قهوة المخربشين (5)

[شاعــ الليل ــر]

مرحباً بيك يا اخ متيم
وباهل فلسطين
علي فكرة
الأسم جميل ومنعناه أجمل

والدك رحمه الله كان موفق في الأسم


وبعدين لما انت عارف أن أحنا مراقبين بتسأل ليه ؟؟؟؟؟؟؟؟
علي العموم
ماشي
هجاوب وأمري لله
بأمانة
وبكل صراحة
أكثر الشخصيات بغضاً إلي قلبي في مصر الرأس الكبيرة
لأنه سبب كل ده حتي و إن لم يقترف كل هذه الأخطاء فهو ساعد بغض الطرف أو التساهل في التشجيع علي أقتراف الكثير منها والبشع , حتي إعتاد هو ومن معه علي هذه الأفعال كما إعتادوا أن يسمعوا صرخات هذا الشعب دون أن يتحرك لهم ساكن .

ويجعل كلامنا خفيف عليهم

[جناب العمدة]

صباح الفل يا عمدتنا
حمد لله علي السلامة

مساء الانوار اسلام باشا ..
انا باعتبر نفسى محظوظ النهاردة عشان الحبايب متجمعة النهاردة
دام ودكم وذاد فضلكم وشخشخوا جيوبكم عشان المشاريب

الواد سنقر سكنا يا عمر وجابلنا شيشة من ايام الحملة الفرنسية

[برديس]

السلام عليكم ورحمه الله وبركاته
يا هلا بكل المخربشين
الزباين كتير قوى يا سنقر النهارده
عمرو بلاش تعمل اسد فيها
ا/حسين الكلام الى قولناه مش ممكن يوفى حقك
يلا يا جماعه شوفوا موضوع نكلم فيه بععععععععععععععععععيد عن السياسه

[شاعــ الليل ــر]

المشاركة الأصلية بواسطة جناب العمدة

مساء الانوار اسلام باشا ..
انا باعتبر نفسى محظوظ النهاردة عشان الحبايب متجمعة النهاردة
دام ودكم وذاد فضلكم وشخشخوا جيوبكم عشان المشاريب

الواد سنقر سكنا يا عمر وجابلنا شيشة من ايام الحملة الفرنسية

ههههههههههه
تلاقيها مغيرتش مية من يوم ما جبوها
والحجر مشروب 100 مرة ومتكمل تفل شاي


أظن هتقول عرف منين ده

[amr_miza1]

مش بقولك يا جناب العمدة الواد سنقر دا عاوز يتربى مش مصدقنى !!

برديس .. الحقى يا شيماء اى حاجة دى فرصة مش بتتكرر كتير .. انا عارف نفسك فى شاى ومحرجة .. شاى يا سنقر لأبلتك شيماء

متيم .. ابغض شخصية .. هم كتير اوى ومتعدش وخصوصا فى الحكومة بتاعتنا .. وخصوا الريس طبعا .. حد سمعنى .. !! يجعل كلامنا خفيف عليهم ..

غيروا بقى بلاش سياسة على رأى برديس

[جناب العمدة]

المشاركة الأصلية بواسطة برديس

السلام عليكم ورحمه الله وبركاته
يا هلا بكل المخربشين
الزباين كتير قوى يا سنقر النهارده
عمرو بلاش تعمل اسد فيها
ا/حسين الكلام الى قولناه مش ممكن يوفى حقك
يلا يا جماعه شوفوا موضوع نكلم فيه بععععععععععععععععععيد عن السياسه

اهلا برديس ... نورتى
سياسة ايه .. يعنى ايه سياسة ؟؟ الشر بره وبعيد
لو بتاعة نجاح الموجى فى مسرحية المتزوجون يبقى انا سياسى
غير كدة .. يا حيط دارينى .

متيم باشا منور القهوة .. اسمك جميل وزى ما قلك اسلام
رحم الله والدك ... وفق فى اختيار الاسم

[شاعــ الليل ــر]

المشاركة الأصلية بواسطة برديس

السلام عليكم ورحمه الله وبركاته
يا هلا بكل المخربشين
الزباين كتير قوى يا سنقر النهارده
عمرو بلاش تعمل اسد فيها
ا/حسين الكلام الى قولناه مش ممكن يوفى حقك
يلا يا جماعه شوفوا موضوع نكلم فيه بععععععععععععععععععيد عن السياسه

أهلا برديس
عامله ايه ؟

تحبو تتكلمو في أيه ؟؟

أيه رأيكم بما اننا في 30 ديسمبر
نعمل تقييم سريع للعام إلّي فات

كل واحد يقيم 2007 وكيف مرت به أو مر بها

[uniQue]

وبعدين لما انت عارف أن أحنا مراقبين بتسأل ليه ؟؟؟؟؟؟؟؟

توقعت رد الفعل دا
حسمح لنفسي باقتباس جزء تاني من مقال كتبه علاء الاسواني بيقولك :

( اليوم , ها نحن نرى رئيس بلادنا المغرور , وهو بالمناسبة يتصف بغباء منقطع النظير , يشترك مع قادته العسكريين الجبناء فى أرسال أولادنا إلى الموت .)

