قهوة المخربشين (5)

[عتاب]

يلا بقا حد يعزمني على حاجة

[rosi_smile]

السلام عليكم رواد قهوة المخربشين
عتاب منوره القهوه كلها
واحد نيسكافيه يا سنقر بسرعه
ثواني اشوف بتتكلموا فيه ايه

[عتاب]

وعليكم السلام ورحمة الله وبركاته
منورة القهوة ياقمر
حمدالله على سلامتك وسلامة الثانوية العامة منك هههههه
بالتوفيق ان شاء الله

[جناب العمدة]

شكراً عتاب على ردك وجميل كلامك بخصوص كتابتى على موضوع عمر
أنا لا ألوم عمر ولا الورد الجورى لأن الذى بينهما خلاف يحدث كثيراً وفى النهاية
يذهب كأن شيئاً لم يكن بعد أن تهدأ النفوس ويعود كل منهما الى هدوء أعصابه .
المشكلة فى المداخلات من خارج الطرفين وطبعاً انتى شفتى طريقة التعليق
كانت قاسية جداً وهى اللى كبرت المشكلة وجعلت اللى كان محافظ على هدوءه
خرج عن اطار هدوءه .
أتمنى وليس صعباً أن يعود عمر الأخ الفاضل ونراه فى حال وفاق أخوى مع الورد الجورى
وهى أخت فاضلة . ولا ننسى أننا بشر نخطىء ونصيب وفى النهاية يبقى أننا أخوة
جمعنا المنتدى المميز هذا برابطة راقية هى رابطة الأخوة والصداقة .

أكرر شكرى لك أختى الكريمة عتاب .
أنا آسف للتطرق للموضوع تانى لأن الموضوع انتهى .

[ابتسامة الحياة]

السلام عليكم ورحمة الله وبركاته
ازيكم يا مخربيشين
عتاب
روزى
جناب العمدة
طبعا كلكم كلامكم صحيح بخصوص عمر
طبعا انا معاكى ان عمر فعلا احرج ورد وانا مغلطاه جامد جدااااااااااااا فى النقطة دى
لكن صاحبة المشكلة تفهمت الموضوع بطريقة عقلانية احييها عليها جدا
الى جانب ان حصل تدخل للرد على عمر
ولما حصل نفس الشيئ لعمر ماحصلش تدخل على الاقل يوضح بردو خطأ العضو التانى
ودى هيا النقطة اللى اعتقد انها اثرت فى عمر وخليته يسيب مكان انه حس ان مش الكل بيتعامل بنفس الطريقة
مش صدى اأقسم كلامى لمشرفين واعضاء
لأنى شايفة ان كلهم حاجة واحدة عضو اولا واخيرا
وانا مش مع نقطة التقسيم

[جناب العمدة]

بالضبط كده يا ابتسامة فى رأيي إن ده السبب

دفة النقد كانت محولة تجاه عمر .

عتاب عزومتك على المرادى انتى وابتسامة .


تنسيق الخطوط حلف يمين ما يشتغل عندى ...

[عتاب]

اهلا جناب العمدة
طبعا الموضوع مثار للنقاش في اي وقت
وتقدر تتكلم فيه براحتك
لاننا بنستفيد من ارائك
وفعلا الخلاف شيء طبيعي انه يحصل
يمكن ان الموضوع مشي بسرعه لدرجة اننا مالحقناش نتدخل للاصلاح
انا والله يومها النت كان بطيء جدا وكان يدوب يفتح لحظة ويفصل كام ساعة
فمكنش عندي الفرصة للتدخل
يلا قدر الله وماشاء فعل

ابتسامة الحياة
اهلا سمسمة .. فينك من اول امبارح
مش تظبطي معايا ههههههه
انا معاكي في كل اللي قولتيه
لو المشكلة فضلت بين عمر وورد اعتقد انها مكنتش هاتوصل للدرجادي

[عتاب]

ياسلام
جناب العمدة بحاله هايعزمنا
ياترى هاناكل ايه
اصلنا مش من النوع اللي يتعزم على حاجة نشربها وبس هههههههه

[عتاب]

جناب العمدة
ابتسامة الحياة
جايبالكم السلام من ضحى
مع الاسف محبوسة بره المنتدى مش عارفة تدخل
بس قالتلي اسلم عليكم

[جناب العمدة]

لو المشكلة فضلت بين عمر وورد اعتقد انها مكنتش هاتوصل للدرجادي

دا أكيد من معرفتنا لطريقة تعاملهم على صفحات المنتدى .

