قهوة المخربشين (5)

[amr_miza1]

وتعور نفسك ليه يا حسين بس .. القهوة يا عم صبحى للاستاذ حسين .. الراجل دا شرانى انا عارفة

لا والله انا شايف انك ممكن بردة تجيبه بس يبقى فيه كنترول فى الاستخدام يعنى وقت المزاكرة للمزاكرة ومايبقاش جهاز اساسى او محورى فى البيت يعنى مجرد حاجة من الكماليات !!

شفت عم صبحى خاف منك ازاى وجابلك القهوة

[duha]

السلام عليكم
جمعه مباركه عليكم كلكم
ازايك عمو صبحي القهوة المظبوطة كالعاده
اهلا شاعرالليل
انك تغربل الصور امام الطفل هذا شئ مستحيل لانك حتى لو حاولت في سنين عمرة الاولى بعد كدةيبقى مستحيل لانه هيروح المدرسه ويتعلم من الشارع والتلفزيون واشياء كثيرة
لكن الحل هو انك تجعل منه طفل سوي
احنا عارلافين ان الاطفال هالايام بقو عدائيين وعندهم خوف وقلق غير طبيعي طبعا كله بسبب مايروه من حروب وقتل ودمار تلاقي الطفل لما يلعب يلعب حرب وقتال ولما يرسم سرسم دبابه
وهكذا
هذا الطفل مهما كان ذكي هيفشل في المستقبل السبب هو انه امتلا بالخوف والقلق والعدوانيه وعدم تقبل الاخرين
يبقى الواجب علينا اننا نمنحه الفرصه ليبني نفسيه متوازنه خاليه من المشاكل ليستطيع استغلال ذكاءه في المستقبل
اكيد ذلك هن طريق زج صور الخير والصور الجميله وصور روح التعاون وهكذا
اما الاجبار والتسلط والدكتاتوريه اظن اثرها سلبي اكثر لانك هتحرمة من حقه في تكوين ادراك واسع وشامل عن الحياه وهتفرض عليه رؤيه معينه
وهو من حقه كانسان ان يكون رؤيته الخاصه ومعتقده
اما عن كلام الاستاذ عمر عن الكومبيوتر
انا اعتقد ان الكومبيوتر الان ليس مجرد شئ كمالي في البيت لكنه اصبح ضرورة
بنتك الصغيرة هتنمي ذكاءها وقدراتها العقليه جدا باستخدام الكومبيوتر
لا اعرف لماذا الخوف من الكومبيوتر
اذا كنت تثق بقابليه زوجتك على استخدام الكومبيوتر فاعتقد انه ستكون فرصه جيدة لابنتك ان تواكب مسيرة التعليم المبكر
وفرصه لزوجتك ان تعيش اجواء ستعيشها بنتك بعد كم سنه في المدرسه
تخيل لما تبقى بنتك في المدرسه وتجي تسال مامتها سؤال والام ما تعرف تجاوب عليه
اكيد هيكون موقف محرج للام وللطفله
انا انصحك فعلا بان تدخل الكومبيوتر للبيت لانه بجد من ضروريات الحياه

[omarr]

تسلم يا عمرو على القهوه ..

ضحى نورتى قهوتك ... طبعا هاشترى الكمبيوتر بلا شك .. بس كنت عايز البنت تهتم شويه
بحاجه عمليه زى الرسم او التلوين , بس طلعت زى مدمنه تلفزيون , طول النهار توم وجيرى

[نيهال]

