قهوة المخربشين (5)

[duha]

بسم الله الرحمن الرحيم

قهوة المخربشين ليست كاي قهوة انها قهوة عالم ابن مصر قهوة جمعت كتاب ابن مصر ليستخلصوا افكارهم ويطرحوها هاهنا

والقهوة مش مجرد مكان لشرب القهوة والشاي ولعب الطاوله والشيشه
القهوة حسب ما انا افهمها هي ملتقى الافكار ومنبر للثقافه ومسرح للحوارات الجريئه اللتي تعبر عن حاله المجتمع
ومن المقاهي خرج المبدعون من الشعراء والادباء والمثقفين
القهوة هي ساحه مكشوفه للفكر تعرض فيها الافكار والاراء وتناقش بطريقه وديه بين الاصحاب بعدها يخرج كل واحد منها محمل بافكار توسع مداركه وتنمي ثقافته
القهوة باخنصار هي صومعه الثقافه ومنبر الابداع
فاين المبدعون من ابن مصر ليدخلو صومعتهم الثقافيه ويملأوها نقاشات وحورات فكريه ترتقي بنا الاى الامام
انا شايفه ان معظم اعضاء ابن مصر من الشباب , فاين الشباب ليتحدثو لنا عن همومهم , طموحاتهم , اهدافهم , قضاياهم
ام ان الشباب هذه الايام اصبح حتى لايعرف ماذا يريد ومن اين يبدأ والى اين يتجه ام تراه استهل عمليه الانقياد اللتي تعود عليها وترك لغيره يحدد له مسار حياته
اين ثورة الشباب اين فكر الشباب اين ابداع الشباب
هنا يا شباب عالم ابن مصر منبركم الثقافي والفكري
هنا في قهوة المخربشين اللتي اخرجت لنا اناس نعتز بكلمتهم ونستنير بفكرهم وضعو خلاصه فكرهم وتركو لنا بصمة لن تنسى في عالم ابن مصر
وقبل هذا الجزء من قهوة المخربشين كان هناك اربعه اجزاء نلخصها لكم في هذا اللنك لتكونو على اطلاع

http://http://www.ebnmasr.net/forum/t34372.html

واليوم نفتتح الجزء الخامس من قهوة المخربشين نأمل ان تتواصلوا معنا في الحوارات والنقاشات وان لا تبخلوا علينا بالافكار والمقترحات لنصل الى الغايه المنشودة من انشاء هذه القهوة

[أحمدكمال]

الف مبروك يا ضحى..
وانا اول زبائن القهوة الجديدة باذن الله...
وان شاء الله تكون قهوة عصرية ..
بس ياريت تبعدي مستكة عن الادارة ..خليها تساعد عم صحبي

[duha]

المشاركة الأصلية بواسطة أحمدكمال

الف مبروك يا ضحى..
وانا اول زبائن القهوة الجديدة باذن الله...
وان شاء الله تكون قهوة عصرية ..
بس ياريت تبعدي مستكة عن الادارة ..خليها تساعد عم صحبي

اهلا يا ريس
القهوة ان شاء الله ستحافظ على اصالتها وطابعها التراثي وبنفس الوقت ستحمل سمه العصر
يعني مضمونها هو هو وممكن نحدث في شكلها اصل في هنا بنوتات قمرات مش بيحبو الشاي والقهوة قلنا نعمل قسم مشروبات بارده ونخلي تامر يساعد عم صبحي بقى الراجل تعب معاكم يا اولاد مصر
يا رب تعجبكم
ويا رب تكونوا دايما معانا
ومستكه بتحضر الشاي وجايه كمان شويه

[duha]

احمد كمال كان طرح موضوع جميل للنقاش ولانه موضوع مهم حبيت انقله لهنا عشان نناقش فيه

الفساد مصدره الحاكم ولا المحكوم؟ يعني الفساد لما بيستشري ده دلالة على فساد الحاكم ولا فساد المحكوم وهل ممكن نلاقي محكوم مش فاسد من حاكم فاسد او العكس؟
الفساد مشكله بنعاني منها كلنا
الفساد حطم امال وطوح الشباب
الفساد اخرج اطباء جهله ومهندسين فاشلين ومدرسين مرتشين
وحاجات كتيرة وصلت المجتمع الى حاله من التدهور والتراجع الى الخلف
الفساد ظاهرة اصبحت مستشريه في جسم الوطن العربي عموما
تلاقيها في البلدان الغنيه منها مثل دول الخليج وفي نفس الوقت تلاقيها في الدول الفقيرة
سببها ايه ياترى
الحاكم ولا المحكوم
انا رأي الشخصي وعن تجربه مر بها العراق اجزم ان سبب الفساد هو الحاكم لما تكون الحكومه فاسده وكل همها مصالح شخصيه ونهب مقدرات الشعب هتسد الطريق امام الابداع والتطور
وهتفتح ابواب الفساد على مصراعيها امام المحكوم
يعني لما موظف يتعب ويشقى مقابل اجر زهيد لا يكاد يكفيه حتى للعيش البسيط وبالمقابل الحكومة وازلامها يتنعمون بخيرات الشعب اكيد هيدفعه لقبول الرشوة وهيبسط امامه سلوك طريق الفساد
وهيسمس الرشوة هديه والوساطة والمحسوبيه صله ذي القربى وغيرها من المسميات
رويدا رويدا تصبح هذه الظاهرة جزء من عادات المجتمع وبمرور الزمن تحل محل موروثات المجتمع من القيم والمبادئ

