مافيش حاجة اسمها egypt ... فوقوا

[hend]

بصراحة أنا متغاظه من سنيـــــــــــــــــ ـن طويلة
مافيش حاجة أسمها Egypt
كل دولة في العالم بتتنطق اسمها باللغة الهباب الإنجليزية زي ما بتتنطق بلغة اهلها
ليه احنا اللي لينا اسمين ؟؟؟؟؟؟؟؟؟؟؟؟؟؟؟؟؟ مين EGYPT ؟
اسمها مصر
يا ناس يا هو اسمها مصر
في سنة 1986 كان في بطولة الأمم الأفريقية بتقام في مصر أكيد كتير يفتكرها
خرجت الصحافة المصرية تتكلم عن فريق ساحل العاج ... وكتبت في الصحف فريق ساحل العاج
قامت الدنيا وماقعدتش علشان الصحافة المصرية قالت ساحل العاج وماقالتش كوت دي فوار
يالهوي علينا
اسمنا مصر والله العظيم
حتى ربنا سماها كده ... الرسول سماها كده .... مش عاوزه اسمع كلمة Egypt دي
عايزين نجمع مليون توقيع للإعتراض على كلمة Egypt ولازم تتنطق مصر Massr

[mamdou7]

خلاص يا هند صحتك بالدنيا متزعليش نفسك اوي كده

اوكي يا ستي اسمها Egypt قصدي مصر

مصر مصر مصر مصر

بس هو صحيح كلمة ايجيبت دي جت منين يعني؟

[hend]

اقولك يا سيدى بقى كلمة ايجبت دى معناها بالانجليزيه امة الاقباط وده لانها كلها كانت قبطيه بعد زمن المسيح ولما دخل الاسلام واسلم اكثر من ثلاثة ارباع المصريين ظل الاسم ايجبت يعنى لسه اقباط
ثانيا الاسم ده بعيد عن الهويه سواء الاسلاميه او العربيه

[bmoiszyo]

خلاص ياهند مش تزعلي نفسك واحنا كلنا بنقول بالعربي انا مصريه مش بنقول انا ايجبتيه

[مصرايييم]

ليه يا هند كده بس .... دلوقتي بابا مصرايييم يزعل منك و يقطع النيل

خدي عندك حصة التاريخ ديه علشان تعرفي اسم ايجبت جه منين

يختلف إسم بلدنا من لغة إلى لغة فالأسماء لها نفس النطق فى جميع اللغات

كانت مصر تسمى "كمت" فى العصر الفرعونى، وساكن مصر يسمى كمتى

وعند هجرات العرب إليها، وحيث أن اللغة متأثرة بالبيئة، فإن الحرف كاف يعتبر حرف خفيف، فقد إستبدل بحرف القاف من قبل المهاجرين العرب، حيث أن الحياه فى صحرائهم تجعل لغتهم أكثر قوة وأكثر صرامه، وأصبح ساكن مصر يسمى "قمتى"

وبالطبع فنحن نعرف أن حرف الباء وحرف الميم كانتا من الحروف المترادفة فى اللغة العربية "إن أول ببيت وضح للناس للذى ببكة" لذا استبدل حرف الميم بحرف الباء وأصبح إسم مصر "قبت أو قبط" وأصبح ساكن مصر يسمى قبطى

ومرة أخرى فإن حرف القاف يعتبر من الحروف القوية فى لغة الإغريق والرومان الذين إعتادوا أن

يكونوا فى مصر فتحرفت الكلمة إلى جبت

ونظرا لأن الأسماء تنتهى عندهم بمقطع أوس مثل بطليموس وخلافه، فأصحبت كلمة مصر جبتيوس

، إلا أن لفظها كان صعبا لذا إضيف حرف الألف فى أول الكلمة لتسهيل النطق كما نفعل نحن مع بعض الكلمات مثل إسبيسيال وإستميشن، لذا أصبح إسم مصر إيجبتيوس


نقل الإسم إلى باقى أوروبا مع حزف مقطع أوس الأخير ليصبح إسم مصر إيجبت


مع تحياتي بابا مصرايييم ابو المصريين اللي ما حدش بيحبه في المنتدى علشان صادق و مش منافق

[alyabsd]

حبيبي انت يا مصراييم الله على درس التاريخ الجميل ده بس كان لازم تكمل المعلومة و هي من اين جاء اسم مصر؟
انا نقلت الاجابة من أحد المواقع عشان تبقى الفايدة كاملة.

