قهوة المخربشين (5)

[amr_miza1]

المشاركة الأصلية بواسطة ابتسامة الحياة

جمعة مباركة يا عمرو
اوقات بحس ان اللهجة الصعيدية ميالة للغة العربية اكتر فى بعض الكلمات

جمعة مباركة علينا وعليكم ..
لفتى انتباهنا لنقطة وهى ارتباط اللهجة الصعيدية للغة العربية ..!
مش فاهم يا اسماء ممكن توضيح .. وبالمرة تيجى علشان بتهربى كتير ..

المشاركة الأصلية بواسطة نيهال

شرب احمد اللبن.......تتنطق ازاى.......تتنطق شرب احمد اللبا.......حاولى مش تنطقى اخر حرف

مستفذة فعلااا
واحمد مثلا .. تبقى احما .. يا احما

المشاركة الأصلية بواسطة dondallas

القهوة دى ان شاء الله تبقى زيادة بسب الشخصيات الرائعة الموجودة فيها وارجو ان يستمر العطاء الموجود فى قلب السادة الاعضاء الكرام.واتمنى ان اكون عضو فى مقدار عطاء سيادتكم .
سلامى لجميع الاعضاء الكرام

اهلا بيييييك منور القهوة .. ومتظرين مشاركتك معانا فى الموضوع

المشاركة الأصلية بواسطة نيهال

مساء النور يا عمرو........

لكن بكون مستمتعه وانا بسمع لهجات جديده عليا
وبتاثر على فكرتى عن الشخص نفسه

شكرا يا نيهال للفيشار
انا من الباجور اصلا ونفس لهجة شبين الكوم لكن بركة السبع مش عارف بيتكلموا ازاى

لكن فيه هنا نقطة ..
ازاى اللهجات الجديدة بتأثر على فكرتك عن الشخص نفسه ؟

المشاركة الأصلية بواسطة محمد كمال على

نيهال
عمرو وعتاب
والأخ \الأخت الجديد بصراحه مش عارفين ننطقوا الأسم
أحنا حنشربوا شاى فتله من أبو فتله طويله
والمرسى أبو العباس حنكلموكوا من النهارده باللهجه الاسكندرانى

محممد .. نتكلموا اسكندرانى يا عم
ماتقلقش احنا نشرفوك يعنى

المشاركة الأصلية بواسطة duha

كنت فاكرة ان التنوع باللهجات عندنا بس

اختلاف اللهجات يا ضحى ممكن تكون فى محافظة واحدة ..


شــــــــاى يا سنقر ..

[احمد ا العدوي]

احنا اصلا من بيلا كفر الشيخ اللهجة الاصلية بتاعتها كان فيها دلع شويه من الرجالة والحريم
وكانت تطرب الاذان
وكنا نحب نسمعها واحنا صغيرين عن لهجة القاهرة
لكن غيروا اللهجة عشان مايكونوش فلاحين وضيعوا احلي حاجة عندهم

[شيكس]

انا زبون لاول مره في القهوة واتمني ان اكون زبون دائم وعند حسن ظنكم
قهوة المخربشين قهوه علي تراث عالي المستوي بس يا رب متكنش المشاريب غاليه
علشان انا ناوي اعزم كل واحد علي الي يحب يشربه (من اجل التعارف)
اعرفكم بنفسي :
ايهاب مجدي 24سنه خريج سياحه صديق حميم لمستر كاراتيه وهو سبب معرفتي بالمنتدي الجميل ده
اتمني لو اكون صديق ايضا لكل المشتركين في المنتدي

[محمد كمال على]

أهلا بيك يا شيكس
نورت قهوتنا المتواضعه
واد يا سنقر
جرى هات واحد شاى فتله علشان شيكس وطول الفتله
ههههههه

[احمد ا العدوي]

اهلا بيك شيكس
مين مستر كاراتيه

[محمد كمال على]

يا عدوى
الحمد لله على السلامه

[فراق84]

المشاركة الأصلية بواسطة نيهال

فراق.......زى ما قلتلك بالظبط

ما تحاولى تنطقى اخر حرف فى المله اللى تقوليها يعنى مثلا

شرب احمد اللبن.......تتنطق ازاى.......تتنطق شرب احمد اللبا.......حاولى مش تنطقى اخر حرف

فهمتينى؟؟

على فكره انا مش بحب اللهجه دى بجد( مستفزه جدا)
الوحيد اللى سمعت منه اللهجه دى كان مدرس اللغه العربيه الله يكرمه وانا فى ثانويه عامه

فهمت !!!
بس الحكاية صعبة اوي

[عتاب]

اهلا شيكس واهلا بكل اصدقاء مستر كاراتيه
ياريت تخليه يرجع للمنتدى من تاني
وماتخافش المشاريب هنا مش غالية خالص

[فراق84]

المشاركة الأصلية بواسطة شيكس

انا زبون لاول مره في القهوة واتمني ان اكون زبون دائم وعند حسن ظنكم
قهوة المخربشين قهوه علي تراث عالي المستوي بس يا رب متكنش المشاريب غاليه
علشان انا ناوي اعزم كل واحد علي الي يحب يشربه (من اجل التعارف)
اعرفكم بنفسي :
ايهاب مجدي 24سنه خريج سياحه صديق حميم لمستر كاراتيه وهو سبب معرفتي بالمنتدي الجميل ده
اتمني لو اكون صديق ايضا لكل المشتركين في المنتدي

