اهلا يا ضحي منوره
إقتباس:
بصراحه من فترة وانا حابه نتكلم عن الغلاء المعيشي
وعن ازمة الغذاء في العالم
ياترى ايه اسبابها
وايه اللي ممكن تعمله الحكومات لتلافيها
وياترى الخصخصة حل ولا لا
|
حكاية الغلاء المعيشي دي موضوع كبير اوي اوي
اه العالم كله في موجة غلاء واضحه
بس فيه حاجه اسمها ادارة ازمات
اومال لازمة اي حكومه ايه
الحكومات المسؤله فعلا بتحاول تجد حلول للازمه
حلول جزريه
مش مجرد مسكنات مش بتعمل حاجه غير انها بتكبر المشكله كل يوم عن التاني
كنت قريت عنموضوع ازمة الغذاء دي انه الدول المتقدمه بحثت عن طاقه بديله
عن البترول ومشتقاته طاقه بحيث انها تتحكم فيها ومش تكون تحت سيطره اخري مهما كانت السيطره دي ضعيفه
وقدرو من خلال بعض الابحاث يتوصلو لاستخراج الطاقه دي من بعض المحاصيل الغذائيه
واللي احنا بنعتمد عليها في الاساس
ده سبب من الاسباب اللي بتتقال والله اعلم بمدي صحته
حاجه تانيه برضه قراتها
انه الدول الكبري هي نفسها اللي بتعمل ازمه في المحاصيل الغذائيه عشان تتحكم في الدول المحتاجه اكتر
يعني حرب من نوع اخر
وبصرف النظر عن السبب الحقيقي وراء الازمه
احنا العالم الثالث ومايليه المطحونين بالدرجه الاولي بسبب المشكله دي
وعلي الرغم من ده فين الحلول !!
الله وحده اعلم
دايما لما اسمع ازمة الغذاء والغلاء
اتذكر علي طول قصة سيدنا يوسف
لما فسر لملك مصر رؤيته
وازاي عدي بالبلاد من ازمة مجاعه محققه
اين نحن الان
الا من متعظ !!
مواضيع مشابهة
النمط الخطي
