قهوة المخربشين (5)

[محمد كمال على]

السلام عليكم جميعا
أيه الأخبار الوحشه دى
عمر يترك المنتدى ليه
أول ما أدخل القهوة ألاقى خبر زى ده
حصل حاجه أنا ما أعرفهاش؟

[عتاب]

اهلا محمد كمال
مجرد خلاف .. بس عمر كان عصبي اوي امبارح
ياريت يا محمد لو لك كلام معاه خارج المنتدى
تعرفه اننا مش موافقين انه يمشي
ولازم يرجع والخلاف باذن الله هايتداوى

[محمد كمال على]

أنا فعلا فى حيره يا عتاب
ما هو الخلاف
هل مع عضو من الأعضاء
أم مع الأداره
أنا قرأت كلمات عمر الأخيره هو بيقول (أسباب شخصيه)
طبعا أنا لا أستطيع التدخل فى أمور شخصيه
ولكن أرجو أن يتراجع فى قراره

[عتاب]

اعتقد ان السبب خلاف مع الادارة حصل امبارح في حبر وورقة
بس حتى لو السبب شخصي ..احنا مش عايزين نعرف الاسباب
احنا عايزينه يرجع
ومايكونش قرار ترك المنتدى قرار نهائي

[فراق84]

كلامك صحيح يا عتاب
ياريت يعدل عن قراره
لانه بيعز علينا انو يترك المنتدى كدة
وهو زعلان

[عتاب]

اهلا فراق
صباحك سكر
باذن الله هايرجع

[فراق84]

ان شاء الله
لانو بعد قراره زعلت اوي اوي
القهوة حتكون ازاي بدون عمر؟؟
ولا حبر وورقة
ان شاء الله يرجع
ازيك يا عتاب
وجمعة مباركة لكل القهوة والمنتدى

[محمد كمال على]

أكيد يكون هناك سوء تفاهم حصل
أنا أسف طبعا ما دخلتش النت أمس
لو زى ما قلتى الخلاف مع الأدارة فى حبر وورقهلكن عمر أنسان محترم
أكيد أكيد سوء تفاهم حصل

المشاركة الأصلية بواسطة عتاب

اعتقد ان السبب خلاف مع الادارة حصل امبارح في حبر وورقة
بس حتى لو السبب شخصي ..احنا مش عايزين نعرف الاسباب
احنا عايزينه يرجع
ومايكونش قرار ترك المنتدى قرار نهائي

[bo7or]

مينفعش اساسا باى حال من الاحوال ان عمر يسيب المنتدى
مش هينفع لا يسيبه زعلان ولا راضى مش ينفع يسيبه اصلاا

اسمحلى عمر بجد
مش من حقك تسيب المنتدى ...
مش من حقك تختفى من وسط ناس ارتبطوا بيك وبوجودك وانت كذلك ..
وان كان فى خلاف يتحل ولو متحلش فيكفيك اصدقاءك
ولا سهل عليك تسيبنا ؟
انا شفت موضوعك .. حتى فى فوتتنا جميل ..
كلنا رافضين رحيلك عمر ..

[عتاب]

معاكي حق يا روكا
كلنا رافضين انه يمشي
مهما كان الخلاف ومهما كان السبب

[مصطفى خالد]

وانا معاكوا يا جماعة والله انا رافض بتاتا ان عمر أمير المنتدى يسيب المنتدى ويمشي يا جماعة

والله بجد اي حد يعرف ايه هو سوء التفاهم يقول ايه هو ارجوكوا

[Ebn elbalad]

السلام عليكم ورحمة الله وبركاته

وأنا ماشى بعيد كده سمعت صوت عالى من ناحية القهوة قلت احترم نفسى شوية وأخش أولا اسلم على الناس الطيبين والملتزمين اللى جوه وأعرف إيه اللى حصل ؟؟

رأيى ـ وبدون ما اعرف تفاصيل الموضوع ـ إنك ما تسيبش المنتدى يا استاذ عمر .. حضرتك تعتبر دلوقتى رمز من رموز المنتدى .. يعنى عالم ابن مصر له أسماء مميزة ومعروفة وحضرتك واحد منهم .. قرار الانسحاب من المنتدى نتعرض له كثيرا .. لكن هناك فرق بين انسحاب وانسحاب .. انسحاب مجرد عضو عادى أو عضو مؤثر بدرجة نسبية .. لكنك الآن من أعمدة هذا المنتدى ..!! .. آلامنا من قبل انسحاب الاستاذ ترو فيس .. ولا اتصور الآن صفحات عالم ابن مصر بدون عمر !!!!

[فراق84]

المشاركة الأصلية بواسطة Ebn elbalad

السلام عليكم ورحمة الله وبركاته

وأنا ماشى بعيد كده سمعت صوت عالى من ناحية القهوة قلت احترم نفسى شوية وأخش أولا اسلم على الناس الطيبين والملتزمين اللى جوه وأعرف إيه اللى حصل ؟؟

رأيى ـ وبدون ما اعرف تفاصيل الموضوع ـ إنك ما تسيبش المنتدى يا استاذ عمر .. حضرتك تعتبر دلوقتى رمز من رموز المنتدى .. يعنى عالم ابن مصر له أسماء مميزة ومعروفة وحضرتك واحد منهم .. قرار الانسحاب من المنتدى نتعرض له كثيرا .. لكن هناك فرق بين انسحاب وانسحاب .. انسحاب مجرد عضو عادى أو عضو مؤثر بدرجة نسبية .. لكنك الآن من أعمدة هذا المنتدى ..!! .. آلامنا من قبل انسحاب الاستاذ ترو فيس .. ولا اتصور الآن صفحات عالم ابن مصر بدون عمر !!!!

[عتاب]

السلام عليكم
اهلا مصطفى خالد
اهلا ابن البلد
اهلا فراق
مش عايزين الجو ده
باذن الله عمر هايرجع لانه اكيد مش هايهون عليه يسيبنا
تحبوا تتكلموا عن ايه؟

[alwathek]

السلام عليكم
ادن الفجر مش حتروحو اتصلو