فقدنا الإحساس بالوقت لأن فى أشياء كتيرة اوى لازم نعملها كلها و اى نقص فيها هو اخلال بالنظام
وده اساسا لان فى مصر عموما مفيش حاجة اسمها تخصص حتى فى ابسط الاشياء
فالشاب مثلا عاوز يلعب كمبيوتر جيمز و يتفرج على مسلسل كذا و فيلم كذا و يذاكر عشان المدرسة او الجماعة او الامتحان و طبعا لازم يخرج عشان ميحصلش كبت..و الله انا حاسس ان الموضوع فى الاخر لا ارادى. فوق كل الكلام ده و الاهم هو عمل الواجبات الدينية و الصلاة. فاللى بيحصل ان الناس بتكسل و عامة مخ الانسان بيرهق من كترة الاعمال .
ولو نيجي لركن العمل و الاعمال. مفيش تخصص فى العمل بزراميط و منظومة خربانة .. كله بيحشر نفسه فى اللى ملوش فيه. يعنى لو العامل يظبط وقت نومه و وقت صحيانه و وقت شغله هيطلع اكبر انتاج ممكن ..و اساسا التطور بيحصل او النمو بيحصل فى حالة واحدة ان الدولة تنتج اكبر كمية ممكنة فى اقصر وقت ممكن و باقل تكاليف..
فاحنا مش مؤهلين اساسا. احنا بنغيب و نعتذر و نعيا كتير و انتاجنا يقل و كله بيجي على دماغنا
انا مش قادر احدد السبب فعلا هل لان الشعب فى حتة الكسل او التخاذل..؟ هلى هو سبب منشأ ؟ هل كثرة الرفاهية و توافرها للجميع ؟
ايا كان هو موضوع معقد ..لذلك الوقت هيفضل يضيع و بشكل كبير مع ان كان ممكن الوقت ده يستخدم صح او ينتج عنه حاجة..
النمط الخطي
