قهوة المخربشين (5)

[Honey1900]

ادعو لبنت امرأة العزيز اظاهر تعبانة اوي



ازيك يفندم بالنسبة للموضوعات الجديدة

بنتكلم عن تجديد القهوة و ريفيرا بتتكلم عن امتي سجود السهو

و ف موضوع اخر عن متابعه التلفزيون ف رمضان

[duha]

الف سلامه لبنت نسرين
ربنا يشافيها ويعافيها
ريفيرا
هنا تلاقي كل شئ عن سجدة السهو
سجدة السهو

[**ريفيرا**]

المشاركة الأصلية بواسطة duha

الف سلامه لبنت نسرين
ربنا يشافيها ويعافيها
ريفيرا
هنا تلاقي كل شئ عن سجدة السهو
سجدة السهو

الف سلامة علي بنت يا نسرين
شكرا ضحي

انا الحمد لله عرفاهم بس حبيت اننا نذكرهم هنا تاني ونتناقش مع بعض

[R=K]

هاني شكرا ليك
ريفيرا نيهال ازيكم
سلامة بنتك يانسرين تقوم بالسلامة يارب
تجديد القهوة انا مع تقليل عدد الصفحات اما انه تتغير كلها لا القهوة جميلة جدا باعضائها وطابعها
بالنسبة للسهو انا اعرف الاحكام وللاسف لازم كل كم يوم اسهو واسجد بالذات سهو الشك
بالنسبة للتلفزيون لا اتابع الا مسلسل واحد فقط ولا اتابع شئ اخر لاني مشغولة جدا

[amr_miza1]

المشاركة الأصلية بواسطة omarr

صباح مكرر ..

كان عندى موضوع أحب أطرحه للحوار ..

فى برامج تلفزيونيه أو إذاعيه لفتت أنتباهك و جذبتك خلال شهر رمضان .. ؟!!


حد يقولى .. !! احب أعرف , ومنكوم نستفيد ..


قولوا وأنا هاقول على طول ..

عمر ..
صباحك معطر

بخصوص البرامج التلفزيونية او الاذاعية ( حيث ان مبقاش الواحد يسنع اذاعية اصلا )
بصراحة بقيت اهرب من التليفزيون .. مش عارف وكأنى انا وهو متنافران ..
ومفيش حاجة حاولت انى اتابعها اعتقادا منى بأنى مش هستفيد شيء من خلال الجهاز دا الاخبار والأفلام الكوميدى الابيض والاسود ..

البرامج فممكن اقولك البرنامج اللى شدنى الى حد ما هو عفاريت حسين ( رغم تفاهته )
وشوفت منه حلقتين بحالهم ..
كمان تامر وشوقية ( رغم تفاهته ) اذكر انى شوفت حلقة كاملة تقريبا ..
وفيه برنامج اسمه ( اشتغالات ) على otv دا لذيذ جدا ياريت تشوفوه
اقدر اقول ان اكتر برنامج حاز على اهتمامى وبشوفه كل يوم تقريبا هو البرنامج الشهير ( ظاظا وجرجير ) نظرا لان مبقاش فيه بكار ولا بوجى وطمطم

الشيء المؤسف .. انى بدور على الشيخ الشعرواى بعد العصر مش بلاقيه على اى قناة .. ياترى فين ..
مع الاسف وبصرف النظر عن رمضان
فيه حالة اغتيال للبرامج الهامة اللى كنا بنشوفها زمان ..
اذكر جولة الكاميرا والعلم والايمان وحياتى ( لو حد فاكره ) وغيرها من البرامج .

عذرا للإطالة ..

متجيبش حاجة يا سنقر ..

