قهوة المخربشين (5)

[amr_miza1]

المشاركة الأصلية بواسطة rosi_smile

انا عن نفسي بحب الشتا اكتر مش بطيق الحر
وكمان ببأه في الصيف اعده في البيت علشان اجازه ومش بحب كده
بحب الشتا اكتر

رووزى ... ليكى واحشة والله يا عفريته ..

بقى كدا تحبى الشتا .. فيه حد يحب الشتا .. يالا مش مهم بقى

بخصوص بقى الاساليب الخاطئة فى تنشئة الاولاد .. اعتقد ان اكتر حاجة غلط فى التربية هى التمييز بين الابناء .. المفروض كله واحد ومفيش حاجة اسمها دا الكبير يتميز بكذا او الصغير يتميز وبكذا ..
وغير كدا العنف من الاباء فى تربية الابناء

[omarr]

الحب ليه ايام .. وليه فصول ومواسم .. فى الصيف و الشتا ياحرام .. بين الربيع الباسل ...


سؤال الحلقه .. انت بتشجع الشتا و لا الصيف ؟؟؟

إيام الدراسه كنت بعشق حاجه اسمها شتاء .. احلى الأوقات ....
دلوقتى انا بعشق الصيف ... كله حركه و بركه و ظريف ولطيف و خفيف ..

بإختصار فى الشتاء بتقمص
شخصيه المعلم "رشدان " فى المسلسل القدير سلاحف النينجا ...

وفى الصيف ... روعه ... الطعم بصراحه تحدى

[rosi_smile]

كنت بتغدي معلشي

عمور وانت كمان ليك وحشه والله
المهم


من اساليب التنشئه الاجتماعيه الخاطئه فعلا التمييز بين الاطفال ده بيخلي الاطفال يعدوا يفكروا في اسباب التمييز ده وبيهملوا حياتهم كلها ويعدوا يفكروا في اسباب التمييز


2- الحمايه الزائده او التدليل الزياده
ده بيجعل الطفل سلبي معتمد علي الاخرين في كل شئ لازم نجعل الطفل يعتمد علي نفسه ويعبر عن نفسه علشان يكون معتمد علي نفسه ويتصرف في جميع الاحوال

3-ودي اهم حاجه ولازم الاباء والامهات يتجنبوها لان بجد دي اكتر حاجه بتخلي الثقه بين الاطفال والاباء تنعدم نهائيا
وهي تضارب معاملة الطفل
يعني في مثال
في بعض الاباء بيفرحوا اوي لما الطفل يشتم الاكبر منه بيفتكروا ان الطفل طالع راجل او قوي او او واحنا عارفين طبعا
يعني والله حصل موقف قدامي بجد مكنتش فاهمه ده ايه
واحد ماسك ابنه وقاعد يقوله (تف علي خالك تف علي خالك)اسفه للتعبير بس بجد هو وده اللي لازم نعلمه لاطفالنا؟
لما الطفل يتف وابوه يكافئه علي حاجه زي كده ماهو هيروح المدرسه يتف علي الابله ويفتكر ان دي حاجه كويسه والابله هتعاقبه
وبكده يبأه مافيش ثقه في كلام الاباء

4- القسوه في المعامله
بسبب المشاغل والهموم ساعات الاباء مش بيسيطروا علي اعصابهم امام الاطفال
ده غلط والاطفال ملهمش اي زمب ده طفل صغير مش فاهم ايه الصح من الغلط
وده بيسبب له ازمات نفسيه وبتأثر علي سلوكياته بيحولها لسلوكيات عدوانيه

[omarr]

من سلبيات الأباء و الأمهات و الأخوات الكبار ......

- التقطيم

انت مش نافع ... اهى دقنى اهيه لو نفعت ... وهكذا دواليك...

- التأليس

اهو رجع بسلامته سبع البرمبه ....... ياما جاب الغراب ... وهكذا دواليب


- الزززززززززززززززززززززززززن

ذاكر ... ذاكر ... ذاكر ... ذاكر ...فاكر ..شاكر .. حاكر .. ماكر .. ذاكر .. ذاكر . ملوخيه



- التأنيب ....