يا سلام على كلام المصطفى واللى محتاجينه جداً

(( ( من كان يؤمن بالله واليوم الآخر ، فليقل خيرا أو ليصمت )) الى باقى الحديث .

تخيلوا لو كل واحد فكر فى كلامه قبل ما ينطق به وقرأ تأثيره على المتلقى .

كنا على الأقل تلافينا العديد من المشاكل ..

موضوع الخلاف انا قرأته للأسف النهاردة فى الصباح فقط .

نيجى للعزومة يا عتاب ...

خروف والعوض على الله مش كتير عليكى ....

[جناب العمدة]

المشاركة الأصلية بواسطة عتاب

جناب العمدة
ابتسامة الحياة
جايبالكم السلام من ضحى
مع الاسف محبوسة بره المنتدى مش عارفة تدخل
بس قالتلي اسلم عليكم

الله يسلمها ونشوفها منورة القهوة .. بلغيها سلامى وامتنانى لها على السؤال .

والله مش عارف ايه حكاية تنسيق الحروف مرة يضبط ومرة لأ .

[عتاب]

خروووف احمدك يارب
انا في انتظاره ههههههه

احمد ربنا على ان التنسيق بس اللي بايظ
انا عندي وبلا فخر ماينفعش انزل موضوع جديد (هاعيط ونفسي اعمل مواضيع ههههه)

[Ebn elbalad]

السلام عليكم

للأسف أنا حتى هذه اللحظة مش فاهم أى حاجة .. ولا فاهم إيه اللى حصل ولا موضوع الخلاف كان عن إيه ؟؟ .. لكن فى الآخر عضو مميز ساب المنتدى ومشى بدون حتى الموجودين ساعتها ما يتصرفوا

ياريت يا عمر .. لو شايف ردودنا ومشاركتنا .. ترجع تانى للمنتدى .. لإن لو كان سبب انسحابك هو مجرد خلاف .. فهو خلاف مع عضو واحد مش كل الأعضاء ..!

نفتقدك فى حبر وورقة .. وفى ورقة المخربشين .. وفى دهاليز السياسة !!

اتمنى رفع قرار انسحابك .. الخلاف فى الحوار وارد فى كل الأوقات ..


جناب العمدة .. واحشنى جدا .. مشاركتك هى المشاركة رقم 10000 فى القهوة
أحنا اتحسدنا يا جماعة

كويس إنك دبحت خروف

[عتاب]

اهلا ابن البلد .. مصطفى
ماشاء الله
(قل اعوذ برب الفلق )
مايحسد المال الا اصحابه
ياريت يا جناب العمدة تدبح الخروف على باب القهوة
امسكه معاه يا مصطفى
اوعوا الدم يطرطش علينا
انا هاخرج بره لحد ما تشفوه هههههه

[duha]

السلام عليكم
احبائي رواد القهوة الكرام
اليوم وصلنا وعدينا المشاركه 10000 في القهوة
ربنا يزيد ويبارك
وكويس ان العمدة هيدبح لنا خروف في المناسبه
بالنسبه الموضوع عمر
اتصور انه انتهى خلاص
لو انا مكان عمر مش ارجع تاني
لان واضح ان الادارة مش حابه تفهم ان باتيستا مش بس غلط في عمر لكن غلط فينا كلنا لما قال

همسة للعضو / عمر



هنيأ لك بأ صدقائك ...................... وأرجو الأ نكون منهم .......................


و

لاتتعب نفسك فى الرد على ......... فغير متابع لك ولا لردك .....................
..


فاعتقد اننا من هنا ورايح لو حد من الادارة غلط فينا ننحني احتراما ونسكت
خلاص الكلام في الموضوع مش عاد بفايدة
شكرا لكم كلكم