قهوة المخربشين (5)

[محمد كمال على]

السلام عليكم جميعا
سنقر واحد شاى فتله وطول الفتله
وكمان عايز شاليمو علشان لسه راجع من عند دكتور الاسنان ومش قادر احط حاجه فى بقى

[True_Face]

انا لسه معرفش طعم الحر
هنا يوم شويه شمس ويوم هواء
وباقى الايام شتاء

[محمد كمال على]

مساء الفل يا ترو
الحوار المفتوح مكسر الدنيا
متى ستضع حجر الاساس

[وردة مصرية]

أهلا أخي محمد

منور القهوة

ربنا ما يوريكم الحر اللي عندنا جهنم والله المستعان مش عارفة

في شهر 7 و 8 و 9 هيكون إزاي بجد الله المستعان

[True_Face]

ابةرقيه حبيب القلب

المشاركات كتير ولكن كلها اعجاب وليس بها اقترحات

[True_Face]

جرى ايه ياورده

انا طلبتلك عناب

وبعدين مفيش عنكم فدرة تحمل

مش احسن من السنه بتعدى مانتش عارفه صيف ولا شتاء

[محمد كمال على]

القهوه منوره بيكى يا ورده
اخى ترو كله المشاركين مؤيدين
اذن باقى التنفيذ
اقترح انت اول المواضيع التى سيتم مناقشتها
وتكون مواضيع تهم الشباب اولا وحدد ميعاد البدء وميعاد الانتهاء
واكيد حيكون معاك بعض المشرفين

[وردة مصرية]

يلا الحمد لله على كل الأحوال

بس بجد لو تيجي عندنا الحر لايطاق

بس برده الحمد لله على الأحوال

وبعدين أنتوا عندكم balance في الأحوال الجوية يعني مرة كده ومرة

كده ههههه

[نيهال]

معذره يا جماعه.......جاءنى مشوار فجاه ومش عرفت حتى اعتذر

يا ترى لسه مش فيه جديد؟؟


ايه رايكم نتكلم عن الانانيه.......وامتى بتكون انانى ؟؟

ويا ترى فيه حد من اصحابك المقربين شايفه كده ومع ذلك انتم اصحاب؟؟

تيجو نحكى عن الانانيه ومواقفها معانا..........

[True_Face]

السلام عليكم

اسعد الله صباحكم

[وردة مصرية]

أسعد الله صباحكم

إزيكم يامخربشين

إزيك ياتروفيس

يارب تكونو في أحسن الأحوال

[نيهال]

السلام عليكم ورحمه الله وبركاته

جمعه مباركه عليكم اصدقائى بكل مكان

عمر........وعمرو ........وجناب العمده......وترو فيس......وابو رقيه .....وابن البلد...

فراق .......ابتسامه.....ورده..........برديس.......نسرين ........وضحى


وكل الاصدقاء

طرحت بالامس القريب اللى كان من كام ساعه موضوع عن الانانيه.............

المشاركة الأصلية بواسطة نيهال

ايه رايكم نتكلم عن الانانيه.......وامتى بتكون انانى ؟؟

ويا ترى فيه حد من اصحابك المقربين شايفه كده ومع ذلك انتم اصحاب؟؟

تيجو نحكى عن الانانيه ومواقفها معانا..........

عم صبحى ممكن عصير زبادى؟؟

[Ebn elbalad]

السلام عليكم ورحمة الله وبركاته
تحيــة لقاطنى قهوة الخربشة

بالنسبة لموضوع نيهال عن الأنانية .. قلمــا انتبه إلى تلك الصفة أو أفكر بها سواء من نفسى أو ممن حولى .. وحتى الآن لا أرى تلك الصفة نهائيا .. فى حياتى ودراستى .. ولكن ممن حولى الآن من الزملاء الجدد مثلا من الكلية أجد منهم أحيانا اهتمام زائد جدا بالنفس .. بالبلدى ممكن مثلا يقتلك عشان ياخد دورك فى حاجة معينة .. مع إنى ممكن أنوى فى لحظة إنى افضله على نفسى فى الموضوع ده .. ومن المواقف دى كتير واتكررت معايا كذا مرة فى الكلية

أما بالنسبة لأصحابى المقربين فقلما أجد فيهم تلك الصفة ولله الحمد .. وإن وُجدت تلك الصفة فىّ فى مواقف من المواقف ما يكون إلا لاسترداد حق أو مظلمة أو رد كرامة والإيثار حينها أولى أيضا ...

[نيهال]

وعليكم السلام ورحمه الله وبركاته
ازيك يا ابن البلد...اتمنى ان تكون بافضل حال والدراسه موفق بها

بالنسبه لايام الكليه.......للاسف قابلت شله غلسه بكل معنى الكلمه
يعنى ممكن تلوك طول المحاضره وبعد كده عايزه تصورها
بجد كانو مستفزين جدا


ومع ذلك مش عاملناهم بعملهم
لدرجه ان فى صباح يوم امتحان المساحه.....تلاقينى قاعده على سلالم مساحه وبراجع اخر كام نقطه
المهم واحده منهم جتنى مش عارفه عرفت مكانى ازاى.....واصرت انى اشرح لها مساله.......وكان الوقت ضيق وحتى اصحابى بنتجنب ان حد فينا يكلم التانى فى الدراسه
نتكلم فى اى حاجه غيرها علشان التوتر النفسى مش اكتر

ولانى حسيت انها محتاجه المساله.......شرحتها عادى
المشكله انى مش متعوده على كده قبل اللجنه
فدخلت طبعا متوتره شويه.....
ومش فيه داعى اقولكم على اللى حصل فى اللجنه

المهم اللى عايزه اقوله.....ان بعد الحادثه دى بعدنا عن الشله دى دى خالص
علشان مش هاممهم غير نفسهم.........

ابن البلد........تشرب معايا شوكولاته؟؟

[عتاب]

السلام عليكم
كيفكم يا مخربشينات
بتتكلموا عن ايه