يابنى لما كنا فى سنك كان عندنا صحه ابوك ده لما كان طفل ..كا لما يجى يرضع يشيل امه ..

انا حرمت نفسى من كل حاجه عشان خاطرك .حتى شوف

راح شااااااااااااااااادى .. والثلج ايجى وراح التلج .. وشادى لسه صغير .
.عم يلعب ع التلج .. اه ع التللللللللللللللج...

التهويل ....

هاتروح النار ... مش هاتورد على جنه ... يا بن المجنونه .. ... وهكذا شواكيش .. الخ

[ابتسامة الحياة]

السلام عليكم رواد قهوة المخربيشين جميعا

كيف حالكم جميعا


برديــــــــــــــــــــــس
منقدرش ننساكى يا قمر

المواضيع النهاردة كتير كده ليه
ثوانى هرجع ورا واجى ارد عليكم

[ابتسامة الحياة]

طريقة التربيةالصحيحة من وجهة نظرى

يجب ان تكون ما بين اللين والشدة
الثواب والعقاب
الهدوء لا للعصبية
على الوالدين ان يتريثوا فى اتخاذ اى قرار خاص بالطفل
عليهم ان يعاملوهم كاصدقاء
ان يصلوا لمستوى ودرجة فهم ابناءهم

الصيف ولا الشتاء

يعنى انا اللى عاوزة اسأل هو ده سؤال يعنى
الصيـــــــــــــــــــــــــــــف طبعا

حلو كله حركة
الشتاء خنقة وكسل
وكله برد
وهدوم تقيلة
وبيتعب فى كل حاجة

اساليب التنشئة الاجتماعية الخاطئة

التمييز بين الابناء
يعنى بنت وولد ودى قليلة شوية
ده شاطر وده خايب
ده طيب ربنا يهديه وده عفريت
............... وكتير من ده
الخوف الزائد عليهم

حل جميع مشاكلهم بمعرفتهم دون مشاركة الابن

انهم يقفلوا عليهم قوييييييييي وهما صغيرين
وبعدين يفتحوا مرة واحدة

وبصراحة فة حاجات تانية
هاجى كمان شوية اكمل

سلامى ليكم جميعا

[amr_miza1]

المشاركة الأصلية بواسطة omarr

من سلبيات الأباء و الأمهات و الأخوات الكبار ......

- التقطيم

انت مش نافع ... اهى دقنى اهيه لو نفعت ... وهكذا دواليك...

- التأليس

اهو رجع بسلامته سبع البرمبه ....... ياما جاب الغراب ... وهكذا دواليب

- الزززززززززززززززززززززززززن

ذاكر ... ذاكر ... ذاكر ... ذاكر ...فاكر ..شاكر .. حاكر .. ماكر .. ذاكر .. ذاكر . ملوخيه

- التأنيب ....

يابنى لما كنا فى سنك كان عندنا صحه ابوك ده لما كان طفل ..كا لما يجى يرضع يشيل امه ..

انا حرمت نفسى من كل حاجه عشان خاطرك .حتى شوف

راح شااااااااااااااااادى .. والثلج ايجى وراح التلج .. وشادى لسه صغير .
.عم يلعب ع التلج .. اه ع التللللللللللللللج...

التهويل ....

هاتروح النار ... مش هاتورد على جنه ... يا بن المجنونه .. ... وهكذا شواكيش .. الخ

هههههههههههههههههههههههههههههههههههههههههههههه

والله يا حسين انت مشكلة

بس فعلا انت جبت المفيد هى دى المشاكل اللى كانت بتقابل الواحد فى دراسته

شوفت الواد سيد ابن ام هيثم بيزاكر ووشة بقى قد الليمونة وانت طول النهار فى الشارع ..
حاجات من دى كتير ..

بس سيبك انت كله كوم .. وموضوع الدواليب والشواكيش دى كوم تانى هههههههههههههه

[omarr]

تسلمى يا عممممممور ... يارب

[bo7or]

مِش جَايزْ...
لِسَّهْ الدُنيا جَميلَة بِجَد...
ولسَّه النَاسْ...
فِى الصيِفْ والبَرْدْ...