[مستكة]

احمد كمال ممنوع من دخول القهوة لمدة 6 شهور


ضحي انا مبعملش شاي























انا بعمل كوارث بس

[duha]

المشاركة الأصلية بواسطة مستكة

احمد كمال ممنوع من دخول القهوة لمدة 6 شهور


ضحي انا مبعملش شاي























انا بعمل كوارث بس

انا اللي بعمل الشاي
واحمد كمال ميدخلش القهوة خلاص

[مستكة]

يلا امرنا لله

نسمحله يدخل القهوة دا انهارده الافتتاح

اعمل ايه بس في طيبتي دي

الفساد مصدره الحاكم ولا المحكوم؟ يعني الفساد لما بيستشري ده دلالة على فساد الحاكم ولا فساد المحكوم وهل ممكن نلاقي محكوم مش فاسد من حاكم فاسد او العكس؟

في رايي ان الفساد مصدره الاتنين

الحاكم والمحكوم

بس بيظهر في صورة الحاكم بشكل اكبر واضخم لانه اللي في ايده زمام الامور

الحاكم فساده بيتمثل في القوانين اللي بيظبطها علي اهوائه ومصالحه

بتتمثل في استغلاله لصلاحياته ونفوذه

والفساد بيتمثل في المحكوم عند انتشار المصالح الشخصيه واختفاء مسمي المصلحه العامه

فساد المحكوم بيبدا من سكوت المحكوم علي الظلم

بيرضي بالهوان والذل والخوف ويسكت

وياريته بيسكت بس

لا وكل اللي يقدر يلحق حاجه لنفسه قبل ما غيره ياخدها قبله بياخدها

فساد المحكوم بانتشار ( انا وبعدي الطوفان )

وده نشوفه في قروض البنوك والهروب وقضايا الفساد والرشوه وغيره كتير


* بيتهيالي مفيش حاكم صالح شعبه فاسد

لان الحاكم زي ما بايده يحكم البلاد من النار والحديد في الظلم

برضه بايده يمسكها بالحديد في العدل

هيسن القوانين اللي تحمي الضعفاء وتضمن للغلابه حقوقها

حتي لو في المحكومين مفسدين كتير هيقدر يحجمهم

انما للاسف الشديد النموذج ده خيالي .. لان الغالب هو العكس

[مستكة]

انا بخوف هيه هيه هيه

اول مره حد يخاف مني ربنا يخليكي يا ضحي يارب

وعشان كده مشاريب القهوة اول يوم مجانا

[أحمدكمال]

كلام جميل مقدرش اقول حاجة عنه..

انا هسأل السؤال بطريقة اكثر صراحة؟ هل لو رئيس زنجبار اتغير؟ حال زنجبار هيتعدل؟
ولا في مليون واحد حاليا في زنجبار هيقوموا بدور رئيسها ؟ ويا ترى وحوش وحيتان زنجبار هيسيبوا الحاكم الرشيد الجديد؟ طيب والحاكم ده هيطلع ازاي بالحكم من غير ما يدفع في الانتخابات؟

[أحمدكمال]

المشاركة الأصلية بواسطة مستكة

انا بخوف هيه هيه هيه

اول مره حد يخاف مني ربنا يخليكي يا ضحي يارب

وعشان كده مشاريب القهوة اول يوم مجانا

يا ضحى لو المعلمة مستكة عملتلك حاجة
بلاغ صغير ليا وانا الفقلها تهمة حلوة ..توديها ورى الشمس
انا تلميذ حاكم زنجبار

[duha]

القهوة فاتحه جديد والمشاريب اليوم على حساب مستكه الطيبه
يللا ياعم صبحي وزع المشاريب على اللي موجودين

نرجع لموضوعنا
موضوعنا بيألمنا فعلا وكانه خنجر مغروس في صدورنا
بيقتل كل موهبه وبيقطع كل رجاء في الوصول الشريف ويظهر الوجه البشع للمجتمع
الفساد
المشكله ان الفساد اصبح عاده في مجتمعاتناوكمان شويه هيبقى مش عيب ابدا
اللي بيوصل على اكتاف غيره يبقى شاطر
واللي بياخد رشوة يبقى يطلع اللقمة من فم الاسد
واللي ياخد حق غيره يبقى طموح
واللي بيتكلم في الشرف والامانه يبقى موديل قديم
المشكله الوقتي ازاي نحارب الفساد
نبدأ منين ؟
نفضل نلوم الحكومات ونطالبها بالاصلاح
ولا نبدأ من انفسنا

