زي النهاردة اشتركت :)

[الورد الجوري]

السلام عليكم و رحمة الله و بركاته
ازيكم يا ولاد مصر كلكم
زي النهاردة من سنة انا دخلت هنا
عايزة اقولكم اني سعيدة جدا بوجودي معاكم
و النهارده بقى كتبتلكم قصتي مع منتدانا ابن مصر
اتمنى انها تعجبكم

حاسه برعب جواكم
زي ميكون كل واحد بيفكر
هي هتحكلنا كل الحكاية و لا ايه ؟
دي تبقى مصيبه بقى .. دي سنة كااااااملة
متخافوش يا جماعه
اختصرتها
بس بيني و بينكم .... مش قوي يعني بردو لسه طويلة

لما دعاني داعي في احدى المرات
قالي ههديلك لينك من احلى اللينكات
و هتشوفي مكان مليان بتقسيمات
حطوا في قسم اخبارهم والتعليمات
و قسم تاني خصصوه للاسلاميات
و وشموا في قلوبنا مهد الديانات
ونقلوا اخبار دولتنا و كل القرارات
فتحوا المجال و اوسع الساحات
لأيدي صغيرة بتكتب خاطرة و شوية ابيات
اهتموا بمستقبل فتيات عشان يكونوا افضل الجميلات
رفهوا عن عقول مجهدة بمجموعة من اللعبات
حللو مشاكل الكمبيوتر و اهتموا باجهزة التلفونات
وسمعو بصدر رحب مشاكلنا و مجموعة الاقتراحات

لما دعاني داعي في احدى المرات
قالي ههديلك لينك من احلى اللينكات
و هتشوفي مكان مليان بتقسيمات
قلتله بتحكي حكاية من الخيالات
لتكون حاسبني طفلة من الطفلات
ازاي اصدق ان كل الشخصيات
تكتب في كل قسم بدون مشكلات
طب مين يصحح الغلطات
و مين يجمّع و جهات النظر عند الاختلافات
قالي عاملين حساب لكل الحجات
نصّبوا مجموعة من خيرة الشخصيات
وظيفتها تلطف الجو و تهدي كل النفسيات
و تحط نقطة التوقف لنقاش يؤدي الى نزاعات
و تشارك معانا بتواضع و حكمة في كل المناسبات
قلت اجرب و ايه يعني منا فاتحة النت بالساعات

لما دعاني داعي في احدى المرات
قالي ههديلك لينك من احلى اللينكات
و هتشوفي مكان مليان بتقسيمات
دخلت انا طابقت كل الصفات
وعرفت انه مقاليش كل المميزات
وخبى عني حجات و حجات
قال ايه على سبيل المفاجآت
فشفت صورة مصغرة لكل المجتمعات
و تعاملت مع ناس بمختلف الفئات
شفت قلوب بيضة و نقية بتكون بلسم للجراحات
وشفت افكار خيرة و ندية بترتقي بينا لافضل المستويات
ابتسمنا ابتسامة جليّة لقراءة نكتة من النكتات
و تحلينا بالروح الرياضية بعد نقل نتائج المباريات
و ناقشنا فكره قوية كانت شاغلة كل الساحات
و لعبنا لعبة شقية رجعت لينا الطفولة و الذكريات
ودعينا دعوة نقية و كأننا امهات و ابهات
لكل فرد فينا واقع في ازمة من الازمات
وذرفنا دموع سخية لفقداننا احدى العضوات
وهنأنا بعضنا تهنئة وردية في كل المناسبات

لما دعاني داعي في احدى المرات
قالي اهديتك زمان لينك من احلى اللينكات
ياترى طلعتي بايه بعد كل المشاهدات
قلت وصلت لشيء عظيم بعد مجموعه من الجولات
شيء عرفته في سنة مرت عليا كأنها مجموعة من الساعات
عشت عيشة بروح اسرية برغم ان الافراد وراء الشاشات
وعرفت ان ليا مجموعة كبيره من الاخوة و الاخوات
ولو في يوم خانتني ظروفي و لجأت للدمعات
متأكدة ان في ايادي عفية تشيل معايا اعظم المشكلات
و تقولي ياورد اللي حصل حصل و كلنا بنتعرض لابتلاءات

منقـــــــ من ذاكرتي ـــــــول

لكم جميعا خالص تحياتي

[Mr.N-2]

كلاااااااام جميل أوي

وكل سنة وإنتـِ طيبة
وأنا إشتركت زي الساعة دي إمبارح

[duha]

اهلا يا ورده الوردات
خايفه اقول كلام تقولي مجاملات
لكن انتي عارفه ان انتي بالذات
ليكي مكانه اعز اخت من الاخوات
اقولك ايه يا وردة الوردات
اسمك فيه سحر وعبق من الجنات
وصورتك بدر بينور في الظلمات
كلمتك حلوة وخفيفه توصل اجمل الاحساسات
هاديه وراكزة ومن اجمل الشخصيات
عطوفه وكريمه وكلك حسنات
ادب وذوق واخلاق واحلى الصفات
فيكي يا وردة ولسه ياما حاجات
وجودك هنا مكسب ومعرفتك كانت من اجمل المناسبات
ربنا يوفقك ويوصلك لاسمى الغايات
ويملا قلبك بالافراح والمسرات
ودمتى لنا وردا عطرا
يا اجمل الوردات

مودتي

[أحمدكمال]

سنة واحدة بس ..
دول عدوا وكأنهم ميت سنة

جميل اننا نقرأ اللي فات...ونتعلم من الذكريات على امل اننا نبقى احسن مما فات.آت..آت ..آت

نورتي المنتدى يا ورد...
وانتم بجد كلكم على بعض جيل جميل قوي...
بس حاسس ان لسه مطلعش كل اللي عنده...
انا مستنى ورد وجيلها كله..وبراهن عليهم علشان الفترة الجاية صعبة..
واذا بثبتناش فيها كويس ممكن روح ابن مصر تضيع...
السنة الجاية تكوني احسن وافضل باذن الله...

