قهوة المخربشين (5) - Page 69

شاعــ الليل ــر · 26-12-2007, 09:58 AM

إقتباس:

المشاركة الأصلية بواسطة ابتسامة الحياة

الامر لله
حلوة قوى بلا عنوان يا اسلام

ربنا يخليكي يا أسماء

علي فكرة أنا دخلت وقرأت ردك
وهي كانت حالة شخصية وإحساس بعيشه دلوقتي

وسعيد أنها عجبتك

شاعــ الليل ــر · 26-12-2007, 10:05 AM

إقتباس:

المشاركة الأصلية بواسطة برديس

صباح الخير يا رواد لقهوه الكرام
اسماء
اسلام
سيزار
يلا يا سنقر هات لكل واحد الطلب بتاعه
وانا هات لى شاى بحليب
خد بالك التلت حليب والتلتين شاى
كنت عايزه اخد رايكوا فى حاجه محيرانى
ممكن
طيب هقولها وخلاص
بمناسبه دخول الامتحان
للاسف مش عرفه دى ميزه فيا ولا عيب
انا طبعا براقب على الطلبه
مبسمحش لطالب يغش ابدا ولا يلتفت جمبه
المدرسين بيقولوا حرام عليكى لازم تسيبى اللجنه شويه
بس انا بعتبرها حرام ازاى اخلى الطالب الى ذاكر وتعب زيه
زى الى وخدتها طول السنه تهريج
مش عارفه بصراحه اعمل ايه
حتى امى بتقولى كده برده سيبى اللجنه شويه
قولولى انتوا اعمل ايه
وخصوصا ان الامتحانات كمان اسبوعين

صباح الخير يا شيماء
من غير شيمو

علي فكرة أنا موافقك جداً في إلّي أنت بتعمليه

لأن بجد حرام مجهود واحد طول السنة واحد تاني يأخذه منه في نص ساعة

" قل هل يستوي الذين يعملون والذين لا يعملون "

برديس · 26-12-2007, 10:06 AM

اسلام
جميله فعلا بلا عنوان
تعرف كان نفس حالتى امبارح
مكنتش عارفه افكر فى حاجه
لدرجه انى معرفتش اكتب اقول لك ايه
لكن سبحان الله من يوم الى يوم ومن ساعه الى ساعه
تتبدل الاحوال

The Caesar · 26-12-2007, 10:08 AM

إقتباس:

المشاركة الأصلية بواسطة برديس

بمناسبه دخول الامتحان
للاسف مش عرفه دى ميزه فيا ولا عيب
انا طبعا براقب على الطلبه
مبسمحش لطالب يغش ابدا ولا يلتفت جمبه
المدرسين بيقولوا حرام عليكى لازم تسيبى اللجنه شويه
بس انا بعتبرها حرام ازاى اخلى الطالب الى ذاكر وتعب زيه
زى الى وخدتها طول السنه تهريج
مش عارفه بصراحه اعمل ايه
حتى امى بتقولى كده برده سيبى اللجنه شويه
قولولى انتوا اعمل ايه
وخصوصا ان الامتحانات كمان اسبوعين

الحرام انك تسمحي بالغش..لان ده بيضيع حق طالب سهر و تعب واتبهدل..علشان ينجح
ويتساوي ببساطه بطالب غبي او مهمل او كسول...ده الحرام فعلا برديس..
ده رايء

إقتباس:

المشاركة الأصلية بواسطة ابتسامة الحياة

أهلا يا قيصر
عامل ايه
كان فيه فكرة قالها ا/حسين
ايه رأيك نبدأ ننفذها

ابتسامه الحياه ..الحمد لله تمام ..ايه هيه الفكره ..مكسل ارجع وراء
لو حلوه انا مستنيها طبعا

إقتباس:

المشاركة الأصلية بواسطة شاعــ الليل ــر

صباح الخير يا سيزر باشا

أنا هقولك علي حاجة متأخرة شوية
بس للأسف متقبلناش من زمان

ألف مبروك علي الخطوبة السعيدة

وعلي فكرة ده عادتي أني دايماً متأخر

وألف مبروك مرة تانية

وبراحة شوية علي الواد سنقر

هو اتعلم الأدب خلاص

الله يبارك فيك...ده انت كويس كده انا اصلا ساعات بانسي خالص ..وفيه ناس بتفكرني بطنشها .بس والله النسيان ..انت عارف بقي داء العصر
عموما شكرا لك وشكرا علي مباركتك الجميله ..عقبالك
سنقر..نزل حاجه سخنه للناس كلها...انا اشرب جنزبيل..البرد الشتوي الشهير

إقتباس:

المشاركة الأصلية بواسطة ابتسامة الحياة

يااااااااااااااه يا اسلام

ده كان نسى خلاص

وبدأ يفكر فى الفرح

تعرف لو كنت اسنيت يومين
كان هيعزمك على الفرح

هاهههههه
مش اوي كده
يا رب يكونوا يومين ابتسامه الحياه
ده لسه ييجي كام شهر كده
وكمان التهاني لسه مستمره لمده 33يوم
انتي في بن مصر

