للأسف لا يشرفني الإنتساب إليكم ... أعتذر وسأغادر اليوم قبل غدٍ

[mamdou7]

السلام عليكم ورحمة الله وبركاته «
للأسف لا يشرفني الإنتساب إليكم ... أعتذر وسأغادر اليوم قبل غدٍ
في البداية أعتذر أخواتي على الموضوع وفي الحقيقة ما كنت لأكتبه ولكن الموضوع زاد عن حده وفاق نطاقي ولا أطيق احتماله ...
فلم أجد نفسي إلا أن أمسك كيبوردي وأضغط الحروف وأخط لكم هذه الكلمات ...
وحاولت مرارا أن أحل الموضوع ولكن يبدو لي أن حبال الموضوع متعقده ولن تحل بجهودي أو جهود بعض ممن أعرفهم ..
فلهذا أعلن أنـــــــــــــــــــي وللأسف الشديد ســــــــــــــــوف أترككم إلى غير رجعة .. وكم يؤسفني هذا ولكن لم يبقَ بيدي حل آخر ...
قمة الهرااء والتفاهة والانحطاط الأخلاقي وهذا دليل على سوء التربية ... فأنا أعلنها أمامكم أنه لا يحق لكم أن تفخروا بأنفسكم .. فأنتم كالأنعام بل أضل .. فعلا إن عقولكم أتفهُ من أن تسمى عقول ..
إن الإنسان منكم لم يعد يعرف ما هدفه من الحياة .. فكل ما يفعله هو أكله وشربه واصطياد الفتيات السذج للأسف .. ونرى قادتكم والمشرفين عليكم هم أولكم في الطريق ...
فكل ما أقوله هو إن كان صاحب الدار بالدف ضاربا فشيمة أهل البيت الرقص ..
يا للأسف ... أنتم ناااس ليس لكم مباديء ولا حتى أهدااف تسمون لها
وتحصلونها في المستقبل .. أنتم تتخبطون في هذه الحياة ولا ترسمون لأنفسكم مستقبلا زاهرا ... فهل إذا جااء وقت الصلاة يخرج احدكم من هذا المكان إلى المسجد و يصلي صلاة الفرض ...
يا للأسف ... هذه هي حالكم هذه الأيام ... وإني لاقول أنها بداية النهاية ... فقد دنت ساعة الصفر ... وقرب موعد الرحيل من هذه الدنيا الفانية إلى دار لا تفنى ..
وبما أن هذا الهرااء والمجون والطيش في هذا المكان فلا مكان لي عندكم ... ولا حتى بينكم .. فأنتم وصمة عاااااار في المجتمع وإساءة صريحة نعم سوف أترك هذا المكان ومعي عدد من الأصدقااء الذين يوافقونني المبدأ أو التفكير والهدف ... سوف نترك مكانكم وفي الحااال ...
إلى غير لقــــــــــــــاء
*
**
*
**
*
**
*
**
*
**
*
**
*
**
*
**
***
*
*
*
*
*
*


ملاحظة هامه جدا :
هذه العبارة قالها أحد الأمريكيين بعد اعتناقه للإسلام بحمد لله ... وكان يوجهها لمجموعة من الكفار الذين كان يسمر معهم على المجون والطيش ..
يعني هدوا اعصابكم، لستم المقصودين بالكلام السابق بس حبيت امزح معكم

منقــــــــــــــــــول

[Mr.N-2]

هههههههههههههههههههههههههه
والله إتخضيت أعدت أراجع نفسي وردود الشباب والمواضيع إللي هنا كلها

بجد إتخضيت وشكراً لك على المزحة التقيلة دي

بس في الأخر ريحتني بجد

وشكراً لكـِ

وحلوة منك كلمة منقووووووووووول بالخط الكبير وباللون الأحمر بس ياريت تروح تشوف ردي على كلامك في موضوع طلاب المدرسة الأمريكية

[mamdou7]

شكرا مستر ان علي مرورك الطيب
علي فكرة انا قريت ردك علي رسالة شباب في الجامعة الامريكية انت قلت انك نقله من اميلك وده بيعتبر برضه منقول وانا بقول ده بس للامانة مش اكتر لان تخيل نفسك انك شكرتني علي موضوع انا كتبته وعجبك قلمي قوي واسلوبي في الموضوع وبعدين اكتشفت ان الموضوع ده موجود في اماكن تانية كتير اكيد مش هتصدقني بعد كده لو قريت لي حاجة انا اللي كاتبها فعلا
عامة يا سيدي متزعلش ونورت الموضوع

[كـ ـشـ ! ملـ ـك]

ههههههههههههههههه ..

انا والله انصدمت ..


بس شربت المقلب ,,


والله اللي كان مزعلني انك هتسيبنا .. وكنت هقوللك ان صوابعك مش زي بعضها ,,


وخخلاص انت اتحطيت ف شجره المنتدى ,,



وكنت بقى هقنعك انك تقعد معانا وكده ,,



ههههههههههههه ..


بس يسلمووووووووووووووو ع المقلب والله قلبي وقع ,,,



بس مردودالك يا باشا ..