وتبطل تتعبنا معاك يا شعب

[نيهال]

ياااااااااااااااااه
سنه واحده بس
دى حصلت فيها حاجات كتيره يا بطوط
فاكره؟
كنت لسه حتعرف عليكى
ب جد سنه جميله بحلوها ومشاكساتها
لكن
ولو
برضه


كل سنه سعيده وانتى معانا بكل الخير يا اغلى الاصدقاء
وتبدعى اكتر واكتر


لانك حقا تعطرى المنتدى بوجودك يا حبيبتى
وبحس وقتها ان الدنيا لسه فيها حاجات جميله وحلوه


كل لحظه وكل دقه وانتى طيبه يا............



بطوط

[snow white]

يااااااااااه
معقوله ياورد سنه بس
انا حاسه انى أعرفك من زمااااااااان


بس كده انا اكبر منك ..يجى بــ 15 يوم كده

كل سنه وانتى طيبه ياحبيبتى
ويارب دايما فى مزيد من التألق

ويارب دايما معانا ومحبوبه ياعمرى


وعجبنى جداااااااا
ما نقلتيه من ذاكرتك

كل ده من ورايا ياهانم



ربنا يوفقك ياحبيبتى يارب

[الورد الجوري]

المشاركة الأصلية بواسطة Mr.N-2

كلاااااااام جميل أوي

وكل سنة وإنتـِ طيبة
وأنا إشتركت زي الساعة دي إمبارح

ميرسي ليك
و انت بالصحة و السلامه
و انت كمان كل يوم و انت طيب
ميرسي لتواجدك

[Honey1900]

بنت يا ورد

منتي جامدة اهو

مبروك يا قمر ( من حقي بقي اعاكس براحتي ) هههههههههههههه

بقالك سنه علي قلبنا


الف الف مبروك يا وردتنا كلنا

[اهلاوي عاشق]

يا سلام يا ورد ايه الكلام ده كله احنا هنا مش مصدقيين ان معانا عضوة زيك سنة سعيدة يا ستي وعقبال ما تكملي 100 سنة كمان في المنتدى

[الورد الجوري]

المشاركة الأصلية بواسطة duha

اهلا يا ورده الوردات
خايفه اقول كلام تقولي مجاملات
لكن انتي عارفه ان انتي بالذات
ليكي مكانه اعز اخت من الاخوات
اقولك ايه يا وردة الوردات
اسمك فيه سحر وعبق من الجنات
وصورتك بدر بينور في الظلمات
كلمتك حلوة وخفيفه توصل اجمل الاحساسات
هاديه وراكزة ومن اجمل الشخصيات
عطوفه وكريمه وكلك حسنات
ادب وذوق واخلاق واحلى الصفات
فيكي يا وردة ولسه ياما حاجات
وجودك هنا مكسب ومعرفتك كانت من اجمل المناسبات
ربنا يوفقك ويوصلك لاسمى الغايات
ويملا قلبك بالافراح والمسرات
ودمتى لنا وردا عطرا
يا اجمل الوردات

مودتي

ضحى حبيبتي
ربنا يخليكي يارب
تواجدك بينا مفرحني بجد
شكرا ليكي على ردك الرقيق اللي زيك

[Half-Magic]

بس سنه واحده !!!
كل ده .. و سنه واحده ...

هههههههههه....

لا بجد كل سنه و انت طيبه و منوره ابن مصر دايما يا ورد...

على فكره عجبتنى جدا قصتك مع المنتدى .....
لما دعاني داعي في احدى المرات...

[الورد الجوري]

المشاركة الأصلية بواسطة أحمدكمال

سنة واحدة بس ..

ايوة و الله ياريس و كل شيء مثبت في السجلات

دول عدوا وكأنهم ميت سنة

طبعا من كتر مالايام كانت حلوة و لذيذه

جميل اننا نقرأ اللي فات...ونتعلم من الذكريات على امل اننا نبقى احسن مما فات.آت..آت ..آت

ميرسي ياريس

نورتي المنتدى يا ورد...

ربنا يخليك لينا ياريس.. يا مدلعنا : سياسة دلع العضو "

وانتم بجد كلكم على بعض جيل جميل قوي...
بس حاسس ان لسه مطلعش كل اللي عنده...

طبعا طبعا لسه ماخفي كان اعظم احساس سليم
انا مثلا معايا لسه مصاصات و طبعا مش هدي لحد حاجه

انا مستنى ورد وجيلها كله..وبراهن عليهم علشان الفترة الجاية صعبة..
واذا بثبتناش فيها كويس ممكن روح ابن مصر تضيع...

هي الحكايه فيها تضيع كمان
لا يارس احنا كلنا مستعدين ولابسين لبس الحرب و جاهزين
متخافش اعتمدت على ناس قدها
طول منا موجودة متقلقش

السنة الجاية تكوني احسن وافضل باذن الله...

اتمنى باذن الله

وتبطل تتعبنا معاك يا شعب

اهو ده اللي قالت عليه ام كلثوم مقولتها الشهيره
" اهو ده اللي مش ممكن ابدا ابدا "

ميرسي يا ريس على ردك الجميل
و مرورك اسعدني بجد

[دقه قلب]

سنةواحدة بس ي ورد
بس لها تاثير كبير جدااااااااا
بجد انتى من افضل من عرفت فى ابن مصر ووجودك بينشر روح جميلة
وحقيقى موضوعاتك مميزة
نورتى وربنا يخليكى وتنورى ابن مصر كمان وكمان