وانطلقت فى رثاءة اقلامهم....... لتعلن رحيله!!

[momo_00]

ان عبد الناصر هو الحلم اللذى مازال يجرى فى وجدان كل عربى حر .... احببت ان ابدا موضوعى بهذه الكلمات اللتى اؤمن بها منذ صغرى ولكن لم اعرف ماذا تعنى الا قريبا... لحظات الوداع ما االمها وما اوجعها !تتعجبون! اعلم فانا لم اعاصر ناصر ولم اعاصر موته ولكنى اشعر انى كنت هناك وعندما ارى الجنازة الضخمة تدمع عينى وكانى كنت هناك !
اقولوكو حاجة اعدت احضر فى موضوع لعبد الناصر كبير كبير قوى اعدت فية ما يقرب من 10 ايام .
بس رجعت وقلت هيفيد بايه الكلام دة ناصر خلاص مشى ورحل ومعتش معانا وكلامى مش هيغير كتير . فقلت خلاص بقى اكتب ما تبقى منه وهو ....رثاؤه........
احببت ان ابدا باجمل ما كتب فى ناصر وباجمل من كتب عن ناصر وهوة نزار قبانى :
**********
الهرم الرابع
**********
السيد نام ...
السيد نام .....
السيد نام كنوم السيف العائد من احدى الغزوات
السيد يرقد مثل الطفل الغافرفى حضن الغابات
السيد نام
وكيف اصدق ان الهرم الرابع مات ؟
القائد لم يذهب ابدا
بل دخل الغرفة كى يرتاح
وسيصحو حين تطل الشمس
الخبز سياكله معنا
ويقول لنا .....
القائد يشعر بالارهاق .......
فخّلوه يخلو ساعات........
********
يا من تبكون على ناصر
السيد كان صديق الشمس
فكفو عن سكب العبرات
السيد مازال هنا
يتمشى فوق جسور النيل
ويجلس فى ظلات النخلات
ويزور الجيزة عند الفجر
ليلثم حجر الاهرامات
يسال عن مصر....ومن فى مصر
ويسقى ازهار الشرفات
ويصلى الجمعة ...والعيدين
ويقضى للناس الحاجات
مازال هنا عبد الناصر
فى طمى النيل وزهر القطن
وفى اطواق الفلاحات
فى فرح الشعب ..وحزن الشعب
مازال هنا عبد الناصر !!
من قال ان الهرم الرابع مات ؟
********
يامن يتسائل اين مضى عبد الناصر !؟
يا من يتسائل هل يتاتى عبد الناصر !؟
السيد موجود فينا !!
موجود فى ارغفة الخبز،
وفى ازهار اوانينا ...
مرسوم فوق نجوم الصيف ،
وفوق رمال شواطينا ...
موجود فى اوراق المصحف،
وفى صلوات مصلينا ...
موجود فى كلمات الحب ،
وفى اصوات مغنينا ...
موجود فى عرق العمال ،وفى اسوان ،وفى سينا
مكتوب فوق تحدينا
السيد نام........ وان رجعت اسراب الطير
سياتينا!!!!
ودى من احدمن احد الشعراء ولكنة ليس مشهورا ولكنها اثارت اعجابى (فى ذكرى وفاته)
على الطبلة والارغول .......لا مش انا اللى هقول
دى مصر الحرة الابية ....باعتها ابنها فؤاد حداد
يعمل مسحراتى
وينبه الغافلين والنايمين ...ويقول اصحو يا مصريين ...يا عرب يا مسلمين يا مسحين !
الشهر دة ايه الى حصل !
موش فاكرين؟
حافكركم واصحركم ...من هنا ليوم الدين ...احنا فى سبتمبر الحزين !
موت جمال عبد الناصر ...ابو الفقرا والغلابة والمساكين
فاكرينو ..........ولا ....ناسيين !؟
قول ياعم فؤاد وسمعنا
مانت كل كلمة فكلامك ليها الف معنى ومعنى !
قول وبكينا عالحلم اللى كان وسطينا !
دة ردى على الموضوع الجميل اللى عملو اخى ابو جميل عن جنازة ناصر ولسة عندى كتير بس مش عارفة اكمل ولا لا ؟خايفة لما يعجبكوش
.لو قلتو اكمل هكمل واللى عندو بردو قصاءد يجيبها مش مش مشكلة عادى !
احب اقول حاجة يا جماعة هوة دة الريس جمال عبد الناصر هو دة حبيب الملايين ماكانش ملاك ولا كان شيطان هوة بنى ادم عادى بيغلط وبينجح كان بطل اة وغلط اوكى كان زعيم مفيش شك يشهد له تاريخة بانجازاتة(افعالة تتحدث عن نفسها يعنى )وبردو مفيش شك فانو احب بلدو وشعب بلدو اوى وعاش حياتو كلها يقاتل عشانهم وعشان يعملهم حياة كريمة !
وساظل اقول كما قال هيكل نعم لمصر ...لا لعبد الناصر اللى بيحبو ناصر حبو عشان هوة حب مصر .
كلمة اخيرة:::عارفة انى كلامى مش حلو اوى ومش معبر اوى بس بجد الكلام دة طالع من قلبلى بجد .واتمنى الموضوع يعجبكو .

