نكت سياسيه

[hend]

مره اللاعب المصرى عبد الحليم على بعد ماتش مصر فىنهائيات كاس افريقيا بيميل على الريس حسنى مبارك وبيقوله معلش يا ريس على ضربه الجزاء اللى ضاعت قاله مش مشكله يابنى منا مضيع البلد كلها ومحدش قال حاجه


مرة الريس عايز يزود شعبيته فقال لرئيس الوزراء يعلي
الأسعار فالناس تتضايق يقوم هو ينزلها، فعلا رئيس الوزراء زود
الأسعار، بس الناس ما اتكلمتش، عادي خالص،
الريس استغرب قوي، وقاله: طب خلي الضرايب على المرتبات خمسين للمية.
زود رئيس الوزراء الضرايب خمسين فى المية، الناس هزت دماغها وسكتت.
الريس اتجنن وقال لرئيس الوزرا بص، طلع أي قرار غشيم من عندك يخلي
البلد تولع، رئيس الوزرا عمل ضريبة اللي يعدي كوبري يدفع عشرة جنيه،
الناس نفخت و ضربت كف بكف ودفعوا،
فقام رئيس الوزرا خلى اللي يعدي يدفع عشرة جنيه وهو طالع، وعشرة
جنيه وهو نازل من الناحية التانية، الناس قالت اللهم طولك يا روح و
أمرنا لله و دفعوا.
رئيس الوزرا كبرت فى دماغه، وأمر إن اللي يعدي بعد ما يدفع عشرة جنيه،
و هو خارج من الكوبري ياخد على قفاه، و نزل الريس بنفسه متنكر يتابع
الموقف، الناس تدفع وهية طالعة الكوبري عشرة جنيه، و عشرة جنيه
و هية
نازلة و تاخد على قفاها وتمشي،
شوية و لقى واحد بيزعق و متضايق، وطى على ودنه قال له "مالك؟" قال له
"حاجة تقرف! أنا متعطل هنا بقالي خمس ساعات..ما ينفعش كدة ..لازم
يزودوا الناس اللي بتدينا على قفانا


تلاته خرجوا فرحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم قام رجع بلدة..
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)

الأمريكي شغل الراديو سمع: (سيدافع الجيش الأمريكي عن البلاد لآخر جندي!)

المصري شغل الراديو سمع: (إخترناه..وبايعناه.. .وعشان كده احنا اخترنااااااااااااااا ااااه!)


-واحد لقي مصباح علاء الدين ودعكه..
فطلع الجني وقاله انت تطلب ايه..
قاله: تطلع امريكا من العراق...
الجني: بس انا مليش دعوه بالسياسه..
قال:طيب انا خريج 1999 وعايز شغل
الجني:تحب اطلع امريكا من العراق امتي.


مرة دكتور امراض عقليه بيكشف على مخ مريض فطلع المخ وحاطه فى الصنيه اعبال مايكشف على الجمجمه راحت القطه اكلت المخ فالدكتور محتار يحط بدل المخ ايه راح جايب جوز جزمه وحطها فى الجمجمه وقفل على كده بعد سنتين واحد بيسئله بيقوله ايه اخبار المريض بتاع الجزمه قالو اسكت عقبالك دا بئه الرئيس بتعنا


>>>>>>>>>><<<<<<<<<<<<



مرة ضابط مصري وضابط اسرائيلي دار بينهم هذا الحوار
الاسرائيلي: الا قوللي يا انتم بتاكلوا ايه ع الفطار؟؟
المصري: فول بالزيت.
الاسرائيلي: طب بتاكلوا ايه ع الغدا؟؟؟
المصري: فول بالطماطم.
الاسرائيلي: أمال بتاكلوا ايه بقى ع العشا؟؟
المصري: فول بالبيض.
الاسرائيلي (بتريقة): أمال ايه الفرق بينكم وبين والبهايم؟؟
المصري: سيناء


>>>>>>>><<<<<<<<<<

بوش تعجب من العراقيين كيف تنتقل الأخبار عندهم بأسرع من البرق

فسأل أحد جنوده فقال له إن العراقيين عندهم شفره إسمها " شكو ماكو " عن طريقها يقدرون يتناقلون الأخبار بسرعة عجيبة

فقرر بوش أن يزور العراق ويتنكر ولبس جلابية وعقال وعباية وراح وقف عند محطة توزيع الغاز وسأل احد العراقيين وقال له

شكو ماكو ؟

رد العراقي وقال

والله ما دري بس يقولون بوش في العراق



>>>>>>>>>><<<<<<<<<<<


مبارك جمع شيخ الازهر والبابا شنوده وقالهم انا جمعتكم النهارده علشان اقولكم ان ابنى جمال هيبقى رئيس مصر سنه 2010 قام البابا شنوده وقال اللهم صلى ع النبى شيخ الازهر قاله انت كده اسلمت ياشنوده ؟ شنوده قاله ماهى حاجه تخلى الواحد يطلع عن دينه


>>>>>>>>><<<<<<<<<<


عسكرى مصرى بيسأل عسكرى اسرائيلى بتقبض كام قالوا الف دولار بدل سكن والف دولار بدل موصلات والف دولار بدل ترفية والف دولار مكافة
فالعسكرى الاسرائيلى ساءل العسكرى المصرى بتقبض كام قالوا سبعين جنية
قالوابدل اية ؟
قالوا بدل ما شحت



>>>>>>>>>><<<<<<<<<,

جندي عربي عاد من جبهة القتال وهو يرفع اصبعين عاليا /علامة النصر / فسـألوه ـ انتصرنا .. فقال ـ لا بقينا أثنين .