الجملة السابقة وردت فى مقال شهير نشرته الصحافة الأمريكية على نطاق واسع عن الرئيس جورج بوش .

كاتبة المقال اسمها سيندى شيهان . Cindy Sheehan

وهى من أبرز الناشطين ضد حرب العراق والشتائم التى استعملتها الكاتبة فى وصف رئيس الدولة مسألة شائعه جدا ليس فقط فى الصحافة الأمريكية وإنما فى كل الديمقراطيات الغربية .

فالكتاب هناك يصلون فى إنتقاد الرؤساء الى حد مقذع فلا يلاحقهم أحد ولا يحبسهم أحد .. والمفارقه أن القانون هناك يسمح بتوجيه مثل هذه الألفاظ فى الصحافه إلى أكبر مسؤل فى الدولة .. لكنه فى نفس الوقت لا يتسامح اطلاقا فى الإعتداء على سمعة الأفراد العاديين . فلو انك وصفت جارك او زميلك فى العمل بالغباء على الملأ لإستطاع ان يلاحقك قضائيا .. لكنك اذا كتبت تصف رئيس الدولة بالغباء فأن القانون لن يدينك أبدا ..

ذلك ان القانون فى الدول الديمقراطية بقدر تشدده فى حماية سمعة الأفراد العاديين , يسمح بأقصى درجات النقد للمسؤل .. والفكرة هنا ان من ينتقد مسؤلا عاما . لا يكون دافعه شخصيا وانما غرضه حماية المصلحة العامة ..

من هنا يوفر النظام الديمقراطى الحماية الكاملة لكل من ينتقد المسؤلين مهما تجاوز فى نقده .

والمسؤلون فى الدول الديمقراطية قد تعودوا على قسوة النقد وهم يعتبرون ذلك جزءا من اعباء المنصب العام

يحكى ان الرئيس الامريكى ترومان جاءه ذات يوم . أحد وزرائه يشكو من قسوة الهجوم عليه فى الصحف الأمريكية فاستمع اليه ترومان بهدوء ثم ابتسم وقال : اذا قررت ان تعمل خبازا فلا يحق لك ان تشكو من حرارة الفرن ..

وفى فرنسا جريدة أسبوعية شهيرة تصدر كل أربعاء منذ عام 1915 اسمها البطة المقيدة . Le Canard Enchaine تخصصت فى السخرية من كبار المسؤلين فى الدولة الفرنسية .

وكثيرا ما يتم تصوير رئيس الوزراء او رئيس الجمهورية على هيئة حيوان او أمرأة فى رسوم الكاريكاتير التى تنشرها وقد كان الجنرال ديجول يضيق ذرعا بسخرية هذه المجلة لدرجة انه لم يكن يحتمل قراءتها فكان كل اربعاء يسأل مساعديه : ماذا كتبت البطة اللعينة عنى هذا الصباح ...؟

وهو برغم كونه رئيسا للجمهورية الفرنسيه وبرغم كراهيته لما يكتب عنه فى تلك المجلة لم يفكر يوما فى تعطيلها او مقاضاة كتابها .. ولو انه فكر لما استطاع لأن حرية التعبير فى فرنسا من مكتسبات الأمة الراسخة لا يستطيع أحد ان ينال منها . كل هذه الأمثلة تؤكد حقيقة واحدة : ان ما يسمى بإهانة رموز الدولة تهمة وهمية لا وجود لها فى النظام الديمقراطى , فلا يوجد فى الديمقراطية رموز للدولة وانما يوجد مسؤلون انتخبهم الشعب لخدمته ومن حقه ان ينتقدهم ويعزلهم عن طريق الإنتخابات الحرة .

ان تعبيرات ( اهانة رموز الدولة ) و ( تكدير السلم الإجتماعى ) و ( الحض على إزدراء النظام ) و( إثارة البلبلة ) الى آخر هذه التهم السخيفة هى من مخترعات الأنظمة الإستبدادية للتخلص من المعارضين وتكميم الأفواه حتى يفعل الحاكم المستبد ما يريده فى الوطن والناس فلا يجرؤ أحد على مساءلته ...

