قهوة المخربشين (5)

[ابتسامة الحياة]

المشاركة الأصلية بواسطة أحمدكمال


طيب طالما فتحنا الموضوع ...
وبعد اذن المخربشين ..وعم صبحي طبعا

ايه وجهة نظركم في الفرق بين الشات والمنتدى؟مساء الخربشة

صباح الخربشة يا احمد
بما انى جيت الصبح
بالنسبة للشات والمنتدى
فيه فرق طبعا
اولا المنتدى قائم اساسا على الحوار وتبادل ثقافات بين الاعضاء
المنتدى الحصول على أراء كثيرة من الاعضاء ومناقشتها مع البعض ومرجع يمكنك الرجع اليه لأى سبب معلومة -رأى- طريقة تفكير معينة -أو ذكرى جميلة كانت فى فترة من الوقت
المنتدى له احترامه
وهذا نابع من الرقابة التى يعتمد عليها
هناك تحجيم لمخالفات الاعضاء بالمنتدى
بعكس الشات
لارقيب عليه الا الشخص نفسه
ما قيل يكون لمجرد ذلك الوقت الذى قيل فيه اى لا يعتبر مرجع

وهل يصح ان يتحول المنتدى الي شات او العكس؟

من الممكن ان يتحول المنتدى الى شات لكن هذا مع غياب الرقابة عليه
وترك كل انسان يتصرف كما يريد
وعدم الخوض فى مواضيع هامة وعدم الاحتكاك بالواقع
لكن ان الشات يتحول الى منتدى
صعب جدا واعتقد ان مش هايحصل

وايهما تفضل الشات ام المنتدى؟

المنتدى طبعا

المخربيشين 5

[ابتسامة الحياة]

ان شاء الله ربنا يشفى بنتك يا نسرين شفاء تام

[omarr]

حبايبى رواد " قهوه المخربشين "

صباح السعاده ..

بالنسبه لموضوع عمرو الخاص ببرامج رمضان زمان ..

على أيامى فى فتره طفولتى كانت فوازير " نيللى " مسيطره على عقول البشر ..

من تانى يوم الكل حافظ الأغانى اللى بتيجى فى المقدمه و النهايه.

كل العيال اللى أعرفهم أعترفوا لى فى لحظات الضعف أنهم نفسهم يتجوزا "نيللى"

طبعا كنت أنا أولهم

وأى ميعاد بين اتنين عايزين يتقابلوا دايما بيحددوه بالفوازير ..

يعنى نتقابل بعد الفوازير على طول .. أو بعد الفوازير بشويه .. أو بعد الفوازير بساعه .. الخ .

تقريبا كانت الحياه بتتجمد ساعه ماتيجى الفوازير . ولا تبداء إلا بعد أنتهائها ..

طبعا ناس كتير كانت بتحل الفوازير و بتبعت الحل فى ظرف بريدى على الإذاعه والتلفزيون.

كل سنه بيعملوا كده .. وطبعا عمرهم ما كسبوا ..

فوازير نيللى على ايامى كانت حاجه مهمه واساسيه فى رمضان , وأى واحد مش بيتفرج عليها

كنا بننظره له على انه أنسان خرافى وغير طبيعى بالمره ..

[omarr]

المشاركة الأصلية بواسطة عتاب

مين عائلة الهوهو ده يا عمرو

انا كل البرامج والأغانى اللى قولتوها "عمرو وعتاب" عارفها وشوفتها ..

ماعدا الهوهو ..

عمرو أعمل ريفريش ..

[omarr]

نسرين ..

الف الف سلامه على بنتك

[omarr]

عمرو ..

عتاب ..

هانى ..

ضحى ...

أم الوليد ..

إبتسامه الحياه ..

منورررررين الدنيا .. أووتابع معكم كل كلمه ..












.

[duha]

السلام عليكم
كيفكم يا مخربشين
مش عندي كريات كتيرة مع التلفزيون
انتو بتجيبو الحاجات دي منين
تحسسوني اني عايشه في العصر الحجري

[Honey1900]

لا مش حجري خالص

انتي بس كنت مشغولة بحاجات اهم يا بنتي

[duha]

اهلا هاني
وانت
كنت مشغول بايه

[Honey1900]

لا انا كنت متابع كل دا

انا كنت هاني تلفزيون ادمان بعيد عنك


بس دلوقتي قليل غالبا mbc2 بس

[omarr]

عمرو ..

برنامج " إشتغالات " .. بشوفه على Otv بعد الفطار مباشره .

الحلقه التحفه اللى عجبتنى كانت بتاعه " عم دهب " اللى مات و كانوا بيسالو

الناس عن التوقعات اللى ممكن يعملها ابنه " بطوط " ..

مش ممكن .. الناس سكر ... موووتونى من الضحك ..

اللى يقول " بطوط " أن شاء الله هايسد مكان أبوه .. و اللى ينصح بطوط أن يبقى زى أبوه





وبرضه حلقه " عباس ابن فرناس "

كانت المذيعه بتسال الناس عن عدده ابناؤه وكام واحد منهم كان عنده جناحات وبيطير ..

طبعا معظم المصريين , ماعندهمش كلمه " ما اعرفش " .. لازم يجاوب .. فيه اللى

قال ان أتنين من عيال بن فرناس كانوا بيطيروا و فى اللى قال أربعه ..

[عتاب]

السلام عليكم
صباحكم سكر جميعا
انا فعلا فاكرة فوازير نيللي ياعمر
بس والله انا صغيرة
مش عارفة يمكن نيللي كانت عاملالكم فوازير غير بتاعتنا
او يمكن انت كنت بتشوفها وانت كبير
انما انا كنت لسه في ابتدائي
كان فيه فوازير ام العريف دي كنا طبعا انا واختي بنتنافس على حفظها
لازم كده نعمل فقرة وهي شغاله
وكمان كل الاعلان اللي كانت بتيجي في التليفزيون كنا بنحفظها
ونفضل نسمع فيها ونغيظ العيال قرايبنا عشان هما مش بيحفظوا الحاجات دي وبيقفلوا التليفزيون عشان يذاكروا .. رغم انهم من سننا
بس احنا بابا مكانش بيحب يخنقنا ومش لازم نذاكر في ابتدائي
يعني يدوب نعمل الواجب يبقى كويس اوي

ابتسامة
هو انتي وانتي طفلة مكونتيش بتتفرجي على التليفزيون امال كنتي بتعملي ايه طول اليوم

الف سلامة على بنت نسرين
انا والله باحاول اتصل بيها بس مش بترد
دايما تنسى رقم موبايلي التاني ومش بترد على ارقام غريبة .. معرفش ليه مش بتسجله زي الاولاني

[omarr]

عتاب ..

عملت سيرشون فى العزيز " جوجل " ..

فوازير نيللى بدأت فى عام 75 ..و أنتهت فى سنه 81 ..

احلاهم طبعا بالنسبه لى فوازير " تمبوكا " .. و عروستى ..
















.

[عتاب]

لالالالالالالالالا
ازاي
انا مكونتش اتولدت كده
فيه حاجة غلط
يمكن كان بتتعاد على ايامنا والا ايه
انا شوفتها في اواخر التمانينات

[omarr]

المشاركة الأصلية بواسطة عتاب

لالالالالالالالالا
ازاي
انا مكونتش اتولدت كده
فيه حاجة غلط
يمكن كان بتتعاد على ايامنا والا ايه
انا شوفتها في اواخر التمانينات

عتاب ..

مش عارف .. يمكن يكون قصدك على فوازير " شريهان " ..