[sg8618]

بصى يا بنتى اللى بيطلع من القلب اكيييييييييييييييييد بيدخل القلب خلي المبدأ دة مبدئك
وانت كلامك بجد من القلب وياريت تكملى

[momo_00]

اشكرك اخى س ج على مرورك وميرسى ليك عشان انت الوحيد اللى رديت عليا
قال الشاعر جمال بخيت وهو ينادى عبد الناصر:
ارجع باه .......ارجع باه
وفك حبل المشنقة ...وامسح همومنا باللقا
يا جدرنا تحت التراب.....يا حلمنا فوق السحاب
يا عمرنا طال العذاب ....فى الانتظار
رجعو التتار ...لكننا اشواك تتحدى العطش
وجنود بتتحدى الفرار ...نسقط ساعا ت....
لكننا نفضل كبار....نفتح عيون للانبهار ......متشوقة

فارجع باة... وفك حبل المشنقة
وارفع رايتك يا ابى .....قريش بتسال عن نبى
يهديها من بعد العمى ...خالد قتل مسيلمة
لكن جنودو الكدابين
عينهم فى طابا ...يتحدو فرسان الخطابة
ويلجموهم بالسكوت ...فى عصر بيروت الحزين
خالد قتل مسيلمة .....لكن جنودو الكدابين
بيفتتوا دلتاك بصبر .......وبيحفرو لى فى سينا قبر
وبيركبو نيلى العنيد ...وبيخنوقونى فى الصعيد
بكلام نكت وتريقة ..
ارجع بااااة
داا الهزار زاد.. ..والباشا ايدو عالزناد
وصدقى بيصلى لفؤاد ...وبيحلفو نرجع عبيد ..نتباع فاسواق الكساد
الهزار زاد .....والباشا ايدة عالزناد
والسد جوة الفوهة ....لو ينسفوه تغرق بلادك كلها
وبعد سنين ..الاوبئة...تسكن ضلوعنا الضيقة
فارجع بااااة
الشمس سكنت كل غرب ...حلفت ماترجع للشروق
من اى شرق ..ان لم تكن فى الانتظار ..انت وسيفك ،
والتتار تحت القدم ......فاقضى بصوتك على العدم
اعدل موازين الزمان ...رتب نجومنا فى الفضا
واكسر وجوهنا بالرضا ...بعد الشقا
دى الامة لسة محتجالك ..و الارض ليك متهيئة ..............ارجع باة
**********
وكيف يذكر رثاء عبد الناصر ولا يذكر نزار قبانى برائعته "قتلناك"
قتلناك يا اخر الانبياء قتلناك
قتلناك....وليس جديدا علينا
اغتيال الصحابة والاولياء..وكم من رسول قتلنا
وكم من امام......ذبحناه وهو يصللى العشاء
فتاريخنا كله محنة ..وايامنا كلها كربلاء
****
نزلت علينا كتابا جميلا ..ولكننا لا نجيد القراءة
وسافرت بينا لللارض البراءة.....
ولكننا مافبلنا الرحيلا
وتركناك فى شمس سيناء وحدك ,,تكلم ربك فى الطور وحدك
تعرى ....
وتشقى ...
وتعطش وحدك ...
ونحن هنا نجلس القرفصاء...نبيع الشعارات للاغبياء