برديس · 26-12-2007, 10:11 AM

اسماء
اسلام ماشى ياعم بس لو اعرف جبت الاسم ده منين
والله انتوا حيرتونى اكتر
انتوا عارفين المدرسين لما يجيوا يصححوا
بيعرفوا اللجنه الى كنت فيها
طبعا من قله درجتها
ببوظلهم النتيجه
انتوا عرفين ايه الى محيرنى
السنه الى فاتت
اخذت ورقه امتحان من تلميذ مش كاتب فيها غير اسمه
وعيط وقعد يدعى عليا
بعدها مش عارفه من اليوم ده وانا محتاره
ده كان اخر يوم فى امتحانات الترم التانى السنه الى فاتت

omarr · 26-12-2007, 10:29 AM

إبتسامه الحياه . شاعر الليل .برديس .سيزار.نهيال وجميع رواد " قهوه المخربشين"

السلام عليكم .صباحكم نادى و يومكم صافى يارب .

برديس .....

الغش ....

- سرقه مجهود الأخرين وتعبهم
- بيعلم الأتكاليه على الأخرين ودى اسواء صفه ممكن ان يتصف بها انسان ...
- بيحرق دم المجتهد .. وبيشعره انه انظلم .. وممكن كمان يتحول الى "اتكالى "
وبكده المجتمع هايخسر شخص كويس و نشيط و يحوله الى كسول اتكالى ...

- انا فى الأمور ديه ماعنديش رحمه او اى مشاعر تجاه الغشاش والغاشاشين فى اى مجال
عشان فعلا تأثيرهم مدمر .. عاملين زى السوس اللى بينخر فى اخلاق المجتمع ...

برديس · 26-12-2007, 10:37 AM

حسين
حمدلله على السلامه
والله متعرفوش ساعدتى قد ايه دلوقتى
انا صح
ومش هغير مبداى مهما يحصل
لانى انضريت كتير بسبب الغش ايام الدراسه
ايوه كده حسسونى ان فى ناس رايهم زى رائى
كنت خايفه تقولو العكس
يلا بقا شفولنا موضوع تانى نكلم فيه

omarr · 26-12-2007, 10:38 AM

سيزر ...

الفكره هى عباره عن اقتراح بأننا نعمل حاجه تشبه المسرحيه الهزليه بتقليد ومحاكاه
الأشخاص الرافعين شعار " انا مخالف اذا انا موجود " .... و نظهر الطريقه السلبيه فى تفكير
بعض الناس فى تناول المواضيع ..مثل تخصيص العام .. وتعميم الخاص ..والأنتقائيه
والتعصب بدون دليل ..... وتسخين المواضيع البسيطه وتحويلها الى قنابل ....
والخروج من صلب المناقشه و تشتيت الناس ... الخ من اللى انت عارفه وشايفه
فى بعض المواضيع اللى محطوط عليها " قفل " ...

الفكره فى الأساس عملتها "نيهال " مع صديقه لها وانا اقترح مجرد اقتراح ..
اننا نطبقها هنا ... بس منتظر نيهال توافق ..عشان مش عايز اسرق فكرتها

جناب العمدة · 26-12-2007, 10:41 AM

السلام عليكم ورحمة الله
رواد القهوة ازيكم . ان شاء الله تكونوا بخير
الحبايب ماشاء الله كتير يبقى بلاش نذكر اسماء
حد يطلبلى شاي فى الخمسينة .

شاعــ الليل ــر · 26-12-2007, 10:47 AM

إقتباس:

المشاركة الأصلية بواسطة omarr

إبتسامه الحياه . شاعر الليل .برديس .سيزار.نهيال وجميع رواد " قهوه المخربشين"

السلام عليكم .صباحكم نادى و يومكم صافى يارب .

برديس .....

الغش ....

- سرقه مجهود الأخرين وتعبهم
- بيعلم الأتكاليه على الأخرين ودى اسواء صفه ممكن ان يتصف بها انسان ...
- بيحرق دم المجتهد .. وبيشعره انه انظلم .. وممكن كمان يتحول الى "اتكالى "
وبكده المجتمع هايخسر شخص كويس و نشيط و يحوله الى كسول اتكالى ...

- انا فى الأمور ديه ماعنديش رحمه او اى مشاعر تجاه الغشاش والغاشاشين فى اى مجال
عشان فعلا تأثيرهم مدمر .. عاملين زى السوس اللى بينخر فى اخلاق المجتمع ...

