قهوة المخربشين (5)

[الورد الجوري]

اهلا نونه
طيب انا هسامحك المره دي بس
غير كده انتي حره
السلاح هيطول


بالنسبه للموضوع

شوفي
و انا في موضوع البيت بيتك
اتسألت سؤال عن التدخين
و شاغلني السؤال ده
" لو بعد مربيتي ابنك و علمتيه و كبرتيه الى سن الثانوي مثلا
و جم اصحابه و خلوه يشرب سجاير و انتي عرفتي
ممكن تتصرفي ازاي " ؟؟

انا جاوبت على السؤال ده و هجيبلكم الاجابه بعد شويه
بس عايزة اسمع آراءكم

[محمد كمال على]

السلام عليكم ورحمه الله وبركاته
اعضاء المقهى الكرام
تحياتى
وجمعه مباركه عليكم بأذن الله

[نيهال]

سؤال جميل........
بعد ما ربيت وعلمت وخلاص المفروض بقى عارف فين الصح وفين الغلط.......ححاول بطريقه تانيه اوضح له مخاطر التدخين بس حتكون امثله حيه...ويشوف نهايتها بنفسه
المهم يلمس الحقيقه مش تكون كلام وخلاص

بتعرفى يا ورد......اتعرضت للموقف ده لاقرب الناس ليا
وللاسف هوه عارف فين الصح والغلط
وخلاص هوه مش صغير علشان تزعقيله.......بس انتى عارفانى...عملت ايه بقى
دخلتله من ناحيه الحرام والحلال
وازاى يكون ملتزم ومواظب على صلاته بالجامع ويعمل كده......سوسه انا عارفه

هههههه
قوم ايه بقى......ربنا يهديه
اهم حاجه انى مش ينفع اقوله بصراحه لو سمحت تبطلها لانه عندى حتى على نفسه






تعبت.......
محتاجه عصير تفاح فعلا بس يكون بيور
بليييييييييييييييييييييييييز..........على طول يا عم صبحى

[نيهال]

وعليكم السلام ورحمه الله وبركاته
مساء النور يا ابو رقيه.........
وجمعه مباركه عليك وعلى الاسره الكريمه ان شاء الله

واد يا سنقر....بسرعه هات شاى وطول الفتله بس يكون الجوهره لا بو رقيه

[الورد الجوري]

اهلا ابو رقيه
منور القهوة
و يابختك نيهال هتعزمك على شاي
مش زيي معزمتنيش على و لا شيء

نونه حبيبتي
رايك حلو قوي و مدخلك من اتجاه الحلال و الحرام كمان جميل
تسلميلي يا عمري

[نيهال]

مش حعزمك على حاجه خالص.........
انتى بالذات
كل ما تلاقى الشوكلاته حد جايبهالى تروحى واخده منها
مش حديكى حاجه خالص خالص
هههههههههههههههههه


معذره يا ورد.........بس ضرورى اقوم لانى حاسه بتعب
اشوفكم بعد شويه ان شاء الله

[الورد الجوري]

اهلا نونه
انا عارفه اني مهونش عليكي
و بعدين مين يعني بيغرقني شوكولا و حجات حلوة
مهو انتي
الف سلامه عليكي يا حبيبتي
هنستناكي كمان شويه

[الورد الجوري]

ده كان ردي على موضوع اكتشاف ان ابني مدخن
بسبب اصحاب السوء
****
المشكله وارده جدا و عشان احلها هتبع عدة خطوات
1- ابني ده " الابن الوهمي "
مش هيعرف ابدا اني عرفت انه بيشرب سجاير
و حتى لو شفته بعيني مش هواجهه و مش هقوله اني شايفاه
لانه كونه انضحك عليه وكونه بيشربها من ورايا يبقى خايف مني
و طالما خايف مني يبقى مفيش داعي اكسر حاجز الخوف ده و احوله الى لا مبالاه
و اهي ماما عرفت يبقى هشرب قدامها .. خليه خايف مني افضل

2- مش لازم اي حد يعرف الموضوع ده
لا من قريب او من بعيد الا لو الاب .. اما لو اخوات ابوه او اخواتي فده مرفوض
عشان مش ضامنه تصرفاتهم و كمان عشان مكسرهوش قدامهم

3- هفكر بهدوء .. ضحكوا عليه و شربوهاله فهيداوم عليها
طيب بالعقل بيشربها امتى ؟؟
و هو معاهم
او انا فيالبيت و مش شايفاه
يبقى ابدا خطوه خطوه
هو معايا في البيت اشغله باكتر من شيء يخلوه قدامي بحكم الشيء ده
و مش مختلي بنفسه لا في بلكونه و لا في غرفه
بالتالي مش هيشربها و هينساها في البيت خالص
و ده هيساعد في انحسار كميه النيكوتين من جسمه يعني رحله للعلاج

4- الاحظ كويس مين الاصحاب اللي معاهم بيرجع شارب و مين اللي لا
و من المنطلق ده هكون عرفت عدوي فين و هتصرف على ضوء هم ايه و مين

دي تقريبا خطوط العمل الرئيسيه
بس الخطوه 4 مش واضحه قوي لان على حسب الافراد هيكون التصرف
****
في انتظار باقي الاراء

[omarr]

المشاركة الأصلية بواسطة حسام عضمة

احنا لو مش عيزين يبقى فى فساد يبقى بايدينا لاننا نحن من صنع الفساد وسمحنا له بان يتجول بيننا

حسام عضمه ..