ونحشى الجماهير تبنا وقشا ...ونتركهم يعلكون الهواء
****
قتلناك ...يا جبل الكبرياء
واخر قنديل زيت... ..يضىء لنا فى ليالى الشتاء
واخر سيف من القادسية ...قتلناك نحن بكلتى يدينا ...وقلنا المنية !!!
لماذا قبلت المجىء الينا ؟؟.......فمثلك كان كثيرا علينا .......
سيقناك سم العروبة حتى شبعت .....رميناك فى نار عمان حتى احترقت ...
اريناك غدر العروبة حتى كفرت ..لماذا ظهرت بارض النفاق ؟؟لماذا ظهرت؟؟؟؟؟؟
فنحن شعوب من الجاهلية ..ونحن التقلب ...ونحن التذبذب والباطنية ....
نبايع اربابنا فى الصباح..وناكلهم فى العشية
*******
قتلناك يا حبنا وهوانا ...وكنت الصديق وكنت الصدوق، وكنت ابانا....
وحين غسلنا يدينا اكتشفنا ...بانا قتلنا منانا.....
وان دماؤك فوق الوسادة ..كانت دمانا....
نفضت غبار الدراويش عنا ..اعدت الينا صبانا ...
وسافرت بنا الى المستحيل ..وعلمتنا الزهو والعنفوانا...
ولكننا
حين طال المسير علينا ...وطالت اظافرناولحانا.....قتلنا الحصانا .........
فتبت يدانا .....فتبت يدانا .........
اتينا لك بعاهاتنا ..واحقادنا ..وانحرافاتنا ...
الى ان ذبحناك ذبحا ..بسيف اسانا
فليتك فى ارضنا ماظهرت ...وليتك كنت نبى سوانا ...
*****
ابا خاد ياقصيدة شعر .....تقال !
فيخضر منها المداد ..
الى اين ؟؟
يا فارس الحلم تمضى .
وما الشوط حين يموت الجواد ؟؟الى اين ؟؟؟
كل الاساطير ماتت ..بموتك ..وانتحرت شهرزاد !
وراء الجنازة... سارت قريش
فهذا هشام ...وهذا زياد ..
وهذا يريق الدموع عليك ...وخنجرة تحت ثوب الحداد
وهذا يجاهد فى نومه ..وفى الصحو ..
يبكى عليه الجهاد...
وهذا يحاول يعدك ملكا ..وبعدك ..
كل الملوك رماد ...
وفود الخوارج جاءت جميعا ..لتنظم فيك .. ملاحم عشق..
فمن كفروك .. ومن خونوك .. ومن صلبوك بباب دمشق ..
اناااااااااادى عليك ..ابااااااا خالد
واعرف انى انادى بواد
واعرف انك لن تستجيب
وان الخوارق ليست تعاد .......

وجزاك الله خيرا لكل من قرا هذا الموضوع

[ابو جميل عسيرى]

ايه العظمه دى بجد الموضوع ده ممتاذ جدا انا بشكرك جدا وارجو منكى ان تستمرى
فى كتابه الماضيع الجامده دى

[دقه قلب]

بعيدا عن السياسة
عبد الناصر رجل احب مصر واعتقد انه تصرف من منطلق هذا الحب حتى لو أخطاء
انا معكم احبه
والشعر الذى نقلتوه عنه جميل

[golnar]

