قهوة المخربشين (5)

[ابتسامة الحياة]

اتفضل يا مصطفى
قولته صح اهو

[احمد ا العدوي]

المشاركة الأصلية بواسطة فراق84

جاري نشر المعلومة في ارجاء المنتدى!!!!

ابن البلد اسمه الحقيقي ايه؟؟؟؟؟؟؟؟؟؟

[فراق84]

المشاركة الأصلية بواسطة احمد ا العدوي

ابن البلد اسمه الحقيقي ايه؟؟؟؟؟؟؟؟؟؟

مصطفى...احمد سابقا

[عتاب]

بالنسبة للرحلات طول عمري بموت فيها
اول رحلة طلعتها كنت في تانية ابتدائي (رحلة نيلية ) في المنيا
زرنا فيها بلد اسمها بني حسن فيها اثار
طبعا الرحلة كانت معمولة للكبار رابعه وخامسة ابتدائي بس انا روحتها لان اخويا كان رايح معايا كان في خامسة بقا وهو اللي مسئول عني هههههه
بعد كده توالت الرحلات خلال المراحل التعليمية المختلفة
واخر رحلة طلعتها السنة اللي فاتت
مع بنات من المنتدى هنا كانت رحلة للقاهرة معرض الكتاب بس بعدها روحنا الملاهي
واتقابلنا مع بنات تانية من المنتدى برده كانت رحلة روعة
بهدلتهم في الملاهي لان كلهم بيخافوا وانا الشجاعة
وياسلام لو تشوفوهم بعد ما لعبنا هما بيحلفوا انهم مايسمعوش كلامي تاني ويلعبوا العاب زي دي هههههه
بجد كانت رحلة روعة

[محمد كمال على]

السلام عليكم
حد سهران

[عتاب]

اهلا محمد
انا سهرانة اهو
ياترى حد تاني سهران؟

[مستكة]

واخر رحلة طلعتها السنة اللي فاتت
مع بنات من المنتدى هنا كانت رحلة للقاهرة معرض الكتاب بس بعدها روحنا الملاهي
واتقابلنا مع بنات تانية من المنتدى برده كانت رحلة روعة
بهدلتهم في الملاهي لان كلهم بيخافوا وانا الشجاعة
وياسلام لو تشوفوهم بعد ما لعبنا هما بيحلفوا انهم مايسمعوش كلامي تاني ويلعبوا العاب زي دي هههههه
بجد كانت رحلة روعة

ما بلاااااااااااااااااااش

بلاش تتكلمي علي اليوم ده

والملاهي تحديدا

عشان انا شايله في قلبي وساكته من يومها

وانا عامله نفسي نايمه .. وانا عامله نفسي نايمه


اسفه ياجماعه لو طلعت عن الموضوع

بصراحه مش عارفه الموضوع المطروح ايه بس عتاب استفزني كلامها

[محمد كمال على]

أنا موجود يا عتاب
اسف لكونى دخلت وخرجت لان النت عندى بيفصل
اكرر اعتذارى
وسهران

[عتاب]

اهلا محمد ولا يهمك كلنا لها

مستكة
اعترفتي على نفسك انك كنتي معانا في الرحلة دي هههههههه
الكلام عن الرحلات وذكرياتنا معاها
فطبعا كان لازم احكي عن رحلتنا الشهيرة (اياها )
ومغامراتكم مع الملاهي هههههههه

[ابتسامة الحياة]

انا سهرانة معاكم
ازيك يا مستكة
اهلا محمد كمال على
عتاب بقى مش مهم
ولا ازيك يلا

[محمد كمال على]

أهلا مستكه
منورة القهوة
الرحلات
فكرتونى بالذى مضى
رحلات الأبتدائى
حديقه الحيوان ورشيد وأدفينا ههههههههههه
ورحلات الأعدادى القاهرة
ورحلات الثانوى القاهرة أيضا مع المبيت
ورحلات الجامعه
أنا كان لى ذكريات غريبه شويه بس ما حدش يضحك على
أكثر من مره أذهب ألى موقف السوبر جيت وأشوف أول أوتوبيس رايح فين وبعد ما أوصل ههههههههههه
أكلم والدى
أيوة يا حاج أنا محمد
أنت فين يا محمد
أنا بأكلمك من بورسعيد
أنت بتهزر
لا والله أنا ركبت وسافرت بور سعيد
تعمل أيه هناك
أبدا حبيت أزورها
عشلصثقهعفق7ف273فقعهقعهص3لقخهعفق
طبعا الحروف السابقه أنتوا ممكن تترجموها على أساس أن ده كلام والدى لما أرجع
ههههههههههههههه

[عتاب]

ماشي يا ابتسامة
هاوريكي بس بره ههههه

شوفوا اللينك ده
فيه حكاية رحلة المنتدى اللي كنت باحكيلكم عنها
اجمل اياااااام عمري (مستكه وعتاب ونور القمر وشوشو لقاء الجبابره)

[محمد كمال على]

طبعا كنت اول ما اوصل احجز لنفسى فى فندق وجرى على الشارع علشان اعرف البلد بسرعه
مرة بورسعيد
ومرة مرسى مطروح

[ابتسامة الحياة]

شفت اللينك
دا عاوز روقان عشان اقرأه
بس التطفل بقى

[The Knight]

السلام عليكم رواد القهوة جميعا..

وحشتوني كتير ..

الناس السهرانة .
ابتسامة .. أحمد ..فراق .. عتاب .. مصطفى .. أبو رقية .. ومصطفى

وفيه نور غير عادي اليوم

منورة القهوة
مستكه

و طبعا هي من الرواد الأوائل في القهوة .. ما اتقابلنا أبدا ، لكن في الصفحة الأولى اسمها منور..

الرحلات ..

طلعت رحلات كتير ، أول رحلة كانت مع المدرسة وأنا في تالتة إبتدائي
رحلة إلى مصنع الغزل والنسيج .. لأ والأستاذ كمان طلب مننا موضوع تعبير عن الرحلة ، وطبعا أخذت معي ورقة وقلم علشان أكتب الموضوع ، ولأني مش لاقي حاجة أكتبها ، والأستاذ كان عنده أمل فيا !!
اضطريت أرسم ، رسمت آلة من الآلات قال!!

وبعد ما خلصت الرحلة ورجعنا كلنا مش شايفين حاجة من القطن اللى كان في عنينا وهدومنا

سألني الأستاذ كتبت إيه ؟ قلت له معلش مش كتبت حاجة أنا رسمت .. أعجب الأستاذ جدا للفكرة وقرر يديني جايزة ..
لكن بعد ما شاف الرسمة غير رأيه!! وزعل .. وكان يوم

وصباح الخير وجمعة مباركة عليكم إن شاء الله