قهوة المخربشين (5)

[rosi_smile]

اعتقد ان عدد الاسره المثالي يكون قليل
يعني يكون طفلين
لان احسن من العدد الكبير التربيه الكويسه والتعليم الاحسن وبيتهيألي ان ده مش هايجي الا بالعدد القليل

[omarr]

فى انتظار باقى الرواد ...

قول اللى فى نفسك ... مافيش جمارك ولا ضرايب .. فقط عبر عن رؤيتك سواء كنت
متزوجا او عازبا ..

[جناب العمدة]

المشاركة الأصلية بواسطة ابتسامة الحياة

السلام عليكم
اسلام
سيزار
معلش مردنش عليك
النت كالعادة لازم يفصل شوية
بس ا/حسين عمل الواجب
ايه اخباركم
بحور روزى عاملين ايه
جناب العمدة ا/حسين اهلا بيكم

وعليكم السلام ورحمة الله .. ابتسامة
اسعدتينا بطلتك

[ابتسامة الحياة]

موضوع خفيف وحلو ا/حسين
عدد الاسرة المثالى من وجهة نظرى
بيأثر فيه عوامل
مش بيبقى كده وخلاص
بالنسبة لى اقول 4 او 5
على فكرة فيهم الاب والام انا بحب اقول العدد النهائى
يبقى كويس قوى
عشان نقدر ندى لكل طفل حقه فى الرعاية والحنان وكمان الحانب المادى لأن ده مهم جدا
وعشان يتم توفير كافة وسائل المعيشة قدر المستطاع
لكن كل ما يزيد عدد الاطفال تشل حركة الاسرة بعض الشئ
وتراها تتنازل عن بعض الرفاهيات واحدة تلو الاخرى
كي تستطيع توفير الضروريات
ولكن
هناك آباء وأمهات وحيدين
ويشعرون بالوحدة لذلك فهم ينجبوا عدد أكبر كمان عشان لما يكبروا يبقوا عزوة زى ما بيقولوا
يعنى لما هيكون عندهم عيال كتير
هيحسوا بكثرة
وبصراحة
الاعداد الكبيرة ليها مميزات بردوا
وهى:
انهم بيسالوا على بعض فى زماننا الجميل ده طبعا
وبيبان اكتر لو اتجمعوا فى وقت واحد ده طبعا فى المستقبل بعد ما يتجوزوا
لتبقى حلوة اوى
والاحفاد بقى تتخانق
وده يضرب ده
وده يزعل من ده
والحوارات دى
وكده يعنى
بس الاسرة الصغيرة افضل
رأيى ده شخصى بعيد عن رأى الدين
اللى اعتقد رأى الدين هيختلف طبعا

[جناب العمدة]

شكرا يا حسين على الموضوع

عن نفسى عندى اربعة اطفال
فى سن متقاربة تقريبا
اكبرهم 6 سنوات واصغرهم سنتان
تفاهمنا انا وزوجتى ان تكون البداية طفلان مابين
الاول والثانى عامان على الاقل
ولكن اراد ة الله اتت دونما دخل لنا فى ذلك
المشكلة فى شقاوة العيال المفرطة ماعدا
بنتى الكبيرة اللى شذت عن القاعدة الحمد لله
بس العيال نعمة والله كبيرة وعاملين جو فى البيت
برغم شقاوتهم .

[rosi_smile]

المشاركة الأصلية بواسطة جناب العمدة

شكرا يا حسين على الموضوع

عن نفسى عندى اربعة اطفال
فى سن متقاربة تقريبا
اكبرهم 6 سنوات واصغرهم سنتان
تفاهمنا انا وزوجتى ان تكون البداية طفلان مابين
الاول والثانى عامان على الاقل
ولكن اراد ة الله اتت دونما دخل لنا فى ذلك
المشكلة فى شقاوة العيال المفرطة ماعدا
بنتى الكبيرة اللى شذت عن القاعدة الحمد لله
بس العيال نعمة والله كبيرة وعاملين جو فى البيت
برغم شقاوتهم .

