قهوة المخربشين (5)

[amr_miza1]

مساء الخير على كل الناس

الاخت ميمى .. وملاك المشاعر .. والاخ العزيز Unique منورين القهوة

كنت عاوز بس افكركم بفكرة الموضوع الأساسية ..

قهوة المخربشين فكرتها الأساسية اننا بتقابل هنا وبنتكلم فى موضوع جاد .. من قبل أحد الأعضاء ..

وحاليا الأخ شاعر الليل ( إسلام ) اتكلم عن حصيلة 2007 ..

انا بس حبيت الفت انباهكم مش أكتر ..

ومرة تانية منورين القهوة . . وهعزمكم على حسابى ..

[برديس]

لقاء نورتى القهوه

اخيرا حد رد
ياريت يا جماعه تعرفوا
ان دى قهوه لتبادل الافكار وليس شات

[ملاك المشاعر]

منورة بوجودك القهوة

[ملاك المشاعر]

ليش ساكتين

[uniQue]

البلد دي مفيهاش ديمقراطية
وزي ما بقول ديما فيها ديمخرافيه بكتيرررر
مساء الخير عليك عمرو
وعلي الموجودين وان وان
وملاك ولقاء برديس منورين
خلونا نبدأ من جديد احنا ما خرجنا عن فكرة
الموضوع وبتكلم عن نفسي تحديدا
وما بحب جر شكل ماع حد
الحكاية مش ناقصة
بس نحن معاك
عاوزين استطلاع لسنه 2007 كانت سنه حلوة يا جميل
واحلي ما فيها العيد الكبير قالوا ان مفيش ميه معدنيه في مصر
واللي موجود ميه من آبار تحت الارض بعد 100 متر ومش عارف ازاي
الناس مكنتش عارفه الحكاية دي يعني كانوا مفكرنها ميه معدنيه
ازاه الميه المعدنية وصلت 8 و 9 جنيه انما اللي موجود ميه عاديه
في شركتين من الشركات مخالفه ولا تصلح للشرب ومع ذلك لسه شاغلين
مش فاهم ازاي هي سنه حلوة من اولها لاخرها وربنا يبارك لنا في الحكومة
وتحيا مصر

[uniQue]

اووووووووووف
برديس انتي عاوزاني اجبلك كلام شات في شات مفيهوش اي افكار عشان ترتاحي ؟
اصله مش معقول كدا ... كل شويه حد يدخل ويقولنا دا مش شات ويشرح لنا تاريخ مصر
نفرض جدلا ان في ناس بتكلم كلام شات ؟ خليهم يتكلموا ايه المشكله ما حضرتك ووغيرك
وانا ومعظمنا بنتكلم كلام شات .... وبعدين يعني ايه كلام شات وكلام افكار
الرحمة تجوز علي الميت والحي

[ملاك المشاعر]

طيب اللي مو هو من مصر ايش يتكلم فية؟؟

[uniQue]

المشاركة الأصلية بواسطة ملاك المشاعر

طيب اللي مو هو من مصر ايش يتكلم فية؟؟

ملاك اخ اسلام طرح موضوع للنقاش حصيله 2007 !!
كانت كيف معاك وهكذا

[ملاك المشاعر]

ايوة مشكور خيووو متيم

[لقاء]

ايات منورة يا قمر

اتأخرت في الرد عليك , ما هو حاجة من اتينن يا نور يقطع , يا النت , لما قربت أشد شعري .

برديس ... ازيك يا عسل

عمرو .... منور القهوة والله

موضوع اسلام جميل جدا

تقييمي لسنة 2007

والله السنين كلها شبه بعض , يعني لا جديد .

لا بس الحمد لله سنة 2007 أسوأهم .

بصراحة أنا من ساعة ما خلصت الثانوية العامة ودخلت الهندسة اجبار , بعد فشلي في تحقيق حلمي بدراسة الطب , أصبحت الحياة عندي سوداء .

سنة 2007 كانت سيئة للغاية , اللهم الا حدثين

أولا اكتشافي لمنتدى ابن مصر بالصدفة البحتة , لا تتخيلوا بيخفف عني قد ايه , فيه لقيت ناس جميلة , وفيه بحس أني في بلدي مصر اللي وحشتني جدا , يعني أقدر أقول خفف من حزني ووحدتي .

ثانيا بنت عمي وصديقة عمري و ولية أمري في الدنيا اتخطبت , وخطبها ابن عمي , يعني ما راحت بعيد , هاتفضل جنبي برضه .

يارب سنة 2008 تكون أجمل .

كل سنة وانتم طيبين .

[ملاك المشاعر]

واللة سنة 2007
مثل اي سنة ماحصل فيها شي جديد

[ملاك المشاعر]

ليش ساااااكتين شكلي بطلع

[amr_miza1]

اهلا لقاء .. طبعا القهورة منورة بيكى انتى ...

عموما بردة الهندسة كويسة جدا .. وان شاء الله تحققى فيها اللى كان ممكن تحققيه فى الطب ويمكن أفضل كمان

انا اعتقد ان 2007 على المستوى الشخصى بالنسبة ليا محصلش فيها نجاحات كتير لكن الحمد لله كله خير يعنى وان شاء الله 2008 تكون أحسن انا متفائل ان شاء الله

وبتمنى من ربنا يحققلى كام أمنية كدا .. بإذن الله

وكل سنة وانتم طيبين

[شاعــ الليل ــر]

السلام عليكم ورحمة الله وبركاته

الأخ متيم
الأخت ملاك

لاحظت أن الحوار داخل القهوة تحول إلي حوار جانبي أشبه بالشات ، نحن لا ننكر عليك ترحيبك بالأخت ملاك فنحن نرحب بها مثلك تماماً ، إلا أن ما حدث خطأ منك أعلم أنه غير مقصود وعن غير عمد ، فأنا واحد من الناس أحياناً أقع في أخطاء هنا يوجهني لها الأخرين .
وقد حاول الأخوة سواء عمرو أو آيات أو حتي برديس لفت أنتباهكم إلي أن القهوة هنا جعلت لتكون منبر للأعضاء في إبداء آرائهم في الموضوعات الخفيفة التي قد تكون أسرع من أن توضع في موضوع خاص ، و هي نافذة أيضاً لنتقارب من بعضنا البعض لكن بكل أحترام .
أما عن ديمخرافيتنا نحن كمصريين فهي علي وجهين :-
الأول ... أننا هنا جميعاً أخوة وإعتدنا جميعاً أن نقوم بعضنا البعض إن أنحرف أحدنا عن الركب ويكون ذلك بنوع من الود والتفاهم خاصة وأن الأمر هنا شورى بيننا لا تسلط فيه .
أما الثاني ... من شب علي شئ شاب عليه ، ونحن كمصريين نشأنا علي القهر وفرض الرأي ، فلا تعجب منا إن حاولنا فرض الرأي عليك أو علي غيرك .

فأفهم رد فعل الناس معك هنا كما يحلو لك

ولك مني همسة في أذنك
نحن هنا جميعاً متحابون في الله جديدنا قبل قديمنا و أُشهد الله أني ومن أعرف هنا في القهوة خاصة أو المنتدي عامة نحبك ونكن لك كل أحترام وقد تعاملوا معك علي الوجه الأول كما بينت .

أخيراً
تقبل سلامي
ولك مني كل الود والإحترام

[Dr-Ayat]

الحمد لله عالسلامة يا اسلام

تسلم اناملك جبت المفيد