يشيل همها لانها بنتهم
تفتكري اليوم في من الكلام دا؟؟؟
ما اظنش
اختك فراق

[وردة مصرية]

صباح الخير على كل رواد قهوة المخربشين إزيكم

يارب تكونو في أحسن الأحوال



اسمحولي أشارككم في الموضوع

زمان أعتقد الناس مكنتش بتعمل حاجة أكتر من صلة الرحم

لأن البيت كان عبارة عن أكتر من 10 أفراد الجد والجدة

الأبناء والبنات وأبنائهم وأبناء أبنائهم كانو في الفرح مع بعض

يروحوا لدول ويجو من عند دول وفي الحزن الكل بيشارك أحزان الكل

الأهل كانو يشيلو هم بعض ويخففوا عن بعض


لكن دلوقتي كل واحد بقى مشغول حتى وصلت لدرجة إن الأبناء مش بيوعدو

مع والديهم ولا بيشفوهم الا يمكن ربع ساعه أو أقل كمان وأنا بقول

الكلام ده عن تجربة والأخوات مبقوش يوعدو مع بعض وكل واحد بقى شغله

الشاغل نفسه وهمه مبقاش حد فاضي لأهلهولا حتى لصلة أرحامه

واسمحولي عالتطويل ياجماعه

[محمد كمال على]

صباح الخيرات على كل رواد المقهى الكرام
واد يا سنقر واحد شاى فتله وطول الفتله
عاملين ايه وبتتكلموا فيه ايه
حاضرب غطس فى المنتدى اشوف ايه الاخبار وارجع يكون الشاى برد

[نيهال]

السلام عليكم ورحمه الله وبركاته

صباح جميل معطر باجمل الزهور وباجمل الرياحين


سعيده انى معاكم النهارده.....

اخدت اليوم اجازه بمعجزه......لانى تعبانه ومرهقه

ابو رقيه
ورده مصريه
فراق.......صباحكم زى العسل
حرجع مره تانيه علشان نشوف الموضوع ونتكلم من جديد

[نيهال]

اهلا بيكى يا فراق......جايز حياه المدينه بتكون غريبه احيانا والناس بتكون مشغوله معظم الوقت
بسه فى القريه بشوف صله الرحم زى ما بيتحكى عنها مع ان التعداد بيكون واحد
يلكن بيفرق ان بت العائله بيضم الاسره كلها وتلاقى الناس بتروج وتزور وتسال على بعض
بحب الحياه دى قوى

المشاركة الأصلية بواسطة وردة مصرية

لأن البيت كان عبارة عن أكتر من 10 أفراد الجد والجدة

يا هلا بيكى يا ورده
لفت نظرى الجمله اللى قلتلها وهى ان الاسره كلها بتكون فى بيت واحد
طبعا تعرفوا المهندس المصرى ممدوح حمزه......من اكبر الاستشاريين
فى لقاء معه تحدث عن ان من الافضل ان تكون المنازل عباره عن حوائط حامله بحيث لا تزيد عن 4 ادوار...وبالتالى بتككون الاسره متجمعه دائما وبتزيد من صله الرحم.....
مش موضعنا هنا حوائط حامله او عواميد
لكن النقطه اللى تهمنا هنا هيه موضوع البيت الواحد
معاكم ان فيه مشاكل وده امر طبيعى فى البيت الواحد
لكن الروح الجميله هيه اللى بتسود الموقف وبترجع صله الناس تانى ببعضها


تسلمى يا جميل على رايك
واتمنى ليكى يوم جميل


ابو رقيه.....كل ده لفه فى المنتدى؟؟