اولا اهلا وسهلا بيك ...
وبعدين عاوزه اقوللك ايه اللي دخل علاقه الرجل بالمراه في الحكايه ,,,
انا هفهمك ازاي تستخدم او تتفاعل معانا ..
اولا : في كذا قسم في المنتدى ..
قسم البيت بيتك :: للترحيب بالاعضاء الجدد اللي زيك واذا عندك مشكله تقولهالنا عشان احنا بنشارك بعض في الحلوه والمره ..
قسم ابن مصر العامه : ده بقى ياسيدي تحط فيه مواضيعك الحلوه واللي محتاجه مناقشه ...
قسم ضحك ولعب :: باين من عنوانه ده للتسليه ولو عندك لعبه حلووه تشاركنا فيها ,,,
قسم حبر وورقه : ده بقى لو عاوز تكتب قصه او شعر او اي عمل ادبي تتوجه للقسم ده ..
قسم الانص الحلو :: وهو كل ما يختص بعالم المرأه يعني لو عندك حاجه تخص المرأه تحطها هناك ..
قسم طبيبك اون لاين وده بقى عن الطب ولالمراض وكيفيه الوقايه منها وكل ما يختص بعالم الطب وكده ..
قسم رياضه في رياضه : وده طبعا للمواضيع الرياضيه يعني الاهلي عمل كده قام الزمالك رد عليه بكده وفي الاخر اتصالحوا .. ومش لازم اهلي وزمالك بس ده على سبيل المثال يعني ..
قسم حوار اسلامي :: وده بيختص بكل ما يخص الدين ..
قسم فلسطين :: وده يختص بطرح القضايا الفسطينيه وما يتعرض اليه اخواننا في فلسطين ونعرض مواضيع لازم الوقوف عندها ومناقشتها ونبين للعالم ان الارض لفلسطين ومش لاي حد تاني ,,,
قسم المقترحات والشكاوى :: وده بقى ياسيدي لو عاوز تشتكي ده بعد الشر يعني لان احنا هنا كلنا اخوان وان شاء الله ما فيش شكاوى ,, وكمان لو عندك اقتراح او لو قابلتك اي مشكله في المنتدى وكده ..
وفي اقسام تانيه تختص بعالم الانتر نت ..
كيفيه طرح المواضيع ::
اولا اخويا لازم يبقى الموضوع هادف ... ولازم تختار القسم المناسب للموضوع والعنوان المناسب ..
مش العنوان اللي انت حاطه ده >>> (( هزار ما تخدش ف خاطرك )),,
وبعدين لو كان الموضوع منقول ف ياريت ومن باب الاحترام للانسان اللي تعب في كتابه الموضوع ياريت تكتب في الاخر منقول ... وده للامانه ..
كيفيه الرد ...
لازم تتردع اللي تعب نفسه وحط الموضوع او حتى نقله ترد عليه رد منطقي مش اي رد سطحي محبط ..
ولازم تشجعه خصوصا لو كان مستجد ...
ويا ريت ابقى وفيت في الشرح وافادتك ...
ملحوظه ::: (( كل اعضاء المنتدى عساسيل ومن انهارده زي اخوانك ف ماتترددش في اي حاجه عاوزها خالص وما تتكسفش في التعبير عن الللي جواك لانهم كلهم بيحترموا آراء الاخرين ))
ويلا بقى سلاموووووووووووز وحته ,,,
مواضيع مشابهة
النمط الخطي