صباح الخير يا شباب

مين شباب دول

ده ولا حد موجود اصلا
والله فرصه لانى بغرق فى شبر ميه

عم صبحى.........عايزه نسكافيه سكر خفيف بليز
ويكون بلاك

مع انى فايقه
بس شكل النهارده عايزله فوقان من نوع تانى


المهم

بالنسبه لموضوع ادراك الطفل وازاى ننميها واكيد ازاى ننمى قدراته
فعلى حسب تجربتى البسيطه فمع اطفال العائله وجدت الاتى
اكيد طبعا الكمبيوتر مهم وضرورى........بس المشكله بتكمن انت منزل ايه عليه
يعنى لما يكون نصه العاب عنيفه بتكون مشكله
وبجد بتضايق جدا منه
يعنى الامثله كتير للاسف
تلاقى الطفل يا دوبك 4 سنين بالكتير وعنيف جدا ولما بيقعد امام اللعبه بيكون كيف التمثال
ونقعد نهاتى فى والديه انهم يبطلوا تنزيل العاب عنيفه
فيه قصص جميله ممكن يشوفها بالكرتون وكده بيتعلمهم حاجات كتير
بس المهم يكون تحت اشراف احد الوالدين على الاقل


اقولكم موقف حصل امبارح من عمر فى اولى حضانه

جاب البتون ساليه
وجاب طبق
وكسر البتون ساليهع فيه
وتتصورا الباقى بقى
لان فى بيته
جده بيربى خرفان وكده
اكل زى ما شاف الخروف بياكل
مش اقولكم على اللى حصل
مامته زعقت له
وجدته
بس مامتى لانها بتتعامل باسلوب غير الزعيق.هدت الموقف وفهمته وبتمنى انه يكون فهم اللى حصل
الغرض من القصه
ان الام اتعاملت مع الموقف بزعيق
لكن لو كانت اهتمت ايه اللى بيعمله ابنها ولما يقلد موقف يكون ليها رد فعل معين
مش زعيق وخلاصى

شويه وراجعه تانى ان شاء الله

[amr_miza1]

صباح الخير يا جماعة .. مش عاوز حاجة يا عم صبحى لسه شارب .

بالظبط يا نيهال لازم فى المواقف اللى زى كدا منقابلش الطفل بتصرف عنيف .. لان الطفل فى مخيلة نفسة متيقن انه معملش حاجة غلط .. هى مجرد محاكاة لموقف مر عليه وعلشان

مايعملش كدا لازم يفهم بالراحة وماتبقاش النصيحة بالعافية

لان لو النصيحة بالعافية ممكن يعند وتبقى مشكلة بعد كدا

[شاعــ الليل ــر]

عمور
حسين
ضحي

أنا أسف أتأخرت عليكم
بس معلش
مش حغيب أكتر من كده
عم صبحي
ممكن واحد قهوة علي الريحة
عقبال منيم العيال واجي
نيهال
أميرة المنتدي
متسيبناش وتمشي
أنا جاي علي طول

[شاعــ الليل ــر]

هي ايه الحكاية
أنا بقالي كتير واقف علي باب القهوة ومش لاقي حد
هو عم صبحي طفش الناس ولا أيه ؟

قلت لعم صبحي ميت مرة يعامل الناس كويس ويجيب الطلبات بسرعة
انا واقف بقالي كتير علي باب القهوة واللي رايح واللي جاي بيبصلي
عايز يعرف انا واقف ليه
شغلي غريب علي المنطقة

حد حيجيلي ولا امشي بدل ما أنضرب؟

[amr_miza1]

شااااااااعر الليل

ايوا يا باشا انا معاك اهه .. قهوة سادة يا عم صبحى وحياة والدك !!
الحساب عند ضحى كالعادة بس تقريبا هى هنا .. اهو كله ع النوتة
كنا بنتكلم عن ازاى نعامل الاولاد الصغيرين يعنى نديهم النصيحة بالراحة والا بالعافية واتفقنا فعلا على تربية الاطفال لازم تكون بشكل ديمقراطى هادىء
وبعد كدا ضحى علقت بتقول برة على ان الكمبيوتر بقى من اساسيات الحياه وانا بصراحة موافقها على رأيها دا
والا ايه يا شاعرنا العظيم

[omarr]

انا معاكم .. يحبا الكمبيوتر.. يحيا الكمبيوتر ابو عيون ازاز

هاتجيب قهوه ياعم صبحى ولا تحب اخربشك ع الصبح ..

