قهوة المخربشين (5)

[جناب العمدة]

المشاركة الأصلية بواسطة شاعــ الليل ــر

ربنا يخلهملك يا عمدتنا

بس ممكن تحجزلي العروسة الكبيرة
6سنين
معقول
يا دوبك عقبال ما أكون نفسي

يا خسارة يا اسلام اتاخرت
طب دا فى ليستة حاجزين
على العموم الاولوية ليك طبعا بس متتاخرش .
نتكلم فى المهر والذى منه ؟

اسال الله ان يرزقك الزوجة والذرية الصالحة

[The Caesar]

قلت اجي اشرب القهوه معاكم
ايه الاخبار
موضوع ظريف عمر
عدد افراد الاسره المثالي....
اتصدق عمري ما فكرت في الموضوع ده...ودي حاجه مهمه
بس اقلك انا نفسي في ايه ..اولاد وبنات كتير عزوه..كده زي بتاعه زمان
واتلخلبط في اساميهم يا سلام ....وتبقي ايه سي سيد ؟
البنون خير من عند ربنا لازم نراعيه ..
ودلوقتي بقت بتتوقف علي عوامل كتير
الامكانيات الماديه والصحيه و ظروف الاقامه و المجتمع الخ
ومفيش قاعده ثابته
بجد مش عارف اقول رقم مثالي..انا متابع معاكم
صداع بقي..
- القهوه يا سنقر...

[OSHOSH2050]

مساء الخير على الحلوين
انا جايه امسى بس

[جناب العمدة]

المشاركة الأصلية بواسطة شاعــ الليل ــر

أرجع لموضوع الأسرة وعددها المناسب

أنا لي رأي ورأي شخصي جداً

أولا أنا ضد تحديد النسل لكني مع التنظيم
وأعتقد إن الفرق واضح
أنا ضد أن أقول كفاية أتنين أو ثلاثة فكل ما يرزق به الله فهو خير " وكله بيجي برزقه "
لكني مع التنظيم أن أنتظر بين الطفل والآخر عامين أو أكثر حتي تستقر ظروفي سواء المادية أو الأسرية
كلمة أخيرة
يقول الرسول "فيما معناه": تناسلوا تكاثروا فإني مباهي بكم الامم يوم القيامة .

انا كنت مخطط زيك كده وكنت بقول هنظم ومش هحدد
بس الواقع جه حاجة تانيه . برغم وجود وسائل تنظيم
لكنها ارادة الله وانا سعيد بيها الحمد لله .

[شاعــ الليل ــر]

منورنا والله يا سيزر
القهوة بسرعة يا سنقر

مساء النور يا أش أش
تحبي تشربي إيه

[OSHOSH2050]

احب اشرب واحد عصير برتقال
وبسرعه
انتى الى عازمنى انا مكنتش ناويه اشرب حاجه

[شاعــ الليل ــر]

المشاركة الأصلية بواسطة OSHOSH2050

احب اشرب واحد عصير برتقال
وبسرعه
انتى الى عازمنى انا مكنتش ناويه اشرب حاجه

ليه الغرامة ده

الواد سنقر مبيعرفش يعمله
أجبهولك جاهز ؟

[شاعــ الليل ــر]

أتفضلي يا ستي
تحت أمرك
ويا رب يعجبك

[OSHOSH2050]

ميرسى ربنا يخليك
انا بجد نفسى فيه خالص
انا هشربو بسرعه قبل محد يطمع فى الكوبايه

[amr_miza1]

مساء الخيييييييييييييير على كل الناس الحلوين

حسين وجناب العمدة واسلام ورقية واسماء وكل الناس

معلش يا جماعة انا مقصر شوية سامحونى .. وبعدين يمكن مش بدخل كتير علشان العدوى وكدا خايف عليكم يعنى

بخصوص عدد الاسرة المثالى .. دا بعد ربنا ما يكرمنا كدا ببنت الحلال .. 2 كفاية اوى ولو 3 ممكن انما اكتر من كدا يبقى كتير اوى ..

لما يتعلموا كويس ويتربوا كويس وياكلوا كويس اكيد هيبقى افضل بكتر ..