>>>>>>>>>>><<<<<<<<<<




نكتــة في ســرّك


نكتة رقم واحد




واحد اتحشر في زحمة المرور فلقى واحد بيخبطّله على شباك السيارة


فتح الشباك و سأله: عايز ايه ؟


قاله : الرئيس حسني مبارك خطفوه و الفدية 5 مليون دولار و لو الفدية مااتدفعتش .. الخاطفين هددوا يدلقوا عليه بنزين و يولعوا فيه..واحنا بنجمع تبرعات .. تحب تشارك ؟


الرجل سأل: و في المتوسط الناس بتتبرع بكام ؟


الرجل الثاني : من 5 الى 10 لتر بنزين

[صاحبة السمو]

هههههههههههههههههههههههههههههههههههههههههههههههههه ههههههههه


تحفه تحغه .......................

سلمت ياداكي

[dondon]

هههههههههههههههه
هههههههههه
ههههههه
ههههه
حلوة كتير

[ساندي]

هههههههههههههههههههههههههههههههههههههههههههههههههه ههههههههههههههههههههه
جمال اووووووووووووووووووووووووووووي

[hend]

العفو يا جماعه
جميل انهم عجبوكم
ولو عاوزين انزل تانى

[rehab89]

حلوييييييييييييييييييييييييييييييييييين اوى اوى اوى ، بجد روعة ياريت تكتبى تانى

[Mr.N-2]

ههههههههههههههههـ<فلهــ>هههههههههههههههههه
واحدة من عندي

مرة كان حسني مبارك راكب مع أسرتو (زوزان وجمال) طيارة
فقالهم انا هرمي عشرين جنيه على الأرض وإللي هياخدها هخلي أسعد إنسان في الدنيا
سوزان قالتلو متخليهم خمسين جنيه عشرات وإسعد 5
جمال قالو يا بابا متخليهم مية جنيه عشرات وإسعد 10
راح الطيار لافف وقالو:

ماترمي نفسك وإسعد 70 مليون

[mamdou7]

نكت جامدة مووت يا هند
انا عارف انتي مش هتسكتي غير لما تحبسي المنتدي ده

[hend]

وماله لما احبس المنتدى
السجن للجدعان
ههههههههههه
وبما انى مش جدعه وندله جدا خاصة فى المواقف دى يبقى هتتسجنوا لوحدكم
انا معرفكومشى
ههههههههههههههه
مش بقول ندله

[ahmed643]

نكت جميله جدا


فى بقى نكته بتقول

الريس مريض وبيموت وجمبه نظيف كان فلى غيبوبه وفاق قال يانظيف قالو أأمر يا ريس قالو

الحكم يا نظيف فرد نظيف قالو مش تقلق ياريس كله لجمال انشاء الله . وراح فى الغيبوبه

فاق بعد شويه قال يانظيف قالو اامر ياريس قالو الشعب يا نظيف قالو مش تقلق ياريس الشعب

بياكل الزلط . ورح فى الغيوبه تانى


فاق منها قال يانظيف قالو اامر ياريس قالو اوعى تنسى توكيل الزلط لعلاء


وكل سنه وانتم عايشششششششششششششششششششششييييين


الى هيموت م الجوع مش هيشوف هيثم جمال

[رقة انثى]

ههههههههههه
ميرسي يا هند النكت تفطس من الضحك

[هوبة]

نكتة رقم واحد




واحد اتحشر في زحمة المرور فلقى واحد بيخبطّله على شباك السيارة


فتح الشباك و سأله: عايز ايه ؟


قاله : الرئيس حسني مبارك خطفوه و الفدية 5 مليون دولار و لو الفدية مااتدفعتش .. الخاطفين هددوا يدلقوا عليه بنزين و يولعوا فيه..واحنا بنجمع تبرعات .. تحب تشارك ؟


الرجل سأل: و في المتوسط الناس بتتبرع بكام ؟


الرجل الثاني : من 5 الى 10 لتر بنزين [/size][/b][/quote]

هههههههههههه بجد تحفة النكتة دى انا هتبرع100 لتر

[hend]

كلنا هنبرع
الف شكر لكم احبتى
وجميل ان النكت عجبتكم

[ahmed643]

انا هتبرع بطرمبه بنزيييييييييييييييييييييييييييييييين

[hend]

وانا هتبرع ببنزينه بحالها