هو انا ماليش دعوة باللى اتكتب لكن احب اقول حاجة ياريت للاخوة اللى فرحوا قوى ولسة عايشين فى وهم حاجة اسمها جمال عبد الناصر بناء على كلام قروه فى كتب الوزارة او جايز فى افلام الثورة يبتدوا يقروا كتب بجد . مثل كتاب أنيس منصور (عبد الناصر الفترى علينا و المفترى عليه) وللحياد لمن يهمه الامر من الخطأ مقارنة عصر بعصر فكل عصر له اوضاع مختلفة عن الاخر ودة طبعا مش معناه ان احنا عدلين قوى بالعكس بس على فكرة لما نيجى نقارن لازم يكون المقارن به افضل من المقارن زى مثلا زى ما بيقارنوا بين افلام زمان وافلام دلوقت اواخلاق دلوقت هو احنا كنا عدلين زمان علشان نقارن لا طبعا زى ما كان فى ايجابيات كان فيه سلبيات اه طبعا دلوقتى فى حاجات و اوضاع كتير غلط لكن برضة فية حاجات حلوة
ياريت نبطل نبكى على اللبن المسكوب .

[golnar]

عبد الناصر المفترى علينا والمفترى عليه.

[نيهال]

كل تقديرى لمشاعر الحب اللى قريتها للريس الراحل
ولكن انا اسفه فلا احترم هذا الانسان..........بالرغم من كل الامجاد اللى حصلت الا اننا فى نكبه من وقتها
وحسبى الله ونعم الوكيل
الانسان بيقيم ككل وجمال عبد الناصر سيئاته فاقت الحدود

[مووونى]

السلام عليكم ورحمه الله وبركاته


افتكر يا جماعه عيب قوى فى حقنا كمصريين وكعرب اننا نتكلم عن رئيس ومش انا اللى هاقول عمل ايه بالشكل ده

لا يا نيهال و جلنار

المفروض على الاقل لما نتكلم عنه يبقى بالاحترام اللى يستحقه ومش بالطريقه دى

الدنيا كلها عارفه ايه هى عيوب جمال عبد الناصر بس قبلها عارفه هو عمل ايه علشان البلد دى وعلشان العرب كلهم

كفايه قوى انه كان لما بيطالب بشئ مكنش بيتكلم بلسان مصر بس لا وكان بيدافع عن باقى الدول العربيه معانا

لان من لم يهتم لامر المسلمين فليس منهم

عبد الناصر كان لاَخر لحظه فى حياته بيدافع عن فلسطين والعرب فيها واللى من بعد موته اصبحت فى طى النسيان فى اجنده اعمال السادات

وافتكر برده ان الكل عارف ان عبد الناصر كان رافض تماما اى تعامل مع اليهود وانه كان بيعتبرهم العدو الاول لينا

مش راح عمل معاهم اتفاقيه وحاول يسترضيهم والمجال هنا مش متاح انى اقول عبد الناصر ايه

او انى اوفى ليه حقه بس حبيت اوضح اننا لما بنتكلم عنه مش بنبكى على اللبن المسكوب

لا احنا بنكرم شخص يستحق التكريم وبنحاول نرد ليه ولو جزء بسيط من حقه

وكمان اللى نعرفه عن عبدالناصر مش كلام عرفناه من كتب الوزاره

لا دا واقع شفناه ولسه بنشوفه وبنسمعه من جدودنا و واَبائنا اللى لسه موجودين

وافتكر انهم شافو حكم عبدالناصر وحكم اللى بعده يعنى يقدروا يعرفوا الفرق كويس

وللإنصاف انا عايزه اقول ان عبدالناصر اه مكنش ملاك

كان بشر واكيد كان ليه اخطاء وعيوب

وللأسف كان اولها انه كان بيثق فى اللى حوله بشده والمفروض انه كان يبقى فيه رقابه منه عليهم

ولأن ده محصلش فده اتسبب فى العديد من الامور اللى تمت بغير علمه وتم الصاقها بيه بعد وفاته

واسفه لو كنت طولت عليكم بس ياريت منسمحش لحد انه يسوء سيره قائد عظيم لمجرد

اسباب لو بحثنا فيها كويس هانلاقيها كلها مصالح شخصيه مش اكتر

[momo_00]