اهلا وسهلا اخي ايهاب
اعتبر المنتدى بيتك
وبما انك صديق مستر كاراتيه
فكل الترحيب لك
اختك فراق

[فراق84]

المشاركة الأصلية بواسطة duha

السلام عليكم جميعا
ازايكم يا مخربشين
طبعا اختلاف الهجات عندنا شئ خيالي
لدرجه انيمشبافهم لهجة الجنوب ولا الغربيه ولا الموصلليه مع اني جدتي لبابا من هناك
مش باعرف غير لهجتي البغداديه
مع ان في بغداد نفسها اكثر من لهجة
كنت فاكرة ان التنوع باللهجات عندنا بس

اختي ضحى
هذا الاختلاف موجود في كل الدول العربية بلا استثناء
نتيجة ظروف مختلفة حكمت كل جزء منه
ومع ذلك بنرجع دايما لاصل واحد وهو اللغة العربية

[فراق84]

اخي ابو رقية
اللهجة الاسكندرانية جميلة
اول مرة اسمعها كان في مسلسل مصري على التلفزيون
استغربت جدا لاسلوب الكلام

[amr_miza1]

مساءكم سعادة ..

فراق وعتاب ومحمد كمال وكل المتواجدين ..

اخى احمد العدوى .. اتمنى تشاركنا المناقشة .


هقول مثال توضيحى الاول .. اللغة الانجليزية واحدة فى كل مكان يتحدث بالانجليزية لذلك فاللغة الانجليزية مفهومة لكل شخص فى العالم ..
اما عربى لبنان يختلف عن عربى مصر يختلف عن عربى تونس او الخليج والمصطلحات مختلفة تماما .

السؤال ..

هل تنوع واختلاف اللهجات العربية ظاهرة صحية تخدم اللغة العربية ام انها ظاهرة سلبية لاتخدم اللغة ؟

اتمنى حد يساعدنى فى اجابته ..

[نيهال]

المشاركة الأصلية بواسطة محمد كمال على

اللى نعرفوه عن لهجه البحيرة أنهم بيقصوا الكلام
يعنى لما تقول دمنهور يبقى نطقها دمنهوء
تنكم حدانا الليله
أهىىىىى
وانننننت ماااالك انت بتشديد النون

تؤتؤ

مش البحيره يا ابو رقيه

الدماهره فقط...( يعنى اللى اصلهم من دمنهور)

همه اللى بينطقوا اللهجه دى.........ونادرا ما تشوف حد منهم لان زى ما قلتلكم الوحيد

اللى شوفته كده كان مدرس اللغه العربيه عندنا فى ثانوى

ومش موضوع بيقصوا الكلام.....اخر حرف مش بتلاقيه بالكلام مش اكتر




اتمنى انى اكون وضحت لغه المنطقه اللى انا عايشه فيها

وزى ما ذكرتلكم بقيه المراكز بتكون ازاى

وخلى بالكم من نقطه مهمه

فيه فرق شاسع بين الفلاحين اللى من ايتاى وكفر الدوار.....وبين فلاحين المناطق كلما

اتجهنا ناحيه الصحراوى زى ابو المطامير والنوباريه وكوم حماده

[نيهال]

اهلا بيكى يا ضحى......ايه اكتر حاجه مميزه فى لهجه اهل بغداد وياترى تقدرى تعرفى عن بعض اللهجات الاخرى؟؟

شيكس......او ايهاب: اهلا وسهلا بيك وان شاء الله تنورنا دائما بكل ما هو جديد ويا ريت تبلغ سلامنا لمستر كاراتيه


فراق........معلشى عارفه انها لهجه مستفزه




احمد العدوى......منورنا بمشاركاتك

عمرو راجعه مره تانيه للتعليق على ما ذكرت

[نيهال]

المشاركة الأصلية بواسطة amr_miza1

لكن فيه هنا نقطة ..
ازاى اللهجات الجديدة بتأثر على فكرتك عن الشخص نفسه ؟

حقولك يا عمرو افندى........
( )

زى ما ذكر الكثير من الاصدقاء..ان لكل منطقه بتعرف اهلها بيتكلموا ازاى

فاللهجه الاسكندرانيه بتلاقيها منتشره اكتر بالمناطق الشعبيه .....

ولو شوفت حد بيتكلم باللهجه دى بتعرف هوه منين على طول..........

وزى ما قلت اكيد ابو رقيه بيفيد اكتر لكن انا بحكم انى عشت فتره لا باس بها هناك

فكنت برشدى وتلاقى اللهجه عاديه زينا

لكن لو نزلت بحرى وبمنطقه شعبيه بردوا بتلاقى اللهجه الاصليه

وبالمثل تماما لما نزلت اول مره كوم حماده( مركز كبير بالبحيره- قريب من

الصحراوى)....اللهجه كانت بتدينى انطباع الشخص دى