يعنى عاجبكم عم صبحى ؟ مخلف 27 عيل .. جوزهم كلهم مفاضلش غير سنقر الاهبل ربنا يكرمه هو كمان
حلبة يا سنقر بس بسرعة

[برديس]

السلام عليكم ورحمه الله وبركاته
بحووووووووووووور مجنونه دايما
متخفيش انا اكتر مدرسه غلسه فى الدنيا لا يمكن
حد يبص جمبه
على فكره انا كان بيراقب عليا من نوعيه سوسو وميمى
وانا ذيك اما كانت اللجنه يكون فيها غش كنت بتفرس واحس ان هيجيلى ضغط

اسلام000جناب العمده000سيزر000ابتسامه الحياه0000روزى سمايل
ازيكوا كلكوا

ا/حسين موضوع جميل
هقلك انا من اسره صغيره جدا
يعنى انا واخويا فقط
هقولك العيوب والمميزات
الميزه الوحيده هى الماديات طبعا مفيش مشكله عندنا الحمد لله
تعالى بقا شوف العيوب من واقع الحياه
الوحده احساس مش ممكن تتخيله من شدة الوحده الى انا واخويا عيشين
فيها
يمكن معايا انا زياده وخصوصا انى بنت طبعا عارف الولد الحريه اكتر
احساس الدف العائلى مفقود تماما
عارف لما يجوا عندنا ولاد خالى او ولاد اعمامى
متتخيلش فرحتنا بتكون قد ايه
والبيت بيكون هيصه وزحمه وضحك وكل حاجه
لكن لما يمشوا بحس ان البيت خلاص سكت هدوء مميت
بابا وماما نفسهم دلوقتى بيقولو ياريت كان عددنا اكبر
بلاش كل ده
لما لاقدر الله حد فينا يتعب قد ايه بتكون مسئوليه صعبه على التانى
لكن الاخوات الكتير بيشيلوا بعض
بس بصراحه انا مع اسلام فى رائيه
يكون فى تنظيم لكن تحديد لا طبعا
يعنى بين كل طفل وطفل 3او4 سنين
فى الاخر هيكون العدد عباره عن 4 او 5 اطفال بكتير اوى
لكن2 لااااااااااااااااااااااااااا والف لاااااااااااااااااااااااااااا

[OSHOSH2050]

عمرو ازيك دلوقتى يا عمور
يا رب بخير
العصير لسه مش شربتو يالا من نصيبك
ميغلاش عليك

[برديس]

عمرو حمدلله على السلامه يابشا منور القهوه
واضح انى هبتدى اتعدى منك بس انا بلحق نفسى
واخد العلاج بسرعه
ربنا يستر

[شاعــ الليل ــر]

المشاركة الأصلية بواسطة amr_miza1

مساء الخيييييييييييييير على كل الناس الحلوين

حسين وجناب العمدة واسلام ورقية واسماء وكل الناس

معلش يا جماعة انا مقصر شوية سامحونى .. وبعدين يمكن مش بدخل كتير علشان العدوى وكدا خايف عليكم يعنى

بخصوص عدد الاسرة المثالى .. دا بعد ربنا ما يكرمنا كدا ببنت الحلال .. 2 كفاية اوى ولو 3 ممكن انما اكتر من كدا يبقى كتير اوى ..

لما يتعلموا كويس ويتربوا كويس وياكلوا كويس اكيد هيبقى افضل بكتر ..

يعنى عاجبكم عم صبحى ؟ مخلف 27 عيل .. جوزهم كلهم مفاضلش غير سنقر الاهبل ربنا يكرمه هو كمان
حلبة يا سنقر بس بسرعة

أهلا عموووور
منور يا صحبي

وخلينا من بعيد لبعيد عشان العدوة

بس وحشني والله

وبعدين هما عيال عم صبحي 27 تصدق كنت بحسبهم 25
نسيت البنتين الكبار
أتجوزو وعيلهم كبرو ربنا يخليهم

[rosi_smile]

[وحشتوني الكام ساعه دول
واد يا سنقر هات اتنين عصير جوافه بسرعه والاتنين ليا احسن حد يفتكر اني هعزم ولا حاجه: