قهوة المخربشين (5)

[duha]

السلام عليكم احبائي المخربشين
عتاب ربنا يخليكي ليا
كلامك كدة بيكسفني دة كتير والله
ربنا يديم المحبه يارب

ابتسامة اهلا بيكي
الله يسلمك يا جميل
النور نورك
ربنا يخليكي

عتاب هاتي وردتي انا ابقى اقسمها بعدين

[عتاب]

خلاص يا ضحى
خدي وردتك وهاتي جواباتي والهدايا بتاعتي وكل واحد مننا يروح لحاله
يا حبيبتي انا اخدت الوردة عشان اشيل منها الشوك وارجعهالك تاني

[duha]

عتاب
هي وصلت اني ارجعلك الهدايا والجوابات

[عتاب]

اه شفتي
وخدي دبلتك كمان ومش عايزة اشوف وشك ههههههههه

هي القهوة فاضية كده ليه
هاتكملوا كلام في موضوع الخطوبة والا تقترحوا موضوع جديد ؟

[duha]

اهلا عتاب
مش عارفه اركز معاكم في النقاش
عشان انا مش اعرف اسهر
قلت اجي اسهر شويه بس الماسنجر واضح انه زعلان مع المنتدى ومش راضي يفتح معاه
يالا
انا انام انا مش وش سهر
ت

[عتاب]

ههههههههههههههههه
مش قلتلك!!
عشان تبقي تصدقيني
انا قلتلك هاتنامي مش هاتعرفي تسهري
يلا حبيبتي تصبحي على خير
النوم بدري مفيد برده

[R=K]

ضحى ابتسامة عتاب السلام عليكم جميعامافيش موضوع حلو نتكلم عنه مثلا كل واحد يدخل يحكي عن موقف محرج او مضحك حصل معاه

[عتاب]

السلام عليكم
ايه القهوة مالها فاضية كده ليه

ام الوليد
معلش جيت متأخرة

[ابتسامة الحياة]

انا جيت رميت السلام ومشيت بسبب النت
ماشاء الله عليه

ازيكم يا مخربيسين
عتاب ام الوليد كيفكم

[زهره مصر]

اهلا عتاب
ضحي حمدلله علي السلامه
اهلا ام الوليد
منورين

المشاركة الأصلية بواسطة عتاب

اهلا بيكم جميعا
تعرضت احدى زميلاتي في العمل لموقف
هي كانت مخطوبة اولا وفسخت خطوبتها
وبعدها اتخطبت تاني
لكن مارتاحتش مع خطيبها التاني ولا حست انه مرتاحلها
ولكن لانها عايشة في قرية ولانها خايفة من كلام الناس (هايقولوا اتفسخت خطوبتها مرتبن ليه )
اضطرت تكمل الجوازة بلرغم انها مش مرتاحة
ولكن شاءت الظروف ان العريس نفسه هو اللي يفسخ الخطوبة لانه برده مش مستريحلها
هي خافت من كلام الناس ومن تكرار فسخ الخطوبة وكانت على استعداد تتجوز شخص مش بتحبه ولا حاسة انه بيحبها ؟
ياترى فعلا كلام الناس ممكن يكون بالقيمة دي ؟ اللي يضطرنا ناخد اهم قرار في حياتنا واحنا مش عايزينه ؟
ايه مفهوم الخطوبة عندك ؟ وياترى مجتمعنا بينظر لها نفس نظرتك ؟
احب اسمع اراءكم

اهلا عتاب ( هو كل شويه سلامات ولا ايه )
بالنسبه لموضوع الخطوبه الوضع اللي اتعرضت ليه صحبتك وضع شائع جدا في مصر
كل البنات والاهالي بيخافوه ان بناتهم تتخطب اكتر من مره علشان القيل والقال
بالنسبالي كلام الناس مش بياثر فيا لان مفيش حد هيعيش حياتي انا اللي هعيشها سواء كويسه او وحشه فكلام الناس ملهوش اي قيمه عندي طالما اني مش بعمل حاجه غلط
ومفهوم الخطوبه هو فترة تعارف او تقارب بين اتنين هيكمله طول حياتهم مع بعض
هيستنتج عليها ام التفاهم وتكملة الحياه او عدم التفاهم والانفصال اللي بيكون احسن في فترة الخطوبه .
المجتمع بينظر للخطوبه لو كانت اول مره بنفس النظره ام لو مرات عديده بتختلف بيبتدي الكلام والخوف من البنت اللي بيخليها توافق علي اي حد وخلاص وضع صعب

[عتاب]

ازيك يا سومة
اخبارك ايه ياقمر
تحبي تشربي تي والا كوفي (اصل انا علامي عنجليزي ههههه)

[amr_miza1]

صبــــــاخ الخيــــــــر

وحشتونى يا مخربشين .. وحشتنى القهوة جدا
ونفسى فى كوباية شاى مبدئيا وبعدين نتفاهم

جناب العمدة
عمر
اسلام
محمد كمال
عتاب
رقية
ابتسامة
الورد الجورى
نيهال
نرجسية
نسرين
فارس اصيل
خلود
سها

ومش عارف مين الأوجه الجديدة بقى سامحووونى ..
هرجع تانى اتابعكم ان شاء الله

شاى يا سنقر وكتر الشطة والليمون

[عتاب]

اهلا عمرو
ايه الغيبة الطويلة دي
رجعنا تاني لطلبات الشاي اللي مابتخلصش
عمر سنقر هاتلي شاي على حسابه هههههه

[amr_miza1]

ياااه .. صبحنا وصبح الملك لله
يعنى الواحد قاعد فى امان الله كان ايه اللى جاب سيرة الشاى ..

اهلا عتاب وحمدلله على سلامتى
هات شاى ياسنقر وامرى لله

وهرجع لمناقشة الموضوع المطروح لكن بعد الشاى بقى

[R=K]

صباح الخير على كل الموجودين
ايه مافيش حد عنده مواقف مضحكة