لكن أين اسم مصر، أو من أين أتت كلمة مصر؟

كلمة مصر هى علم للدلالة على القطر أو الدولة،

وعندما يكون هناك علم على علم لا يحتاج تعريف بإسمه

، مثلما يقول الشخص الريفى أنا ذاهب إلى البد، بدون ذكر إسمها فيدل ذلك على بلده التى تعتبر علم بالنسبه له،كذلك كنا نعتاد أن نقول إن الست تغنى ونعنى أنها ام كلثوم بدون ذكر إسمها، ونظرا لإرتفاع شأن مصر على مستوى العالم، وإعتبارها علم على علم فلا حاجه لذكر إسمها، فيكفى أن نقول البلد أو نقول مصر فهى علم على علم لا تحتاج لذكر إسمها، ومن هنا أصبح مجرد قول مصر يعنى مصر، أقصد يعنى إيجبت أو كمت.
ملاحظة هامة = ليه يا مصراييم بتقول ما حدش بيحبك انت كده تزعلني لان ربنا يعلم ان انا حبيتك بجد لاني لقيت اخيرا حد يفهمني و ما بيتأثرش بالطبل و الزمر الي بنسمعه من ساعة ما اتولدنا.
تحياتي للجميع

[ابوعمر]

مصرهي أمي

[مصرايييم]

المشاركة الأصلية بواسطة alyabsd

حبيبي انت يا مصراييم الله على درس التاريخ الجميل ده بس كان لازم تكمل المعلومة و هي من اين جاء اسم مصر؟
انا نقلت الاجابة من أحد المواقع عشان تبقى الفايدة كاملة.

لكن أين اسم مصر، أو من أين أتت كلمة مصر؟

كلمة مصر هى علم للدلالة على القطر أو الدولة،

وعندما يكون هناك علم على علم لا يحتاج تعريف بإسمه

، مثلما يقول الشخص الريفى أنا ذاهب إلى البد، بدون ذكر إسمها فيدل ذلك على بلده التى تعتبر علم بالنسبه له،كذلك كنا نعتاد أن نقول إن الست تغنى ونعنى أنها ام كلثوم بدون ذكر إسمها، ونظرا لإرتفاع شأن مصر على مستوى العالم، وإعتبارها علم على علم فلا حاجه لذكر إسمها، فيكفى أن نقول البلد أو نقول مصر فهى علم على علم لا تحتاج لذكر إسمها، ومن هنا أصبح مجرد قول مصر يعنى مصر، أقصد يعنى إيجبت أو كمت.
ملاحظة هامة = ليه يا مصراييم بتقول ما حدش بيحبك انت كده تزعلني لان ربنا يعلم ان انا حبيتك بجد لاني لقيت اخيرا حد يفهمني و ما بيتأثرش بالطبل و الزمر الي بنسمعه من ساعة ما اتولدنا.
تحياتي للجميع

حبيب قلبي
الف شكر على انك كملت حصة التاريخ بدل مني دلوقتي ابله عطيات تغير مننا و تسيب المدرسة و تخلع

لا عادي ما تخدش في بالك انا كاتب ( محدش بيجبني ) كلمتين كدا علشان التعاطف الجماهيري ضروري في ثورتنا القادمة

[wayfarer]

في البداية يا جماعة انا بعتذر

copt تعني قبطي..

ولكن كلمة egypt معناها تاني خالص.. بعيد جدا عن كلمة اقباط
ولكن الاقباط مسكوا في كلمة gypt بدون e حتى يقولوا بان ليس لنا حقا فيها
انا لست ضد الاقباط فنحن شعب واحد .. وقد تربينا معا .. واكلنا وشربنا..
لكن الكلمة في الانجليزية المرادفة هي gyp ، gyps ومعناها وحش جدا..
والله انا معاك في اننا لازم نغير الكلمة دي.. الترجمة عليكوا..

[sg8618]

انا معاكى يا بنتى لازم نقول مصر مصر مصر مصر
وطبعا مش معاك يا مصرايييم ان محدش بيحبك بالعكس انت صادق وبتعبر عن رأيك
والاختلاف فى الرأى لايفسد للود قضية ولا ايييييييييييييييية؟