صباح الخير يا أ.حسين

كل ما أقرأ كلماتك في اي موضوع بزيد بيك أعجاب
فلك مني التحية

بجد
أنت لمست لُب الموضوع في مسالة الغش
وكلامك كله صح
وأنا أشعر بنفسي مثال لكلامك
لأني تحولت من تلميذ مجتهد في الأبتدائية والأعدادية وحتي بداية الثانوية لطالب متكل علي غش اللجان في الثانوي
لأني بصراحة كنت بزعل جداً لما ألاقي المدرس بيقولي متوري للجمبك السؤال الفلاني
أو ألاقي إلّي جمبي لحوح والمراقب بيساعده علي كده ويقولي بسرعة كمان
كنت بزعل جداً
ولما وصلت للثانوي قررت أني مكنش شاطر عشان مدش يطلب مني حاجة وكانت النتيجة أني مبقتش شاطر بجد واصبحت متواكل

وعشان كده بقول لشيماء لا تهتزي لكلام الكسالي
وربنا يقويك ويثبتك

شاعــ الليل ــر · 26-12-2007, 10:50 AM

إقتباس:

المشاركة الأصلية بواسطة جناب العمدة

السلام عليكم ورحمة الله
رواد القهوة ازيكم . ان شاء الله تكونوا بخير
الحبايب ماشاء الله كتير يبقى بلاش نذكر اسماء
حد يطلبلى شاي فى الخمسينة .

وعليكم السلام يا عمدتنا

أنت لسة ما بعتش المحصول ولا إيه

علي العمومة
شايك عندي

واد يا سنقر
واحد شاي في الخمسينة تقيل للعمده

خف نفسك

omarr · 26-12-2007, 10:59 AM

جناب العمد .... وعليك سلام الله ورحمته وبركاته اخى الكريم ..

bo7or · 26-12-2007, 11:32 AM

ابتسامتى و نور حياتى...اسماء والله بجد منورة انتى روحك حلوة اوى اوى ..اى والله..اى والله..
وانا فعلا بأة مسهيانى جااااااااااااااااااااااااااااااااااااااااااااااااا اااااااااااااااااااااااااااااااااامد جدا و داخلة من ورايا من غير ما أحس و اخد بالى..
اصلى بحب افصل ما بين الامتحانات شوية...

استاذ حسين داخل طالع و مفكرتش تسلم عالبت الرخمة اللى عاملة ازعاج دى...

اسلام محرمتش ..مبتسألش علية..هروح اشوف حكاية بلا عنوان دى..

عمرو و الله وحشتنى رخامتى..و ربنا فعلا زى ما بتقول ميحرمكوش منى

حبيبتى شيماء...

أيا أغنية
دفؤها فوق احتمال الوتر
أنت ياوعداً بصحو مقبل((نزار قبانى))

معلش ولهانة فيها و بحبها اوى و بعد النجوم وكدة..

يمكن اكون مفيدة شوية فى موضوع المراقبة دة..لأن انا لحد السنة اللى فاتت كنت فى ثانوى و بيراقبوا علية مدرسين...
طبعا لو حد فيهم ساب اللجنة شوية او عرفت ان دة حصل فى لجنة تانية ببقى هتشل هيجيلى ضغط مفاجئ سكر حاد حاجة كدة بتبقى حاجة تشل فعلا...
هههههههههههههههههههههههههه

انا بضحك كدة دلوقتى اصلى افتكرت موقفين!!!!!!
الاول السنة اللى فاتت كانت بتراقب علية مدرس و مدرسة"معلمة ههههههه" و والله العظيم ما بهزر......نااااااااااااااااااااااااااااموا...كانوا فى ما بينهم هارمونى عااااااالى جدا جدا بيفقروا مع بعض واحدة فوق واحدة تحت...
مش قادرة اقولك اننا انا و اصحابى فى اللجنة""هم زيى مبنحبش نغش"" سيبنا الامتحان و مفكرناش نغش و كنا قاعدين بس هلكانين من الضحك على منظرهم..
الموقف التانى كان فى اعدادى""يااااه عالذكريات"" كان برضه مدرس و معلمة ههههه ما سابوش ودن بعض نازلييييين يا ربناا مبطلوش رغى ومكناش مركزين خااااااالص..
بس سيبك انت كل دة مبيجيش حاجة جنب لما يكونوا مدرستين كباااار شوية..

ميمى:مشفتيش يختى القوطة غليت ازاى!!!
سوسو:هيييييي ولا الكوسة اروح اقول للواد الكوسة بكام يقولى 3 جنيه ان شاء الله ما كلنا يختى.
ميمى:ليه ان شاء الله..انت بتجيبى من عند الواد اللى على اول الشارع يا خبتك لا انا بروح عند الواد مسعود بناقر فيه براحتى و بفاصل و اخد اللى انا عايزاه..
سوسو:ما انت طول عمرك اروبة يا بت...

فاصل معلش رجعنا طبعا مبيسمحوش لحد بأنه يفكر فى اى حاجة ليها علاقة بالامتحان الا لو كان امتحان اقتصاد منزلى او ربما زراعة..

فاللى انت بتعمليه طبعا هو الصح و الاعدل و الاكرم عند ربنا ان شاء الله..و نيتك هى اللى فى ميزان حسناتك يا رب...

انا طولت عليكوا اوى انا عارفة بس اصلها مش بتتكرر كتير...
بحبكواااااااااا اوى والله بتهونوا علية الوقت بحبكواااااا

bo7or · 26-12-2007, 11:35 AM

انا من بدرى اوى فى بوكس الرد.............ازيكوا كلكم واحشنى هعيط انا..

omarr · 26-12-2007, 11:42 AM

بحور ..

صباح الخير منوره " قهوه المخربشين " ومتألقه دائما كالعاده فى كل مره تأتى للمشاركه