[عتاب]

السلام عليكم
صباحكم فل وياسمين

موضوع النهاردة عن البرامج ؟
يعني ايه برامج ؟
اه دي حاجة بتيجي كده فيها مذيع ومعاه شوية بشر او بشري واحد بس

طيب انا برده مش متابعة اي حاجة في رمضان
بس كتير بشوف برنامج قطائف لخالد الجندي
و كمان واحنا بنفطر بابقى سامعة ظاظا وجرجير شغال بس مش متابعاه
وبعد الفطار بيكون فيه عمكم تامر وطنط شوقية وبرده مش متابعاه على حسب اللي بيقلب القنوات جاب عليه والا لا
انا اصلا في غير رمضان مش باتابع حاجة معينة
الا لو النت عطلان ممكن اتفرج على افلام اجنبي وماتشات الاهلي وماتشات المنتخب
ولو كاس العالم او بطولة الامم الاوروبية ممكن
اصلا القعدة قدام التليفزيون مابقيتش تستهويني الا ممكن اقعد عشان اللمة بس

[amr_miza1]

المشاركة الأصلية بواسطة أحمدكمال

طيب طالما فتحنا الموضوع ...
وبعد اذن المخربشين ..وعم صبحي طبعا

ايه وجهة نظركم في الفرق بين الشات والمنتدى؟وهل يصح ان يتحول المنتدى الي شات او العكس؟
وايهما تفضل الشات ام المنتدى؟

مساء الخربشة

احمد كمال ..

صباح الخربشة ..

الفرق بين الشات المنتدى ..
اهم فارق هو ان الشات ابتكار جديد عقيم الغرض الاساسى منه ,, جاست فن .. تعارف .. اى كلام
اما المنتدى فهو اختراع قديم جدا.. حوار ومقابلات وردود فى أماكن لها كيان ثابت .. الجديد فيه بس انه اليكترونى .

الشات معتقدش ان ممكن يكون ليه ادارة ومراقبة .. وخصوصا ان الكلمة بتنكتب وانت صاحب القرار فى انك تضغط على الزر .. انتر
المنتدى .. ليه رقابة وسياسة ومنهج معين ( المنتديات بشكل عام ) وأفضلها المنتديات الحوارية التى لا تعتمد على الداتا المرئية او المسموعة ..


وهل يصح ان يتحول المنتدى الي شات او العكس؟

ممكن جدا يتحول المنتدى الى شات اذا كان بدون رقابة .. لكن فيه شيء
نوعية الأعضاء نفسها هى اللى ممكن تحدد اذا كان هيتحول المنتدى الى شات أم لا ..
بمعنى ان الأعضاء المتواجدين لهم العامل الأكبر فى المحافظة على المنتدى الشات .. ودورها هنا اهم من الادارة .. لان الادارة بدون اعضاء عندها وعى , مش هيعملوا حاجة .

اما لو تحول الشات الى منتدى .. فيا حبذا .. ويبقى تطور جميل وراقى جدا .

ايهما أفضل ..
المنتدى بالتأكيد


ونهارك مخربش

[amr_miza1]

المشاركة الأصلية بواسطة عتاب

اصلا القعدة قدام التليفزيون مابقيتش تستهويني

انا بتستهوينى لما بفتح الشباك

صباح الخير يا عتاب .. كنا عاوزين نفتكر برامج الاطفال بتاعة زمان ... هييييييية دنيا

فين ايام عبقرينو وكعبول

كانت البرامج ليها هدف ..
مسالمة .. غرضها يكون فيه حكمة او تعليم .. وربما انتاج ..
دلوقتى فيه كائنات شريرة .. مدمرة .. كله من هذا القبيل ..

طيب هى دى مؤامرة هى كمان ؟!