[مستكة]

مش عارفه ليه حاسه انك هتكون شبب في قفل القهوة قبل ما تفتح

بس يلا احنا ادها


خلينا في سؤالك واحد واحده

انا هسأل السؤال بطريقة اكثر صراحة؟

ربنا يستر

هل لو رئيس زنجبار اتغير؟ حال زنجبار هيتعدل؟

طبعا منقدرش نعتمد علي كده

لانه زي ماقلت المشكله مش في رئيس زنجبار بس

المشكله في الحاشيه اللي بتكون حوالين اي رئيس زنجباري ( وخصوصا اللي بيهدوا النفوس منهم )

والزنجبريين نفسهم .. هما صحيح دلوقتي تلاقيهم غلابه ونفسهم يتنفسوا

لكن اول ما هيلاقوا التورته وحيده .. كل واحد فيهم هيكشر عن انيابه وينسب الفضل لنفسه انه قدر يخلي التورته وحيده

وطبعا كل واحد عايز النصيب الاكبر واحقيته في التورته وتوزيعها توزيعا عادلا علي الزنجبريين

ياتري فيه كام حركة و اتجاه فكري مختلف في زنجبار بيحاولوا يتغاضوا عن الاختلافات الفكريه بينهم في سبيل هدف وحيد وهو انقاذ زنجبار

طيب بعد ما ينجحوا في انقاذ زنجبار مين فيهم هيكون كلمته مسموعه او صاحب الفضل

وخلي بالك ان في الوقت ده تحديدا كل واحد عايز يلبس ثوب الفروسيه بصرف النظر عن اي مصلحه عامه

في راي ان زنجبار عمرها ما هتتعدل الا لما يكون في وعي عند رجل الشارع البسيط

ويعرف يعني ايه قانون وايه ليه وايه عليه .. عشان يوم ماحد يظلمه يخرم عينه بنفسه

وميحتجش قوات حفظ سلام

ولا في مليون واحد حاليا في زنجبار هيقوموا بدور رئيسها ؟

فعلا ده اللي هيحصل بلا شك

معندناش اكتر من المفتيين والخبرا

ويا ترى وحوش وحيتان زنجبار هيسيبوا الحاكم الرشيد الجديد؟

ساعتها هتلاقي العماله شغاله علي ودنه

طيب والحاكم ده هيطلع ازاي بالحكم من غير ما يدفع في الانتخابات؟

تسمع عن خيال المأته

في احسن الظروف يعني صوره مشرفه من وراها محركييييين

[السهران]

بسم الله الرحمن الرحيم
---------
الاخوات: DUHA مستكه الاخ الكريم احمد كمال


السلام عليكم ورحمة الله وبركاته 00 ارجوا ان اشارككم ارائكم واكون ضيف خفيف
عليكم 000000000
بالنسبة لموضوع الفساد مصدره الحاكم ولا المحكوم؟

للاسف موضوع كبير يطول شرحه ومتشعب وفيه ابواب كتير مغلقة وفيه ابواب محذورة
وهل من مجيب0000 المهم
ايه رأيكم لو بدأنا ده طبعا بعد اذنكم00000 بالدولة الصغيرة الاسرة وبعدين نطلع للاكبــر
فى الاسرة ازاى نتبادل الاراء بشكل سى السيد او حوار حوار مصلحة علشان كل واحد ياخــد
مصلحته ولا علشان تكون اسرة سعيدة اقتصادها كويس واولادها كل واحد عارف ربه وعارف دوره
داخل الاسرة هل يوجد انانية بين الاخوات ولا هم ايد واحدة ايه شكل الرباط الاسرى اللى بينهم
هل الاب فى وادى والزوجة فى وادىوالاولاد وادى اخر كل ده لو فكرنا فيه شوية هو ده الاسرة
الكبيرة ياترى بنعمل لمصلحة الاسرة ولا كل طرف لحاله0000 وتحضرنى مقول لعمر بن الخطاب
رضى الله عنه وارضاه عندما جاءه حاكم لااذكر الاسم المهم بيدوروا عل عمر وجدوه نايم تحت
شجرة وحاطط نعاله تحت رأسه * سأله كيف تنام ياعمر * وتارك الراعية وانت لاحارس ولاغيره
فقال**( حكمت فعدلت فآمنت فنمت)**باختصار شديد أربع كلمات0000

[بنت فلسطين]

الف مبروك يا بنات .. مبروك عليكم النصر الساحق دة (:

لي عودة أكيد

[hassain]

موضوع جميل والقهوة باين عليها 5 نجوم
والقهوة منورة بكل الحاضرين فيها

بالنسبة للسوال الحاكم ولا المحكوم
هو الحاكم والمحكوم سواء في اشياء والكلام مش للجميع والله
بس اولا للمحكوم لو عندة فرصة يضحك علي القانون بالرشوة او الغش او كافة الشياء التي ياخز بها حق مش