قهوة المخربشين (5)

[True_Face]

السلام عليكم

ابو رقيه مخصوم منك
4 ايام بسبب عدم تسجيل الحضور والخروج
بالسجل المخصص

[محمد كمال على]

المشاركة الأصلية بواسطة True_Face

السلام عليكم

ابو رقيه مخصوم منك
4 ايام بسبب عدم تسجيل الحضور والخروج
بالسجل المخصص

لأ
راجع كشف الحضور من تانى
أن لم أنسى تسجيل حضورى
شكرا لأهتمامك

[نيهال]

السلام عليكم ورحمه الله وبركاته.........


عمر.....حمدا لله على سلامتك
سعيده جدا بوجودك معانا
نورتنا

عمرو....ضحى وفراق وابو رقيه وترو وابن البلد ومصطفى...........مسائكم جميل جدا جدا ان شاء الله

اتمنى تكونوا بالف خير

عم صبحى ......ايس كريم جلاكسى على حسابى لكل البنوتات والمخربشين ولاد مصر النهارده

بمناسبه اننا فى اخر الشهر

[محمد كمال على]

أيس كريم جلاكسى
ممممممممممم
طيب ممكن أخد حقى ناشف بما أننا فى اخر الشهر
مسائك سكر يا نيهال

[amr_miza1]

اهلا نيهال ... مساء الخير

جميلة او شيكولاته اخر الشهر دى

اعتقد ان معاكى 10 جنية عاوز تخلصيهم .. وترتاحى باقى الشهر

[True_Face]

اهلا نيهال
مسائك جميل

شكرا اخ ابو رقيه على الموضوع الجيد بتاع اطلاق الرصاص

[نيهال]

ابو رقيه............
عمرو..............
ترو..............

مساء النور عليكم اخوتى بكل مكان

طبعا زى ما انتم عارفين
وتقريبا القناه الخامسه عايزه تيجى تصور حدانا
انى كان معايا 20 جنيه بحالها الاسبوع ده
وناديت وخطبت فى الامه
يا ناس مش عايزه افكها......

لكن طبعا انتم عارفين الظروف عامله ازاى

ففكيتها طبعا
وقلت اعزمكم على ايس كريم جلاكسى

بالنسبه ليك يا ابو رقيه..........الافضل طبعا انك تاخد الايس كريم لانه يا دوبك حنجيب اتنين جلاكسى........فممكن تاخد نص واحده

انما ال2 جنيه اللى يعتبروا نصيبك.....حيتبعزقوا قبل ما توصل لرورو بحاجه حلوه

[محمد كمال على]

شكرا يا نيهال
كلك ذوق

بس قولى لى هو الأيس كريم الجلاكسى بيتاكل عادى ولا معاه كتالوج

[نيهال]

ى الهى..............

طبعا ليه طريقه معينه............

اولا تبعت للشات التلفزيونى وتقولهم اننا حناكل الايس كريم

تانى حاجه.......نجيب كرسى ونحطه فى نص القهوه

وكل واحد بيقعد عليه لمده دقيقه وبالف هنا وشفا بقى

ههههههههههه


اقول ايه بس......نتكلم جد شويه

بتمسكه من العصايه بتاعته

وتقطع الورقه وتاكله زى الدولسى بالظبط

هوه النهارده الموضوع كان عن ايه..؟؟

[محمد كمال على]

والله يا نيهال أنا دخلت القهوة أكتر من مرة اليوم ولم أجد أحد ولم اجد مواضيع جديده
فالى باكر أن شاء الله
استودعكم الله
وشكرا على الأيس كريم

[amr_miza1]

صباح الخيـــــر ..

اعملى ليمون فريشت يا سنقر

ياجماعة كان محمد اقترح موضوع عن الهواتف المحمولة ..

المشاركة الأصلية بواسطة محمد كمال على

مرحبا ضحى
مرحبا عمرو
نفسى نتكلم فى موضوع جديد وغريب
بس حاسس ان دماغى فاضيه من المواضيع
أكيد عايز أشحن كارت بخمسين
أه صحيح
نتكلم عن التغيرات فى مجتمعنا بعد حوالى 11 سنه من ظهور الهواتف المحموله

عايز يا سنقر واحد شاى وطول الفتله

فى انتظار باقى الاراء .. لأنه فعلا موضوع مهم بين الميزات والسلبيات ..

[ابتسامة الحياة]

السلام عليكم ورحمة الله وبركاته
ازيكم يا مخربيشين
برحب بكل الموجودين
وحمدلله على سلامة رجوعك يا عمر
موضوع حلو فعلا يا عمرو
هرجع ارد عليه دلوقتى

[amr_miza1]

فى انتظار ابتسامة الحياة ...
اوعى تهربى ..

[ابتسامة الحياة]

موضوع التغيرات اللى حدثت فى المجتمع بعد 11 عام من ظهور الموبالات
كتيييييييير جدا
من السيئ ومنها الجيد
الشيئ الجيد هو الاطمئنان على كل من يخصك أمره فى اى وقت
ولكن مساوءه كتيرة
مثل كثرة استخدامه وتداوله
لأسباب تافهة
حمل الاطفال له بدون اى مسئولية
اشعاعاته الضارة
لى عودة

[جناب العمدة]

السلام عليكم ورحمة الله وبركاته
حبايبى المخربشين الغاليين
صباح الخيرات والسعادة
نفر نفر .. ونفراية نفراية
أخباركم أيه ...
القهوة المظبوط ياد ياسنقر واول واحد ييجى يدفع حسابها
ولو مرضيش شوف اللى بعده .
يجعلو عامر .. ومن قدم شىء بيداه التقاه .. وهنيالك يا فاعل الخير والأجر والثواب على الله .




شوفوا التسول فى اوروبا المتقدمة .. بيشحت علشان يجيب هدية لأختة اللى هتولد .
يا سلاااااااااااام . أنا بس بشحت كوباية شاى شوفو الفرق بأه ..