[عتاب]

صباح الخير يا عمرو
فاكر سينما الاطفال والكلبة لاسي وكمان حاجات حلوة كتير كان بيجيبها البرنامج ده
كان فيه تقريبا بنوتة متحولة الى غزال ابيض جميل
فاكر جدو عبده وعمو فؤاد .. والانسان الآلي
فاكر اوبريت دودة القز
فاكر توم وجيري وبوجي وطمطم كانوا بييجوا في رمضان وقت الفطار والتليفزيون مكانش جنب السفرة
كنا نسيب الاكل انا واخواتي ونروح نتفرج عليهم
لحد ما عملنا انقلاب في نظام الشقة وبابا اضطر يجيب التليفزيون مع السفرة

[amr_miza1]

يااااه .. خلاص يا عتاب .. الدمعة هتفر من عينى

فكرتينى بالكابتن ماجد ومازنجر وعائلة الهوهو بس كنت كبرت شويتين .. دا غير بوجى وطمطم ططمبعا وماما نجوى وماما سامية وماما وفاء .. امهات كتير جدا وعلى رأسهم ماما سوزان

هيييه دنيا

[عتاب]

ههههههههههههه
اه كانوا كلهم امهات فعلا
ودنيا الاطفال
ماما نجوى وبقلظ .. في مساء الخير
واسامي الناس اللي عيد ميلادهم يوم الخميس
كنت هموت عشان عيد ميلادي ييجي الخميس ويتقال معاهم
كان فيه كمان كارتون مخمخ ومشمش (ثنائي مدهش)
و بابار .. الفيل العسول بس كنت بحب شكله وهو صغير
والا اغاني الاطفال بتاعة زمان
مكانش عندنا بابا اوبح وبابا فين .. كانت ماما زمانها جاية
واغنية ذهب الليل .. واغنية صابرين انا الفرخة
واوبريتات صفاء ابو السعود
واغنية حصالتي ليها كرش واغنية مع انه خشب
واغنية الشمس البرتقاني عليها ليا شنة
واغنية سوسة كف عروسة
و سمير غانم (الامير الصغير )
و مسلسل الكوكي كاك بتاع ايمان الطوخي ومحمود الجندي
وكان فيه حاجة كمان لايمان الطوخي وسعيد عبد الغني انا فاكرة شكلهم بس مش فاكرة الاسم
وكرنبة وبرنامج عروستي
و اشارة المرور بتقولنا انتباه (ليلى نظمي)

[عتاب]

مين عائلة الهوهو ده يا عمرو

[ابتسامة الحياة]

المشاركة الأصلية بواسطة omarr
صباح مكرر ..

كان عندى موضوع أحب أطرحه للحوار ..

فى برامج تلفزيونيه أو إذاعيه لفتت أنتباهك و جذبتك خلال شهر رمضان .. ؟!!


حد يقولى .. !! احب أعرف , ومنكوم نستفيد ..


قولوا وأنا هاقول على طول ..

السلام عليكم ورحمة الله وبركاته
ازيكم يا مخربيشين
كيف حال الجميع
بالنسبة لموضوع عمر
انا لست من هواة التليفزيون الا نادرا
يعنى مش بتابع حاجة معينة ولو المعجزة حصلت واتفرجت عليه بيكون للبرامج مش اى برامج حاجات معينة اللى بلاقينى صدقت الحوار اللى فيها مش ضحك ع الدقون وخلاص وكلام تليفزيون

او ماتشات الكورة او بعض البرامج الدينينة مش لأى شيخ بردو
وبما أننا فى رمضان فانا من فترة طويلة منعت التليفزيون بالنسبة ليا فى رمضان يعنى لا برامج ومسلسلات
لأنه كل برنامج بيتعاد بعد رمضان ده لو كنت عاوزاه مثلا
يعنى اقدر أول مش بشوف اى حاجة فى رمضان غير ظاظا وجرجير عشان بنكون بنفطر نفطر

[ابتسامة الحياة]

بالنسبة للحاجات اللى عمرو وعتاب بيقولوا عليها
واضح انكم كنتم ادمان تليفزيون
لكن بردو من صغرى مش بحب التليفزيون
لأن مش بصدق اللى فيه الا نادرا
فبتلاقينى ابعد عنه

[Honey1900]

السلام عليكم

صباح الخير

فكرتوني بايام زمان

كل برامج الاطفال و الاغاني دي كنت بشوفها بس عمري ما حفظتها ولا حتي اساميها


ربنا يشفي بنت امرأة العزيز