قهوة المخربشين (5)

[uniQue]

واحد تهيؤات مظبوط وهلوسه سكر زياده و بواظوووو

[شاعــ الليل ــر]

المشاركة الأصلية بواسطة Unique

واحد تهيؤات مظبوط وهلوسه سكر زياده و بواظوووو

ده بيتعمل فين ده

[uniQue]

انا بحاول افهم بس فيها ايه يعني لو فهمت مبقلش هنضم لحزب
ولا هشارك في مظاهرة بقول نفهم بس بس يظهر حتي الفهم بقي حرام
في البلد دي اول ما يظهر علي حضرتك بوادر حب المعرفه يبقي بس خلاص
الحق يا جدع ...:؟.؟ الحق يا عم ..... انت هتروح في داهية وتلاقي مامتك عامله
مناحه في البيت .... والواد كان زي الفل ..... غيرش بس شوية العيال اللي اتلموا
عليه ولعبوا في دماغه ( علي اساس انها بلاي ستاشن) قال يعني قالوا له تعالي نلفلنا
سجارتين ... وتلاقي الدكاتره في الجامعه يقولولك الماده تسعه وسبعين من الدستور
بتمنع السياسه جوه الجامعه .... وصاحبك بقي يقولك يا عم فكك ؟
من الكلام اللي يودي في داهية ده وخليك في المفيد شفت البت سوسو لابسه ايه
انهرده ؟؟؟
كل دا وانا بحاااااااول افهم ........ عشان كدا رحت في داهيه

[uniQue]

وخد عندك بقي : لو شفت مظاهره يا حبيبي ملكش دعوه بيها ( امال مين له دعوه ؟ ) وخليك
في حالك ؟... مالنا احنا بالسياسه ؟ انت تخلص جامعتك وبعدين لو عاوز تتكلم في السياسه
والحجات دي انت حر ..... يابني امشي جنب الحيط ( اكتر من كدا ؟ دنا قربت ابقي انا والحيط واحد ) .... أنا وابوك مش بتوع مشاكل وطول عمرنا في حالنا .... ( اه منا عارف يا ماما انتي هتقوليلي ) .... حاضر .... حاضر يا حاجة ..... <<<<انا في حالي اهو اهو

[uniQue]

المشاركة الأصلية بواسطة شاعــ الليل ــر

ده بيتعمل فين ده

دا المشروب الشعبي يا شاعر دا احنا بنشربه كل يوم جوا الحيطه

[amr_miza1]

المشاركة الأصلية بواسطة Unique

وخد عندك بقي : لو شفت مظاهره يا حبيبي ملكش دعوه بيها ( امال مين له دعوه ؟ ) وخليك
في حالك ؟... مالنا احنا بالسياسه ؟ انت تخلص جامعتك وبعدين لو عاوز تتكلم في السياسه
والحجات دي انت حر ..... يابني امشي جنب الحيط ( اكتر من كدا ؟ دنا قربت ابقي انا والحيط واحد ) .... أنا وابوك مش بتوع مشاكل وطول عمرنا في حالنا .... ( اه منا عارف يا ماما انتي هتقوليلي ) .... حاضر .... حاضر يا حاجة ..... <<<<انا في حالي اهو اهو

اهلا بيك اخى unique

واضح انك متأثر أوى بالسياسة .. وياينها أخدت منك راقات .. والا بيتهيألى !!

مش مشكلة . المهم ان انت بخير دلوقتى وصاغ سليم ومفيش حته ناقصة .. بس خلى بالك الكلام فى السياسة ساعات بحس انه مواسم

انا ساعات بيجيلى وقت ببقى عاوز اتكلم فى السياسة وبكون متأثر جدا وتلاقينى داخل شمال فى الحكومة ومش طايق سيرة الحكومة ...
وساعات تانية ببقى مش طايق اتكلم فى السياسة ولا حتى حتى اشوف حد بيتكلم فيها !!
واهو من دا ودا ... الحب كدا .. وسمعنى سلام بودعك

احلى حاجة سخنة ساقعة دافية للأستاذ يا سنقر ..
نورت القهوة والله واهلا بيك unique

[uniQue]

المشاركة الأصلية بواسطة amr_miza1

اهلا بيك اخى unique

واضح انك متأثر أوى بالسياسة .. وياينها أخدت منك راقات .. والا بيتهيألى !!