فاهمني !؟
دا الفرق بين الدول الديمقراطية وبين دولنا الديمخرافية !؟
حرية الرأي مبدأ لا يتجزأ
في الدول الديمقراطية الصفحي لا يلعب النرد وعندنا بعض منهم لكنهم أقل مما نتخيل
وتكفي مهزلة حبس الصحفيين الاربعة بتهمة سب الرئيس وتكمن المهزلة الكبري انه
لا توجد في القوانين في العالم كله ما يسمي بـ تهمة سب الرئيس !؟
المشكلة الكبري اننا ما عدنا نعرف حقوقنا لنطالب بها والبركة في سياسة الخلاط ......,

[omarr]

المشاركة الأصلية بواسطة برديس

السلام عليكم ورحمه الله وبركاته
يا هلا بكل المخربشين
الزباين كتير قوى يا سنقر النهارده
عمرو بلاش تعمل اسد فيها
ا/حسين الكلام الى قولناه مش ممكن يوفى حقك
يلا يا جماعه شوفوا موضوع نكلم فيه بععععععععععععععععععيد عن السياسه

برديس .. انا عاجز عن شكرك ..

[uniQue]

شكرا لك سيد جناب لعمدة !!

[rosi_smile]

السلام عليكم ورحمة الله وبركاته
وحشتوني كل رواد قهوة المخربشين

برديس ...وحشتيني جدا يا قمر والله

سولم...شو احوالك يا اخويا الكبير وربنا ليك وحشه يا عم انت كويس اني لقيتك

عمووووووور...اخبارك ايه شربت حاجه ولا اطلبلك انا مش هطلب يعني ههههههه عزومة مركبيه

عمدتنا الجميل...منور يا باشا وhappy new year عليك


متيم ...اهلا بالخربوش الجديد منور القهوه

سنقر...اجري يا واد هاتلي واحد شاي مظبوط كده وكتر السكر

[rosi_smile]

عمر بين قوسين (حسين)

اخبارك ايه يا باشا منور والله هابي نيو يير

نو نيو نيوز؟هههههههههههه الترجمه بتاعتها no new news?



انيق منور القهوه يا كابتن ايه التجمع الهايل ده؟
ده عم صبحي هينزلنا الاسعار كده بأه

[برديس]

مساء الخير يا جناب العمده
ايوه عارفه سياسه نجاح الموجى ما انت عارف ان سنقر بيستعملها معانا
عمرو واضح انك لسه قابض المرتب
خلاص يا عم انا عايزه كبايه شاى بس تكون مغليه بلاش ابو فتله ده واضح ان سنقر بيحط
الفتله تنشف ويرجعها تانى
متيم اسمك جميل جدا بس بلاش تقلب علينا الطربيزه اصلهم ما بيصدقوا
اسلام كويس الموضوع ده هرتب افكارى وارجع تانى

[uniQue]

يا عفريت وليه يجعل كلامنا خفيف عليهم !؟
انت عارف دول بيشوفوا اللي بنكتبه وبيسخرو مننا
بيقولك هما دول رمز المواطن المطحون قليل لما كلام
بيزعجهم لأنهم بلاش احساس ولا شعور دائما يراودني
تساؤل كيف تغفل أعينهم باليل !؟ ولا هما علي طول صاحيين
مسؤل قاعد في التكييف طول نهار والناس بره بتموت
رئيس حي النزهة راح له مواطن صاحب محل قاله يا ريس
الفيلا اللي جنبي بتقع ومهجوره من سنين الحقونا !؟
يرد رئيس الحي يقوله روح اشتري حبل علي حسابك
وصور الفيلا عشان محدش يعدي من هناك وبعدين هنبقي
نشوفك !؟ راح الراجل عمل زي ما قاله وفي نفس اليوم بليل
وقعت الفيلا طوبه طوبه والشارع اتسد والدنيا اتقلبت
ورئيس الحي روح بيتهم عادي جدا ولا كأن في اي حاجة حصلت
يتشعي ويشرب له كاسين وسكي وسكي بيوجعني والناس ما بقتش
عارفه تعمل ايه وتشكي لمين !؟
اشكيك لمين يا ظلم !؟

[شاعــ الليل ــر]

المشاركة الأصلية بواسطة rosi_smile

السلام عليكم ورحمة الله وبركاته
وحشتوني كل رواد قهوة المخربشين

سولم...شو احوالك يا اخويا الكبير وربنا ليك وحشه يا عم انت كويس اني لقيتك

روزي

حبيبة قلبي
عاملة إيه ؟؟
وحشاني يا قمر

متتخيليش فرحان أد إيه أني شفتك

happy new year


زي ما قلها محمد هنيدي في جائنا البيان التالي



صحيح لوجي بتسلم عليكي هي وخطيبتي