الحب..>كيميا

[eshoo4ever]

هو الحب حاجة زي الكيميا.. حاجة كدة بتحصل متعرفلهاش تفسير
الحب هو إنك تحب إنسان معين لذاته مش لأي حاجة تانية
هو إنك تشوف حبيبك أجمل واحد في الدنيا.. أحلى من كل البشر
الحب هو إنك تخاف عليه
الحب هو إن هو يخاف عليك أكتر ما بتخاف على نفسك
الحب هو إنه يوحشك و هو جنبك
هو إن حبيبك يبقى مالي عينيك
هو إنك تحافظ على كرامة اللي بتحبه وتحط صورته دايما أصاد عينيك

الحب هو إنك تبقى عايز تتغير و تكون أحسن عشانه هو.. لما تبقى ضحكة حبيبك و سعادته عندك أهم من أي حاجة تانية
الحب هو مكالمة تلفون تجيلك في عز مانت مشغول و متضايق و تنسيك تعب الدنيا
الحب هو حد بيقولك كل سنة وانت طيب ليلة عيد ميلادك
هو لما تحس انك قادر تواجه اي مشكلة مادام الشخص ده واقف جنبك
الحب لما تبقى عايز تشوف حبيبك احسن واحد في الدنيا



الحب لما حبيبك ياخد بايدك و يقربك من ربنا
الحب لما تحس بالامان وانك ماسك الدنيا كلها بايدك
الحب لما تدي للي بتحبه من غير ما يسال
الحب هو انك تغفر لحبيبك
هو انك تسامح
الحب لما تفهم حبيبك من نظرة عينيه.. الحب هو انك تقابل توأم روحك
الحب لما تحس بحبيبك من غير ما يتكلم حتى وهو بعيد عنك
الحب لما متعرفش مين بيحب التاني أكتر



الحب لما تحب واحد بيحبك ويستاهلك.. فاتقوا الله يرزقكم الحب الطاهر الصالح

[eshoo4ever]

ايه رايكم ياجماعه وين الردود

[sg8618]

انا اهة اول رد عشان تعرف بس
الموضوع اكثر من رائع يا ايشو كالعادة وبكل سعادة انت متميز
لكن لى تعقيب لو تسمحلى انت مجروح اوى كدة لية؟
ديما بحس ان فى كلامك حزن؟
حتى وانت بتتكلم على الحب حزين
مش عارفة انا صح ولا غلط وهل تعديت حدودى
ولكن انا قلت رأيى بصراحة