قهوة المخربشين (5)

[Ebn elbalad]

ميثــاء الخيـــر

أزيكم يا مخربشين ويا مخربشات يارب تكونوا فى أفضل حال ورضا عن الله وسعادة ونعيم وكل حاجة كويسة إن شاء الله

[نيهال]

ايه الدلع اللى انا فيه ده كله

مساء النور ابو رقيه........ازى البت رورو؟؟؟

ازيك يا ابن البلد......اتمنى ان تكون بافضل حال وتكون الدراسه تمام


وعلشان الكرم والترحيب الجامد ده

حعزمكم على..............

[عتاب]

السلام عليكم
مساء الفل على عيون الكل
ها
بتتكلموا عن ايه؟

[محمد كمال على]

نيهال رورو بخير
الصورة فيها6 بنبونات
يعنى انا ثلاثه وابن البلد ثلاثه
مش كده

[محمد كمال على]

اهلا عتاب
لسه لم نتكلم بعد

[Ebn elbalad]

إيه ده ؟؟
ده من القهوة ؟؟
حتى الملبس بنستورده

وبعدين أنا سمعت اسم Lotto ده قبل كده فين مش فاكر !!

يللا مش مهم .. بسم الله يا جماعة يللا الخير كتير أهو

[Ebn elbalad]

أهلا عتـاب ــ أبو رقية ــ نيهال

دلوقتى الثروة هتتقسم على تلاتة بدل أتنين يا معلمى
كل واحد 2 !!
تعالى ناخد الثروة دى ونهرب على بره ونقسمها علينا أحنا الأتنين

[محمد كمال على]

انا موافق على فكره الهرب
لكن بلاش الخيانه
انا عايز حقى نافش ومنفوش

[نيهال]

المشاركة الأصلية بواسطة امرأة العزيز

كان عندي سؤال علي هامش الحوار..

احيانا الواحد وهو بيكتب وبيعبر عن مشاعره بيلاقي نفسه
بيقول طيب انا بعبر عن نفسي ليه ....
ويشعر انه صغير جدا انه بين انفعالاته وحالات ضعفه ..
حد انتابه هالشعور من قبل ... وهل كانت ردت الفعل سلبية ولا ايجابية يعني هل امتنع بعدها عن كتابة مشاعره والتعبير عنها.. ام استمر برضه ..؟؟

ده كان تساؤل نسرين......

وحبيت اشارك واقول

من زمان قوى وانا بحب اكتب اى حاجه انا حاسه بيها
زعلانه فرحانه
اى حاجه
تعرفوا فيه صفحات بقراها دلوقتى
وبقول
ياااااااه
هوه انا كنت زعلانه من كده؟؟

وليه زعلت
ده الموضوع مش مستاهل

بحس اد ايه بكون وحيده وضعيفه بعدها
لكن ده مش منعنى من الكتابه ابدا

مش زعلانه ومش خجلانه من مشاعر مريت بيها من قبل

بالعكس سعيده انى استثمر مشاعرى وعرفت اعبر عنها باتجاه سليم ....
بدل ما كنت اواجه الانسان ده وممكن يحصل بعد كده مشاكل من اندفاعى( ده وانا صغنتوته ولحد دلوقتى)

لكن خلينا نفرق بين انى بعبر عن مشاعرى على صفحات مذكراتى ...ده مش معناه انى جبانه فى مواجهه الواقع

زمان وانا فى الفتره الاعداديه ولحد ثانويه عامه
كنت من هواه سماع اذاعه مونت كارلو.......
فهو صديقى على مكتبى...
كان فيه مذيع اسمه...فايز مقدسى على ما اتذكر....
كنت بسمع طريقه القائه واد ايه كان رومانسى بحواره
وبكتب بعدها كلمات وخواطر ...لما بقراها .......بقول ببالى اذا حدا قراها بيقول انى بحب
ولكن ما كان هذا حالى
لانى بحب الحب نفسه
انك تحلم بشريك حياتك...
ازاى بتحسوا ببعض
حاجات كتير


دوشتكم معايا؟؟

معلشى اختكم الصغنتوته بقى

[نيهال]

اهلا عتاب...............

اتمنى ان تشاركينا الراى

[Ebn elbalad]

ههههههههههه
آآآه شوف وأنا كنت هسافر معاك بقى
خلاص أنا هسافر لترو فيس بالثروة كلها

[نيهال]

وقعتنونى من الضحك وانتم بتتقاسموا الثوره
6 بنبونى
يتقسموا ازاى.......حقولكم
اتنين ابو رقيه.......ليه ولرورو

واتنين ابن البلد

وواحده لعتاب

وواحده ليا

[Ebn elbalad]

كان عندي سؤال علي هامش الحوار..

احيانا الواحد وهو بيكتب وبيعبر عن مشاعره بيلاقي نفسه
بيقول طيب انا بعبر عن نفسي ليه ....
ويشعر انه صغير جدا انه بين انفعالاته وحالات ضعفه ..
حد انتابه هالشعور من قبل ... وهل كانت ردت الفعل سلبية ولا ايجابية يعني هل امتنع بعدها عن كتابة مشاعره والتعبير عنها.. ام استمر برضه ..؟؟

بالنسبة لى أنا شايف إن ردة فعلى بتكون إيجابية أكثر منها سلبية .. لا أجد أى حرج أمام نفسى فى عرض مشاعرى سواء أكانت عادية أو تعبر عن حالة من حالات الانفعال وإظهار نقاط الضعف بالنسبة لى .. فى البداية والنهاية أنا أعبر عن نفسى لمجرد الفضفضة ومحاولة عرض المشكلات لحلها بصورة أفضل سواء أثرت علىّ بالسلب أو الإيجاب



سبحان الله الجهاز حط نص المشاركة لوحده وساب الباقى حاجة غريبة جدا

[محمد كمال على]

لو ركزتم فى الصوره
العدد سبعه بونبونات
تبقى القسمه اختلفت

[True_Face]

للعلم فقط كلمة

Lotto
هى ذى اليانصيب عندنا
تختار من 45 رقم 6 ارقام وكل رقم 0.80 سنت وتكسب ابتدائ من ثلاث ارقام
واذا جات 6 ارقام صح زى اللى انت مخترهم تبقى كسبت
هذا فى المانيا والنمسا وعدة دول اوروبية