لا مش تهيؤات ,, تقدر تقول رئيس جمهوية نفسي !؟ ( تهيؤات ديمقراطيه )

مش مشكلة . المهم ان انت بخير دلوقتى وصاغ سليم ومفيش حته ناقصة .. بس خلى بالك الكلام فى السياسة ساعات بحس انه مواسم

عبده مواسم اه اعرفه ... اكيد انتا عارف في الوضع " المهبب " اللي احنا وصلناله بقي الموسم كله عبارات وشباب مهاجر في الميه ومواد مسرطنه علي مبيدات حشريه علي عماير بتقع فوق راس الناس وهيا نايمه علي حزب ديموخرافي علي جمال ابن .... وسمو الاميره سعاد والناحيه
التانيه امريكا والصين واليابان كله بيسابق واحنا بنرجع ...... كرباج ورا يا اسطي !؟انا ساعات بيجيلى وقت ببقى عاوز اتكلم فى السياسة وبكون متأثر جدا وتلاقينى داخل شمال فى الحكومة ومش طايق سيرة الحكومة ...
وساعات تانية ببقى مش طايق اتكلم فى السياسة ولا حتى حتى اشوف حد بيتكلم فيها !!
واهو من دا ودا ... الحب كدا .. وسمعنى سلام بودعك

مش انا قلتلك عبده مواسم
احلى حاجة سخنة ساقعة دافية للأستاذ يا سنقر ..
نورت القهوة والله واهلا بيك unique

سنقر دا كان بيجي في مسلسل علي الزيبق قديم اوي
حاجة سخنه ساقعه دافيه !؟
شكرا يا استاذ

[احمد13]

مو عارف انا اول مرة ادخل هنا

ممكن ترحيب بيا وتفهموني الموضوع ماشي ازاي

شكرا ليكم

[omarr]

احمد 13 ...

اولا اهلا وسهلا نورت " قهوه المخربشين "

نحن اعضاء من منتدى عالم ابن مصر ...

قهوه المخربشين 5... تأسيس العضوه ضحى ... قائم على الخدمه فيها

شخصيات وهميه ( عم صبحى معلم القهوه ... وسنقر الصبى بتاع القهوه )

والقهوه هى مكان ألتقاء لنا فى أثناء تواحدنا بالمنتدى ... فوائد قهوه المخربشين ...

- انها موضوع مثبيت فى دهاليز المجتمع .. الأشراف عمل لها تثبيت .
- ان القهوه وسيله تعارف بين الأعضاء على اختلاف اتجاهاتهم ...
- انها منطقه امنه يجلس عليها الأعضاء قبل وبعد الدخول
فى ساحات المنتدى المختلفه لألتقاط الأنفاس ..

- لا توجد بها اشتركات فهى " قهوه جميع الأعضاء "
- القهوه وسيله لفتح بعض الموضوعات الخفيفه .

عم صبحى واقف هو سنقر مستعدين لأى مشروب تطلبه ..

[amr_miza1]

المشاركة الأصلية بواسطة احمد13

مو عارف انا اول مرة ادخل هنا

ممكن ترحيب بيا وتفهموني الموضوع ماشي ازاي

شكرا ليكم

احمد 13 منور والله القهوة

شوف يا سيدى .. الاستاذة ضحى طبعا هى صاحبة الفكرة وهى عبارة القهوة الجميلة دى فيها عم صبحى والواد سنقر ابنه بيعملولنا الطلبات ..

وبنتكلم مع بعض اى موضوع من اقتراحنا وبعد الموضوع نتكلم فى موضوع تانى وهكذا ...بس بردة مفيش مانع ندردش نهزر كدا يعنى

القهوة يا سنقر لعمك أحمد بسرعة

[omarr]

"واحد تهيؤات مظبوط وهلوسه سكر زياده و بواظوووو"

عم صبحى .. واحد شاى العروسه بسرعه ...


اهلا متيم ... نورت واشرقت مكانك وقهوتك ...

سؤال توضيحى ...

انت كنت بتسأل عن الحب .. و لاده توقيعك الشخصى ؟

[amr_miza1]

اعتذر يا حسين تقريبا ردينا فى وقت واحد

[omarr]

عمممممممممور ياقمر ..كيفك دلوقت طمنى عليك ...

يبقى " بصره " ردينا سوا .....

شبيك لبيك ... تطلب ايه ؟!!!!!!!!!!!!!!!!!!!!!!!!!!!!!!!!!!!!

[برديس]

احمد13 منور القهوه
حسين 0000عمرو عملين ايه
انا جايه اسجل حضور وامشى
بس عايزه اقولك حاجه يا حسين
فكر تانى فى موضوع عدد الاطفال قبل ما الوقت يعدى
واحد كمان او اتنين مش مشكله ياعنى

[omarr]

تسلمى برديس على اهتمامك ...

يانهارى انا فعلا فرحان بجد على حبك الشديد للخير .. يارب يارب تسلمى يارب

ناخد بس شويه هدنه من العيال وتربيتهم ... عشان بقالنا 5 سنوات متصله من الرعايه
اللصيقه .....