طبعا الاطفال دول نعمه
المال والبانون زينة الحياة الدنيا
لكن انت ربنا يارب يزيدك ممكن تكون قادر مشاء الله انك تقضي كل حاجتهم انما بيتهيالي في الزمن ده مش كله هيقدر انه يقضي حاجات اربع اطفال
وربنا يخليهملك ويفرحك بيهم كلهم يارب

[ابتسامة الحياة]

المشاركة الأصلية بواسطة جناب العمدة

وعليكم السلام ورحمة الله .. ابتسامة
اسعدتينا بطلتك

شكرا جناب العمدة

[omarr]

انا عندى طفلين .. بنت خمس سنوات .. وطفل سنه و اربعه شهور ..

وقررنا انا وزجتى انه كفايه اتنين .. الحمد لله صبح وليل على النعمه ...

بالرغم انى من اسره كبيره العدد لى 6 اخوات بنات و اخ واحد يعنى احنا 8 اخوات ..
والحمد لله علاقتنا ببعض فوق الممتازه .. وكان نفسى يكون عندى اطفال كتيره
قبل زواجى .. لكن بعد الزواج فهمت اشياء كثيره غيرت مفاهيمى ..

احلى شىء سمعته عن عدد الأطفال و الأنجاب .. رأى واحد اكبر منى قال مره

" اوعى تخلف عيال اكتر من حموله سياره ملاكى " يعنى اب وام + 2 او 3 اطفال ..

[bo7or]

روزى .. مذاكرة بعيد عنى؟؟؟؟؟؟؟؟
يبنتى دا انا متبهدلة و امتحاناتى بدأت خلاص و انا بس بخدلى رست كدة و ماشى...
ربنا معاكى.. ويا رب المذاكرة قريبة منى مش بعيدة خصوصا اليومين دول...
و متكدبيش تانى و تقولى انت زى العسل اهه الا لو كنت تقصدى الاسود منه...

اسماء عزيزتى...عاملة ايه؟؟
النت بيضحك عليكى

[شاعــ الليل ــر]

السلام عليكم

آسف يا جماعة الشغل خطفني شوية
وكمان القاعة العامة

واحد شاي يا سنقر
أنا شايف الناس بتتكلم علي الأسرة
أقرأ الردود الاول وأرجع تاني

[شاعــ الليل ــر]

أولا أرحب بالناس إلّي نورت القهوة

أختي الصغيرة روزي .... وحشتيني يا قمر " ومحدش يفهم غلط "
بحور ... وحشتنا غلستك ءءءأصدي وجودك

وأنتم الأتنين شيدوا حيلكم في المذاكرة

[شاعــ الليل ــر]

أرجع لموضوع الأسرة وعددها المناسب

أنا لي رأي ورأي شخصي جداً

أولا أنا ضد تحديد النسل لكني مع التنظيم
وأعتقد إن الفرق واضح
أنا ضد أن أقول كفاية أتنين أو ثلاثة فكل ما يرزق به الله فهو خير " وكله بيجي برزقه "
لكني مع التنظيم أن أنتظر بين الطفل والآخر عامين أو أكثر حتي تستقر ظروفي سواء المادية أو الأسرية
كلمة أخيرة
يقول الرسول "فيما معناه": تناسلوا تكاثروا فإني مباهي بكم الامم يوم القيامة .

[omarr]

فى انتظار سماع وجهات نظر باقى الرواد و الأعضاء ....

جناب العمده .. إبتسامه الحياه . شاعر الليل . بحور . برديس .

روزى ساميل . تسلموا لينا كلكم ...

ضحى . عممممور . د.آيات . نيهال .سيزر . وائل جلال . سها
امرأه العزيز .. . تحياتى لكم فى غيابكم ..

[جناب العمدة]

المشاركة الأصلية بواسطة rosi_smile

طبعا الاطفال دول نعمه
المال والبانون زينة الحياة الدنيا
لكن انت ربنا يارب يزيدك ممكن تكون قادر مشاء الله انك تقضي كل حاجتهم انما بيتهيالي في الزمن ده مش كله هيقدر انه يقضي حاجات اربع اطفال
وربنا يخليهملك ويفرحك بيهم كلهم يارب

شكرا روزى ماديا الحمد لله
المسئولية المعنوية مش بسيطة برضو
عايزه مجهود واهتمام مضاعف .
ربنا يبارك فيكى

[شاعــ الليل ــر]

ربنا يخلهملك يا عمدتنا

بس ممكن تحجزلي العروسة الكبيرة
6سنين
معقول
يا دوبك عقبال ما أكون نفسي