فكرة جديدة ومفيدة ياريت كلكم تشاركونى فيها

[rehab89]

انا يا جماعة عندى فكرة نفسى كلكم تشاركوا فيها ، انا لاحظت ان فى كتير فى المنتدى ثانويه عامة وكتير بيسالوا عن الكليات وكده عشان يعرفوا معلومات عن كل كليه فياريت كل اللى فى كليات ، كل واحد منا يكتب نبذة عن كليته عن مزاياها وعيوبها ومستقبلها وكيفيه الدراسة فيها عشان نفيد غيرنا ويقدروا يستفيدوا بتجربتنا ، وانا اول واحدة هابدا بتنفيذ الفكرة دى

[rehab89]

انا فى كليه الصيدله ، انا لسه سنة اولى طبعا معرفش حاجات كتير عن الكليه بس باختصار اقدر اقول انها لحد ما الدراسه فيها صعبه بس مش معناه معقدة لا بس عاوزة مزاكرة كتير ، وكمان هى كليه عمليه جدا وشغل العملى فيها كتير بس بالنسبه لمستقبلها هايل جدا وكويس وخاصة بالنسبه لفرص العمل ، معظم المواد اللى فيها او اللى درستها فى سنة اولى هى عن الكيميا يعنى لو بتحب الكيميا وكنت شاطر فيها هتلاقى كليه الصيدله مناسبه اوى ليك

[دقه قلب]

ولله فكرتك جميلة يا رحاب وان شاء الله تلاقى اقبال كبير بس احنا فى فترة امتحانات وكتير لسه بيمتحنوا
عموما
انا هشارك معاكى


انا خلصت دراستى السنة اللى فاتت
هندسة أسكندرية قسم الهندسة المدنية

كليه الهندسة مناسبة جداجدا لكل اللى بيحب الرياضيات والهندسة الفراغية والفيزياء وكمان فى قسم هندسة كيميائية يعنى كمان اللى بيحبوا الكيمياء ليهم مكان

اعدادى هندسة هى اول سنة فى الكليه وهى اسم على مسمى فيها بنتعلم بس اازاى نفكر بطريقة هندسية يعنى بتجهز كل طالب انه يتعلم ازاى يفكر وبياخد مواد مبدئية عن كل الاقسام عشان يعرف يختار القسم المناسب ليه
اما عن الاقسام بقى ف ده موضوع طويل
هقول بس ان هندسة اسكندرية بتتميز بوجود قسم الهندسة النووية وان فيها اساتذة بيعتبروا من الافضل فى العالم بس طبعا مفيش ابحاث الان مفيش معامل
القسم ترتيبة الاخير بين الاقسام لضعف الاقبال عليه
من الاقسام المميزة جدا ومواده بتتشابه احيانا مع قسم ميكانيكاومع كهرباء شعبة قوى

كفاية كده بقى يكمل الكلام من هندسة حد غيرى هنا فى مهندسين كتييييييييييييييييييييييييييييييير
موضوعك جميل
نورتينا