ااخوتى ابو جميل .....كم فرحت باطرائك على موضوعى , اشكرك على مرورك
دقة قلب......كلامك عنه بسيطا ولكنه جاء معبرا ......
اخوتى جلنار ونهال ......انا لا استطيع ان احجر على افكاركما ولكن احب ان تقراو انتو ايضا قليلا عن عبد الناصر ..انا احبه..نعم ...ولكن بعد قرآت وليس حبا اعتباطيا( او لمجرد انو عجبنى ) صدقونى حاولو تحبو هوة يستاهل انو يتحب
اختى مونى ....لقد قلت كل ما بداخلى وان كن تكلمت عنه فلن اقول اكثر مما قولتى
كلمة اخيرة ..اخوتى جلنار ونهال اختلاف الراى لا يفسد للود قضية ابدا دى وجهات نظركو فى الموضوع وانا احترمها تماما واشكرك جميعا على المرور الجميل دة

[alyabsd]

السلام عليكم
مع اني ما باحبش اتكلم عن ميتين لسبب واحد انهم بياخدو جزاءهم ان كان بالخير او بالشر عند المولى عز و جل, الا ان الموضوع استوقفني يمكن لان الراجل ده بالذات حاله عجيب مع البلد دي.
بس قبل ما ابدأ الي حاقوله والي مش حيعجب ناس كتير من عشاق الزمن البالي, عايز اسأل ليه افتكرتوه دلوقتي؟ يمكن عشان الي البلد فيه من خيبة تقيلة و فلس و انعدام امن الخ الخ.... يعني الوضع ما يختلفش كتير عن ايام ناصر و سنينه, شلة واكلة البلد و خرباها و اغلبية الشعب عايشة في ضنك و خوف و موت بطئ بل يمكن حجة ناصر و زبانيته كانت الحرب الي مش عايزينها تنتهي اهي كانت مقبولة عند البعض.لكن دلوقتي الوضع اتنيل و من غير سبب واضح.
المهم نرجع مرجوعنا لأخينا عبد الناصر و نبدأ من اهم نقطة محيراني ايه هي .......
كلنا عارفين ان الراجل ده كان رجل عسكري يعني مهنته ضابط ايوه ضابط بالقوات المسلحة حتقولولي يا عم خلص عايز ايه؟ اقولكم فيه حد يشرحلي حاجة مش قادر استوعبها الا وهي الضابط ده ما دخلش حرب الا و خسرها من و هو ضابط لحد ما بقى رئيس مصر ههههههههههه مش مصدقين و لا الحب عماكم؟ اقرو التاريخ و الله ما هتلاقو معركة واحد توحد ربنا الا و خسرناها؟؟؟؟؟؟
حتقولولي يعني هو كان حينزل يحارب بنفسه, الجيش بتاعنا هو السبب.لو قلتم كده تبقو ظالمين لأن ولاد مصر لما اتوجدت القيادة الصح بهدلو اسرائيل مع قلة الامكانات بالمقارنة مع العدو. يبقى العيب في مييييييييييييييييييييييييييين؟ وهنا لازم اقولكم على حقيقة يمكن الكتير منكم ما يعرفهاش و هيتصدم لما اقولها......... انتو اكيد سمعتم او قريتم عن حرب اليمن الي حشرنا فيها الاخ ناصر و احنا لا لينا في الطور و لا في الطحين عارفين خسائر مصر البشرية ( الرسمية) وصلت كام؟؟؟؟؟ استعدو للصدمة............ ستين الف من ابناء مصر الي ناصر كان بيحبهم قوييييييييييييييي لدرجة انه رماهم في جهنم بتاعتها بدون سبب سوى حب الزعامة الي كانت من اهم طباعه.
ايه مالكم مش مصدقين و لا الصدمة شديدة عليكم؟
طبعا انا مش هاتكلم عن خيبة 67 و الي حصلنا ساعتها و تمثيلية التنحي الخ الحدوته الماسخة الي انضحك بيها على الشعب الغلبان ده. لأن ده كلنا عارفينه كويس.
اقولكم انا تعبت و الحلقة القادمة ان شاء الله هاكملكم بقية انجازات هذا العبقري الفذ.
تصبحو على خير.