هو لسه مش خبر مؤكد
لكن اعتقد بعد ما يعرفوا ان شاء الله
حندخل الموسوعة يعنى حندخل
شكلم كده قاعدين بتسألوا طب حندخلها ليه
اريحكم وأمرى لله
حندخلها بصفتنا اول منتدى على النت يسجل فيه عضو وفى نفس يوم تسجيله يكتب 17 موضوع جديد فى قسم واحد
الغريبة فى الامر ان العضو ده نسى يكتب اهم موضوع اللى هو موضوع تعريف بيه عشان نرحب بيه فى البيت بيتك
شكله كده ما كانش فاضى للموضوع ده
أنا ابتديت اشك انى مش طبيعى
لما شفت منتدى ابن مصر اول مرة قعدت اتصفحه كده واقرا فيه لمدة شهرين عرفت تقريبا الاعضاء بتوعه قبل ما أسجل
عجبنى سجلت فيه وابتديت ارد على مواضيع فى استحياء الاول......وراح الاستحياء
ابتديت اكتب موضوع وبعد شوية موضوع تانى
استويت على نار هادية زى ما بيقولوا
عرفت يعنى ايه قيمة رد ويعنى ايه قيمة موضوع
مش باقولكم مش طبيعى
لما دخلت ابن مصر النهارده اتخضيت
اول حاجة تبادرت لذهنى ان احمد كمال أو ابن مصر عملوها
وباعوا قاعة ابن مصر العامة لهذا العضو
والراجل طبعا بصفته مالك لها ما قصرش بصراحة
أداها 17 موضوع جديد اول ما استلم صك الملكية
عمر التميز ابدا ما كان بالكم ولكنه دائما بالكيف
زياده اى شىء عن حده حتما تأتى بنتيجة عكسية وتفقده بريقة الذى قد يكون مستحقا له
اديكم جزء من سر المهنة
خلى الناس تبقى متشوقة لمواضيعك لردودك
لما بيلاقوك رشيت رشة جرئية جدا من المواضيع والردود فى فترة قصيرة بل فى يوم واحد,,,كلامك بيرخص عندهم....عادى ما هو مالى الدنيا قصدى المنتدى
امنحهم فرصة لالتقاط أنفاسهم
امنحهم فرصة يقروا كلامك ويفكروا فيه فيقدروا يردوا عليه صح
عموما الموضوع له جانب ايجابى
أننا أخيرا حندخل موسوعة جينيس
والله يا اولاد ابن مصر حتبقوا عالميين
صبرتم ونلتم
تحياتى
مواضيع مشابهة
...........
)
النمط الخطي
