قهوة المخربشين (5)

[amr_miza1]

ضحى ..
كل مرة بتتكلمى عن العراق بتشوقينى اكتر
انا قرأت عنها كتير , لكن من الناحية الادبية والثقافية ودا كان بحكم دراستى
السند فى قواعد اللغة اربعة
القرآن الكريم , والسنة النبوية , والشعر , ثم رأى الكوفيين والبصريين
ودا ان دل على شيء فيدل على ان بلاد العراق كان لها كبير الأثر تشكيل وصياغة علوم اللغة العربية .
دا غير الشعراء ودول محتاجين موضوع منفصل .

حديث ممتع يا ضحى ..

[ابتسامة الحياة]

السلام عليكم ورحمة الله وبركاته
ازيكم يا مخربيشين
اخباركم ايه النهاردة

[amr_miza1]

اهلا يا ابتسامة .. اخبارك ايه
ان شاء الله تكونى خير

اجيبلك نيسكافيه ؟

[عتاب]

السلام عليكم
كيفكم جميعا
وبتتكلموا عن ايه؟

[plestine fille]

ازيكم عاملين ايه يا احلى مخربشات والذ مخربشين وحشتوني موتتتتتتتت كيفكن شو اخباركن
كيف سنقر سلمولي عليه كتير وانتو كمان طموني عنكن كلكن الموجودين والغايبين
تيك كير
سلاممممممممممممم

[نيهال]

مساء الفل ومساء الياسمين ........
عمر
وجناب العمده
وعمرو
وابتسامه
وعتاب
وفراق
وترو
وابو رقيه
ومصطفى
ومريم
ورغد
وضحى
وابن البلد
ونسرين..........


اتمنى ان تكونوا بافضل حال دائما

ايه رايكم نتكلم عن ذكرياتنا بالرحلات؟؟

يعنى مثلا واانت بكى جى ون طلعت رحله وحصل لك مواقف لذيذه مش نستها لحد دلوقتى
تحبوا تحكوا والا ايه؟؟

عم صبحى الينسون بالعسل الله يخليك.......
ويكون فتله طبعا

[amr_miza1]

اهلا عتاب

اهلا رغد .. نورتى القهوة .. فينك


ايه رأيكم نتكلم عن اختلاف اللهجات فى مصر واختلاف الطبائع كمان .
لكن مع اختلاف الطبائع بنلاقى فى الاخر ان كلنا مصريين وحسنا واحد ووطنيتنا واحدة .

يعنى مواطن الصعيد بيختلف عن مواطن القاهرة
بيختلف ايضا مع مواطن الدلتا والأقاليم .. مختلف عن المناطق الساحلية .
يمكن حتى اللى فى السويس بيختلف عن اللى فى اسكندرية ..

اختلافات فى اللهجة والطباع ولكن اتفاق فى كونهم مصريين .
هى حالة غريبة .. والا عادية وانا اللى مش واخد بالى ؟


شاى يا سنقر وسندوتشين جمبرى

[عتاب]

اهلاعمرو
اهلا نيهال
اتفقوا على موضوع واحنا معاكم ههههههه

[amr_miza1]

هههههههههههههه
انا بعت ومكنتش شفت رد نيهال ..

نبدأ بموضوع نيهال طبعا .. هى اللى سبقت

ذكرياتنا فى الرحلات ..

ذكرياتى كتيرة جدا من كتر ما رحت رحلات مش متذكرها .. لكن هفتكرها اكيد ..
راجعلكم تانى ...

[نيهال]

مرسيه كتير يا عمرو على ذوقك

ومنتظره رحلاتك ان شاء الله

[نيهال]

جيت تانى بسرعه..........

حاحكى لكم على اخر رحله طلعتها .......................
الاتوبيس كان كله عائلات.....وقالولنا اتجمعوا الساعه 9..........
لكن الوقت اخدنا وكانت الحفله جميله جدا.......المهم رجعنا الاتوبيس وكانت الساعه داخله على 9 ونص
وطبعا كان موقف محرج جدا
الناس قاعده شكلها من الساعه 6 ( كنايه انهم هلكوا اصلا وعايزين يروحوا).......

[احمد ا العدوي]

عملت رحلة في الجامعة
كان حوالي 60 طالب
والناس اخذوا من الفلوس وماجبوش الاوتوبيسات
وكل اعضاء الرحلة حضروا بما فيهم دكاترة الجامعة والاوتوبيسات لاء
الصعب في الموضوع اننا لم يكن معنا فلوس نجيب اوتوبيسات تاني
والدكاترة زعلوا خالص وقالوا لازم الرحلة تطلع طبعا كان معهمعائلتهم
الحلو كان في الموضوع هو تعاون الطلبة لحل المشكلة وخصوصا البنات
اللي فضوا اكياسهم من النقود وراحوا يجمعوا من من باقي الطلبة الموجودين عشان نعوض الاوتوبيسات. حتي ان بعض منهم عرضوا يبيعوا شيء من حليهم
الكلام دا كان سنة 1976 والحمد لله الرحلة طلعت للفيوم من جامعة القاهرة وكانت حلو بالفعل

[نيهال]

اهلا بيك يا احمد..........
موقف جميل جدا من الطلبه.........وازاى قدروا يحلوا المشكله وقتها

عم صبحى....انت فين بس
نفسى اعرف

[amr_miza1]

اهلا نيهال .. هجيبلك زبادو على حساب عتاب

.. انا بقى ذكرياتى فى الرحلات على قد ما فيه ذكريات حلوة بس فيه ذكريات متعبة جدااااااا

اصعبها على الاطلاق انى رحت مرة _ حسى الله ونعم الوكيل فى اللى كان السبب _ بلطيم
وكان دا من حوالى 8 سنين مثلا يعنى 2 كليه تقريبا ..
وكانت بلطيم غير عامرة بالمرة .. شيء فظييع وكلها جراد كدا .. وكنت بلاقى بطيخ فى قلب الرمل ..
ما علينا
اللى حصل بقى انى جالى سخونية , وياريتها سخونية عادية بقى
تقريبا كانت حُمى وكنت فى المعسكر كان اعظم اختراع فيه هو " الاسبرين "
اضطريت اكتب تعهد على نفسى علشان اسيب المعسكر واروح بيتنا
يوم ما رجعت بيتنا كان اسوأ يوم فى حياتى على الاطلاق
درجة الحرارة بعد الاربعين تقريبا وكنت هموت فى الطريق اكتر من مرة ..
المهم كانت حمى فعلا وربنا ستر وعشت اهو وبقيت زى العفريت ..

رحلة تانية كانت رايحة راس سدر .. الغريب بقى ان الاتوبيس عطل ورجعنا من نص الطريق

معسكر فى بيت الشباب الدولى فى شرم الشيخ واخترونى ممثل عن وجه بحرى مش عارف ليه .. هم توسموا فيا الحكمة ههههههههههه بس كانت ذكرى جميلة جدا

وحاجات تانية كتييير ورحلات كتييييير ..

اهااا الاسماعيلية
بمعسكر القرش كنت فى الليسانس تقريبا ..
تقريبا اجمل اسبوع واجمل رحلة رحتها فى حياتى .. الصحبة والتهريج والجد وكل حاجة

اسكندرية لوحدها ليها ذكريات بس مش فاكرها لانها كتير ..

شاى يا سنقر وحياة والدك

[فراق84]

حلوة ذكريات الرحلات
انا اتابع
ازيكم
فراق