ويلا بقى سلامووووووووووز وحته ,,,

[mamdou7]

كش ملك ............. لا كش انت الاول

سلمووووووووووووووووووز وحتة علي سلامووووووزك وحتتك

طبعا مش هقولك شكرا علي مرورك والكلام ده

لا هقولك الف هنا وشفا علي المقلب

والي مزيد من المقالب ان شاء الله

[اميرة الاحلام]

حرام عليك وقعت قلبى


انا قلت فى مصايب فى المنتدى

حرام عليك هى نقصة خضة

[قرنفلة]

أخي العزيز ممدوح...والله بجد عنوان الموضوع شدني أهنيك على ذلك...
وقلت في نفسي ياترى إيه الأسباب الجامدة اللي خلته يقول كده ؟؟؟
وبعدين قرأت وانا في قمة الإستغراب ومش مصدقة إن ممدوح الإنسان الطيب
المهذب الخلوق يقول ذلك ولماذا...وما هذا الشئ الكبير الذي دفعه لذلك
إلى أن اكملت قراءة الموضوع ووجدتك تشير إلى إسلام ذلك الأمريكي...
بصراحة ياممدوح عرفت توقع قلوبنا وتخضنا معاك ..
والله لو كان كلامك ده صحيح وعايز تسيبنا فعلاً بجد كنت هزعل جداً
لأنك منذ ألتحاقك بابن مصر معانا وكنت ونعم الأخ الكريم الذي نفخر به
ووجودك بجد بيسعدنا وتعودنا على صراحتك المعتادة في ردودك
ومداخلاتك وربنا يوفقك في حياتك يارب ...ونسمع عنك كل الخير
يارب واوعي تخضنا تاني معاك كده فاهم ياممدوح...
وتقبل خالص تحياتي...........

[bmoiszyo]

ليه كده يا ممدوح بجد خدتني وخلتني افتكرت اني دخلت منتدي غلط وشكرا اوي علي المزحه التقيله الي تخد ديه

[كليو باترا]

لااااااا تعليق اكبر مقلب قبل ظهور نتيجة الثانوية

[بلبلة الأسكندرانية]

مسيه ممدوح ليه كده بس حرام عليك بجد والله اتخضيت ماكنتش فاهمة ايه اللى حصل
ارجوك بلاش كده تانى

[mamdou7]

المشاركة الأصلية بواسطة اميرة الاحلام

حرام عليك وقعت قلبى


انا قلت فى مصايب فى المنتدى

حرام عليك هى نقصة خضة

مفيش حاجة يا اميرة ولا مصايب ولا حاجة الحمدلله

وبعدين لازم تغيير كده علشان الواحد ميزهقش لازم خضة كده علشان الدورة الدموية تتجدد (دي نصيحة طبية من تأليفي انا )

[mamdou7]

المشاركة الأصلية بواسطة قرنفلة

أخي العزيز ممدوح...والله بجد عنوان الموضوع شدني أهنيك على ذلك...

وقلت في نفسي ياترى إيه الأسباب الجامدة اللي خلته يقول كده ؟؟؟
وبعدين قرأت وانا في قمة الإستغراب ومش مصدقة إن ممدوح الإنسان الطيب
المهذب الخلوق يقول ذلك ولماذا...وما هذا الشئ الكبير الذي دفعه لذلك
إلى أن اكملت قراءة الموضوع ووجدتك تشير إلى إسلام ذلك الأمريكي...
بصراحة ياممدوح عرفت توقع قلوبنا وتخضنا معاك ..
والله لو كان كلامك ده صحيح وعايز تسيبنا فعلاً بجد كنت هزعل جداً
لأنك منذ ألتحاقك بابن مصر معانا وكنت ونعم الأخ الكريم الذي نفخر به
ووجودك بجد بيسعدنا وتعودنا على صراحتك المعتادة في ردودك
ومداخلاتك وربنا يوفقك في حياتك يارب ...ونسمع عنك كل الخير
يارب واوعي تخضنا تاني معاك كده فاهم ياممدوح...

وتقبل خالص تحياتي...........

اختي العزيزة قرنفلة:
اولا: انا مش عارف ارد علي الكلام الحلو ده اقول ايه بجد اخجلتكم تواضعنا..
ثانيا: هو بصراحة زي ماشفتي الموضوع منقول بس انا لقيته في منتدي كان كله مشاكل والناس بتضرب في بعض وكل شوية الاقي اتنين ماسكين في هدوم بعض فكان الموضوع عادي بس انا قلت هنا مش هيبقي عادي

[mamdou7]

المشاركة الأصلية بواسطة bmoiszyo

ليه كده يا ممدوح بجد خدتني وخلتني افتكرت اني دخلت منتدي غلط وشكرا اوي علي المزحه التقيله الي تخد ديه

لا ابدا هو المنتدي صح مغلطيش ولا حاجة بس انا كنت بهزر مع الاعضاء شوية
نورتي الموضوع ونورتي المنتدي اتفضلي اتفضلي

[mamdou7]

المشاركة الأصلية بواسطة كليو باترا

لااااااا تعليق اكبر مقلب قبل ظهور نتيجة الثانوية

يا مسهل
انشاءالله يكون وشي حلو عليكم والنتيجة متطلعش مقلب
بالتوفيق ان شاءالله وشكرا علي مرورك الطيب

[mamdou7]

المشاركة الأصلية بواسطة بلبلة الأسكندرانية

مسيه ممدوح ليه كده بس حرام عليك بجد والله اتخضيت ماكنتش فاهمة ايه اللى حصل
ارجوك بلاش كده تانى

YA WELCOME YA WELCOME
ياهلا بلبلة
انا لو اعرف انك هتتخضي كده كنت حطيت كل يوم موضوع زي ده....... قصدي مكنتش حطيت الموضوع اصلا
عامة حاضر يا ستي مش هعمل كده تاني خلاص حرمت
شكرا بلبلة علي مرورك الكريم