نورررررررررررررررت الدنيا بدخولك قهوه المخربشين


اجمل التحيات لك

[omarr]

المشاركة الأصلية بواسطة rola rewsha

مرحبا لكل مخربش من المخربيشين

رولا ..


مرحبا بك أنتى .. نوررررررررررررتى القهوه كلها ..

تحياتى لك

[الورد الجوري]

المشاركة الأصلية بواسطة احمد ا العدوي

الناس صلت الجمعة وذهبت تاكل وتقيل
وانا لوحدي بامسي علي كل الموجودين

اهلا احمد
جمعه مبارك
و مساك الله دائما بالخير

المشاركة الأصلية بواسطة احمد ا العدوي

حقيقي ياورد برافو عليكي تخيلك والنصيح
انا حاولت اكتب في الموضوع لكن بعد ماكتبت صفحة غيرت راي ومسحتها موش عارف ليه
انا عندي الموضوع ده حصل حقيقي مع ابني موش تخيل وبعدين.........

ربنا يحميه يارب ابنك من كل شر
طيب حضرتك مقلتلناش اتصرفتوا ازاي انت ووالدته ؟
و ياترى عرف انكم عارفين ؟؟

[omarr]

المشاركة الأصلية بواسطة abc

احم احم ...

السلام عليكم

ممكن أدخل و لا إيه

أول مشاركة في القهوة ... بس شكلها قافلة قبل الصلاة

abc


مش ممكن .. !!!!!! فرحان جدا انك هنا فى القهوه ..


أشرقت الأنوار ..


21 طلقه بمناسبه مرورك العاطر و انضمامك للمخربشين ..


نورررررررررت الدنيا ..

[omarr]

حبايبى رواد " قهوه المخربشين "


سلام الله عليكم ...


ضحى ..

عتاب ..

ورده النيل

أم الوليد

الورد الجورى

نيهال ..

عمرو ...

احمد العدوى ..

فارس أصيل ..

فراق ..

مساء السعاده ..

[محمد كمال على]

المشاركة الأصلية بواسطة نيهال

وعليكم السلام ورحمه الله وبركاته

مساء النور يا ابو رقيه.........
وجمعه مباركه عليك وعلى الاسره الكريمه ان شاء الله

واد يا سنقر....بسرعه هات شاى وطول الفتله بس يكون الجوهره لا بو رقيه

المشاركة الأصلية بواسطة الورد الجوري

اهلا ابو رقيه

منور القهوة
و يابختك نيهال هتعزمك على شاي
مش زيي معزمتنيش على و لا شيء

أهلا نيهال
أهلا ورد
شكرا على العزومه
بالنسبه لموضوع التدخين
ركزوا معايا شويه


أعترف انى مدخن
ومن الدرجه الثالثه
لات تتعجبوا فالمدخنين درجات
الدرجه الأولى هو الشخص الذى يشعل عود ثقاب واحد فى اليوم
وهكذا سيجارة من سيجارة
الدرجه الثانيه هو الشخص الذى يعرف مضار التدخين ولا يمكنه الأقلاع عنه
الدرجه الثالثه هو الشخص الذى يدخن (تفاريح)
فى المناسبات
لو حد عزم عليه بسيجارة


قصتى التى لا تنسى
كنت فى الثانوى وقد حصلت بطريق الصدفه على علبه سجاير مستورده غاليه الثمن
وأغلقت على نفسى غرفتى
و فتحت الشباك وأشعلت أول سيجارة
ولم اشعر ألا ووالدى يطرق باب غرفتى بهدوء
وقال أفتح يا محمد
أصابنى الفزع
وصرت أشيح بيدى فى فضاء الغرفه لعل الرائحه تخرج من الشباك
ولكن هيهات
ولما لم أجد بد من فتح باب الغرفه ومواجهه مصيرى
فتحت الباب
وكان والدى يقف بباب الغرفه
وقال لى أنت بتشرب سجاير
وكان ردى هو أأأأأأأأأأ مممممممم أأأأأأأأأأأأأ
فتركنى وأنصرف
هو لا يدخن ولا يحب التدخين نهائيا
وبعد أنصرافه
قلت يا ريت يكلمنى ويضربنى
بس بلاش السكوت اللى هو سكته
ترى ما هو رد فعله بعدها
ليتنى أعرف
أنما السكوت هو الأمر الذى لم افهمه حينها

[omarr]

الورد الجورى ..


التدخين آفه قاتله و عاده سيئه ..


بنتى لسه عندها 5 سنوات , و الواد أبنى لسه عنده سنتين

وبخصوص التدخين أتبع معهم مبداء الوقايه خير من العلاج ..


يعنى من دلقوتى بنعّرفهم ونفهمهم فى محاوله انهم يفهموا اخطار التدخين

ويبتعدوا عنه فى المستقبل