[شاعــ الليل ــر]

أهلا
حسين
حبيب قلبي

وحشني والله

كل ده عشان قالولك هات كمبيوتر لبنوتك الحلوة
خلاص يا عم متجبش حاجة
بس خليك معانا
واحد نسكافيه بلاك سكر خفيف يا عم صبحي
"شفت الدلع "

[amr_miza1]

صباح الخييييير على كل الموجودين .. بقى مساء الخير بقى بس مش مشكلة
وعم صبحى ... كوباية ينسون من غير سكر وحياة والدك .. انا قاعد على الترابيزة اللى عليها حسين وشاعر الليل .. انجز بقى شوية بدل ما اخلى احسين يجى يشوف شغله معااك

[شاعــ الليل ــر]

بتشرب ينسون ليه يا عمور
خييييير
شكلك بردان
ألف سلامة
عشان كده مش سامعلك صوت

[سها soha]

السلام عليكم

ازيك ياضحى اخبار اية وصباح الخير على كل الموجودين

فى قهوة المخربشين

انا ممكن اشترك معاكم فى الحديث

بس سؤال هو عم صبحى بيشتغل لواحدة اصل شايفة انالكافية كبير

انا بقول يعنى الراجل تعب . ما علينا انا عايزة ارفة باللبن ممكن ياعم صبحى

اتكلم بقة .انا سمعتكم بتكلموا عن تربية الاطفال وازاى نعامل الاطفال

ودخل الكمبيوتر فى الكلام . بس انا بعترض معاكم ان الكمبيوتر يدخل فى تعلم الطفل

ممكن يتعلم الكمبوتر بس فى نفس الوقت نزرع فية

انة شىء مش اساسى . يعنى نعتبرة بديل

(نحطة فى دكة الاحتياطى )

اختلاف الاراء لا يفسد للود قضية

تحياتى ليكى ضحى ولكل زبائن الكافية

لى عودة ان شاء الله

[amr_miza1]

والله يا شاعر الليل مش عارف نفسى ساعات كدا بتهف عليه .. وبعدين اصلى بصراحة كنت لسه شارب شاى فقولت اخليها ينسون .. بس حلو جدا والله

على فكرة يا سها كلامك فعلا صح .. وقلت كدا فعلا فى الاول .. الكمبيوتر لو اساسى هيلغى عقل الطفل وفيه حاجة كمان

الكمبيوتر كش بيساعد عقل الطفل على الابداع او الابتكار

بمعنى اننا زمان كنا بنعمل العاب بادينا وكان لعبنا مثلا فى المكعبات او الشطرنج والحاجات دى .. الكمبيوتر مش فيه غير الفيفا والعاب الضرب والقتل واللى مفيش فيها اى نوع من انواع الابداع
ممكن اه تبقى علشان الولد يفرج عن نفسه شوية

انما هو مش جهاز اساسى طبعا ومش بعتبره جهاز تعليمى انما بعتبره جهاز ثقافى وفيه فرق بين الاتنين

الينسسوووووووون يا عم صبحى هقوم اعورك .. هو علشان حسين مش هنا هنسكت يعنى والا اه

[omarr]

صباح الخير عليكم , صباح الخير عمرو , صباح الخير يا شعر الليل

عاملين ايه ؟

شاعر الليل مع مرور الوقت انا اميل الى شراء كمبيوتر فى البيت . وهانشوف النتائج بعد سنه
او سنتين .

ايه اخبار الخربشه ... انا الأيام ديه قرأت روايه وكتاب .. الروايه اسمها 11 دقيقه للكاتب باولو كويليلو
والكتاب لأيزابيل الليندى اسمه " بلدى المخترع " بضم الميم و فتح التاء

وعحبونى جدا .. المفاجاءه هى روايه اقرائها للكاتب جابريل جارسيا ماركيز
اسمها " مائه عام من العزله " وفازت بجائزه نوبل للأدب

انا وصلت الى صقحه 200 و الروايه اكثر من رائعه وادعوكم الى الخربشه فى احد هذا الكتب والرويات

عم صبحى ..يعنى اعمل ايه عشان تجيب لى القهوه ؟
حرام عليك يا عم صبحى انت ماعندكش اخوات بنات