((زغزغنى....على سلامة))


بحب البرد
..ويا سلام
..لو حد هرب م الدوشه
..وراح وجابلى ورد

((بحب البرد...على سلامة))



أشعــــار .. على سلامـــة
(((على سلامة)))


صيف ولا شتا؟؟؟؟
الاجابة شجن او حنين او حب و حياة...
يعنى معرفش اقول بعشق الصيف عشان مرتبط معاية بذاكرة البحر و الرمل و السماء صافية و الطيور....
مقدرش اقول بموت فى الشتا عشان دفئها و شجنها و ذكريات الدراسة و الهدوء...
الدنيا لازمها الابيض و الاسود....(((والموف طبعا يا عمرو ههههههه)))
لازمها زحمة و فراغ..
زى ما لازمها صيف و شتا..
دى الحياة..

بس كدة............لبن دافى بأة مع انى مبحبوش بس هغسل رجلى و اشربه و انام...

[omarr]

نووووووووووووووووووووورتى بحور ...

[bo7or]

المشاركة الأصلية بواسطة omarr

نووووووووووووووووووووورتى بحور ...

لالالالالالالالالالالالا
دة نورك طبعا يا استاذ حسين...والله انا مش قادرة اتوقف عن الضحك من ساعة الدواليب و ذاكر فاكر حاكر ذاكر ذاكر((خصوصا ان الموضوع دة يمارس علية اليومين دول ))
وتسلملى يا رب...

[omarr]

ربنا يارب تكونى فرحانه وبس .. وتنجحى بتقدير يرضيكى ...

[Dr-Ayat]

مساء الخير

جناب العمدة
أ\حسين
عمرو
اسلام
سيزار
هيثم
روزي
برديس
نيهال
ضحى
ابتسامة
بحور

_____________________________

انا عينيا زغللت من المذاكرة بقالي من الساعة 4 لغاية دلوقت فقلت ازوغ واقعد معاكم ,,, على مين المشاريب النهاردة؟؟؟؟

بالنسبة للفصل اللي بحبه طبعا فصل الشتا ده بحبه اكتر من الربيع حتى


بالنسبة لتربية الأطفال فأنا ما ينفعش اتكلم عالموضوع ده
اصلي بحب العيال قلالات الأدب الي بيشتموا
فأنا اولادي ان شاء الله هايكونوا قلالات ادب وبيشتمو ا عشان انا عمري ما هاضرب عيِِّل او اعاقبه
عندي نقطة ضعف اتجاهم بشكل مش طبيعي

اسلوب التربية اللي مش بحبه هو العنف مع الطفل والتوبيخ وشتمه قدام الناس
في المستقبل الطفل هايبقى شخصية مهزوزة جدا ومريضة ..

عيالي بقى هايبقوا بلطجية باذن الله

[amr_miza1]

اهلا يا ايات ... خلاص على حسابى يا ستى امرى لله .

مش عارف انا ايه اللى كان جابنى دلوقتى .. ادبست وخلاص

كوباية مياه ياد يا سنقر لخالتك الدكتورة ... ياد بسرعة كدا متنحش

[Dr-Ayat]

المشاركة الأصلية بواسطة amr_miza1

اهلا يا ايات ... خلاص على حسابى يا ستى امرى لله .

مش عارف انا ايه اللى كان جابنى دلوقتى .. ادبست وخلاص

كوباية مياه ياد يا سنقر لخالتك الدكتورة ... ياد بسرعة كدا متنحش

خالة مين يا عمروووو

ماشي يا جدو

المهم النسكافيه يجيلي ومادفعش اصلك عارف انا السنة ديه لازم تقشف وتوفير

بيت وعفش وحاجات هبلة لازم أخبي فلوسي عشانها فأنا كل ما آجي هنا حادبس حد

يدفع لعم صبحي تمن الطلبات

الحياة تعاون صوح؟